செவ்வாய் கிரகத்தில் பயணித்து வந்த நாசாவின் கியூரியாசிட்டி என்ற ரோவர் 2000 நாட்களை நிறைவு செய்துள்ளது. அந்த ரோவரின் சாதனைகளில் சிலவற்றை கியூரியாசிட்டி அறிவியல் குழு தேர்வு செய்து அனுப்பியுள்ளது.

தொலைவில் உலகம்:

விண்வெளி அறிவியல் வரலாற்றில், பல இடங்களிலிருந்து பூமியை புகைப்படம் எடுத்துள்ளனர். ஆனால், இந்த ரோவரின் உதவியுடன் மாச்காமில் எடுக்கப்பட்ட இந்த புகைப்படம் என்பது, செவ்வாயின் இரவு வானில் பூமி ஒரு ஒளி போல மிளிர்வதாக தெரிகிறது. தினமும், விஞ்ஞானிகள் 100 மில்லியன் மைல்களுக்கு அப்பாலிலிருந்து இந்த சிவப்பு கிரகம் குறித்து கியூரியாசிட்டி ரோவர் மூலம் அறிகின்றனர்.

நதி கூழாங்கற்கள்:

இந்த ரோவரை இயக்கத் தொடங்கியதும், நாங்கள் கூழாங்கற்கள் நிறைந்த பகுதியை பார்த்தோம். அதன் உருளையான உருவம் என்பது, பல ஆண்டுகளுக்கு முன்பு இருந்த ஆழமற்ற நதியொன்றில் இருந்து உருவானது என்பதை அறிந்தோம்.

மாஸ்ட்கேம் எடுத்த ஒரு புகைப்படத்தில் கூழாங்கற்களை மிகவும் அருகாமையில் பார்க்க முடிந்தது. நம் எண்ணங்களுக்கு மிகவும் எதிர்மறையாக, இந்த கற்களின் ஓடுகள் கருப்பாகவும், பழங்காலத்தை சேர்ந்ததாகவும் இல்லை. இவை, தங்களின் கலவைகளிலும், கணிமங்களிலும் மிகவும் பரிமாணம் அடைந்திருந்தன. இந்த கூழாங்கற்கள் என்பது, செவ்வாய்கிரகத்தின் மேல் ஓடுகள் என்பது எவ்வாறு உருவாகி இருக்கும் என்ற நமது எண்ணங்களை மீண்டும் சிந்திக்கும் அளவு அமைந்திருந்தது.

காய்ந்த களிமண் பாறைகள்:

கேல் பகுதிகளில் இருந்த பாறைகள் குறித்த மிகவும் தெளிவான ஆய்வை கியூரியாசிட்டி நிகழ்த்தியது. இதற்காக, தனது செம்கேம் லேசர் மற்றும் தொலைநோக்கியை அது பயன்படுத்தியது. எஸ்.ஓ.எல் 1555இல், பழங்கால களிமண் பாறைகளையும், சல்ஃ பேல்ட் வழித்தடங்களையும் நாங்கள் பார்த் தோம்.

பூமியில், நதிகள் தனது பகுதியை சுற்றியுள்ள இடங்களில் வறண்டு, வெடிப்புகள் ஏற்படுவதை நம்மால் பார்க்க முடியும். செவ்வாயில் உள்ள கேல் ஏரியிலும் அதே நிலையே உள்ளது. பாறைகள் மீது எங்கெல் லாம் நாம் லேசர் கதிர்களை செலுத்தினோமோ, அங்கெல்லாம் வெடிப்புகள் ஏற்பட்டுள்ளதை நம்மால் பார்க்க முடியும். இவ்வாறு வரும் போது, ஒளியைப்போன்ற கதிர்கள் வருவதால், இந்த களிமண் பாறைகளின் கலவை என்ன என்பதை நமக்கு அவை தெரிவிக்கின்றன.

மேகங்கள்:

இந்த புகைப்படங்கள் எஸ்.ஓ.எல் 1971இல், கியூரியாசிட்டியில் உள்ள கேமராவின் உதவியுடன் எடுக்கப்பட்ட்து.

