உலகின், மிகப்பெரிய சூரிய ஒளி மின் பூங்கா இருப்பது, துபாயில் தான். அங்குள்ள, ‘முகமது பின் ரசீத் அல் மக்தோவும் சூரிய பூங்கா’வின் மின் உற்பத்தித் திறன், 2030 வாக்கில் 5,000 மெகாவாட்டாக உயர்த்த, துபாய் அரசு திட்டமிட்டு உள்ளது.

இதற்கென, சமீபத்தில், 700 மெகாவாட் மின் உற்பத்தித் திறனைக் கூட்டவும், 853 அடி உயர, சூரிய ஒளி வாங்கி கோபுரத்தை கட்டவும், துபாய் அரசு அனுமதி வழங்கி உள்ளது.

ஏற்கெனவே அங்கு 23 லட்சம் சூரிய ஒளித் தகடுகள் பொருத்தப்பட்டு, 200 மெகாவாட் மின்சாரம் உற்பத்தி செய்யப்படுகிறது. புதிய திட்டத்தின்படி சூரிய ஒளியை குவியங்கள் (லென்சுகள்) மூலம் பிரதிபலித்து, ஒரு கோபுரத்தின் மீது குவியப்படுத்த உள்ளனர். கோபுரத்தில் படும் அதிக வெப்பத்தைக் கொண்டு ஒரு திரவத்தை ஆவியாக்குவர். அந்த ஆவியின் உந்து விசையில் டர்பன்களை இயக்கி மின்சாரம் உற்பத்தி செய்வர். வரும் ஆண்டுகளில், மின் உற்பத்திக்கு பெட்ரோலிய பொருட்களின் பயனை வெகுவாகக் குறைக்க துபாய் அரசு திட்டமிட்டுள்ளது. இதற்கு இந்த சூரிய மின் ஒளி தொழில்நுட்ப முயற்சிகள் வெகுவாக உதவும்.

கட்டுப்படும் காகித விமானம்!

காகிதத்தில் விமானம் செய்து காற்றில் வீசுவது எல்லா சிறு வயதினருக்கும் பிடித்த விளையாட்டு. ஆனால், கையைவிட்டு கிளம்பியதும் விமானம் சிறுவர்களின் கட்டுப்பாட்டில் இருக்காது. விடுவித்த வேகம், வீசும் காற்றைப் பொறுத்து காகித விமானம் தரையைத் தொடலாம் அல்லது சில வினாடிகள் பறந்து மெல்லத் தரையிறங்கலாம்.

இந்த காகித விமானத்திற்குள் ஒரு சிறிய இயந்திரத்தை பொருத்தி, அதை கட்டுப்படுத்தும் திறனை சிறுவர்களுக்குத் தந்தால்? அதைத்தான் செய்திருக்கிறது, ‘பவர் அப் டார்ட்.’

லித்தியம்-பாலிமர் மின்கலன், ஒரு மின் விசிறி மற்றும் மோட் டாரைக் கொண்ட பவர் அப் டார்ட்டை மொபைல் செயலி மூலம் கட்டுப்படுத்தலாம்.

எனவே, காகித விமானத்தை சிறுவர்கள் தங்கள் விருப்பப்படி வெகு நேரம் காற்றில் பறக்கவிட முடியும். தவிர சிறிய கேமரா ஒன்றும் இந்த விமானத்தில் பொருத்த முடியும்!


மின்சார ‘மினி’ பம்பு!

உலகெங்கும் இருக்கும் மிதிவண்டி பிரியர்களுக்கு, சக்கரத்தில் காற்று குறைந்து விட்டால், பெரிய தலைவலி தான். கை பம்பு அல்லது காற்றடைத்த டப்பா போன்றவற்றுடன் அலைய முடியாது.

