அஜர்பைஜான், ஏப். 13- அஜர்பைஜானின் அதிபராக இல்ஹம் அலியேவ் (56)  மீண்டும் தேர்வு செய்யப்பட்டார்.

அஜர்பைஜானில் புதிய அதிபரை தேர்ந்தெடுப்பதற்கான தேர்தல் கடந்த புதன்கிழமை நடைபெற்றது. இந்த தேர்தலில் தற்போதைய அதிபர் அலியேவ் உள்பட எட்டுபேர் களத்தில் இருந்தனர். தேர்தலில் 74.30 சதவீத வாக்குகள் பதிவாகின. வாக்குப்பதிவு நிறைவு பெற்றதைத் தொடர்ந்து வாக்கு எண்ணிக்கை நடைபெற்றது. இதில், 86 சதவீத வாக்குகளைப் பெற்று அலியேவ் மீண்டும் அதிபராக தேர்வு செய்யப்பட்டார். ஏழு ஆண்டுகளுக்கு அவர் இப்பதவியை வகிப்பார். அலியேவ் 4-ஆவது முறையாக அதிபர் பதவிக்கு தேர்ந்தெடுக் கப்பட்டுள்ளது குறிப்பிடத்தக்கது.

எலக்ட்ரானிக் கழிவுகளை பயனுள்ள பொருட்களாக மாற்றும் இந்திய வம்சாவளி பெண்

சிட்னி, ஏப். 13- ஆஸ்திரேலியாவை சேர்ந்த இந்திய வம்சாவளி பெண் விஞ்ஞானி வீணா சகஜ்வாலா. இவர் நியூசவுத் வேல்ஸ் பல்கலைக் கழகத்தில் பேராசிரியராக பணி புரிகிறார்.

இவர் பயன்படாத ஸ்மார்ட்போன், லேப்டாப் (மடி கணினி) போன்றவற்றின் எலெக்ட்ரானிக் கழிவுகளை மதிப்பு மிக்க பொருட்களாக மாற்றும் மைக்ரோ தொழிற்சாலையை உருவாக்கியுள்ளார். இது உலகில் முதன் முறையாக உருவாக் கப்பட்டுள்ள மைக்ரோ தொழிற்சாலையாகும். எலெக்ட்ரானிக் கழிவு பொருட்களால் சுற்றுப்புற சூழல் மற்றும் நிலத்துக்கு கடும் பாதிப்புகளும், பிரச்சினைகளும் ஏற்படுகின்றன. எனவே அவற்றை பயனுள்ள பொருட்களாக, மாற்றும் முயற்சியில் வீணா ஈடுபட்டார்.

தனது தீவிர முயற்சிக்கு பிறகு அதில் வெற்றி பெற்றார். எலெக்ட்ரானிக் கழிவுகள் மூலம் மக்கள் அன்றாடம் பயன் படுத்தும் கண்ணாடி பொருட்கள், பிளாஸ்டிக், மரச்சாமான்கள் மற்றும் பல்வேறு உபயோக பொருட்கள் தயாரிக்கப்படுகிறது.

வீணாகும் கம்ப்யூட்டர் சர்க்கியூட் போர்டுகள் 3டி பிரிண்டிங்குக்கு தேவையான கிரேடு செராமிக்ஸ் மற்றும் பிளாஸ்டிக் நார்களாகவும் மாற்றி உபயோகப்படுத்தப்படுகிறது. இந்த தகவலை வீணா சகஜ்வாலா தெரிவித்தார். மும்பையை சேர்ந்த இவர் 1986-ஆம் ஆண்டு கான் பூர் அய்.அய்.டி.யில் பி.டெக் என்ஜினீயரிங் படிப்பை முடித்தார்.


அடுத்த சில ஆண்டுகளில் தரைப் போக்குவரத்தில் நெரிசல் காணப்படுவதைப் போல பறக்கும் ட்ரோன்களால் வானத்திலும் போக்குவரத்து நெரிசல் ஏற்படலாம். தலையைத் தூக்கிப் பார்த்தால் அங்கும் இங்கும் ட்ரோன்கள் பறந்துகொண்டிருப்பதைப் பார்க்கலாம். பல துறைகளில் அவை தலைகீழ் மாற்றத்தை ஏற்படுத்தக்கூடியவையாகக் கருதப்படுகின்றன.

