செவ்வாய் கிரகத்தில் கியூரியாசிட்டி என்ற விண்கலம் மூலம் அமெரிக்காவின் நாசா மய்யம் ஆய்வு நடத்தி வருகிறது. இந்த நிலையில் அங்கு காலனி அமைத்து மனிதர்களை குடியமர்த்த போவதாக தனியார் நிறுவனங்கள் அறிவித்துள்ளன.

கனடா வாழ் அமெரிக்கரான வர்த்தகர் எல்கான் முஸ்க் செவ்வாய் கிரகத்தில் காலனி அமைக்க போவதாக அறிவித்துள்ளார். அதற்காக ஒரு நபருக்கு ரூ.65 ஆயிரம் கோடி (10 மில்லியன் டாலர்) கட்டணமாக செலுத்த வேண்டும் என கூறியுள்ளார்.

பொதுவாக உயிரினங்கள் வாழ ஆக்சிஜன் தேவை. பூமியின் வழி மண்டலத்தில் 78 சதவீதம் நைட்ரஜன், 21 சதவீதம் ஆக்சிஜன் மற்றும் குறைந்த அளவில் கார் பன்டை ஆக்சைடு உள்ளிட்டவைகள் உள்ளன. ஆனால் செவ்வாய் கிரக வழி மண்டலத்தில் 0.13 சதவீதம் மட்டுமே ஆக்சிஜன் உள்ளது. அதே நேரத்தில் 95 சதவீதம் கார்பன்டை ஆக்சைடு மற்றும் மிக குறைந்த அளவில் நைட்ரஜன் உள்ளிட்டவைகள் உள்ளன.எனவே உயிரினங்கள் வாழ மிகவும் அவசியமான ஆக்சிஜனை செவ்வாய் கிரகத்தில் உருவாக்க நாசா மய்யம் திட்டமிட் டுள்ளது. அதற்காக அங்கு பாசி இனங்கள் அல்லது பாக்டீரியாவை அனுப்ப முடிவு செய்துள்ளது.2020ஆம் ஆண்டில் அமெரிக்காவின் நாசா மய்யம் செவ்வாய்கிரகத்துக்கு புதிதாக ஒரு விண்கலம் அனுப்புகிறது. அத்துடன் பாக்டீரியா அல்லது பாசி இனங்கள் அனுப் பப்படுகின்றன. அங்கு இவை ஆக்சிஜனை உற்பத்தி செய்யும் என எதிர்பார்க்கப்படுகிறது.

இந்த தகவலை நாசா வின் தலைமை நிர்வாகி ராபர்ட் லைட்புட் தெரி வித்துள்ளார். இதன் மூலம் செவ்வாய் கிரகத்தில் மனிதர்கள் வாழக்கூடிய சூழ்நிலை ஏற்படும். அங்கிருந்து ராக்கெட்டுகள் பூமிக்கு திரும்ப எரிபொருளாகவும் பயன்படும் என தெரிவித்துள்ளார். மேலும் சர்வதேச விண்வெளி ஆய்வு மய்யம் மூலம் இத்திட்டம் சாத்தியமாகுமா? என்ற கோணத்திலும் ஆய்வு மேற் கொள்ளப்பட உள்ளதாகவும் அவர் கூறினார்.

காளான் குடும்பம்!



இதுவரை, 70 ஆயிரம் காளான் வகைகள் தாவரவியலாளர்களால் வகைப்படுத்தப்பட்டு உள்ளன. இருந் தாலும், உலகெங்கும் பெரிதும் சிறிதுமாக, 15 லட்சம் வகை காளான்கள் இருக்கலாம் என்கின்றனர், வல்லு நர்கள். இந்த காளான்களை, மரபணு ரீதியில், 82 வகைகளாக பிரித்து, காளான் குடும்ப வரைபடத்தை, சமீபத்தில் உருவாக்கியுள்ளனர். இயற்கையில், தாவர உலகின் சுழற்சியில் முக்கிய பங்கு வகிக்கும் காளான்கள், மருந்தாக, உணவாக மனிதர்களுக்கு பயன்படுகிறது. தாவர உலகில், மிகப்பெரிய குடும்பத்தை கொண்ட இனமாக, காளான் பெருமை பெற்றிருக்கிறது.