செவ்வாய் கிரகத்தை பொறுத்தவரை எப்போதாவது நம்மால் சில மேகங்கள் விண்ணில் இருப்பதை பார்க்க முடிகிறது. இந்த புகைப்படங்களில் சில வேலைபாடுகள் செய்யப்பட்டுள்ளன. இதன் மூலமாக இவற்றின் வித்தியாசத்தை நம்மால் காண முடியும்.

செல்ஃபி:

கியூரியாசிட்டி ரோவர், தான் எடுத்த பல செல்ஃபி புகைப்படங்களால் தனது இன்ஸ் டாகிராம் பகுதியில் பெயர் வாங்கியது.

இவை, அந்த ரோவரின் பெருமையை காட்டிக் கொள்ளும் விஷயமாக மட்டும் இல்லாமல், ரோவரின் நிலை எவ்வாறு உள்ளது என்பதை குழுவினர் அறிந்து கொள்ளவும் உதவியது.

ரோவரின் மீதுள்ள கெம்கேம் தொலை நோக்கியையும், மாஸ்ட்கேம் கேமராக் களையும் பார்க்க முடிகிறது. தரையிலும், அப்போதுதான் கியூரியாசிட்டி துளையிட்ட தையும் அதனால் வெளிவந்துள்ள துகள் களையும் பார்க்க முடிகிறது.

ஜூபிடரில் வீசும் சிவப்பு சூறாவளி


மிகப்பெரிய வாயுக்கோளம் என்று அழைக்கப் படும் ஜூபிடர் கோள் மீது, பெரும் சிவப்புப் புள்ளி ஒன்று இருக்கிறது. இந்தப் புள்ளியின் சுற்றளவு குறைந்துகொண்டே வருவதாக, விஞ்ஞானிகள் கண்டறிந்துள்ளனர்.

ஜூபிடரின் மீது சிவப்புப் புள்ளி இருப்பதை, 1831ஆம் ஆண்டு அடையாளம் காணப்பட்டது. அக்கோளில் இடைவிடாது வீசும் சுழல் சூறாவளி தான், பெரிய சிவப்புப் புள்ளியாகத் தெரிகிறது.

சிவப்புப் புள்ளி குறித்த பழங்கால ஆவணங்கள் முதல், அமெரிக்க விண்வெளி அமைப்பான,’நாசா’ அனுப்பிய வாயேஜர் 1 மற்றும் 2, ஜூனோ ஆகிய விண்கலன்கள். ஹப்பில் தொலைநோக்கி ஆகி யவை ஜூபிடரை துல்லியமாகப் பிடித்த புகைப் படங்கள் ஆகியவற்றையும் வைத்து, விஞ்ஞானிகள் ஆய்வு செய்துள்ளனர்.

இந்த ஆய்வில்தான், சிவப்புப் புள்ளியின் சுற்றளவு குறைந்து வருவதை அவர்கள் கண்டறிந்து, அண்மையில் ஆய்வுக் கட்டுரையை சமர்ப்பித் துள்ளனர். ஆரம்பத்தில் மூன்று பூமிக் கோள்களை மறைக்கும் அளவுக்கு பெரியதாக இருந்த சிவப்புப் புள்ளி, தற்போது ஒரு பூமிப் பந்தை மட்டுமே மறைக்குமளவுக்கு சுற்றளவுள்ளதாக சுருங்கியிருப்பதாக விஞ்ஞானிகள் தெரிவித்துள்ளனர்.

ஒரு நூற்றாண்டுக்கும் மேலாக, சிவப்புச் சூறாவளியின் பரப்பளவு படிப்படியாக குறைந்து கொண்டே வந்திக்கிறது. அது சுருங்கும் அதே நேரத்தில், அதன் உயரம் பல மடங்கு அதிகரித்து வந்திருப்பதையும் விஞ்ஞானிகள் தங்கள் ஆய்வு மூலம் கண்டறிந்துள்ளனர். கிழக்கு மேற்காக சுழலும் கிரகமான ஜூபிடரில், சிவப்புச் சூறாவளி நிலையாக நிற்காமல், மேற்கு நோக்கி நகர்ந்து வருகிறது.

