எழுத்துரு அளவு Larger Font Smaller Font

 

எதிர்காலத்தில் விவசாயிகள் மின் உற்பத்தியாளர்களாகப் போகின்றனர். அதற்கு தடையாக இருப்பது நிழல். சூரிய மின் பலகைகளை விளை நிலத்தில் வைத்தால், விவசாய நிலங்களும் மின்சாரத்தை உற்பத்தி செய்யலாம்.

ஆனால், மின் பலகைகளுக்கு கீழே நிழல் விழும். அது பயிர்களுக்கு எதிரி. இந்த சிக்கலை தவிர்க்கும் தொழில்நுட்பத்தை உருவாக்கியுள்ளது சீனாவிலுள்ள யு.எஸ்.டி.சி., தொழில்நுட்ப பல்கலைக்கழகத்தின் ஆராய்ச்சிக் குழு.

சூரிய மின்பலகைகளுக்குப் பதிலாக, சூரிய ஒளியை குவியவைக்கும் ‘கான்சன்ட்ரேட்டர்’களை வைக்கலாம் என்கிறார் சீன ஆய்வுக்குழுவின் தலைவரான ஜான் இன்ஜென்ஹாப்.

இந்தக் கருவியில் குவி ஆடிக்கு பதிலாக, சீன விஞ்ஞானிகள் உருவாக்கியுள்ள புதியவகை பாலிமர் காகிதத்தை ஆடிபோல பயன்படுத்தலாம். அதே சமயம், கண்ணாடி காகிதத்தை ஊடுருவும் சூரிய ஒளி, கீழே விளையும் பயிர்களுக்கும் கிடைக்கும் என்கிறார் ஜான். பெரும்பாலான பயிர்களுக்கு சூரிய ஒளியில், 10 சதவீதம் கிடைத்தாலே போதும் என்பது அறிவியல் உண்மை. சூரிய கதிரில் உள்ள ஏழு வண்ணங்களில் நீலம் மற்றும் சிவப்பு ஒளிக் கற்றைகள் இருந்தாலே பயிர்கள் வளரும். விவசாயி என்ன பயிரிடுகிறாரோ, அதற்கு ஏற்ற ஒளி வண்ணத்தை மட்டும் வழிவிடும் பாலிமர் காகிதங்களை தயாரிக்கும் தொழில்நுட்பத்தை உருவாக்கியிருப்பதாக, ஜான் அறிவித்துள்ளார். இந்த தொழில்நுட்பம் பரவலாகக் கிடைத்தால், விவசாயி, தன் விளை நிலத்தில் மின் உற்பத்தி செய்து அதை மின்வாரியத்திற்கு விற்கலாம்.

சூரிய ஒளி குறையும் பருவத்தில், பயிர்களுக்கு போதிய சிவப்பு, நீல ஒளி கிடைக்க, மின் பலகைகளுக்கடியில் எல்.இ.டி விளக்குகளை பொருத்தி, கிடைக்கும் மின்சாரத்தில் பயிர்களுக்கு வேண்டிய சிவப்பு, நீல ஒளியை பாய்ச்சி விளைச்சலை பெருக்கலாம். இவை தடுக்கப்பட்டால், பயிர்களுக்கு நீர்த் தேவையும் கணிசமாக குறையும் என்கிறார் ஜான்.

நிலவின் மீது பூமியின் நிழல் விழும்

வானியல் நிகழ்வு

ஜூலை 27ஆம் தேதி, இந்த நூற்றாண்டின் மிக நீளமான சந்திர கிரகணம் (நிலவின் மீது பூமியின் நிழல் விழும் வானியல் நிகழ்வு) நிகழ இருக்கின்றது. இந்த சந்திர கிரகணத்தின் மிக முக்கிய நிகழ்வாக, ஆரம்பத்திலேயே பிளட் மூன் எனப்படும்  இளஞ்சிவப்பு நிலவு தோன்ற இருக்கிறது.

நீல நிலவு, கருமையான நிலவு, செந்நிற நிலவு, மற்றும் மிகபெரிய நிலவு என்று அடிக்கடி நாம் கேள்விப் பட்டதுண்டு. ஆனால் இந்த நிலாக்களுக்கும், இந்த பெயர்களுக்கும் உள்ள காரணம் ஏன் என்று தெரியுமா?