குறிப்பாக, சரக்குப் போக்குவரத்துத் துறையில் இவை சேவையை விரைவுபடுத்தி நேரத்தையும் செலவையும் மிச்சப்படுத்தலாம் என்று எதிர்பார்க்கப்படுகிறது. உடனடி டெலிவரிக்கு மனிதர்களைவிட ட்ரோன்கள் வசதியாக இருக்கும் எனக் கருதப்படுகிறது. இப்படி நம்மை அசத்த விருக்கும் ட்ரோன்கள் என்றால் என்னவென்று முதலில் பார்ப்போம்.

ஆளில்லா விமானங்கள்

ட்ரோன் என்றால் ஆளில்லாத சிறிய விமானம் என்று பொருள். ட்ரோன்களில் பல ரகங்கள் இருக்கின்றன. தொடக்கத்தில் இவை ராணுவச் செயல்பாட்டிலும் உளவுப் பணிகளிலும்தான் பயன்படுத்தப்பட்டுவந்தன. ஆனால், இன்றைக்கு அந்த வகை ட்ரோன்கள் தனிப் பிரிவாகிவிட்டன. சிவிலியன் ட்ரோன்கள் எனப்படும் அன்றாடப் பணிகளுக்கான ட்ரோன்களில்தான் இப்போது பரவலாகக் கவனம் செலுத்தப்படுகிறது.

ஆள் இல்லாத வான் வாகனம் என இது பொதுவாகக் குறிப்பிடப்படுகிறது. மென்பொருள், செயலி மூலம் இவற்றை இயக்கலாம். ட்ரோன்கள் பேட்டரி மூலம் இயங்குகின்றன.
அடிப்படையில் இவை இரண்டு வகைப்படும். நிலையான இறக்கைகள் கொண்ட விமான ரகம், சுழலும் இறக்கைகள் கொண்ட ஹெலிகாப்டர் ரகம். சுழலும் சக்கர வகையில் நான்கு சக்கரங்கள், ஆறு சக்கரங்கள், எட்டுச் சக்கரங்கள் கொண்ட காப்டர்கள் உள்ளன. பெரும்பாலும் சிவிலியன் பயன்பாட்டில் இந்த வகை காப்டர் ட்ரோன்களைத்தான் பார்க்க முடிகிறது. இவற்றின் தலைப் பகுதியில் சக்கரம் சுழன்றுகொண்டே இருக்கும். அவை தரும் வேகத்தில் இவை பயணிக்கும். மென்பொருளைக்கொண்டு பறக்கும் திசை உள்ளிட்ட செயல்பாடுகளைக் கட்டுப்படுத்தலாம். எந்த இடத்துக்கு வந்துசேர வேண்டும், எங்கே செல்ல வேண்டும் எனும் கட்டளைகளைச் செயலி மூலம் பிறப்பிக்கலாம்.

புதுமைச் சாதனம்

ட்ரோன்களால் பறக்க முடியும், அவற்றை இயக்குவதும் எளிது. எனவே, இவற்றின் கைகளில் பொருட்களைக் கொடுத்து புரோகிராம் செய்தால், குறிப்பிட்ட இடத்தில் கொண்டுபோய்ச் சேர்த்துவிட்டுத் திரும்பி வந்துவிடும் எனும் கருத்து மிகப் பெரிய ஆர்வத்தைக் கிளறிவிட்டது. ஆனால், நடைமுறையில் இதெல்லாம் சரிப்பட்டுவருமா எனும் சந்தேகம் இருந்ததால் பரிசோதனை முறையில் கையாண்டு பார்க்கப்பட்டது. அங்கொன்றும் இங்கொன்று மாக நடைபெற்ற பரிசோதனைகளில் ஏற்பட்ட முன்னேற்றம் காரணமாக, ட்ரோன் டெலிவரி எனும் கருத்தாக்கம் நிலை பெறத் தொடங்கியது.
அந்த வகையில் ஆஸ்திரேலியாவின் சிட்னி நகரில்தான் பரிசோதனை முறையில் முதல் ட்ரோன் டெலிவரி 2013இல் வெற்றிகரமாக அரங்கேறியது. பிளர்ட்டே எனும் ட்ரோன் தயாரிப்பு நிறுவனம், ஜூக்கல் எனும் புத்தக வாடகை சேவை நிறுவனத்துடன் இணைந்து, இணையம் மூலம் புத்தகம் ஆர்டர் செய்பவர்களுக்கு ட்ரோன் மூலம் அனுப்பிவைத்தது. அதன் பிறகு, இந்நிறுவனம் அமெரிக்காவில் பதிவுசெய்து கொண்டு, ட்ரோன் சார்ந்த முயற்சிகளில் பெரிய அளவில் ஈடுபட்டுவருகிறது. அமெரிக்காவில் 2015ஆம் ஆண்டு அமேசானை முந்திக்கொண்டு வர்த்தக நோக்கிலான ட்ரோன் டெலிவரி பரிசோதனையில் இந்நிறுவனம் ஈடுபட்டது. இந்தப் பரிசோதனையின்போது மருத்துவப் பொருட்களைக் கொண்டுபோய்ச் சேர்த்தது.