இதற்கு தீர்வாக, கையடக்க பம்பு ஒன்றை உருவாக்கியிருக்கிறது, ‘பும்பா’ என்ற இந்த பம்பு, மின்சாரத்தால் இயங்குகிறது. இதன் எடை வெறும், 190 கிராம் தான். ஒரு மணி நேரம் மின்னேற்றம் செய்து வைத்துக்கொண்டால் போதும். இரண்டு மிதிவண்டி சக்கரங்களுக்கும், போதிய காற்றழுத்தத்தை பெற்றுக் கொள்ளலாம். ஒரு சக்கரத்திற்கு 50 நொடிகளில் காற்றை அடித்துத் தந்துவிடும் திறன் கொண்டது இந்த மினி பம்ப்.

மேலும், வீட்டில் வைத்து காற்றடித்துக்கொள்வதற்காக, சற்றே பெரிய பம்பையும் வெளியிட்டிருக்கிறது பும்பா. அண்மையில், அமெரிக்காவிலுள்ள லாஸ்வேகாஸ் நகரில் நடந்த, ‘இன்டெர்பைக்‘ கண்காட்சியில் இந்த புதுமையான பம்பிற்கு நல்ல வரவேற்பு கிடைத்தது.

காலணி தைக்கும் ரோபோ!

 

டோக்கியோவில், காலணி தைக்கும் ரோபோ ஒன்றை, ‘யுனீக்’ காலணி தயாரிப்பாளர்கள் அறிமுகம் செய்துள்ளனர்.

‘உலகின் மிகச் சிறிய காலணி தொழிற்சாலை’ என்று விளம்பரப்படுத்தப்பட்ட அந்த ரோபோ, 15 அடிக்கு 5 அடி இடத்திற்குள் அடங்கிவிடுகிறது.

இரண்டு ரோபோ கரங்கள், ஒரு இணை காலணிகளை ஆறு நிமிடத்திற்குள் தைத்துத் தருகின்றன. வாடிக்கையாளர் கால் அளவு களை எடுத்துத் தந்ததும், காலணிக்கான பொருட்களை எடுத்து, நூலைக் கோர்த்து, தைத்து தருகிறது யுனீக் ரோபோ.

ஆனால், காலணியின் இறுதி வடிவத்தை, ஒரு காலணி வடிவமைப்பாளர்தான் சரிபார்த்து, திருத்தித் தருகிறார். இந்த ரோபோ கரங்களை காலணி தயாரிக்கும் விதத்தில் உருவாக்க ஆறு ஆண்டுகள் பிடித்ததாக யுனீக் காலணி அதிகாரிகள் தெரிவித்தனர்.

பிரபல காலணி தயாரிப்பாளர்கள், இனி புதிய காலணிகளை வடிவமைத்து, அதற்கான மென்பொருளை மட்டும் தங்கள் கிளை களுக்கு அனுப்பினால் போதும். கிளைக் கடைகளில் உள்ள ரோபோ, அங்கு வரும் வாடிக்கையாளரின் அளவுகளை எடுத்து ஆறு நிமிடங்களில் தைத்துத் தந்துவிடும்!

உறைந்த பனியிலும் பிளாஸ்டிக் குப்பை!


ஆர்டிக் கடல் பகுதியின் உறைந்த பனிப்பாறைகள் தற் போது  உருக ஆரம்பித்துள்ளன.

இதனால் அங்கே இதுவரை மனிதன் செல்ல முடியாத பகுதி களுக்கு செல்லும் வாய்ப்பு விஞ்ஞானிகளுக்குக் கிடைத்துள்ளது.

அப்படி அங்கு சென்ற பிரிட்டனின் எக்செட்டர் பல் கலைக்கழக விஞ்ஞானிகளுக்கு ஒரு வியப்பு காத்திருந்தது. அங்கும் பிளாஸ்டிக் கழிவுகள் வந்துவிட்டிருந்தன.

உருகும் பனிப் பாறை பகுதிகளில் பிற கடல் நீர் வந்து சேர்வதால், அதன் வழியே கடலில் மிதக்கும் பிளாஸ்டிக் குப்பைகளும் வர ஆரம்பித்திருப்பதாக விஞ்ஞானிகள் கண்டறிந்தனர்.


