எழுத்துரு அளவு Larger Font Smaller Font

அறிவியல் துகள்கள்

ஒருவரது ரத்த வகையை அறிந்துகொள்ள ஆய்வுக்கூடத்தில் தான் சோதனை செய்ய வேண்டும். ஆனால், சீனாவை சேர்ந்த ராணுவ மருத்துவ பல்கலைக்கழகத்தை சேர்ந்த விஞ்ஞானிகள், காகிதப் பட்டையை வைத்தே எல்லா ரத்த வகைகளையும், 30 வினாடிகளில் அறிந்துகொள்ளும் முறையை உருவாக்கியுள்ளனர்.

வயதானவர்கள் நிலை தவறி கீழே விழுவதால் எலும்பு முறிவு முதல், பல ஆபத்துகள் ஏற்படுகின்றன. இதை தடுக்க, வயதானோர் கீழே விழுவதை மூன்று வாரங்களுக்கு முன்பே கணித்து சொல்லும் முறையை, அமெரிக்காவிலுள்ள மிசவுரி பல்கலைக்கழக மருத்துவர்கள் உருவாக்கியுள்ளனர்.

ஆக்ஸ்போர்டு பல்கலைக்கழக விஞ்ஞானிகள், மனிதர்களின் உதட்டு அசைவுகளை படித்து புரிந்துகொள்ளும் திறனை ஒரு செயற்கை நுண்ணறிவு மென்பொருளுக்கு தந்து வெற்றி கண்டுள்ளனர். இது, மனிதர்களை விட துல்லியமாக பிறரது உதட்டசைவுகளை படித்து விடுகிறது. பி.பி.சி., செய்தி நிகழ்ச்சிகளின் ஒளிப்பதிவுகளை வைத்து ஆக்ஸ்போர்டு விஞ்ஞானிகள் அந்த மென்பொருளுக்கு பயிற்சி தந்துள்ளனர்.

ஆஸ்திரேலிய சிலந்தி வகை ஒன்றின் விஷம், 15 நிமிடத்தில் மனிதனை கொல்லும் சக்தி கொண்டது. ஆனால், அதே சிலந்தியின் விஷத்தில் உள்ள ஒரு பொருள், பக்கவாதம் தாக்கப்பட்ட மனித மூளையில் செல்கள் அழிந்துவிடாமல் காக்கும் திறன் கொண்டது என்பதை ஆஸ்திரேலிய விஞ்ஞானிகள் கண்டறிந்துள்ளனர்.

ரோபோக்கள் மனிதர்களுடன் பழகும்போது, மனிதர்கள் சொல்வது புரியாமல் போக வாய்ப்புகள் அதிகம். இந்த குழப்பத்தை தவிர்த்து, மனிதர்களிடம் சரியான கேள்விகள் கேட்டு, விளக்கம் பெறும் திறனை ரோபோக்களுக்கு அளித்துள்ளனர், அமெரிக்காவிலுள்ள பிரவுன் பல்கலைக்கழக விஞ்ஞானிகள்.

சிலிக்கன் சில்லுக்குள் மரம்!

ரோபோக்களை வேலைக்கு அமர்த்துவது இப்போது செய்தி களில் அடிபடுகின்றன. இந்த ரோபோக்கள் இயங்க மின்சக்தி அவசியம். ஆனால், இவற்றுக்கான மின்கலன்கள் அதிக எடையுள்ளவையாக இருப்பதால், ரோபோக்களை சிறிய அளவில் தயாரிப்பது சவாலாக உள்ளது.இதற்கு இயற்கையிடமிருந்து ஒரு உத்தியை, அமெரிக்காவைச் சேர்ந்த மாசாசூசெட்ஸ் தொழில்நுட்ப நிலைய விஞ்ஞானிகள் உருவாக்கி உள்ளனர். மரம் எப்படி நிலத்திலிருந்து நீரை உறிஞ்சி, இலைகளின் மூலம் சர்க்கரையை உருவாக்கி, தனக்கு வேண்டிய சக்தியை உருவாக்கு கிறது என்பதை கவனித்து, அதே போல, ஒரு சிறிய சிலிக்கன் சில்லில் செயற்கையாக ஒரு சாதனத்தை அவர்கள் உருவாக்கியுள்ளனர். ’ட்ரீ ஆன் எ சிப்’ எனப்படும் இந்த தொழில்நுட்பம் பரிசோதனை நிலையை தாண்டினால், சில சர்க்கரை கட்டிகளை வைத்தே சிறிய ரோபோக்களை இயக்கலாம் என்று விஞ்ஞானிகள் கணித்துள்ளனர்.


புற்றுநோய் கட்டிகளை நீக்க உதவும் ஒளிரும் திரவம்

புற்றுநோய் கட்டியை துல்லியமாக அறுவை சிகிச்சை மூலம் நீக்குவது சவாலானது. அமெரிக்காவிலுள்ள மிச்சிகன் தொழில்நுட்ப பல்கலைக்கழக விஞ்ஞானிகள், ஒரு ஒளிரும் திரவத்தை புதிதாக உருவாக்கியுள்ளனர்.