இதைத் தொடர்ந்து உணவகத்தில், மருத்துவ சேவையில் என ட்ரோன்களின் பயன்பாடு கொடிக்கட்டிப் பறக்க ஆரம்பித்துவிட்டது. சரக்குப் போக்குவரத்து மட்டுமல்ல விவசாயம், அகழாய்வு, பேரிடர் கால மீட்புப் பணிகள், ஏரியல் போட்டோகிராபி என இன்னும் பல துறைகளில் ட்ரோன்களுக்கான வெள்ளோட்டம் தொடங்கியிருக்கிறது.

எச்சரிக்கும் ஆபத்துகள்

இப்படி ட்ரோன்களின் பயன்பாடுகள் அதிகரித்து வந்தாலும் சவால்களும் சிக்கல்களும் இருக்கவே செய்கின்றன. டெலிவரிக்காக ட்ரோன்களைப் பயன்படுத்தும்போது கட்டுப்பாடு, பாதுகாப்புப் பிரச்சினைகள் இருக்கின்றன. ட்ரோன்கள் அந்தரங்க உரிமையை மீறும் ஊடுருவலாக அமையலாம் என அஞ்சப்படுகிறது. தலைக்கு மேல் பறக்கும் ட்ரோன்கள் ஆபத்தாகவும் அமையலாம். எனவே, ட்ரோன் பயன்பாட்டுக்கான கட்டுப்பாடு, உரிமம் பெறுதல் போன்றவை வலியுறுத்தப்படுகின்றன. உளவு பார்க்கும் நோக்கில் எதிரிகளால் ட்ரோன்கள் பயன்படுத்தப்படலாம் எனும் அச்சமும் இருக்கிறது. ட்ரோன் துப்பாக்கி போன்ற வில்லங்க சங்கதிகளும் உலாவர ஆரம்பித்திருக்கின்றன.
இந்தச் சவால்களைத் திறம்பட எதிர்கொள்வதன் மூலம் மட்டுமே, நவீனத் தொழில்நுட்பத்தின் விளைவாகக் கிடைத்திருக்கும் ட்ரோன்களை மனித குலத்தின் நலனுக்காக ஆக்கபூர்வமாகப் பயன்படுத்த முடியும்.

காற்றிலிருந்து நீர் எடுக்கும் ‘யாழ்’

வறண்ட பாலை நிலங்களில், காற்றில் இருக்கும் ஈரப் பதத்தை நீராக்கும் சில தொழில்நுட்பங்கள், பல ஆண்டுகளாக பயன்படுத்தப்பட்டு வருகின்றன.

நுண்ணிய கம்பி வலையை, ஒரு சட்டத்தில் மாட்டி, காற்றில் வைத்து விடுவதும் அதில் ஒன்று.

காற்று அந்த வலையின் வழியே செல்லும் காற்றின் ஈரப்பதம், நெருக்கமான கம்பிகளில் சிறுகச் சிறுக சேர்ந்து, நீர் திவலைகளாக மாறும். நீர் திவலை பெரிதாகும்போது, புவியீர்ப்பு விசை கீழ் நோக்கி இழுக்க, திவலைகள் திரண்டு உருண்டு, கீழே உள்ள நீர்க்கலனில் சேகரிக்கப்படும்.