வெகுதூரம் செல்லும் மின் பேருந்து

மின்சார பேருந்துகள், பல நாடுகளில் சத்தமில்லாமல் அறிமுகமாகி வருகின்றன. அடிக்கடி மின்னேற்றம் செய்யவேண்டும் என்பதால் மின்சார பேருந்துகளால் வெகு தூரம் பயணிக்க முடியாது என்ற கருத்து மக்களிடம் இருக்கிறது.

இதை முறியடிக்க, ‘புரோடெரா’ என்ற மின் பேருந்து தயாரிப்பு நிறுவனம், அண்மையில், ‘கேட் டலிஸ்ட் இ2’ என்ற மின் பேருந்தை அறிமுகப்படுத்தி இருக்கிறது.

இது ஒரு முறை மின்னேற்றம் செய்ததும், 1,772 கி.மீ., தூரம் பயணித்து சாதனை படைத்திருக்கிறது. இத்தனைக்கும் கேட்டலிஸ்ட் இ2 ஒன்றும் குட்டி பேருந்து அல்ல.

12 மீட்டர் நீளம் கொண்ட பெரிய பேருந்து. டீசல், பெட்ரோல் பேருந்துகளின் யுகம், முடிவுக்கு வந்து விட்டது என்றும், இனி மின் வாகனங்களுக்கே எதிர்காலம் என்றும், அமெரிக்காவைச் சேர்ந்த புரோடெரா நிறுவனம் ஊடகங்களிடம் முழக் கமிடுகிறது.

அதுமட்டுமல்ல; கேட்டலிஸ்ட் இ2 வாகனத்திற்கு தானோட்டி தொழில்நுட்பத்தையும் கொண்டு வர ஆராய்ச்சி நடப்பதாகவும், அந்நிறுவனம் அறிவித்துள்ளது.

அதாவது, ஓட்டுநர் இல்லாமல் ஆயிரம், கி.மீ., தூரம் ஓட்டிச் செல்லும் தொழில்நுட்பம்!  


சிலந்தி ரோபோ - சிலந்தி வடிவலான புதிய ரோபோவை உருவாக்கியுள்ளனர். இதன் முன்புறமும் பின்புறமும் கேமரா பொருத்தப்பட்டுள்ளது. 8 ஜிபி நினைவக திறன் கொண்டது. காடுகளில் பல வகையான சிறிய உயிரினங்களை ஆய்வு செய்வதற்கு இந்த ரோபோ பயன்படுத்தப்படுகிறது.

விநியோக ரோபோட் - சுவிட்சர்லாந்து நாட்டின் ஜூரிச் நகரத்தில் சிறிய வடிவிலான ரோபோக்களை பொருட்களை விநியோகம் செய்வதற்கு பயன்படுத்த தொடங்கியுள்ளனர். சில தினங்களுக்கு முன்பு சோதனை முயற்சி செய்யப்பட்டுள்ளது. ஜெல்மோலி என்ற வணிக நிறுவனம் இந்த ரோபோக்களை அறிமுகப்படுத்தியுள்ளது. இந்த ரோபோ 10 கிலோ எடை கொண்ட பொருட்களை எடுத்துச் செல்லும் திறன் கொண்ட வகையில் வடிவமைக்கப்பட்டுள்ளது. 1 கிலோ மீட்டர் தூரத்தில் உள்ள வீடுகளுக்கு பொருட்களை விநியோகம் செய்கிறது. ஒரு மணி நேரத்துக்கு 6 கிலோமீட்டர் வேகத்தில் இந்த ரோபோ செல்கிறது.

மாணவர்களுக்கான செயலி

மாணவர்கள் ஸ்மார்ட்போன்களைப் பொழுதுபோக்கு நோக்கில் மட்டும் பயன்படுத்துவதில்லை. கல்வி தொடர்பான பணிகளுக்கும் பயன்படுத்தலாம். இதற்கு உதவ எண்ணற்ற செயலிகள் இருக்கின்றன. இதில் டைம்டேபிள் செயலியையும் சேர்த்துக்கொள்ள வேண்டும்.