அக்கிரகத்தின் தரையிலிருந்து கிளம்பும் மண் மற்றும் புழுதி, உயரே எழுவதால், சூரியனின் ஒளி அதிகம் அவற்றின் மீது படுகிறது. இதனால்தான் அது சிவப்பு நிறத்திலிருந்து தற்போது ஆரஞ்சு நிறத்தில் புள்ளி போல தொலைவிலிருந்து எடுக்கப்பட்ட படங்களில் தெரிகிறது எனவும் விஞ்ஞானிகள் தெரிவித்துள் ளனர். இக்கண்டுபிடிப்புகள், ‘அஸ்ட்ரானமிகல் ஜர்னல்’ இதழில் வெளி வந்துள்ளன.

வீடு தேடி வந்து பார்சல் போடும் ரோபோ!  

நீங்கள் இணையத்தில் ஆர்டர் செய்த பொருளை, உங்கள் வீட்டு வாசலுக்கே கொண்டுவந்து அலுங் காமல் வைப்பதற்கு, ‘ட்ரோன்’கள்தான் சிறந்த வழி என்று அமேசான் உட்பட பல நிறுவனங்கள் நினைத் தன. ஆனால், ஆளில்லாமல் பறக்கும் சிறு ஊர்த்தி களுக்கு பலவகைகளில் எதிர்ப்பு இருப்பதால், மாற்று வழிகளை சில தொழில்நுட்ப நிறுவனங்கள் சிந்திக்க ஆரம்பித்துள்ளன.

அப்படிப்பட்ட ஒரு முயற்சிதான் பார்சிலோனாவை சேர்ந்த எலிபோர்ட். அந்தரத்தில் பறப்பதற்கு பதிலாக, தரை மார்க்கமாகவே பொருட்களை உரியவருக்கு, உரிய நேரத்தில், பாதுகாப்பாக கொண்டு செல்லக் கூடியது எலிபோர்ட் ரோபோ. நான்கு சக்கரத்துடன், உலாவரும் பெட்டிபோல இருக்கும் இந்த ரோபோவுக் குள் சரக்கை ஏற்றக்கூட மனிதர்கள் தேவையில்லை. கிடங்கிலிருந்து, 30 முதல், 40 கிலோ வரை எடையுள்ள பொருட்களை, இந்த ரோபோ தானாகவே எடுத்து வைத்து பெட்டியை மூடிக்கொள்கிறது.

அடுத்து, அதனுள் இருக்கும் கணினியில் அது இருக்கும் நகரின் முப்பரிமாண வரைபடத்தையும், ஜி.பி.எஸ் எனப்படும் இருக்குமிடம் காட்டும் தொழில்நுட்பத்தையும் வைத்து அதுவாகவே மனித நடை வேகத்தில், மெதுவாக சாலையோரங்களில் பயணித்து, சரியான முகவரியை அடைகிறது. அங்கே, நிறுவப்பட்டுள்ள டெலிவரி மேடை மீது, பொருட்களை வைத்து விட்டு, அடுத்த பார்சலுக்கான முகவரியைத் தேடி பயணிக்க ஆரம்பிக்கிறது.

தானோட்டி வாகனங்களில் பயன்படும் காணொளி பதிவுக் கருவிகள் முதல் உணரிகள் வரை அனைத்தும் இதில் உண்டு என்பதால், எதிரே வருவோர் மீது மோதுவதை லாவகமாக தவிர்க்கிறது எலிபோர்ட் ரோபோ.

சிறு வயது குழந்தை களுக்கும், இப்போது நீரிழிவு நோய் தாக்குவது சகஜமாகியிருக்கிறது. அய்ந்து, ஆறு வயதினரும், இன்சுலின் ஊசியை தினமும் போட வேண்டி யிருக்கிறது. ஆனால், ஒரே இடத்தில் தினமும் ஊசி போட நேர்வ தால், அந்த இடத்தில் தோல் பாதிக்கப் படும்.

மேலும் நீரிழிவுள்ள சிறுவர் - சிறுமியரே ஊசியைப் போட்டு கொள்ள முடிவதில்லை.

இதேபோன்ற சிக்கலை சந்தித்த தன் உறவினரான, ஆறு வயது சிறுவன் படும் பாட்டைக் கண்ட மெக்சிகோவைச் சேர்ந்த ரெனாடா சவுசா, ஒரு  இதற்கு தீர்வு காண வேண்டும் என, முடிவெடுத்தார்.