இந்த எளிய தொழில்நுட்பத்தில் ஒரு சிறு மாற்றத்தை செய்தால், இன்னும் சிறப்பாக நீரை சேகரிக்க முடியும் என கண்டறிந்துள்ளனர், அமெரிக்காவிலுள்ள வர்ஜீனியா தொழில்நுட்ப நிலையத்தை சேர்ந்த விஞ்ஞானிகள்.

கலிபோர்னிய கடற்கரை பகுதியில், காற்றின் ஈரப்பதத்தை உறிஞ்சி வாழும் செகோயா மரங்களைப் பார்த்து, இக்கண்டு பிடிப்பை உருவாக்கியுள்ளனர் விஞ்ஞானிகள்.

கம்பி வலையில் குறுக்கும் நெடுக்குமாக இருக்கும் கம்பிகளில், குறுக்காக செல்லும் கம்பி களை நீக்கி, நெடுக்காக இருக்கும் கம்பிகளை, மேலும் நெருக்கமாக வைத்த போது, நீர் வேகமாக கீழே ஓடி சேகரமானது.

இந்த புதிய முறை, ‘யாழ்’ எனப்படும் பண்டைய இசைக் கருவியைப் போல இருக்கிறது.

ஆய்வகத்தில், யாழ் கம்பி சட்டத்தை வைத்து சோதித்ததில், நீர் கூடுதலாக, விரைவாக காற்றிலிருந்து சேகரிக்க முடிந்த தாக, விஞ்ஞானிகள் தெரிவித்துள்ளனர்.

விரைவில் பாலை நிலப் பகுதிகளில், இந்த தொழில்நுட்பத்தை சோதிக்க இருப்பதாகவும் அவர்கள் அறிவித்துள்ளனர்.

காற்றை சுத்தம் செய்யும் டயர்!

நகர்ப்புற காற்று மாசுபாட்டில் முக்கிய பங்கு வகிப்பவை வாகனங்களே. அதே வாகனங்களால், காற்று மாசு பாட்டை குறைக்க உதவ முடிந்தால் எப்படி இருக்கும்?

ஜெனீவாவில் அண்மையில் நடந்த சர்வதேச வாகன கண்காட்சியில், டயர் தயாரிப்பாளரான, ‘குட்இயர்’ ஒரு புதுமையை அறிமுகப்படுத்தியது.

‘ஆக்சிஜன்’ என்ற புதுமையான அந்த சக்கரத்தின் சுவர்களில், பாசிகள் வளர்கின்றன.

டயர் தரையை தொடும் பகுதியில் உருவாக்கப்பட்டுள்ள இடைவெளிகள் வழியாக, ஈரப்பதம் டயருக்குள் வர, அதை வைத்து பாசி வளர்கிறது.

இந்தப் பாசி, காற்றிலுள்ள, கார்பன் - டை - ஆக்சைடை உறிஞ்சி, ஆக்சிஜனை வெளியிடும்.

மேலும், அது பச்சையம் தயாரிக்கும் போது நிகழும் வேதி வினை மூலம், சிறிதளவு மின்சாரத்தையும் உற்பத்தி செய்கிறது.

பாரிஸ் போன்ற நகரில் ஓடும் எல்லா வாகனங்களும், ஆக்சிஜன் டயர்களை மாட்டியபடி ஓடினால், ஆண்டுக்கு, 4,000 டன் அளவுக்கு, பாரிசின் காற்றிலுள்ள கரியமில வாயுவை, மறுசுழற்சி செய்ய முடியும் என்கிறது குட்இயர்.

ஆக்சிஜன் தயாரிக்கும் சிறிதளவு மின்சாரம், வாகனத்தில் உள்ள உணரிகள், சில விளக்குகள், தகவல் அறிவிக்கும் மின் பலகை போன்றவற்றை இயக்கவும், பயன்படுத்தவும் முடியும்.

இப்போதைக்கு, வெகு சில ஆக்சிஜன் டயர்களை மட்டுமே, குட்இயர் தயாரித்துள்ளது. இதற்கு கிடைக்கும் வரவேற்பை பொறுத்தே, அது சந்தைக்கு வரும். சாலையில் ஓடும்.