இந்தச் செயலி வகுப்புப் பாட அட்டவணையைக் குறித்து வைத்துக் கொண்டு, வகுப்புகளை மறக்காமல் இருக்க உதவுகிறது. இதில் வகுப்புகள் நடைபெறும் நேரத்தை குறிப்பிடுவதோடு, மாணவர்கள் தங்களுக்கு தரப்படும் வீட்டுப்பாடங்கள், விடுமுறை நாட்கள் போன்றவற்றையும் குறித்துக்கொள்ளலாம். வகுப்பில் எடுக்கும் குறிப்புகளையும் இதில் சேமிக்கலாம். முக்கியமாக வகுப்பு நடந்துகொண்டிருக்கும்போது போனில் அழைப்பு வந்தால், அதை மவுனமாக்கும் வசதியும் இருக்கிறது.

பள்ளி அல்லது கல்லூரி பாடத்திட்டங்களை நிர்வகிப்பதில் இந்தச் செயலி மிகவும் உதவியாக இருக்கும். எந்தச் சாதனத்திலிருந்து வேண்டு மானாலும் இதில் உள்ள தகவல்களை அணுகலாம்.

ஒவ்வாமையை தடுக்கும் கருவி

உணவில், ஒவ்வாமை தரும் பொருட்கள் இருக்கின்றனவா என்பதை, கண் பார்வையை வைத்து தெரிந்து கொள்ள முடியாது. இதனால், பலருக்கு அந்த பொருட்களை உண்ட பின், கடும் ஒவ்வாமை ஏற்படுகிறது. இதை தடுக்க, ஹார்வர்டு மருத்துவப் பள்ளி விஞ்ஞானிகள், 'அய் ஈட்' என்ற சிறிய கருவியை உருவாக்கி உள்ளனர். இதை அவர்கள், 2,600 ரூபாய்க்கு, சந்தையில் வாங்கிய பொருட்களை வைத்தே உருவாக்கி உள்ளனர்.

இந்த ஒவ்வாமை அறியும் கருவி, மூன்று பகுதிகளை கொண்டது. ஒரு பகுதி, உணவு மாதிரியில் உள்ள ஒவ்வாமை தரும் பொருளை சேகரிக்கிறது. சாவி அளவுக்கே உள்ள, இரண்டாவது மின்னணு பகுதி, உணவு மாதிரியை அலசுகிறது. மூன்றாவது, ஒரு மொபைல் செயலி. இந்த செயலி, அலசிய ஒவ்வாமை பொருட்களை பற்றி தகவலை தெரிவிக்கிறது. இப்போதைக்கு, 'அய் ஈட்' பத்தே நிமிடங்களில் நிலக்கடலை, கோதுமை, பால், முட்டை போன்ற அய்ந்து உணவுகளில், ஒவ்வாமை தரும் பொருட்களை காட்டித் தருகிறது. விரைவில், எந்த ஒவ்வாமை தரும் பொருட்களையும் கண்டு பிடிக்கும்படி, இதை தயாரிக்க இருப்பதாக, விஞ்ஞானிகள் தெரிவித்து உள்ளனர். மேலும், காய்கறிகளில், பூச்சி மருந்து படிந்துள்ளனவா என்றும் அது கண்டுபிடிக்கும் என, அவர்கள் கூறியுள்ளனர்.

காந்த ரயில் அறிமுகம்

இந்தியாவில், அதிவேக நிலத்தடி காந்த ரயில் போக்குவரத்து நடைமுறைக்கு வந்தால், அது, ஆந்திராவில் தான் முதலில் வரும். இதற்கான ஒப்பந் தத்தை, ஆந்திர அரசிடம், அய்ப்பர் லுப் டிரான்ஸ்போர்டேசன் டெக்னாலஜிஸ்' கையெழுத் திட்டு உள்ளது.