அதன்படியே, சிறுவர் களுக்கான நீரிழிவு ஊசி, ‘கிட்’ ஒன்றை வடிவமைத்துள்ளார். பள்ளி மாணவர்கள் ஸ்டிக்கர் வடிவில் தற்காலிக பச்சை குத்திக் கொள்வதை பார்த்த அவர், அதேபோல, பல உருவங்கள் கொண்ட கறுப்பு, வெள்ளை ஸ்டிக்கர்களை தயாரித்தார்.

ஊசி குத்த வேண்டிய இடங்களில் மட்டும் வண்ணப் புள்ளிகள் இருக்கின்றன. ஒரு புள்ளியின் மேல், பஞ்சால் ஆல்கஹாலை தொட்டு துடைத்தால் அந்தப் புள்ளி மறைந்து விடும். அந்த இடத்தில் இன்சுலின் ஊசியை போடலாம். தற்காலிக ஸ்டிக்கர் பச்சை குத்திய இடத்தில், வண்ணப் புள்ளிகள் எல்லாவற்றின் மீதும் ஊசி போட்ட பின், வேறொரு இடத்தில் பச்சை குத்தலாம்.

இதனால், தோல் புண்ணாவது தவிர்க் கப்படும். அதேபோல ஊசியையும் சிறுவர் களே பிடித்து குத்திக்கொள்ளும் விதத்தில், பாதுகாப்பாக, ரெனாடா வடிவமைத்திருக் கிறார்.

‘தோமி கிட்’  என, பெயரிடப்பட்டுள்ள தன் வடிவமைப்பை, உலகெங்கும் விற்பனை செய்ய, ரெனாடா திட்டமிட்டு வருகிறார்.

புதிய சர்க்கரை நோய் வகை கண்டுபிடிப்பு!

நீரிழிவு நோயை மருத்துவர்கள் இரண்டு வகையாகப் பிரித்து, அகற்கு ஏற்றபடி சிகிச்சை அளித்து வருகின்றனர்.

ஆனால், சர்க்கரை நோயில் மேலும் மூன்று வகைகள் இருப்பதாக, பின்லாந்து மற்றும் சுவீடன் நாட்டு ஆராய்ச் சியாளர்கள் அண்மையில் கண்டறிந்து உள்ளனர்.

இந்த கண்டுபிடிப்பால், ஒருவருக்கு சர்க்கரை நோய் வந்தால், அது இந்த அய்ந்தில் எந்த வகை என தெரிந்து, அதற்கேற்றபடி சிகிச்சை அளிக்க முடியும் என, ஆராய்ச்சி யாளர்கள் கருதுகின்றனர்.

உடல் சர்க்கரையை சக்தியாக மாற்ற உதவும் இன்சுலின் உற்பத்தியில் ஏற்படும் குறைபாடுகளை சார்ந்து இரண்டு வகையும், உடல் பருமன் சார்ந்து இரண்டு வகையும், வயது சார்ந்து ஒருவகையுமாக இனி சர்க்கரை நோய்களை வகைப்படுத்த வேண்டும் என, இரு நாட்டு ஆராய்ச்சியாளர்களும் அறிவு றுத்துகின்றனர்.

‘தி லான்செட் டயாபெட்டிஸ் அண்ட் எண்டோக்ரினாலஜி’ இதழில் வெளிவந்துள்ள இந்த புதிய வகைப்பாட்டுக்கு உலகெங்கும் உள்ள நீரிழிவு மருத்துவர்கள் வரவேற்புத் தெரிவித்து உள்ளனர்.

அதேசமயம், உலகெங்கும் உள்ள பல தரப்பட்ட நோயாளிகளுக்கு மேலும் பல வகை சர்க்கரை நோய்கள் இருக்கலாம்.

அவற்றையும் வகைப்படுத்தினால், அந் தந்த நோயாளிக்கு வந்துள்ள வகை சர்க்கரை நோய்க்கு ஏற்ற துல்லியமான மருந்துகளையும் சிகிச்சை முறைகளையும் மருத்துவர்கள் பரிந்துரைக்க முடியும் என, கருத்து தெரிவித்து உள்ளனர்.

புதிய மென்மையான உலோகம் கலினினி!  

கிராபீன் என்ற விந்தைப் பொருளின் உறுதியையும், இரு பரிமாணத் தன்மை யையும், விஞ்ஞானிகள் சமீபகால மாக அதிகம் மெச்சி வருகின்றனர்.

