எழுத்துரு அளவு Larger Font Smaller Font

உலகின் முதல் தானோட்டி டிராம் வண்டியை, ஜெர்மனியிலுள்ள பாட்ஸ்டாம் நகரில் தொழில்நுட்ப வல்லுநர்கள், வெற்றிகரமாக வெள்ளோட்டம் பார்த்து உள்ளனர்.

ரயில்களைப் போல அல்லாமல், டிராம் வண்டிகள், நகரின் சாலைகளுக்கு நடுவே புகுந்து செல்பவை. எனவே, பாதசாரிகள், இரு சக்கர வாகனங்கள், டிராமின் தண்டவாளத்திற்குக் குறுக்கே திடுமென வரும் வாய்ப்புகள் அதிகம். சீமென்ஸ் நிறுவனத்தின் கூட்டுறவில் தயாராகி இருக்கும் இந்த தானோட்டி டிராம் வண்டி, அத்தகைய குறுக்கீடுகளின்போது, பிரேக் போட்டு நின்று, பின் சென்று காட்டியது. பாட்ஸ்டாம் நகருக்கு அருகே உள்ள பெர்லின் நகரில் நடக்கும், இன்னோ டிரானஸ் - 2018 என்ற போக்குவரத்து தொழில்நுட்பக் கண்காட்சியை ஒட்டி இந்த வெள்ளோட்டம் நடத்திக் காட்டப்பட்டது. தானோட்டி கார்களில் உள்ள ஏதே லிடார், உணரிகள், கேமராக்கள், செயற்கை நுண்ணறிவு மென்பொருள் போன்ற தொழில்நுட்பங்களை, இந்த தானோட்டி டிராம் வண்டியும் பயன்படுத்தியது.

தமிழில் கருத்துக்களை தெரிவிக்க -  


Security code
Refresh

Banner
Banner