விஜயவாடா - அமராவதி இடையே, வரவிருக்கும் இந்த போக்குவரத்துக்கு, எங்கே சுரங்க வழித்தடத்தை தோண்டலாம் என்பது குறித்த முதற்கட்ட ஆய்வு, அக்டோபரில் துவங்கி, ஆறு மாதங்கள் நடக்க உள்ளது. அதையடுத்து, களப் பணி துவங்கும் என, எச்.டி.டி.,யும், ஆந்திர அர சும் அறிவித்துள்ளன. காரில், 1 மணி, 10 நிமிடம் பிடிக்கும் பயணம், எச்.டி.டி.,யின் சுரங்க காந்த ரயிலில் வெறும், 6 நிமிடத்தில் கடந்து விடலாம். ஏற்கெனவே, அபுதாபி, பிரான்சு, ஸ்லோவாகியா, இந்தோனேசியா ஆகிய நாடுகளில், முதற்கட்ட ஆய்வுகளை, எச்.டி.டி., நடத்தி இருக்கிறது.

மின்சார காரான டெஸ்லாவின் அதிபர், எலான் மஸ்க், முன்வைத்தது தான், அய்ப்பர் லுப். காற்றழுத்தம் குறைவான சுரங்கப்பாதையில், தண்டவாளத்தைத் தொடாமல், காந்தத்தில் மிதக் கும் ரயில் மணிக்கு, 600 - 700 கி.மீ., வேகத்தில் பயணிக்க முடியும் என, சில சோதனை ஓட்டங் களை நடத்தி காட்டியவர், மஸ்க்.ஆனால், அவ ரது அய்ப்பர் லுப் நிறுவனத்துக்கு போட்டியாக இப்போது, எச்.டி.டி., அரிவோ, அய்ப்பர் லுப் ஒன் போன்ற நிறுவனங்கள் வந்துவிட்டன. அவையும், பல நாடுகளில் தங்கள் தொழில்நுட்பத்தை விற் கின்றன. 'அய்ப்பர் லுப் போக்குவரத்து, அமரா வதி நகரை சர்வதேச தரம்வாய்ந்த தொழில்நுட்பப் பூங்காவாக, மென்பொருள் முகாமாக மாற்றும்' என, ஆந்திர தகவல் தொழில்நுட்ப அமைச்சர், நர லோகேஷ் தெரிவித்து உள்ளார்.

புவி வெப்பமாதலால் காபி உற்பத்தி குறையும்

புவி வெப்பமாதலினால், காபி தோட்டங்களும் பாதிக்கப்பட உள்ளன. உலகிலேயே, காபிக் கொட்டைகளை அதிகம் விளைவிக்கும் லத்தீன், அமெரிக்க நாடுகளில் நடத்தப்பட்ட ஆய்வுகளின் படி, அடுத்த, 30 ஆண்டுகளில், இப்பகுதிகளில், காபி உற்பத்தியின் அளவு இப்போது உள்ளதிலிருந்து, 88 சதவீதமாக குறைந்துவிடும் என, தெரிய வந்துள்ளது. இதற்கு முன், பருவநிலை மாற்றத்தால் காபி உற்பத்தி குறித்து நடத்தப்பட்ட ஆய்வுகளும், விளைச்சல் குறையும் என்றே மதிப்பிட்டு உள்ளன. அமெரிக்காவின், வெர்மான்ட் பல்கலைக் கழகம், 'குண்ட்' சுற்றுச்சூழல் நிலையம் ஆகியவை இணைந்து நடத்திய இந்த ஆய்வு தான், விளைச்சல் மிகவும் மோசமாக பாதிக்கும் என, தெரிவித்துள்ளது.


மனித உடலில் இருந்து அகற்றப்படும் உடல் உறுப்புகள் தேவைப்படு வோருக்கு பொருத்தப்பட்டு வருகிறது. அதில் கல்லீரல் மட்டும் அகற்றப்பட்ட 8 மணி நேரத்துக்குள் வேறு உடலில் பொருத்தப்பட வேண்டும். இல்லாவிட்டால் அது பயனற்று வீணாகிவிடும்.

எனவே, அந்த உறுப்பை அதிவேகமாக எடுத்து வந்து தேவைப்படுவோரின் உடலில் அறுவை சிகிச்சை மூலம் பொருத்துகிறார்கள். ஆனால் அதை 20 மணி நேரம் வரை பாதுகாத்து வைக்கும் அதிநவீன தொழில் நுட்பம் வாய்ந்த கருவியை விஞ்ஞானிகள் கண்டுபிடித்துள்ளனர்.