ஆனால், காலியம் உலோகத்தின் இரு பரிமாண வடிவமாக ஓர் உலோகம் இருப்பதை, பெங்களூரில் உள்ள இந்திய அறிவியல் கழக விஞ்ஞானிகளும், அமெரிக் காவிலுள்ள ரைஸ் பல்கலைக்கழகத்தி னரும் கண்டறிந்துள்ளனர். காலியத்தின் வேறுபட்ட வடிவத்திற்கு, அவர்கள் ‘கலினினி’ என, பெயரிட்டுள்ளனர்.

மிக மென்மையான தன்மை கொண்ட கலினினி உலகத்தை, மின்ணனு சர்க்யூட்டு களில் தொடு முனைகளாக பயன்படுத்த முடியும் என, விஞ்ஞானிகள் கருதுகின்றனர். பொதுவாக, இரு பரிமாண உலோகங்களை பிரித்தெடுப்பது கடின மாக இருக்கும்.

ஆனால், கலினினி விதிவிலக்காக மென் மையான உலோகமாக இருப்பது, வேலையை எளிதாக்கியுள்ளது என, விஞ்ஞானிகள் தெரிவித்துள்ளனர்.

சுனாமியை கணிக்கும் கணிதம்

சுனாமியின் பேரலை கள் வரும் முன்எச்சரிக்க கணிதத்தை பயன்படுத்த முடியும் என, இங்கி லாந்தைச் சேர்ந்த கார்டிப் பல்கலைக்கழக விஞ்ஞானிகள் அறிவித்துள்ளனர். கரையிலிருந்து பல மைல்கள் தொலைவில், கடலுக்கு அடியில் நில நடுக்கம் துவங்கும்போதே ஒலி அலைகள் ஏற்படுவதுண்டு.

இந்த ஒலி அலைகள், நில நடுக்கத்தால் உருவான ஆழிப் பேரலைகள் பயணிப்பதைவிட, வேகமாக, கடலடி நீர் பரப்பில் நாலா பக்கமும் பயணிக்கும் திறன் கொண்டவை.
எனவே, கடலடியில் நிலத்தட்டுக்கள் நகரும் போது எழும் மெல்லிய ஒலி அலைகளின் இடம், திசை, வேகம், அகலம், நிகழும் நேரம் போன்ற வற்றை வைத்து, சுனாமி அலைகள் கடலை எட்ட எவ்வளவு நேரமாகும் என்பதை, சில நிமிடங்களில் கணித்துவிட முடியும் என, கார்டிப் விஞ்ஞானிகள் தெரிவித்துள்ளனர்.

இந்த கணிப்புக்கு உதவும் கணித முறையை, விஞ்ஞானிகள், ‘ஜர்னல் ஆப் புளூயிட் மெக் கானிக்ஸ்’ இதழில், சமீபத்தில் வெளியான கட்டு ரையில் விவரித்துள்ளனர்.

மரச்சாமான்களை செய்யும் ‘ரோபோ’ தச்சர்

அமெரிக்காவை சேர்ந்த ஆராய்ச்சியாளர்கள் ஏற்கெனவே இருக்கும் ரோபோடிக் தொழில் நுட்பத்தை பயன்படுத்தி தானியங்கி முறையில் பாதுகாப் பான வகையில் மரச்சாமான்களை உருவாக்கும் அமைப்பு முறையை உருவாக்கியுள்ளனர்.

அமெரிக்காவின் மாசசூட்ஸ் இன்ஸ்டியூட் ஆஃப் டெக்னாலஜி (எம்.அய்.டி) பல்கலைக் கழகத்தை சேர்ந்த ஆராய்ச்சியாளர்கள், தற்போதுள்ள ரோபோடிக் தொழில் நுட்பம் மற்றும் ரூம்பா என்ற தரையை சுத்தம் செய்யும் ரோபோவில் சில மாற்றங்களை செய்து இந்த புதிய அமைப்பு முறையை உருவாக்கியுள்ளனர்.