இயற்கையை எழுத்தில் ஆவணப்படுத்து வது ஒரு கலை. அதிலும் இயற்கை சார்ந்த பிரச்சினைகளைச் சூழலியல் பின்புலத்தில் கச்சிதமாகப் பொருத்தி எழுது வது கடினம். பரந்த வாசிப்பும் சூழலியல் குறித்த ஆழ்ந்த புரிதலும் எழுத்தில் நேர்த்தியும் இருந்தால் மட்டுமே அது சாத்தியம்.

நேகா சின்காவுக்கு அந்த சாத்தியம் கைவரப் பெற்றிருக்கிறது!

நேகா சின்கா, சூழலியல் சார்ந்த பிரச்சினை களைப் பலரும் அனுமானிக்காத கோணத்தி லிருந்து அணுகுபவர். பல நாளிதழ்களிலும் இணைய இதழ்களிலும் இவர் எழுதிய கட்டுரைகள் முக்கியமா னவை.

பத்திரிகையாளராகச் சில காலம் பணியாற் றியவர், தற்போது மும்பையில் உள்ள பம்பாய் இயற்கை வரலாற்றுக் கழகத்தின் ஆலோசக ராக டில்லியில் பணிபுரிகிறார். இடைவிடாத பயணத்தில் இருந்தவரிடம் பேசினோம்.

தோட்டம் தூண்டிய ஆர்வம்

நேகா பிறந்தது, வளர்ந்தது, படித்தது எல்லாம் டில்லியில். அப்பா ரஞ்சித், மத்திய அரசு வேலையில் இருந்தார். அம்மா  சங்க மித்ரா, பள்ளி ஆசிரியையாகப் பணியாற்றினார்.

டில்லியில் நாங்க இருந்த பகுதி அவ் வளவா மாசுபடாம, மிச்ச சொச்ச பசுமை யோடு இருந்தது. அங்கு இருவாச்சி உள் ளிட்ட பறவைகள் எல்லாம் தென்படும். எங்க வீட்டுத் தோட்டத்துக்கும் நிறைய பறவைகள் வரும். சின்ன வயதிலிருந்து அவற்றைப் பார்த்து வளர்ந்தேன். இயற்கை குறித்து எழுத, எங்க தோட்டம் தான் உந்துசக்தியா இருந்திருக்குன்னு தோணுது என்பவர், டில்லி பல்கலைக் கழகத்தில் ஆங்கில இலக்கியம் முடித் திருக்கிறார்.

பட்டம் பெற்ற கையோடு, ஆங்கில நாளேட்டில் நிருபராகச் சேர்ந்தார். அங்கு, சுற்றுச்சூழல் குறித்து அதிகம் எழுதினார். அய்ந்து ஆண்டுகள் அங்கு பணியாற்றிய பிறகு, இங்கிலாந்தில் ஆக்ஸ்ஃபோர்டு பல்கலைக்கழகத்தில் கன்சர்வேஷன் பயா லஜி பிரிவில் முதுநிலைப் பட்டம் பெற்றார். பிறகு 2012இ-ல் இந்தியா திரும்பியவர், அப்போதிலிருந்து பி.என்.எச்.எஸ்-ல் ஆலோசகராகப் பணியாற்றிவருகிறார்.

சுய வெளிப்பாட்டுக்கான எழுத்து

நாளிதழ்கள், பருவ இதழ்கள், இணைய இதழ்கள் மட்டுமல்லாது, இன்ஸ்டாகிராம் போன்ற சமூக ஊடகங்களிலும் எழுதி வரு கிறார் நேகா சின்கா. பெரும்பாலும் பறவைகள் குறித்துத் தன் இன்ஸ்டாகிராம் பக்கத்தில் எழுதுகிறார்.

மாசடைந்த நகரங்களில் முதன்மையா னதாக இருக்கும் டில்லியில் மட்டுமல்ல, இந்தியாவின் எல்லாப் பெருநகரங்களிலும் கொஞ்சமாவது காடுகள் இருக்கத்தான் செய் யும். அங்கு நிறைய உயிரினங்கள் வாழும். அவற்றை நாம்தான் கவனிக்க வேண்டும். காட்டுயிர்களைக் கவனிப்பது தான் உயிரியல் துறையில் முதல் பாடம். என் அவதானிப்பு களை மற்றவர்களுக்குக் கொண்டுசேர்க்க, என் எழுத்து உதவுகிறது என்கிறார்.