இதை உடலில் செலுத்தினால், புற்றுநோய் கட்டி முழுவதும் ஒளிரும். அதை வைத்து, புற்றின் சுவடே இல்லாமல் கட்டியை முழுமையாக நீக்க முடியும் என, இதை உருவாக்கிய வேதியல் விஞ்ஞானி ஹையிங் லியு தெரிவித்துள்ளார்.

நம் உடலில் ஒரு கடிகாரம் உண்டு. ஆனால், அது எங்கே இருக்கிறது? இந்தக் கேள்விக்கு, ‘கரன்ட் பயாலஜி’ ஆய்விதழில், நரம்பியல் விஞ்ஞானியான எரிக் ஹெர்சாக் விடை யளித்திருக்கிறார்.

இதுநாள் வரை செல்களின் உள் அமைப்பில் இருக்கும், ‘அஸ்ட்ரோசைட்’ எனப்படும் பகுதியை, செல்களுக்கு ஆதரவாக இருக்கும் துணை செல்கள் அல்லது வெறும், ‘இடம் நிரப்பிகள்’ என்று கருதப்பட்டன. உடலின் பெரும்பாலான செல்களில் இருக்கும் அவை தான் உயிரி கடிகாரம் போல செயல்படுகின்றன என்கிறார் ஹெர்சாக்.

நிலாவில் மொபைல் நெட்வொர்க்!  

நிலாவில் கால் பதிக்கும் முதல் வர்த்தக நிறுவனமாக தங்களுடையது இருக்கும் என்று அறிவித்துள்ளது, அய்ரோப்பாவை சேர்ந்த ஒரு விஞ்ஞானிகள் குழு. ‘பார்ட் டைம் சயின்டிஸ்ட்ஸ்’ என்று அழைக்கப்படும் அந்த குழு, 2018ல், இரண்டு சிறிய ஊர்திகளை, ‘ஸ்பேஸ் எக்ஸ்’ நிறுவனத்தின், பால்கன் 9 ராக்கெட்டுகள் மூலம் நிலாவில் களமிறக்க திட்டமிட்டுள்ளது.

பெர்லின் நகரைச் சேர்ந்த அக்குழு, வோடபோன் நிறுவனத்துடன் சேர்ந்து நிலாவில் ஒரு மொபைல் சமிக்ஞை நிலையத்தை அமைக்க வுள்ளது. நிலாவில் பல ஊர்திகளை பரிசோதனை முறையில் அனுப்ப, இந்தியா உட்பட பல நாடுகள் மற்றும் தனியார் அமைப்புகள் திட்டமிட்டுள்ளதால், அந்த ஊர்திகள், நிலாவிலிருந்து பூமிக்கு தகவல் பரிமாற இந்த நிலையம் உதவும் என, பார்ட் டைம் சயின்டிஸ்ட்ஸ் அமைப்பின் தலைவர் ராபர்ட் போஹெமி தெரிவித்துள்ளார். ‘மனித குலம் பூமித் தொட்டிலை விட்டு வேறு கிரகங்களுக்குச் செல்ல வேண்டியதை உணர்ந்திருப்பதால், அதற்கேற்ற தகவல் தொடர்பு சேவைகளை நாம் பூமிக்கு அப்பாலும் உருவாக்க வேண்டும்‘ என்று ராபர்ட் கூறியுள்ளார். ‘அலினா’ என்று பெயரிடப்பட்டுள்ள நிலா ஊர்தி, வருங்காலத்தில் விண்வெளி வீரர்கள் நிலாவில் கால் வைக்கும்போதும் மிக்க பயனுள்ளதாக இருக்கும். பூமியில் பரவலாகப் பயன்படுத்தப்படும் எல்.டி.ஈ., எனப்படும் மொபைல் தொழில்நுட்பமே நிலாவிலும் பயன்படுத்தப்படும் என்று பார்ட் டைம் சயின்டிஸ்ட்ஸ் குழு தெரிவித்துள்ளது. ‘இத்திட்டம் வெற்றி பெற்றால், ஜெர்மனியின் முதல் நிலவு முயற்சியாகவும் இருக்கும்‘ என்று, ஜெர்மனியின் வோடபோன் தலைவர் ஹான்ஸ் அமெட்ஸ்ட்ரெய்டர் தெரிவித்தார்.


பற்களை வார்க்கும் 3டி பிரின்டர்!

மருத்துவத் துறையில் முப்பரிமாண அச்சு இயந் திரங்கள் அருமையான சேவைகளை செய்து வரு கின்றன. உச்சந்தலை முதல், பாதம் வரை பல உறுப்பு களை, மருத்துவர்கள் முப் பரிமாண அச்சு இயந்திரங்களின் உதவியால் செய்து விடுகின்றனர்.