மனிதர்களால் உருவாக்கப்படும் கடல் மாசுக்களால், கடல்வாழ் உயிரினங்களுக்கு ஏற்படும் பாதிப்புகளை பற்றி, வருந்தத்தக்க தகவல்கள் வர துவங்கி உள்ளன. தொழிற்சாலை கழிவுகள் கலக்கும் கடல் பகுதிகளில் இருக்கும், ஆமை முகம் கொண்ட கடல் பாம்புகள், மெல்ல அடர் கறுப்பு நிறத்திற்கு மாறி வருவதை, கடல் உயிரியியல் வல்லுனர்கள், சமீபத்தில் கண்டறிந்து உள்ளனர். 'கரன்ட் பயாலஜி' இதழில் வெளியாகியுள்ள இந்த ஆய்வின்படி, மாசுக்களால், 'மெலானிசம்' என்ற குறைபாடு ஏற்பட்டுள்ளதாக தெரிகிறது. ஆனால், கடல் மாசு இல்லாத பகுதிகளில் வாழும், ஆமை முக பாம்புகளில், இந்த பாதிப்பு இல்லை என்றும் அவர்கள் கண்டறிந்து உள்ளனர். எல்லாவற்றையும் கடலில் கலந்துவிடும் வழக்கம், உடனே மாற்றப்பட வேண்டும் என்றும், அவர்கள் எச்சரித்து உள்ளனர்.

மரபணு மாற்றப்பட்ட எறும்பு!



கூட்டாக வாழும் எறும்பு களுக்கு, முக்கியமான உணர்வு, நுகரும் சக்தி தான். எதி ரிகளை கண்டறிவது முதல், சாரிசாரியா ஊறும் போது, தகவல் களை பரிமாறுவது வரை, எல்லா வற்றுக்கும் வாசனை களைத் தான், எறும்புகள் பயன்படுத்து கின்றன.  இந்நிலையில், நியூயார்க் பல்கலைக் கழக விஞ்ஞானிகள், மரபணு மாற்றத்தின் மூலம், வாசனை அறியும் உணர்வு, 90 சதவீதம் இல்லாத எறும்புகளை உருவாக்கி உள்ளனர்.

பரிசோதனைக்காக அவர்கள் எடுத்துக் கொண்டது, இந்தியாவில் காணப்படும் எறும்பு வகைகளைத் தான்! வாசனை அறியாத எறும்புகள், தங்கள் வசிப்பிடத்தை கண்டறிய முடியாமல் தவித்தன. உணவு தேடுவதில், அவை ஈடுபாடு காட்டவில்லை; தனிமையை அதிகம் நாடின. தனியே இருக்கையில், தங்கள், 'மீசை'யை அடிக்கடி உதறி சண்டை போடுவது போல பாவனை செய்தன. மிகவும் சிக்கலான, சமூக சட்டத் திட்டங்களுடன் வாழும் எறும் புகளை பற்றி, மேலும் அறிய, இந்த ஆய்வு உதவும் என்கின்றனர், விஞ்ஞானிகள்.

அதிவேகமாக மின்னூட்டம் பெறும் மின்கலன்!



இன்று, பரவலாக பயன்படும், லித்தியம் அயனி மின்கலன்களுக்கு மாற்றாக, ஆஸ்திரேலியாவின் சிட்னி பல்கலைக் கழக விஞ்ஞானிகள், புதிய துத்தநாகம் காற்று மின்கலன்களை உருவாக்கி உள்ளனர். இது, லித்தியம் அயனி மின்கலனை விட, அய்ந்து மடங்கு மின்சாரத்தை தேக்கி வைக்கும் திறன் கொண்டது என்பதோடு, குப்பையில் போட் டால், சுற்றுச்சூழலுக்கு அதிக கேடு விளைவிக்காது என்றும், அவர்கள் தெரிவித்துள்ளனர்.

'துத்தநாகம்- காற்று' மின்கலன்கள், பெயருக் கேற்றபடி, துத்தநாகம் மற்றும் காற்றிலுள்ள ஆக் சிஜன் ஆகியவற்றின் வினை மூலம், மின்சாரத்தை தேக்கி வைக்கின்றன. துத்தநாகம், உலகின் பல பகுதிகளில் தாராளமாகக் கிடைக்கக் கூடிய, விலை மலிவான உலோகம். ஆக்சிஜனும் அப்படியே. ஆனால், இதுவரை உருவாக்கப்பட்ட துத்தநாக காற்று மின்கலன்களை, விரைவில் மின்னூட்டம் பெற முடியாமல் இருந்தது. சிட்னி பல்கலைக் கழக விஞ்ஞானிகள், அந்த சிக்கலை தீர்த்துள்ளனர். மறு மின்னூட்டம் பெறுவதற்காக, பிளாட்டினம், இரிடியம் ஆக்சைடு போன்ற விலை உயர்ந்த உலோகங்களை, துத்தநாக காற்று மின்கலன்களில் பயன்படுத்துவர். ஆனால், சிட்னி ஆராய்ச்சியா ளர்கள் இரும்பு, கோபால்டு, நிக்கல் போன்ற மலி வான, ஏராளமாக கிடைக்கும் உலோகங்களையே பயன்படுத்தலாம் என, கண்டறிந்தனர்.