நாம் எல்லோரும் காடுகளிலிருந்து வெளியே இருப்பதால் நாம் இயற்கையிலி ருந்தும் வெளியே இருக்கிறோம் என நினைக் கிறோம். ஆனால், அது தவறு. நம்மையும் சேர்த்ததுதான் இயற்கை. அந்த இயற்கையை அழிக்கும் விருப்பத்தோடு இருப்பதுதான் இன்றைய வாக்கு வங்கி அரசியல். நியூட்டன் படத்தில், பூர்வகுடிகள் காடுகளில் வாழ்ந் தாலும் அந்தக் காடுகளின் மீது அவர்கள் எந்தவிதமான உரிமையும் இல்லாமல் இருப் பது எப்படி என்பது தெளிவாகச் சுட்டிக் காட் டப்பட்டுள்ளது. தண்டகாரண்ய காடுகளை நாம் ஒரு கதாபாத்திரமாக வைத்துக்கொண் டால், அந்தக் காடுகளின் சூழலை, அங்கு வாழும் மக்களின் பாரம்பரிய அறிவு, சடங்கு கள் ஆகியவற்றின் தனித்துவத்தை தக்கக வைப்பது தான் உண்மையான ஜனநாயகமாக இருக்க முடியும். பூர்வகுடிகள் அந்த விதிக ளைப் பின்பற்றுகிறார்கள். நாகரிகமடைந்த, கல்வி அறிவு பெற்ற நாம்தான் அவற்றைப் பின்பற்றுவதில்லை என்கிறார்.

மதிக்கப்படாத வடிகால் பாதைகள்

காடுகளைக் காப்பாற்ற அங்கு வாழும் மக்களை வெளியேற்ற வேண்டும் என்ற ஒரு கருத்து நிலவுவது குறித்துக் கேட்டால், அது ஒரு வாதம். இன்னொரு வாதம், காடுகளைக் காப்பாற்ற வேண்டுமென்றால் அங்கிருந்து பூர்வகுடிகளை வெளியேற்றக் கூடாது என் கிறது. ஒருவேளை, அவர்கள் வெளியேற்றப் பட்டால் அவர்களுக்கு வேறுவிதமான பிரச்சி னைகள் தோன்றும். குறிப்பாக, வாழ்வாதாரம். இத்தனை நாட்கள் காடுகளில் கிடைக்கும் பொருட்களைக் கொண்டு வாழ்ந்தவர்கள், காடுகளைவிட்டு வெளியேறிய பிறகு தங் களது பசியைப் போக்குவதற்காக என்ன செய் வார்கள்? அவர்கள் வெளியேற்றப்படுவதற்கு முன்பு, பணத்தைக் கையாள்வது குறித்துப் போதிய ஆலோசனை அவர்களுக்கு வழங் கப்பட்டிருக்க வேண்டும். ஆனால், அப்படி நடக்கிறதா? இப்படி ஓர் இடத்திலிருந்து இன் னோர் இடத்துக்கு அவர்களைக் குடியேற்றும் போது, அங்கு ஏற்கெனவே இருக்கும் பெரும் பான்மைச் சமூகத்தால் அவர்கள் தாக்குதலுக்கு உள்ளா கலாம். அது குறித்து என்றாவது சிந்தித் திருக்கிறோமா? இந்தப் பிரச்சினைக்கு ஒரே தீர்வு என்று எதுவும் இருக்க முடியாது. பல்வேறு விதமான தீர்வுகள் இருக்கவே செய்கின்றன. எது எல்லோருக்கும் நன்மை தரும் என்பதை அறிந்த பிறகே, பூர்வகுடி களைக் காடுகளிலிருந்து வெளி யேற்றலாமா வேண்டாமா என்பதை முடிவு செய்ய வேண் டும் என்கிறார்.