சிங்கப்பூரை சேர்ந்த, ‘ஸ்ட்ரக்டோ’ தயாரித்துள்ள, ‘டென்டாபார்ம்‘ என்ற இயந்திரம் பற்களை வார்த் தெடுக்க உதவுகிறது. மிகச் சிறிய அளவே உள்ள டென்டாபார்ம், பல் மருத்துவர்களுக்கு வேகமாக, கச்சிதமாக பற்களை அச்சிட்டு தந்துவிடுகிறது.டென்டா பார்ம், 50 மைக்ரோ மீட்டர் துல்லியத்தில் பற்களை அச்சிட வல்லது.  ஏற்கனவே, இதே சிங்கப்பூர் நிறுவனம், ஆர்த்தோ பார்ம் என்ற எலும்புகளை அச்சிடும் முப்பரிமாண இயந்திரத்தை தயாரித்துள்ளது குறிப் பிடத்தக்கது. ‘டென்டாபார்மில் பயன்படுத்தப்படும், ‘மாஸ்க் ஸ்டீரியோ லித்தோகிராபி’ தொழில்நுட்பம், பல் மருத்துவர்களின் எல்லா தரத் தேவைகளையும் பூர்த்தி செய்வதால், பல் மருத்துவ உலகில் டிஜிட்டல் புரட்சியை விரைவு படுத்தும்‘ என்கிறார், ஸ்ட்ரக்டோ வின் நிறுவனர்களுள் ஒருவரான ஹப் வான் எஸ்ப்ரோயக்.

ஆய்வுக்கூடத்தில் ‘வளர்ந்த’ கோழிக் கறி!

கோழி இல்லாமல், கோழிக் கறி சமைக்க முடியுமா? ‘மெம்பிஸ் மீட்ஸ்’ என்ற அமெரிக்க உணவு ஆராய்ச்சி நிறுவனத்தால் முடிந்தி ருக்கிறது.
அண்மையில், அது உலகிலேயே முதல் முறையாக, அசல் கோழியின் செல்களை எடுத்து, ஆய்வகத்தில் வளர்த்து உருவாக்கிய செயற்கை இறைச்சியை அறிமுகப்படுத்தியிருக் கிறது.கோழி, ஆடு, மாடுகளை இறைச்சிக்காக வளர்ப்பதற்கு, மேய்ச்சல், பண்ணை என்று எந்த முறையை கடைபிடித்தாலும், அவற்றால் சுற்றுச்சூழலுக்கும், இயற்கை வளங்களுக்கும் அதிக சேதாரம் நிகழ்வதை தடுக்க முடிவ தில்லை.
ஆனால், ‘சிந்தெடிக் பயாலஜி’ எனப்படும் செயற்கை உயிரியல் முறையில், ‘மெம்பிஸ் மீட்ஸ்’ போன்ற உணவு நிறு வனங்கள் உருவாக்கும் இறைச்சிகளுக்கு நீர், தீவனம், நிலப்பரப்பு போன்றவை அதிகம் தேவையில்லை. விலங்கு கள் வெளியேற்றும் பசுமைக் குடில் வாயுக்கள், ஓசோன் படலத்தை சிதைக்கும் ஆபத்தும் தவிர்க்கப்படுகிறது. தவிர, செயற்கை உயிரியல் முறையில், அசல் விலங்குகள் கொல்லப்படுவதில்லை என்ப தால், விலங்கு வதை குறித்த கவலைகளும் கிடையாது.வேறு ஒரு நிறுவனம் ஆய்வகத்தில் உருவாக்கிய செயற்கை மாட்டிறைச்சி, 2013இல் அறிவிக்கப்பட்டபோது, அதன் சுவை நன்றாக இல்லை என்ற புகார் எழுந்தது.

ஆனால், மெம்பிஸ் மீட்சின் கோழி இறைச்சி அசல் போலவே இருப்பதாக அதை ருசித்தவர்கள் புகழ்ந்துள்ளனர். மெம்பிஸ் மீட்சின் தலைமை செயல் அதிகாரியான உமா வலேட்டி ஒரு அமெரிக்கா வாழ் இந்தியர். இவர், ‘பீர் தயாரிக்கப்படுவதற்கு ஒப்பான முறையை நாங்கள் கோழி இறைச்சியை உருவாக்க பயன்படுத்துகிறோம். 2021 வாக்கில் மெம்பிஸ் மீட்சின் கோழி, வாத்து இறைச்சிகள் எங்கள் ஆய்வுக்கூடத்திலிருந்து வெளி உலகுக்கு அறிமுகப்படுத்தப்படும்‘ என்கிறார்.அசல் கோழி இறைச்சியின் சுவை, தோற்றம் இருந்தாலும், மெம்பிஸ் மீட்சால், விலை மட்டும் பல மடங்கு அதிகமாக இருக்கிறது.



.
 

தமிழில் கருத்துக்களை தெரிவிக்க -  


Security code
Refresh

Banner

Banner
Banner