தங்களது கண்டுபிடிப்பு மனிதர்களுக்கு அதா வது தச்சர்களுக்கு மாற்றாக உருவாக்கப்படவில்லை என்றும், இவை தச்சர்கள் வடிவமைப்பு போன்ற முக்கியமான விடயங்களில் அதிக கவனத்தை செலுத்துவதற்கு பயன்படுமென்றும் இந்த புதிய அமைப்பு முறையை உருவாக்கியுள்ள அணியினர் தெரிவித்துள்ளனர். மேலும், இதுபோன்ற அமைப்பு முறைகள் பாதுகாப்பு சார்ந்த பிரச்சினைகளை வெகுவாக குறைக்கு மென்றும் அவர்கள் நம்பு கின்றனர். “ஒவ் வொரு ஆண்டும் ஆயிரக் கணக்கான தச்சர்கள் மரங்களை அறுக்கும் பணி யில் ஈடுபடும் போது தங்களது கைகளையும், விரல் களையும் தவறுதலாக காயப்படுத்திக் கொள்கின்றனர்” என்று ஆராய்ச்சியாளர்கள் தெரி வித்துள்ளனர்.

“இந்த செயல்முறையில் நிபுணரல்லாதோர் கூட பல்வேறுபட்ட பொருட் களை கொண்டு வடிவத்தை நிர்மாணித்து அதை ரோபோக்களின் உதவியோடு உருவாக்க முடியும்“ என்று ‘ஆட்டோசா’ என்ற இந்த அமைப்பு முறையை உருவாக்கியுள்ள ஆராச்சி யாளர்கள் தெரிவித்துள்ளனர். இதுவரை மிகப்பெரிய மரச் சாமான்களை தயாரிப்பதற்கு ரோபோட்டுக்கள் பயன்படுத்தப்பட்டு வந்த நிலையில், தற்போது எம்.அய்.டியை சேர்ந்த ஆராய்ச்சியாளர்கள் தயாரித் துள்ள இந்த புதிய அமைப்பு முறையின் மூலம் குறிப் பிட்ட தேவைகள் மற்றும் வேறுபட்ட வடிவங்களை கொண்ட மரச்சா மான்களை ரோபோட்டுக்களை கொண்டு தயாரிப்பதற்குரிய வழி உருவாகியுள்ளது.


ஒருவரது விழித் திரையின், ‘ஸ்கேன்’ மட்டும் இருந்தால், அதை வைத்தே, அவருக்கு இதயக் கோளாறு ஏதும் வருமா வராதா என்பதை கணிக்க முடியுமா... முடியும் என்கிறது, கூகுள் மற்றும் அதன் துணை நிறுவனமான வெரிலி லைப் சயன்சஸ் ஆகியவற்றை சேர்ந்த ஆய்வாளர்கள் செய்துள்ள ஓர் ஆய்வு.

இதய நோயால் பாதிக்கப்பட்ட மூன்று லட்சம் பேர், சில ஆண்டுகளுக்கு முன் எடுத்த விழித்திரை ஸ்கேன்களை சேகரித் தனர், ஆராய்ச்சியாளர்கள்.

பின் அவற்றை, செயற்கை நுண்ணறிவு மென்பொருளிடம் கொடுத்து அலச கூறினர். நோயாளிகளின் பொதுவான உடல்நலத் தகவல்களுடன் அதை அலசிப் பார்த்து, இந்த நபருக்கு, அடுத்த அய்ந்து ஆண்டுகளில் இதயம் தொடர்பான கோளாறுகள் வரக்கூடும் என, 70 சதவீத துல்லியத்துடன் கூகுளின் செயற்கை நுண்ணறிவு கணித்துச் சொல்லி விட்டது.

ஏற்கெனவே, இதய நோயை கணிக்க உதவும், ‘ஸ்கோர்’ என்ற சோதனை முறை, ரத்த மாதிரிகளை வைத்து, 72 சதவீத துல்லியத்துடன் கணித்து வருகிறது. ஆனால், கூகுளின் சோதனைக்கு ஊசி குத்தி, ரத்தம் எடுக்க வேண்டியதில்லை என்பது குறிப்பிடத் தக்கது.

பழைய துணிகளை புதுப்பிக்கும் லேசர்!  

புதியதையும் பழையதுபோல ஆக்கி விற்பதில் லீவைஸ் ஜீன்ஸ் கம்பெனியை அடித்துக்கொள்ள முடியாது. அவர்கள் இதுவரை புதிய ஜீன்சை பழசு போல தோற்றமளிக்க வைக்க, 18 முதல், 20 தடவை பல வேதிப் பொருட்களில் முக்கியெடுத்து வந்தனர்.

