‘எக்சிமா’ போன்ற தோல் நோய் உள்ளவர்களுக்கு, தோல் அரிப்பு ஒரு பெரும் தொல்லை. இதற்கு, தற்போது உள்ள முறைகளிலிருந்து முற்றிலும் மாறுபட்ட சிகிச்சையை, ரோம் நகரிலுள்ள மருத்துவ விஞ்ஞானிகள் உருவாக்கி இருக்கின்றனர்.

அய்ரோப்பிய மூலக்கூறு உயிரியல் ஆய்வகம், இ.எம்.பி.எல்.,லைச் சேர்ந்த விஞ்ஞானிகள், ஒளி மூலம் முடுக்கிவிடப்படும் மருந்து ஒன்றை கண்டு பிடித்துள்ளனர்.

தோலின் மேற்புறத்திலுள்ள சில குறிப்பிட்ட நரம்பு செல்கள் துண்டப்படுவதால் தான், அந்த இடத்தில் அரிக்கும் உணர்வு ஏற்படுகிறது.

ரோம் விஞ்ஞானிகள் தயாரித்துள்ள மருந்தை, ஊசி மூலம் தோலில் செலுத்தினால், அந்த மருந்து, குறிப்பிட்ட நரம்பு செல்களில் மட்டும் ஒட்டிக் கொள்ளும் திறன் கொண்டது. மருந்து சென்ற இடத்தில் அகச் சிவப்புக் கதிர்களை பாய்ச்சினால், அவை தோலை ஊடுருவிச் சென்று மருந்தை முடுக்கிவிட, அரிப்புணர்வைத் தரும் நரம்பு செல்கள், தோலின் மேற்பரப்பிலிருந்து பின்வாங்கி விடுகின்றன. அரிப்பு நின்றுவிடுகிறது.

இந்த மருந்தை எலிகளுக்குக் கொடுத்து சோதித்த போது, எக்சிமா உள்ள எலிகளுக்கு உடனே அரிப்பு நின்றுவிட்டது.  பல மாதங்களுக்கு அரிப்பு இல்லாமல் எலிகளால் இருக்க முடிந்தது. தவிர, நகங்களால் சொறிந்து கொள்வது நின்றதால், அந்த இடத்தில் இருந்த புண்களும் வேகமாக ஆறிவிட்டன. ‘நேச்சர் பயோமெடிக்கல் இன்ஜினியரிங்’ இதழில் வெளியாகியுள்ள இந்த ஆய்வை, மனிதர்கள் மீதும் விரைவில் நடத்திப் பார்க்க, ரோம் விஞ்ஞானிகள் திட்டமிட்டுள்ளனர்.

பூமிப் பந்தின் வட துருவ காந்தப் புலம் தொடர்ந்து நகர்ந்து வருகிறது. வட புலம் துல்லியமாக குறிக்கப்பட்ட, 1881லிருந்தே, அது ஆண்டுக்கு, 10 கி.மீ., இடம் பெயர்ந்து வருகிறது. ஆனால், கடந்த சில ஆண்டுகளாக, வட காந்தப் புலம்  இடம் பெயர ஆரம்பித்திருக்கிறது.

இன்று, திறன் பேசிகளிலில் இருக்கும், ஜி.பி.எஸ்., வசதி முதல், கப்பல்கள், விமானங்களில் இருக்கும் திசைகாட்டிகள் வரை இதனால் பாதிக்கப்படுமே? ஆனால், ‘உலக காந்த மாதிரி’ உருவாக்கும் அமெரிக்காவின், என்.ஓ.ஏ.ஏ., எனப்படும், ‘தேசிய கடல் மற்றும் வளி மண்டல நிர்வாகம்‘ வட புல நகர்வை தொடர்ந்து, காந்த மாதிரியை புதுப்பித்து வருகிறது.

இந்த புதிய மாதிரிகளைத் தான், ஜி.பி.எஸ்., சேவைகள் வாங்கி பயன்படுத்துகின்றன. அண் மையில் அதிபர் டிரம்பின் அரசு, முடக்க தீர்மானித் திருக்கும் பல அரசு துறைகளில், என்.ஓ.ஏ.ஏ.,வும் வருவதால், உலக காந்த மாதிரியை புதுப்பிப்பதில் தடங்கல் ஏற்பட்டுள்ளது.

இந்த புல நகர்வு, வட துருவத்திற்கு அருகே இருப்பவர்களுக்கே லேசான பாதிப்பு. தள்ளி இருப்பவர்கள், வழக்கம்போல வட புலம் நகர்வது பற்றி கவலைப்பட வேண்டியதில்லை.