இந்த உலோகங்களை, துத்தநாக காற்று மின் கலன்களில் பயன்படுத்தும் போது, மின்னூட்டம் வேகமாக நடந்தது. இந்த உலோகங்களை, எந்தளவு மின்கலனில், எந்த விகிதத்தில், எந்தவித படிகத் தன்மையுடன் கலந்தால், மறு மின்னூட்டம் விரைவாக நிகழும் என்பதை, பரிசோதனைகள் மூலம், வெற்றிகரமாக தங்கள் ஆராய்ச்சியாளர்கள் பகுத்தறிந்துள்ளதாக, சிட்னி விஞ்ஞானிகள் அறிவித்துள்ளனர்.

'ஹோலோகிராம்' மேசை!



உலகிலேயே, முதன்முறையாக, பல பேர் பார்க்கக் கூடிய, 'ஹோலோகிராம்' கருவியை உருவாக்கி இருக்கிறது, ஆஸ்திரேலியாவின் யூக்ளிடியோன். ஒரு பெரிய மேசையின் வடிவில் இருக்கும், இந்த கருவியின் மேற்பரப்பில், முப்பரிமாண உருவங்கள் தெரியும்.

அதை, நான்கு பேர் வரை, சிறப்புக் கண்ணாடிகள் அணிந்து பார்க்கலாம். கண்ணாடி அணிந்தவர்கள், ஒரு பகுதியிலிருந்து நகர்ந்து போய் பார்த்தாலும், ஹோலோகிராமின் முப்பரிமாண உருவங்களை, நிஜப் பொருட்களை பார்ப்பது போன்ற கோணங்களில் பார்க்க முடியும். அதைவிட முக்கியமாக, அந்த உருவங்களை விரல்களால் தொட்டு மாற்றவும், நகர்த்தவும் முடியும். விஞ்ஞான புனைக் கதைகளில் மட்டுமே இருந்த, ஹோலோகிராம் கனவு, சிறியளவில், சில ஆண்டுகளுக்கு முன், நிஜத்துக்கு வந்தது. ஆனால், அதில் பல நடைமுறைச் சிக்கல்கள் இருந்தன. உதாரணத்திற்கு, அதை ஒருவர் மட்டுமே பார்க்க முடியும். நகர்ந்து போனால் உருவம் சிதறும்.  அந்த குறைகளை, தங்கள் ஹோலோகிராம் மேசையில் களைந்திருப்பதாக, யூக்ளிடியோன் சொல்கிறது. நகர வடிவமைப்பு, கட்டட வடிவமைப்பு, புதிய பொருட்கள் வடிவமைப்பு முதல், கணினி விளையாட்டுகள், வகுப்பறை, திரைப்படங்கள் என, பல துறைகளில், ஹோலோகிராம், புரட்சியை ஏற்படுத்தக் கூடும் என, வல்லுநர்கள் கணித்துள்ளனர்.



பரிசோதனை முயற்சியாக அளிக்கப்பட்ட சிகிச்சை ஒரு நபரின் எச்.அய்.வி தொற்றை பத்து மாதங்கள் கட்டுக்குள் வைத்திருந்ததாக மருத்துவர்கள் கூறியுள்ளனர்.

மனித உடலின் நோய் எதிர்ப்பு அமைப்பு இயற்கையாகச் சுரக்கும், "விரிவாக நோய்க்களைத் தடுக்கும் எதிர்ப்பொருட்களை," ஊசி மூலம் செலுத்தும் சிறிய பரிசோதனை முயற்சிக்கு உள்ளான 18 நபர்களில் அவரும் ஒருவர்.