இக்கருவியை கோவை பி.எஸ்.ஜி. மருத் துவ அறிவியல் மற்றும் ஆராய்ச்சி நிறுவனம் மற்றும் பி.எஸ்.ஜி. சிறப்பு கல்வி நிறுவன பேராசிரியர்கள் இணைந்து உருவாக்கியுள் ளனர். மனித உடலில் இருந்து எடுக்கப்படும் கல்லீரல் இயந்திரத்தின் மேல் பகுதியில் உள்ள ஒரு கோப்பையில் பாதுகாப்புடன் வைக்கப் படுகிறது. அந்த கோப்பையின் இருபுறமும் குழாய்கள் மூலம் இணைக்கப்பட்டுள்ளன. இதன் ஒரு முனையில் உள்ள குழாய் வழியாக ஆக்சிஜனுடன் கூடிய ரத்தம் கல்லீரலுக்குள் செலுத்தப்படுகிறது. மற்றொரு முனையில் உள்ள குழாய் வழியாக ஆக்சிஜன் இல்லாத ரத்தம் வெளியேற்றப்படுகிறது.

இவ்வாறு வெளியேற்றப்படும் இந்த ரத்தம் மற்றொரு டேங்கில் சேகரிக்கப்பட்டு அது மீண்டும் ஆக்சிஜன் கலந்த ரத்தத்துடன் பாது காக்கப்படும் கல்லீரலுக்குள் அனுப்பப்படு கிறது. இது போன்று தொடர்ந்து ரத்தம் செலுத் தப்படுவதன் மூலம் கல்லீரல் 20 மணி நேரத் துக்கும் மேல் பாதுகாக்கப்படுகிறது.

கடந்த ஆண்டு (2016) லண்டன் ஆக்ஸ் போர்டு பல்கலைக்கழக விஞ்ஞானிகள் ஆர் கனாஸ், என்ற இயந்திரத்தை உருவாக்கினர். அதன் மூலம் 24 மணி நேரம்வரை கல்லீரல் பாதுகாக்க முடியும். அதன் அடிப்படையில் தான் இந்த எந்திரம் தயாரிக்கப்பட்டுள்ளது.

ஆனால் விலையில் அதிக வித்தியாசம் உள்ளது. ஆர்கனாஸ் இயந்திரத்தின் விலை ரூ.1 கோடியே 20 லட்சம் முதல் ரூ.1 கோடியே 50 லட்சம்வரை விற்கிறது. ஆனால் பி.எஸ்.ஜி. நிறுவனம் தயாரித்துள்ள இக்கருவி ரூ.15 லட்சத்தில் தயாரிக்கப்பபட்டது.

மேலும் இதில் ரூ.30 ஆயிரம் மதிப்புள்ள பொருட்களை மட்டுமே ஒரு முறை பயன் படுத்திவிட்டு தூக்கி எறிய வேண்டியுள்ளது. ஆனால் ஆர்கனாஸ் இயந்திரத்தில் ரூ.1 லட்சம் மதிப்புள்ள பொருட்கள் வீணாகும் நிலை உள்ளது.

தற்போது மூளைச்சாவு ஏற்படும் நபர்க ளின் கல்லீரல் கொடையாக பெறப்பட்டு அது 0 முதல் 4 டிகிரி செல்சியசில் உறைந்த நிலை யில் வைக்கப்படுகிறது. பின்னர் அவசர அவ சரமாக தேவைப்படுவோருக்கு பொருத்தப்படு கிறது. கல்லீரலை மிக குளிர்ந்த சூழ்நிலையில் வைக்கும் போது அதில் சில செல்கள் இறந்து விடுகின்றன. நேரம் செல்ல செல்ல கல்லீரலின் செல்கள், படிப்படியாக இறந்து பொருத்த முடி யாமல் பயனற்று போகிறது. அதை தடுக்கவே தற்போது நவீன இயந்திரம் கண்டு பிடிக்கப் பட்டு உள்ளது.