நீல நிலவு இதை புளு மூன் என்று ஆங்கிலத்தில் தான் பெரும்பாலும் அழைக்கின்றனர்.

இந்த பெயரில் இருக்கும் நிறத்திற்கும் நிலவின் நிறத்திற்கும் எந்த ஒரு தொடர்பும் கிடையாது. மாதத்தில் தோன்றும் இரண்டாவது முழுநிலவின் பெயர் தான் நீல நிலவு என்று கூறுகிறார்கள். ஆனால் சில சமயங்களில் இது மிகபெரிதாக காட்சிதரும் 1940களில் தான் நில நிற நிலவு(புளு மூன்) என்ற வார்த்தை பயன்பாட்டிற்கு வந்தது. இந்த ஆண்டின் தொடக்கமான ஜனவரி 31ஆம் தேதி நீல நிலவுடன் கூடிய நிலவின் மீது பூமியின் நிழல் விழும் நிகழ்வு தோன்றியது குறிப்பிடத்தக்கது. 150 ஆண்டுகளுக்கு ஒரு முறை மட்டுமே இது போன்ற அரிய நிகழ்வுகள் நடைபெறும் என்பதும் குறிப்பிடத்தக்கது.

இந்த ஆண்டு மார்ச் மாதம் மீண்டும் ஒரு நீல நிற நிலவு தோன்றியது குறிப்பிடத்தக்கது. ஒரு ஆண்டில் இரண்டு மிகபெரிய நீல நிலவுகள் தோன்றுவதும் மிகவும் அரிது. அடுத்து இது போன்ற இரண்டு நீல நிலவுகள் 2037ஆம் ஆண்டில் மட்டுமே தோன்றும்.

கருப்பு நிலவு

ஒரே மாதத்தில் நிகழும் இரண்டாவது அமாவாசை (நிலவில்லா இரவைக் குறிக்கும் நிகழ்வினைக் குறிப் பிடுவது இந்த கருப்பு நிலவு ஆகும்.  ஒவ்வொரு 32 மாதங்களுக்கும் ஒரு முறை இந்நிகழ்வு நடக்கும்.

இளஞ்சிவப்பு நிற நிலவு

இளஞ்சிவப்பு நிற நிலவு பிளட் மூன் என்பது  பூமி சூரியனுக்கும் நிலவிற்கும்  நடுவில் பயணிக்கும் போது, சூரியனில் இருந்து நிலவிற்கு கிடைக்கும் ஒளி தடைப்பட்டு, பூமியின் நிழல் நிலவின் மீது விழுவதால் சூரிய ஒளியும் பூமியின் பட்டு எதிரொளிக்கும் சூரிய ஒளியும் சேர்ந்து நிலவை இளஞ்சிவப்பு நிறத்தில் .அழகாக தோன்றும் இதனையே ப்ளட் மூன் என்று சொல்கின்றார்கள்.

சூரியனின் நிலவின் நிழல் விழும்போது ஏற்படும் சூரிய கிரகணம் போன்று இதை பாதுகாப்பான கண்ணாடிகள் வழியாக பார்ப்பதைப் போல் இல்லாமல் நேராடியாகவே வெறும் கண்களால் இந்த இளஞ்சிவப்பு நிலவைக் காணலாம். வருகின்ற ஜூலை 27ஆம் தேதி இந்நிகழ்வு நடைபெற இருக்கின்றது. இந்த நூற்றாண்டில் நடைப்பெற இருக்கும் மிக நீண்ட சந்திர கிரகணம் ஆகும்.

சூப்பர் மூன்

இது பூமிக்கு மிக அருகில் தோன்றும் முழுநிலவாகும். இந்த முழுநிலவு, 30விழுக்காடு பிரகாசமாகவும், 14விழுக் காடு பெரியதாகவும் தோன்றும். ஜனவரி 31ஆம் தேதி தோன்றிய முழுநிலவு சூப்பர் மூன் ஆகும். பூமிக்கு மிக அருகில் நிலவு வரும் புள்ளி பெரெகே எனப்படும்.