அந்த நோய் எதிர்ப்பொருட்கள் , எச்.அய்.வி கிருமியானது, பரிசோதனையில் பங்கேற்ற பிற நோயாளிகளின் உடலில் தாக்கத்தை ஏற்படுத்துவதை சுமார் இரண்டு வார காலம் தாமதப்படுத்தின. இந்த ஆய்வின் முடிவுகள் பிரான்சு தலைநகர் பாரிசில் நடைபெறவுள்ள ஒன்பதாவது சர்வதேச எய்ட்ஸ் கழகத்தின் மாநாட்டில் சமர்ப்பிக் கப்படவுள்ளன. எச்.அய்.வி வைரஸ் கிருமியைச் செயலிழக்கச் செய்யும் எதிர்ப்பொருட்களை உற்பத்தி செய்வதில் மனித உடல் திறனற்றதாக இருந்தது.

எச்.அய்.வி தொற்றுக்கு ஆளான அய்வரில் ஒருவராலேயே அந்த நோய் எதிர்ப்பொருட்களை உற்பத்தி செய்ய முடிந்தது. ஆனால் அதற்குப் பல ஆண்டுகள் ஆனதுடன், அவர்களின் உடலில் கட்டுப்படுத்தப்படாத வைரஸ்கள் அதிக அளவில் இருக்கவேண்டியிருந்தது.

ஆனால் எச்.அய்.வி தொற்றைத் தடுப்பதற்கும் குணப்படுத்துவதற்கும் உதவும் என்று மருத்துவர்கள் நம்பக்கூடிய, 200-க்கும் மேற்பட்ட விரிவாக நோய்களைத் தடுக்கும் எதிர்ப்பொருட்கள் இதுவரை ஆவணப்படுத்தப்பட்டுள்ளன. நோய் எதிர்ப்பொருட்களை உடலில் செலுத்துதல் தாய்லாந்தில், நிலையான மருத்துவ சிகிச்சை மூலம் தங்கள் உடலின் எச்.அய்.வி தொற்றைக் கட்டுக்குள் வைத்திருக்கும் நபர்களைக்கொண்டு, அமெரிக்க ராணுவத்தின் எச்.அய்.வி ஆய்வுத் திட்டத்தின்  தலைமையில் ஓர் ஆய்வு மேற்கொள்ளப்பட்டது.

அந்த ஆய்வில் சிலருக்கு சிகிச்சை எதுவும் வழங்கப்படவில்லை. சிலரின் ரத்த ஓட்டத்தில் 01 என்று பெயரிடப்பட்ட நோய் எதிர்ப்பொருள் செலுத்தப்பட்டது. சிகிச்சை பெறாதவர்கள் உடலில் எச்.அய்.வி வைரஸ் தவிர்க்க முடியாமல் திரும்பவும் தோன்றியது. சராசரியாக 14 நாட்களுக்குப் பின் அவர்களுக்கு மீண்டும் சிகிச்சை தொடரப்பட்டது.

ஆனால் அந்த நோய் எதிர்ப்பொருளை உடலில் செலுத்தப்பட்ட வர்களுக்கு மீண்டும் சிகிச்சையைத் தொடங்கும் தேவை 26 நாட்களுக்குப் பிறகே ஏற்பட்டது.

"அந்த நோய் எதிர்ப்பொருள் செலுத்தப்பட்ட நோயாளிகளில் ஒருவர் 10 மாதம் எச்.அய்.வி-க்கு சிகிச்சை எடுக்காமல் இருந்தார். அவரின் உடலில் எச்.அய்.வி வைரஸ் கிருமிகளின் எண்ணிக்கையும் கட்டுப்படுத்தப்பட்டு மிகவும் குறைந்த அளவே இருந்தது," என்று  கூறினார்.
அந்த நபர் மூன்று வாரத்திற்கு ஒரு முறை என ஆறு மாத காலம் அந்த நோய் எதிர்ப்பொருளை அவரின் உடலில் செலுத்தப்பெற்றார்.

இந்தத் துறையின் ஆய்வுகள் இன்னும் தொடக்க நிலையிலேயே இருக்கின்றன. ஆனால் அதன் முடிவுகள் நோய் எதிர்ப் பொருட்களை அடிப்படையாகக்கொண்ட சிகிச்சைகள் மூலம் எச்.அய்.வி. தொற்றைக் குணப்படுத்தும் சாத்தியத்தை வெளிப்படுத்துகின்றன.

"நோய் எதிர்ப்பொருட்களைக்கொண்டு சிகிச்சை அளிப்பதை நான் உறுதியாக நம்புகிறேன். ஏனெனில், வருங்காலத்தில், அவற்றை ஆண்டுக்கு இரண்டு அல்லது மூன்று முறை மட்டுமே செலுத்தக்கூடிய சூழ்நிலை வரலாம்," என்று அவர் கூறுகிறார்.