இந்த முறையில் லீவைஸ் ஆலையில் ஒருவர் மூன்று ஜீன்ஸ்களையே தயாரிக்க முடியும். ஆனால், அண்மையில் லேசர் கதிர்களை பயன்படுத்தி ஜீன்களை பழசுபோல ஆக்க ஆரம்பித்துள்ளது லீவைஸ். இதற்கென தனியாக உடை வடிவமைப்பாளர்களை அமர்த்தி, எங்கே கிழிசல், எங்கே பிசிறு, எங்கே வெளிரல் என்று எல்லாவற்றையும் வடிவமைத்து, ஒரு கணினியில் பதிவு செய்ய, ஒரு லேசர் கதிர் இயந்திரம் ஒவ்வொரு ஜீன்சின் முன் பகுதியையும், பின் பகுதியையும் ஒரு வருடு வருடுகிறது. அவ்வளவுதான், 90 வினாடிகளில் புத்தம்புதிய பழைய ஜீன்ஸ் தயார்!

ஆடைத் தொழிலில் ஒரு தலைமுறைக்கு ஒரு தடவை தான். இதுபோன்ற, ‘புரட்சிகர’ தொழில்நுட்பம் வரும். அது இப்போது லீவைசுக்கு வாய்த்திருக்கிறது என, லீவைசின் வடிவமைப்பாளர்கள் குழுவின் தலைவர், ஊடகங்களிடம் பெருமைப்பட்டுக் கொண்டிருக்கிறார்.

மனித கண்ணை மிஞ்சும் செயற்கைக் கண்

ஹார்வர்டு பல்கலைக் கழக விஞ்ஞானி கள், செயற்கை குவி ஆடி ஒன்றை உருவாக் கியுள்ளனர். வெறும், 30 மைக்ரான் அளவே உள்ள இந்த குவி ஆடி, மனித கண்களில் குவி ஆடி தசையால் இயக்கப் படுவதைப் போலவே இயங்குகிறது.

ஒளிப்படக் கருவி, தொலைநோக்கி, நுண் நோக்கி, போன்றவற்றில் பலவித ஆடிகளை வரிசையாக வைத்து ஒளியை குவியச் செய்வர். இப்படி பல ஆடிகளை வைக்கும் போது, உள்ளே வரும் ஒளிக் கற்றைகள் பாதிப்படைந்து, அவை திரையில் உரு வாக்கும் தோற்றம் பாதிக்கப்பட வாய்ப்புகள் அதிகம்.

ஆனால், ஹார்வர்டு ஆராய்ச்சியாளர்கள் உருவாக்கியுள்ள இந்த புதிய ஆடி, தட்டையாக இருந்தாலும், மின் துண்டுதலால் தசைகள் போல இயங்கி ஒளியை திரையில் குவிக்கிறது.

இதனால், படத்தின் துல்லியம் பாதிக்கப்படு வதில்லை என, ஆய்வாளர்கள் தெரிவித் துள்ளனர்.

இந்த ஆடியில் ஒளி ஊடுருவும் புதிய வகை, ‘எலாஸ்டோமர்’ செயற்கை தசையாக செயல்படுகிறது. இந்த தசை மின்துண்டலில் விரியவும் சுருங்கவும் எடுத்துக்கொள்ளும் நேரத்தை மேலும் குறைக்க முடியுமா... என, ஆய்வாளர்கள் தற்போது ஆராய்ந்து வருகின்றனர்.

காகிதத்தால் ஆன பேட்டரி!

பார்சிலோனாவைச் சேர்ந்த, ‘பியூயலியம்‘ என்ற ஆய்வு மய்யம், காகிதத்தால் ஆன மின் கலனை வடிவமைத்திருக்கிறது. இந்த புரட்சிகரமான மின் கலன், 1 வோல்ட் முதல், 6 வோல்ட் வரை மின் உற்பத்தி செய்யும் திறன் படைத்தவை.