இன்னொரு விஷயம், பூமியின் இரு காந்தப் புலங்களும், 7.8 லட்சம் ஆண்டுகளுக்கு முன் தலை கீழாக மாறியதாகவும், அப்படி ஒரு மாற்றம் வருவதற்கான அறிகுறியே நகர்வு வேகம் அதிகரித்து வருவது என்றும், விஞ்ஞானிகள் கணித்துள்ளனர்.

முன்னெப்போதும் இல்லாத வகையில் பூமியின் வளிமண்டலத்தில் கார்பன்-டை-ஆக்சைடின் (கரியமில வாயு) அளவு இந்த ஆண்டு அதிகரிக்கும் என்று எதிர்பார்க்கப் படுவதாக பிரிட்டனின் வானிலை மய்ய ஆராய்ச்சியாளர்கள் எச்சரித்துள்ளனர்.

கரியமில வாயுவை ஆக்சிஜனாக மாற்றும் காடுகளின் பரப்பளவு ஒவ்வொரு ஆண்டும் குறைந்து வரும் அதே வேளையில், மனிதர்களின் செயல்பாடுகளால் வெளியாகும் கரியமிலவாயு அளவும் அதிகரித்து வருகிறது.

அதே வேளையில், சமீபத்திய ஆண்டு களில் வெப்பமண்டல பசிபிக் பிராந்தியத்தில் வெப்பநிலை அதிகரித்து வருவதால், அங்கு மரங்கள், செடிகளின் வளர்ச்சி அளவு குறைந்து கரியமிலவாயு உறிஞ்சப்படுவதும் குறைந்து வருகிறது.

இதன் விளைவாக, 2018ஆம் ஆண்டை காட்டிலும், 2019ஆம் ஆண்டு கரியமிலவாயு வெளியாவது அதிகளவில் காணப்படும் என்று ஆராய்ச்சியாளர்கள் தெரிவித்துள் ளனர்.

1958 ஆம் ஆண்டு முதல், அமெரிக்காவின் ஹவாயிலுள்ள ஆராய்ச்சி ஆய்வு மய்யம் வளிமண்டலத்திலுள்ள ரசாயன கலவை பற்றிய தரவுகளை தொடர்ந்து கண்காணித்து சேகரித்து வருகிறது. இந்த ஆய்வகத்தில் கரியமிலவாயுவின் அளவை பதிவிட ஆரம் பித்ததிலிருந்து இது வரை வளிமண்டலத்தி லுள்ள கரியமில வாயுவின் செறிவு 30 சதவீதம் அதிகரித்துள்ளது. அதிகரித்து வரும் பெட் ரோலியப் பொருள்களின் பயன்பாடு மற்றும் காடுகள் அழிப்பே இதற்கு முக்கிய காரணமாக கூறப்படுகிறது.

காடுகள், நிலம் மற்றும் கடல் ஆகியவற்றின் பங்களிப்பு இல்லையென்றால், மனிதர்களின் கேடு விளைவிக்கக்கூடிய இயற்கைக்கு எதிரான செயல்பாட்டின் காரணமாக வளி மண்டல கரியமிலவாயுவின் செறிவு இன்னும் மிகப் பெரிய அளவில் உயர்த்திருக்கக்கூடும் என்று ஆராய்ச்சியாளர்கள் தெரிவிக்கின்றனர்.

கோடைகாலத்தில் மரங்களும், செடிகளும் வளரத் தொடங்கி அதிகளவிலான கரியமில வாயுவை உறிஞ்சுவதால் வளிமண்டலத்தில் கரியமிலவாயுவின் அளவு குறைந்து காணப் படுகிறது. குளிர்காலத்தின்போது மரங்களி லுள்ள இலைகள் உதிர்ந்து கரியமிலவாயுவை உறிஞ்சுவது குறைவதால் வளிமண்டலத்தில் அவற்றின் அளவு அதிகரித்து காணப்படுகிறது.

அதே சமயத்தில், வெப்பநிலை இயல்பான அளவைவிட அதிகமாகவும், வறண்டும் காணப்பட்டால் மரங்கள், செடிகளின் வளர்ச்சி குறைவதுடன் கரியமிலவாயுவை உறிஞ்சுவதும் குறைகிறது.

“சூடான கடல் மேற்பரப்பு நிலைமைகள் அடுத்த சில மாதங்கள் தொடர்வதுடன், பிறகு அது தாவரங்களின் செயல்பாட்டில் மாற்றம் ஏற்படுவதற்கு வழிவகுக்கும்“ என்று வானிலை ஆராய்ச்சியாளர் கிறிஸ் ஜோன்ஸ் கூறுகிறார்.

