எழுத்துரு அளவு Larger Font Smaller Font

தண்ணீர் வடிகட்டியாகும் ஆரஞ்சு தோல்!

வீணாகும் ஆரஞ்சு மற்றும் எலுமிச்சை தோல்களை வைத்து, அசுத்தமான நீரை வடிகட்டவும், அதிலுள்ள பய னுள்ள உலோகங்களை பிரித் தெடுக்கவும் முடியும் என, மெக் சிகோ மற்றும் ஸ்பெயின் நாட்டு ஆராய்ச்சியாளர்கள் கண்டறிந் துள்ளனர். உலகெங்கும் ஆண்டுதோறும் வீணாகும், 3.8 கோடி டன்கள் ஆரஞ்சு, எலுமிச்சை போன்ற பழங்களின் தோல்களை, உயர் அழுத்த முறையில் பதப்படுத்தினால், அத்தோல் பொருட்களுக்கு, நீரை வடிகட்டும் திறன் உருவாகிறது என்பதை ஸ்பெயினின் கிரனடா பல்கலைக்கழகம் மற்றும் மெக்சிகோவிலுள்ள மின் வேதியியல் ஆராய்ச்சி மய்யம் ஆகியவற்றின் ஆராய்ச்சியாளர்கள் கண்டறிந் துள்ளனர்.

பதப்படுத்தப்பட்ட பழத் தோல்களை வடிகட்டிகளில் அடைத்து, அசுத்த நீரை சுத்தமாக்க பயன்படுத்துவதோடு, பல பயனுள்ள உலோகங்களையும் வடித்தெடுக்க முடிவதாக ஆராய்ச்சியாளர்கள் தெரிவித்துள்ளனர். இவை கரி அடிப்படையிலான வடிகட்டிகளை விட அதிக பயன் தரக்கூடியவையாக இருப்பதால், பழத்தோல் வடிகட்டிகளை வர்த்தக ரீதியியிலும் தயாரித்து வினியோகிக்க முடியும் என, ஆய்வுகள் உறுதிப்படுத்துகின்றன. தூய்மையில்லா நீரை குடிநீராக்க, வீணாகும் பழத்தோல்கள் உதவுவது ஆச்சரியம்தானே?

வெப்பநிலைக்கு ஏற்ப மாறும் துணி!

வெயில், குளிர் போன்றவற்றிலிருந்து தப்பிக்க, பல வகை உடை களும், ‘ஏசி’, மின் விசிறி போன்ற சாதனங்களும் கண்டுபிடிக்கப்பட்டன. ஆனால், உடையே எந்த தட்பவெப்ப நிலைக்கும் ஏற்றவாறு மாறி நம்மைக் காக்க முடிந்தால் எப்படி இருக்கும்?அதைத்தான் செய்கிறது, ‘அதர்லேப்’ என்ற நிறுவனம் உருவாக்கியிருக்கும் ஒரு புதுவகை துணி.

நைலான், பாலியஸ்டர் போன்ற பொருட்களின் அடுக்குகளைக் கொண்டு, வெளியே குளிர் அதிகமாக இருந்தால் கதகதப்பையும், வெப்பம் அதிகமாக இருந்தால், குளிர்ச்சியையும் தரும் விதத்தில் இந்த புதுவித துணி இருக்கிறது.இரு வேறு தட்பவெப்ப நிலைக்கேற்றபடி விரிவடையும் தன்மையுள்ள இரு விதமான இழைகளை இணைத்து உருவாக்கிய துணியால், வெளியே குளிர்ச்சி ஏற்பட்டால், துணியின் இரு அடுக்கு இழைகள் விரிவடைந்து இடைவெளியை ஏற் படுத்துகின்றன.

இதனால் அணிபவர் கதகதப்பை உணர்வார். வெளியே வெப்பம் அதிகமாக இருந்தால், இரு இழை அடுக்குகள் சுருக்கமடைய, அணிபவர் குளிர்ச்சியை உணர்வார்.இந்த புதுவகை துணியை சோதனைக்காக பிறர் அணிந்தபோது, அவர்கள் மிகவும் இதமாக இருப்பதாக தெரிவித்துள்ளனர். இது சந்தைக்கு வந்தால், குளிர் சாதனங்கள் போன்றவை தேவைப்படாது என்கிறது.