அதிகரித்த நோய் எதிர்ப்பு சக்தி விலங்குகளைக்கொண்டு செய்யப்பட்ட ஆய்வுகள் நோய் எதிர்ப்பொருட்கள் மூலம் வழங்கப் படும் சிகிச்சை, வழக்கமாக வழங்கப்படும் சிகிச்சைகளை விட, தாக்கம் நிறைந்ததாக இருப்பதையும், அக்கிருமிகளைத் தாக்குவதற்கு உடலின் நோய் எதிர்ப்பு அமைப்பைப் பழக்கப்படுத்துவதையும் வெளிப்படுத்தின.

குரங்குகளின் உடலில் அந்த நோய் எதிர்ப்பொருள் செலுத்தப் பட்டபோது, அவற்றின் உடலிலுள்ள நோய் எதிர்ப்பு அமைப்பால் அறிந்துகொள்ளக்கூடிய ஒரு "நோய் எதிர்ப்புக் கட்டமைப்பை" உருவாக்கின. எய்ட்ஸ் - உண்மையை உலகறியச் செய்த தமிழ் மருத்துவ மாணவி ஹெச்அய்வியால் பாதிக்கப்பட்ட சில குழந்தைகளுக்கு எய்ட்ஸ் உருவாகவில்லை: விஞ்ஞானிகள் கண்டுபிடிப்பு
"அந்த நோய் எதிர்ப்பொருட்கள் செலுத்தப்பட்டது, 'டி' அணுக்கள் (-) உள்ளிட்ட நோய் எதிர்ப்பு அமைப்பில் உள்ளனவற்றை எச்.அய்.வி தொற்றுக்கு இன்னும் சிறப்பாக எதிர்வினையாற்றத் தூண்டியிருக்கலாம். குரங்குகளைக்கொண்டு நடத்தப்பட்ட ஆய்வில், அந்தக் குரங்குகளின் உடல்கள் அவற்றை மீண்டும் சுரந்தன," என்று மருத்துவர் அனன்வோனாரிக் கூறினார்.

இந்த ஆய்வின் அடுத்தகட்டமாக, பரிசோதனையின்போது சேகரிக்கப்பட்ட அனைத்து ரத்த மாதிரிகளையும் சோதித்து, அந்த சிகிச்சை நோய் எதிர்ப்பு அமைப்பையும், அந்த வைரஸ் கிருமிகளையும் எவ்வாறு பாதித்தன என்பதை அறிவதாகும்.

எச்.அய்.வி வைரஸ் தொடர்ந்து உயிரியல் மாற்றங்களுக்கு உள்ளாவதால், வருங்காலத்தில் வழங்கப்படும் சிகிச்சைகள் விரிவாக நோய்க்களைத் தடுக்கும் எதிர்பொருட்களை உள்ளடக்கியதாக இருக்க வேண்டும். ஆனால் நோய் எதிர்ப்பொருட்கள் சாதாரண வேதிப் பொருட்கள் அல்ல. அவை நோய் எதிர்ப்பு உயிரியலில் சிக்கலான கூறுகளைக் கொண்டிருப்பதால் அவற்றை உற்பத்தி செய்வது மிகவும் செலவு பிடிக்கும்.

"உயிரியல் கூறுகளைக் கொண்டைவையாகவும், சிறிய மூலக் கூறுகளை உருவாக்குவதைவிட சிக்கல் நிறைந்ததாகவும் இருப்பதால், நோய் எதிர்ப்பொருட்களைத் தயாரிக்க இயல்பாகவே அதிகம் செலவாகும்," என்று அமெரிக்காவின் நேஷனல் இன்ஸ்டிட்யூட் ஆஃப் அலர்ஜி அண்ட் இன்ஃபெக்ட்டிஷியஸ் டிசீசஸின் இயக்குநர் மருத்துவர் ஆண்டனி ஃபாசி கூறுகிறார்.

"ஆனால் சிறப்பாக வேலை செய்யக்கூடிய நோய் எதிர்ப்பொருள் ஒன்று உருவாக்கப்பட்டால், அவற்றை தயாரித்து, எல்லோருக்கும் கிடைக்கும் வகையில் விலையைக் கணிசமாகக் குறைக்க முடியும் என்பதையும் நான் உத்திரவாதமாகக் கூறுவேன்," என்கிறார் அவர்.

Banner
Banner