இன்று, நோயறிய உதவும் கருவிகளில் பொத் தானைவிட சிறிய அளவே உள்ள மின் கலன்கள், பயன்படுத்தப்படுகின்றன. இவற்றை ஒருமுறை பயன்படுத்திய பின் தூக்கி எறிந்துவிடுவர். இதனால், பொத்தான் மின் கலன்களில் உள்ள நச்சுப் பொருட் கள் சுற்றுச்சூழலுக்கு கேடு விளைவிக்கின்றன. பியூ யலியத்தின் காகித பேட்டரிகளில் வேதிப் பொருட் கள் எதுவும் இல்லை. மாறாக, நோயறிவதற்காக பயன்படுத்தப்படும் ரத்தம் மற்றும் சிறுநீர் போன்றவை, காகிதத்தின் மீது படும்போது ஏற்படும் வேதிமாற்றத்தின் மூலம் மின்சாரம் உற்பத்தியாகிறது. இந்த மின்சாரத்தை வைத்து, நோயறியும் கருவியிலுள்ள, உணரிகள் மற்றும் திரை ஆகியவற்றுக்கு போதிய மின்சாரம் கிடைக்கும். இதை ரத்தப் பரி சோதனை, கருத்தரித்திருப்பதை அறியும் சோதனை, சிறு நீர் சோதனை போன்றவற்றுக்கான கருவி களுக்கு, இக்காகித மின்கலன் உற்பத்தி செய்யும் மின்சாரமே போதும் என, இதன் கண்டு பிடிப் பாளர்கள் தெரிவித்துள்ளனர்.

ஒரு முறை பயன்படுத்தி குப்பையில் போடப் படும் பல நோயறியும் கருவிகளை தயாரிக்கும் போதே, பியூயலியம் மின் கலன்களையும் சேர்த்து தயாரிக்க முடியும். இது போன்ற காகித பேட்டரிகளை பெரிய கருவிகளிலும் பயன்படுத்த முடியுமா... என, ஆய்வுகள் நடக்கின்றன.

மறுசுழற்சிக்கென்றே தயாரிக்கப்பட்ட கார்!

நெதர்லாந்திலுள்ள இந்தோவென் தொழில்நுட்ப பல்கலைக்கழகம், ஆண்டுக்கொரு புதிய காரை வடிவமைத்து வெள்ளோட்டம் பார்த்து வருகிறது. இந்த வரிசையில் அண்மையில், ‘நோவா’ என்ற மின்சார காரின் வடிவமைப்பை வெளியிட்டுள்ளது. இந்த காரில் பயன்படுத்தப்பட்டுள்ள, 90 சதவீத பொருட்கள் உயிரி பிளாஸ்டிக் போன்ற சுற்றுச் சூழலுக்கு கெடுதல் செய்யாதவை.

அதுமட்டுமல்ல, நோவா காரை வடிவமைக்கும் போதே, அதை மறுபயன் மற்றும் மறுசுழற்சிக்கு ஏற்றவாறு வடிவமைத்திருப்பதாக இந்தோவென் விஞ்ஞானிகள் சொல்கின்றனர். இரண்டு பேர் பயணிக்கும் நகர்புற காரான நோவாவின், உற்பத்தி முறையும் சுற்றுச்சூழலுக்கு கேடு தராத வகையில் இருக்கும். ஒரு முறை மின்னேற்றம் செய்தால், 240 கி.மீ., தூரம் பயணிக்கும் நோவாவின் அதிக பட்ச வேகம் மணிக்கு, 100 கி.மீ., அதுமட்டுமல்ல, இந்த வண்டியிலுள்ள ஆறு மின் தேக்கிகளையும், தேவைப்பட்டால், உடனே கழற்றிவிட்டு, மின் னேற்றம் நிறைந்த மின் தேக்கிகளை பொருத்தி பய ணத்தை தொடரும் வகையில் வடிவமைத்தி ருக்கின்றனர் விஞ்ஞானிகள். உலோக மோட்டார், சேசிஸ் போன்றவற்றைத் தவிர, 350 கிலோ எடையுள்ள இந்த வண்டியில், கரும்பிலிருந்து எடுக்கப்பட்ட பாலிலாக்டிக் அமிலம் போன்ற இயற்கை பாலிமர்களால் ஆன பாகங்களே அதிகம்.

வாகனங்கள் மறுசுழற்சி நோக்கில் தயாரிக்கப் படுவது இன்று அவசியம், அவசரம் என்கின்றனர் இந்தோவென் விஞ்ஞானிகள்.


Banner
Banner