அபூர்வ புதைப்படிவம்

எரிமலைக் குழம்பு ஏரியில் 48 கோடி ஆண்டுகளுக்கு முன்னால் புதையுண்டு போன பாம்பின் புதை படிவத்தை கண்டெடுத்ததே வியப்பின் உச்சம். அதிலும் அப்படிப் புதைபடிவமாகிப்போன பாம்பின் உடலுக்குள் ஒரு பல்லியும், அந்தப் பல்லியின் வயிற்றில் ஒரு வண்டும் காணப் பட்டால்! வண்டை விழுங்கிய பல்லியை ஒரு பாம்பு விழுங்கிய ஓரிரு தினங்களில் எரிமலை ஏரியில் சிக்கி புதையுண்டு மரித்துப்போயிருக்கிறது. அதே நிலையில் புதைபடிவமாகிப்போனதால் இத்தனை கோடி ஆண்டுகளாக அது சிதையாமல் ஒரு அபூர்வமான உணவுச் சங்கிலியையும் அப்படியே தக்கவைத்திருக்கிறது.

தனித்துவ பதனப்படுத்துதல்

இந்த அதிசயப் புதைபடிவத்தை ஜெர்மனியின் ஃபிராங்கஃபர்ட் நகரின் அருகில் உள்ள மெஸ்ஸல் பிட் பகுதியிலிருந்து ஆய்வாளர்கள் கண்டெடுத்திருக்கிறார்கள். பொதுவாக விலங்குப் புதைபடிவங்களுக்குள் உணவைக் காண்பது அரிது. ஆனால் மெஸ்ஸல் பகுதியில் காணப்படும் தனித்துவமான பதனப்படுத்தும் தன்மை யால், ஏற்கெனவே இதுபோன்று ஏராளமான பொருட்கள் கண்டெடுக்கப் பட்டுள்ளன. காலத்தைக் கணிக்க முடியாத அளவுக்கு எண்ணற்ற ஆண்டுகளுக்கு முன்னால் புதையுண்டுபோன குதிரையின் வயிற்றில் திராட்சையும் இலைகளும், பறவையின் குடலில் மகரந்தம், புதைபடிவமாகிப்போன மீனின் வயிற்றுக்குள் பூச்சிகள் இப்படிப் பலவற்றை ஃபிராங்ஃபர்ட் நகரில் உள்ள செங்கர்பெர்க் ஆய்வு நிறுவனத்தின் ஆராய்ச்சியாளர்கள் கண்டெடுத்துள்ளனர்.

கோடி ஆண்டுகளுக்கு முன்

மூன்று அடுக்கில் புதை படிவமாகிப் போன உணவு சங்கிலியைக் கண்டு பிடித்திருப்பது இதுவே முதல் முறை. 3.4 அடி நீளமான பாம்பின் உடம்புக்குள் 20 சென்டிமீட்டர் நீளமுள்ள பல்லி காணப்படுகிறது. அதுவும் அந்தப் பாம்பின் எலும்புக் கூட்டுக்குள்ளேயே இந்தப் பல்லி படிவமாகிக் கிடப்பதால், அதை நிச்சயமாகப் பாம்புதான் விழுங்கியிருக்க வேண்டும் என்பது உறுதியாகிறது.

மேம்படுத்தப்பட்ட கணினித் திரை மூலமாக டாக்டர் ஸ்மித்தும் அவருடன் இணைந்து பணியாற்றும் அகஸ்டின் ஸ்கான்ஃபர்லாவும்தான் பாம்புக்குள் இருக்கும் பல்லியின் படத்தை முதன் முதலில் கண்டெடுத்தார்கள். அதிலும் பல்லியின் வயிற்றில் வண்டைக் கண்டதன் மூலம் ஒரு புதிய நிலைப்பாட்டை எட்டியிருக்கிறார்கள். இதற்கு முன்னால் கிடைத்த பல்லியின் புதை படிவங்களுக்குள் தாவரங்களின் மிச்சம் மட்டுமே இருந்திருக்கிறது. ஆனால் இப்போது இந்தப் பல்லியின் வயிற்றில் வண்டு இருப்பதால், கோடிக் கணக்கான ஆண்டுகளுக்கு முன்பே பல்லிகள் தாவரங்களை மட்டுமல்லாமல் பூச்சிகளையும் உண்டு வந்திருப்பது இதன் மூலமாகத் உறுதிசெய்யப்பட்டுள்ளது. இப்படிப் பல வர லாற்று புரியாத முடிச்சுகளை அவிழ்த்துள்ளது இந்த

அபூர்வமான புதைபடிவம். கருந்துளைகளை படம்பிடிக்க முடியுமா?

ஹப்பிள் விண்வெளி தொலைநோக்கியால் அது அண்மையில் முடிந்திருக்கிறது.

ஒரு மாபெரும் கருந்துளை, ஈர்ப்பு அலைகளால் உந்தித் தள்ளப்பட்டு, ஒரு நட்சத்திரக் கூட்டத்திலிருந்து அதி வேகமாக வெளியேறும் அந்தக் காட்சியை ஹப்பிள் பதிவு செய்ததை, அமெரிக்க விண்வெளி அமைப்பான, ‘நாசா’ உறுதி செய்திருக்கிறது.