‘ஆட்டோஃபோகல்’

கண் கண்ணாடி!

வயது ஆக, ஆக, கண்களின் பார்வைத் துல்லியம் குறைகிறது. இந்தக் குறையை போக்க, கண் கண்ணாடிகள் பெருமளவு உதவினாலும், அவற்றிலும் சிக்கல்கள் உள்ளன.

ஒரே கண்ணாடியில் படிப்பது, கிட்டப் பார்வை, தூரப் பார்வை போன்ற மூன்று வசதிகளையும் கொண்ட, ‘புரகிரசிவ்’ கண்ணாடிகள்கூட, கண்களுக்கு அசதியைத் தரக்கூடியவைதான். இதற்கு தீர்வு கண்டிருக்கிறார் நிதீஷ் பத்மனாபன். அமெரிக்காவிலுள்ள ஸ்டான் போர்டு பல்கலைக்கழக ஆராய்ச்சியாளரான இவரும், இவரது குழுவினரும், ‘ஆட்டோஃபோகல்’ என்ற புத்திசாலி கண்ணாடியை வடிவமைத்துள்ளனர்.

இந்தக் கண்ணாடியில், கண்கள் பார்க்கும் திசை, தூரம் போன்றவற்றை அளக்கும் உணரிகள் உள்ளன.

அணிபவரின் பார்வைக் குறைபாட்டின் அளவு களை, இந்தக் கண்ணாடியிலுள்ள சிறிய கணினிக்கு முன்பே தந்துவிட்டால், அந்தக் குறைபாட்டை இட்டுக்கட்டி ‘20/20’ எனப்படும் துல்லியமான பார் வையை ஆட்டோஃபோகல் கண்ணாடி தந்துவிடுகிறது.

நிதீஷ் வடிவமைத்துள்ள இக் கருவியிலுள்ள ஆடிக்குள் உள்ள திரவத்தை மின் துண்டல் மூலம் கிட்டப் பார்வை, தூரப்பார்வை போன்றவற்றை வினாடியில் மாற்றிவிட முடிகிறது. வரும் ஆகஸ்டில் வெள்ளோட்டம் விடப்பட விருக்கும் ஆட்டோஃபோகல் கண்ணாடியை, ஒருவர் வாழ்நாள் முழுவதும் பயன் படுத்த முடியும் என, ஊடகங்களிடம் தெரிவித்தி ருக்கிறார் நிதீஷ்.

மனிதனின் மனதை புரிந்துகொள்ளும் ரோபோ!

மனிதனும், ஹியூமனாயிடு எனப்படும் மனித வடிவ ரோபோக்களும், சகாக்களாக சேர்ந்து வேலை செய்யும் காலம் விரைவில் வரப்போகிறது. அப்போது, மனிதர்கள் சொல்வதை புரிந்து கொண்டு வேலை செய்யும் திறன், ரோபோக்களுக்கு அவசியம்.

இதற்கான ஆய்வில் ஈடுபட்டிருக்கிறது அமெரிக்கா விலுள்ள மாசாசூசெட்ஸ் தொழில்நுட்ப நிலையம். அதன் செயற்கை நுண்ணறிவுத் துறையிலுள்ள ஆய் வாளர்கள், ‘பாக்ஸ்டர்’ என்ற மனித வடிவ ரோபோவை, தங்கள் மனதாலும், சைகையாலும் கட்டுப்படுத்தும் முறையை உருவாக்கி உள்ளனர். ஒரு ஆய்வாளர் மூளையின் மின்னலைகளை உணரும், இ.இ.ஜி., சாதனத்தை தலையில் அணிந்தபடி பாக்ஸ்டர் ரோபோ செய்யும் வேலையை கவனிக்கிறார்.

அந்த ரோபோ, தவறான இடத்தில் துளையிடும் கருவியால் துளை போடப் போகும்போது, ஆய்வாளரின் மூளையில் அது தவறு என்று தோன்றுகிறது. அதை மின்னலைகள் மூலம் படிக்கும் ரோபோ தன் செயலலை நிறுத்தி விடுகிறது.

 

தமிழில் கருத்துக்களை தெரிவிக்க -  


Security code
Refresh

Banner
Banner