எழுத்துரு அளவு Larger Font Smaller Font

‘சுவரொட்டி’ தொலைக்காட்சி!  

அமெரிக்காவின் லாஸ் வேகாஸ் நகரில் நடந்த 2017க்கான ‘சி.இ.எஸ்.,’ எனப்படும் நுகர்வோர்மின்னணு பொருட் காட்சியில் அறிமுகமான சில புதுமைகள்!

சி.இ.எஸ்.,சில் புதுமையான, ‘டிவி’ தொழில்நுட்பங்கள் அறிமுகப்படுத்தப்படும் என்பது நிச்சயம். இந்த ஆண்டு, ‘டிவி’ திரையை இளைக்க வைத்து தனித்து நிற்க வைப்பது தான் புதிய போக்கு. சோனி, எல்.ஜி., சாம்சங் ஆகிய மூன்றுமே, ‘டிவி’ திரைக்குப் பின்னால் இருந்த மின்னணு சமாச்சாரங்களை தனியே வைக்கும் முறையை அறிமுகப் படுத்தியுள்ளன.

தவிர, எல்.சி.டி., - எல்.இ.டி., வகை திரைகளுக்கு அடுத்து, இப்போது எல்லா நிறுவனங்களுமே, ஓ.எல்.இ.டி., வகை திரைகளை நாட ஆரம்பித்திருக்கின்றன. இதில், பல விமர்சகர்கள் விருது அளித்தது எல்.ஜி.,யின், ‘சுவரொட்டி’ திரைகளுக்குத் தான்.

எல்.ஜி., இதை, ‘வால் பேப்பர்’ திரைகள் என்கிறது. ‘எல்.ஜி., - ஓ.எல்.இ.டி.டபிள்யு’ வரிசை, ‘டிவி’க்கள், உண்மையிலேயே சுவற்றில் ஓவியத்தை மாட்டுவது போல, இரு ஆணிகளை அடித்து மாட்டி, கீழ் பகுதியை காந்தத்தின் மூலம் அசையாமல் இருக்க வைத்து விடலாம்.

ஓ.எல்.இ.டி., ‘டிவி’க்களில், திரையில் உருவங்களுக்கு ஒளியேற்றும் தேவை இல்லை என்பதால், மின்சார செலவு கணிசமாக குறையும் என்கிறது, எல்.ஜி., பல அளவுகளில் வரும் எல்.ஜி.,யின் வால்பேப்பர், ‘டிவி’ திரைகளின் தடிமன் வெறும், 2.5 மில்லி மீட்டர்களே!

திரையில் காட்சிகளை தோன்ற வைக்கும் மற்ற எல்லா மின்னணு அமைப்புகளும் ஒலி பெருக்கியில் அடக்கி விட்டது, எல்.ஜி., இந்த அமைப்பை, ‘சவுண்ட் பார்’ என்கிறது, எல்.ஜி., திரைக்கு அடிவாரத்தில் சவுண்ட் பாரை வைத்து, அதிலிருந்து மின் கம்பிகளைக் கொண்ட சிறிய பட்டையை, ஒல்லித் திரையுடன் இணைத்துவிடலாம்.  திரைக்கு இரு ஓரங்களில் நின்று பார்த்தாலும் படம் பிசிறில்லாமல் தெரியும் என, எல்.ஜி., சொல்கிறது.

தமிழில் கருத்துக்களை தெரிவிக்க -  


Security code
Refresh

Banner
Banner