“அதிகரித்து வரும் வெப்பம் உலகம் முழு வதும் வேறுபட்ட விளைவுகளை ஏற்படுத்தி வருகிறது. சில பகுதிகளில் அதிக வெப்பநிலை மற்றும் வறட்சியின் காரணமாக காட்டுத்தீ சம்பவங்கள் ஏற்பட்டு பெரும் சேதத்தை உருவாக்குகிறது. அதேபோன்று, மழைக் காடுகளில் அதிகரிக்கும் வெப்பம் தாவரங் களின் வளர்ச்சியை பாதிக்கிறது.”

வளிமண்டலத்திலுள்ள கரியமிலவாயுவின் அளவு, 2018அய்ஆண்டை காட்டிலும், 2019ஆம் ஆண்டு அதிகரிக்கும் என்று பிரிட்டனின் தேசிய வானிலை ஆராய்ச்சி மய்யம் கணித்துள்ளது.

அதாவது, 2019ஆம் ஆண்டு வளிமண் டலத்தில் கரியமிலவாயுவின் செறிவு 411 என்றளவில் இருக்குமென்று கருதப்படுகிறது. உலக வரலாற்றில் முதல் முறையாக 400 என்ற அளவு 2013ஆம் ஆண்டு பதிவாகியது.

எல் நினோ ஏற்பட்ட 2015-16, 1997-1998 ஆண்டுகளைவிட இந்த ஆண்டு கணிக்கப் பட்டுள்ள அளவு அதிகமாக இருக்காது. இந்த ஆய்வகத்தில் வளிமண்டலத்திலுள்ள கரியமிலவாயுவின் அளவு பதிவுசெய்யப்பட ஆரம்பித்ததிலிருந்து இதுவரை ஆறு முறை மட்டுமே 411 என்ற அளவுக்கு அதிகமாக கரிய மில வாயு செறிவு அதிகரித்துள்ளது.

“20ஆம் நூற்றாண்டின் மொத்த காலப் பகுதியிலும் அதிகரித்ததைப் போன்று, தற் போதும் கரியமிலவாயுவின் செறிவு ஒவ் வொரு ஆண்டும் சீராக அதிகரித்து வருகிறது” என்று ஜோன்ஸ் கூறுகிறார்.

“கரியமிலவாயுவின் செறிவு பதிவிடப்பட ஆரம்பித்ததிலிருந்து இதுவரையிலான கால கட்டத்தில் அதிகபட்ச அளவுகளில் ஒன்றாக அடுத்த ஆண்டு இருக்கும் என்று கருது கிறோம்.”

பிரிட்டனின் வானிலை ஆராய்ச்சி மய்யம் வெளியிட்டுள்ள தகவல்கள் வருத்தம் அளிக்கக்கூடிய வகையில் இருப்பதாக மற்ற ஆராய்ச்சியாளர்கள் கருத்துத் தெரிவித் துள்ளனர்.

“நாம் பெட்ரோலிய எரிபொருளை சார்ந் திருப்பதே அதிகரித்து வரும் கரியமிலவாயு செறிவிற்கு காரணம்“ என்று கூறுகிறார் பிரிட்டிஷ் அண்டார்டிக் சர்வே அமைப்பை சேர்ந்த அண்ணா ஜோன்ஸ்.

“வளிமண்டலத்தில் அதிகரித்து வரும் கரியமிலவாயு செறிவானது, புவி வெப்பநிலை, தொழிற்புரட்சிக்கு முந்திய நிலையைக் காட்டிலும் 1.5 டிகிரி செல்சியசுக்கு மேல் அதி கரிக்காமல் பாதுகாக்கவேண்டும் என்ற இலக்குக்கு எதிராக உள்ளது.”

அதிகரித்து வரும் கரியமிலவாயுவின் செறிவு மட்டும் இந்தாண்டு வரலாற்றிலேயே அதிகபட்ச வெப்பநிலையை உலகம் சந்திப் பதற்கு வித்திடும் என்று கருதமுடியாது என்றும், இன்னும்பிற இயற்கை காரணிகளை பொறுத்தே இதன் முடிவு அமையுமென்றும் ஆராய்ச்சியாளர்கள் தெரிவிக்கின்றனர்.

தங்களது ஆராய்ச்சி முறையின் மூலம் கடந்த நான்காண்டுகளாக மேற்கொண்டு வரும் கணிப்புகள் துல்லியமானதாக உள்ள தாகவும், எதிர்காலத்தில் இதை பயன்படுத்தி நச்சு வாயுக்களின் அளவை குறைப்பதற்காக திட்டத்தை ஏற்படுத்துவதற்கு பல்வேறு நாடுகளுக்கு உதவ முடியமென்றும் விஞ்ஞானிகள் நம்பிக்கை தெரிவிக்கிறார்கள்.

Banner
Banner