சூழலியல் பெண்ணியம் குறித்துக் கேட்ட தற்கு அவர் சொன்ன பதில்:

அதற்கு இன்னும் நீண்ட நாட்கள் காத்திருக்க வேண்டும் என்கிறார்.

215 ஆண் ராணுவ வீரர்களைப் பின்னுக்குத் தள்ளி
வாள் விருது பெற்ற வீர மங்கை

சென்னை பரங்கிமலையில் இருக்கும் ராணுவ அதிகாரிகள் பயிற்சி மய்யத்தில் ப்ரீத்தி சவுத்ரி எனும் ராணுவப் பெண் அதிகாரி, தன்னுடன் போட்டியிட்ட 215 ஆண் ராணுவ வீரர்களைப் பின்னுக்குத் தள்ளி, வீர வாள் விருதைப் பெற்று பெண்களுக்குப் பெருமை சேர்த்துள்ளார். இத் தகைய சாதனையை இதுவரை உலகின் வேறெந்த நாட்டுப் பெண்ணும் நிகழ்த்தியதில்லை.

ராணுவப் பயிற்சி மய்யத்தில் ராணுவ அதி காரிகளுக்கு வழங்கப்படும் பயிற்சிகள் கடுமையா னவை. 49 வாரங்களுக்கு நடக்கும் இந்தப் பயிற்சியை வெற்றிகரமாக முடித்து வெளியேறுவதே ஒரு சாதனைதான். அத்தகைய கடினமான பயிற்சியைக் கடந்த மாதம் 10ஆ-ம் தேதி வெற்றிகரமாக முடித்த தோடு மட்டுமல்லாமல், அதற்கான உயரிய விருதான வீர வாள் விருதையும் ப்ரீத்தி சவுத்ரி வென்றுள்ளார். அதே பயிற்சியில் விரீதி எனும் பெண் ராணுவ அதிகாரி வெள்ளிப் பதக்கத்தை வென்று, பெண் களின் வீரத்தை நிரூபித்திருக்கிறார்.

இந்தப் பயிற்சியை வெற்றிகரமாக முடித்து அகா டமியின் அதிகாரி விவேக் சூரஜ்ஜின் தலைமையில் 255 அதிகாரிகள் வீறுநடை போட்டு அணிவகுத்து வந்தனர். இதில் 40 பேர் மட்டுமே பெண்கள். அந்த அணிவகுப்பில் இந்திய ராணுவம் மட்டுமல்லாமல் பூட்டான், ஆப்கானிஸ்தான், தஜகிஸ்தான் போன்ற நாடுகளிலிருந்தும் ராணுவ அதிகாரிகள் பங்கேற்ற னர். லெப்டினெண்ட் ஜெனரல் தேவன் ரவீந்திரநாத் சோனி, தெற்குப் பிராந்தியத்தின் ஜெனரல் ஆபீசர் காமாண்டிங் இன் சீஃப் ஆகியோர் இந்த அணி வகுப்பைப் பார்வையிட்டு மதிப்பிட்டனர். இவர் களின் மதிப்பீட்டின் அடிப்படையில் பல விருதுகள் அன்று வழங்கப்பட்டன. அதில் வீர வாள் விருதை ப்ரீத்தி வென்றதால், வழக்கம் போலத் தொடங்கிய அணிவகுப்பு வரலாற்றுச் சிறப்புமிக்கதாக மாறியது.

ஏனென்றால் வீர வாள் விருது அவ்வளவு எளிதில் பெறக்கூடியதல்ல. அங்கு நடக்கும் கடினப் பயிற்சியின் இறுதியில் உடல் திறனிலும் கல்வியிலும் ஆயுதத்தைக் கையாளும் திறனிலும் தலைமைப் பண்பிலும் களச் செயல்பாட்டிலும் நீண்ட தூர ஓட் டத்திலும் குத்துச் சண்டையிலும் சிறந்து விளங்கும் வீரருக்கு வழங்கப்படும் விருது இது.

சென்னையில் தான் தங்கியிருந்த நாட்களும் அங்கு தான் நிகழ்த்திய பல சாகசங்களும் வாழ்நாள் முழுவதும் தன் மனதில் நிறைந்திருக்கும் என்கிறார் ப்ரீத்தி சவுத்ரி.

Banner
Banner