சாலையில் வாகனங்கள் பிரேக் போடும்போது ஏற்படும் உராய்வால், தாமிரம், இரும்பு, மாங்கனீசு போன்ற உலோகங்களின் நுண்துகள்களும், சக்கர ரப்பர் துகள்களும் காற்றில் கலக்கின்றன. அப்படி கலக்கும்போது ஏற்கனவே நகரக் காற்றிலிருக்கும் நச்சு வேதிப் பொருட்களுடன் வினை புரிந்து, மேலும் நச்சுத் தன்மையை கூட்டுகின்றன.

இவற்றை சுவாசிப்பவர்களுக்கு ஆஸ்துமா, மூச்சுத் திணறல் உள்ளிட்ட பல சுவாச நோய்கள் வர வாய்ப் பிருப்பதாக, ‘என்விரோன்மென்டல் சயின்ஸ் அண்ட் டெக்னாலஜி’ ஆய்விதழில் வெளியான ஒரு கட்டுரை தெரிவிக்கிறது.

---

அறிவியல் துளிகள்

தூக்கத்திற்கு மரபணு  

தூக்கத்திற்கும் மரபணுக்களுக்கும் தொடர்பு உண்டா? உண்டு என்பதை மட்டுமல்ல, தூக்கத்தின் தன்மையை கட்டுப்படுத்தும் மரபணுவை, அமெரிக் காவிலுள்ள வாஷிங்டன் மாநில பல்கலைக்கழகத்தின் விஞ்ஞானிகள் கண்டறிந்துள்ளனர்.

எலி, ஈ போன்றவற்றில் இந்த மரபணுவை ஆராய்ந்த பிறகு, மனிதர்களின் மூளையிலும் இந்த மரபணு இருப்பதை அவர்கள் உறுதி செய்துள்ளனர். இந்த கண்டுபிடிப்பு, ‘சயன்ஸ் அட்வான்சஸ்’ இதழில் வெளியிடப்பட் டுள்ளது. புழுவைப் போல நெளிந்து செல்லும் ஒரு புதிய வகை திரவத்தை அமெரிக்கா விலுள்ள பிராண்டெய்ஸ் பல்கலைக்கழக விஞ்ஞானிகள் உருவாக்கியுள்ளனர்.

பொதுவாக திரவங்கள், சாய்வான தளங்களில் தான் கீழ்நோக்கி ஓடும். ஆனால், இப்புதிய திரவம், சம தளத்திலேயே, எந்தவித உந்து சக்தியும் இல்லாமல் நெளிந்து நெளிந்து செல்கிறது. உயிர் களின் செல்களுக்குள் புரோட்டீன் போன்றவை நார்ச் சத்துக்களின் பலத்துடன் பயணிப்பதை கவ னித்து இத்திரவத்தை விஞ்ஞானிகள் உருவாக்கி யுள்ளனர்.

காற்று வெளியை
சுத்தம் செய்யும் கருவி!   

கழுத்தில் நகை போல அணியும் காற்று வடிகட்டியான, ‘ஏர்விடா’ அணிபவரைச் சுற்றியுள்ள காற்றினை சுத்தப்படுத்துகிறது.

காற்றில் மிதக்கும் துசுகள், வேதியல் மாசுகள், மகரந்தங்கள் போன்றவை பலருக்கு சுவாச நோய்களையும், ஒவ்வாமைகளையும் ஏற்படுத்து கிறது. இந்த மாசுகளை ஏர்விடா சாதனம் எதிர்மறை அயனிகளை உருவாக்குவதன் மூலம், அணிபவரை காக்கிறது.எதிர்மறை அயனிகள் மாசுகளை ஈர்க் கின்றன. இதனால் அந்த மாசுகள் திரண்டு கனமாகி, தரையை நோக்கி செல்கின்றன. எனவே, ஏர் விடாவை அணிந்திருப்பவருக்கு எப்போதும் துய காற்றே சுவாசிக்கக் கிடைக்கிறது.

கணிப் பொறியின், யு.எஸ்.பி., மூலம் மின்னேற்றம் செய்து கொள்ளக்கூடிய இந்தக் கருவியின் எடை வெறும், 70 கிராம் தான். குறிப்பிட சில நாட்களுக்கு ஒரு முறை இக்கருவியின் வடிகட்டியில் சேறும் துசுகளை சுத்தப்படுத்த வேண்டியிருக்கும் என்கிறது ஏர்விடாவின் இணைய தளம்.



.
 

இப்பிரிவில் அண்மைச் செய்திகள்:
இப்பிரிவில் முந்தையச் செய்திகள்:

தமிழில் கருத்துக்களை தெரிவிக்க -  


Security code
Refresh

Banner
Banner