இதை பி.எஸ்.ஜி. மருத்துவ அறிவியல் ஆய்வு நிறுவனத்தின் பேராசிரியர் டாக்டர் சுவாமிநாதன், கல்லீரல் மாற்று அறுவை சிகிச்சை நிபுணர் டாக்டர் பி.ஜோசப் ஜான், பி.எஸ்.ஜி. சிறப்பு கல்வி நிறுவன பேராசிரியர் டாக்டர் கே.வெங்கட்ராமன் ஆகியோர் இக் கருவியை உருவாக்கினர்.

அதன் பெரும்பாலான பாகங்கள் இந்தியா விலேயே தயாரிக்கப்பட்டவை. மோட்டார், அல்ட்ரா சவுண்டு சென்சார் கருவிகள் மட்டும் ஜெர்மனி மற்றும், அமெரிக்காவில் இருந்து இறக்குமதி செய்யப்பட்டன.

சித்திரம் பொறிக்கும் லேசர்!

மரம், 'பிளாஸ்டிக்' அட்டை போன்றவற் றின் மீது அழகிய சித்திர வேலைப்பாடுகள், எழுத்துக்களைப் பொறிக்க, கூரிய கருவிக ளைத்தான் பயன்படுத்துவர். அதுமட்டுமல்ல, அந்த வேலைப்பாடுகளைத் தெரிந்த கலை ஞர்களால் தான் அதைச் செய்ய முடியும்.

ஆனால், ஒரு கைப்பைக்குள் அடங்கி விடக்கூடிய, குட்டியான பெட்டியால் இனி அதை அலட்சியமாகச் செய்ய முடியும்! தைவானைச் சேர்ந்த, முல்ஹெர்ஸ் என்ற நிறுவனம் தயாரித்துள்ள 'கியூபியோ' என்ற கருவி, ஒரு லேசர் கதிர் மூலம் மரச் சாமான்கள், மொபைலின் வெளிப் பகுதி, ஏன் சாதாரண காகிதம் போன்றவற்றின் மேற்பரப்பின் மீது நீங்கள் விரும்பும் வடிவங்களை பொறித்துத் தருகிறது. அதுமட்டுமல்ல, காகிதங்களை எழுத்து, படம் என, பல வடிவங்களில் நேர்த் தியாக கத்தரித்தும் தருகிறது. வெறும், 5 செ.மீ., குறுக்களவுள்ள கியூபியோவை ஒரு முக்காலி மீது நிறுத்தி, கணினியுடன் இணைத்து வேண் டிய வடிவங்களை அதன் செயலியில் வரைந்து கொடுத்தால் போதும். வரையவேண் டிய பரப்பை, கியூபியோவிலிருந்து, 160 செ.மீ., துரத்தில் வைத்தால், லேசர் கதிர் அந்த உரு வத்தை பொறித்துத் தந்துவிடும்.


கண்ணுக்குள் அறுவை சிகிச்சை
நடத்தி பார்வையை மீட்ட ரோபோ

ஒரு நோயாளியின் கண்ணுக்குள் அறுவை சிகிச்சை மேற்கொள்ள, இயந்திர மனிதனை முதல் முறையாக அறுவை சிகிச்சை நிபுணர்கள் பயன்படுத்தி இருக்கின்றனர்.

பிரிட்டனை சேர்ந்த ஒருவரின் விழித்திரையில் இருந்து ஒரு மில்லி மீட்டரில் நூறில் ஒரு பகுதி தடிமனான மிகவும் மெல்லிய படத்தை, இயந்திர மனிதனை வைத்து உரித்து எடுத்த பிறகு, அந்நபரின் ஒரு கண் பார்வை மீட்டெடுக்கப்பட்டுள்ளது.

படத்தின் காப்புரிமை அந்த இயந்திர மனிதரின் கையிலிருக்கும் வடிகட்டிகள், மென்மையான செயல்முறைகளை மிகவும் துல்லியமாக செயல்படுத்தி இந்த அறுவை சிகிச்சையை நிறைவேற்றி இருக்கின்றன.

கண் அறுவை சிகிச்சையில் புதிய காலத்தை இந்த அறுவை சிகிச்சை ஏற்படுத்தி இருப்பதாக, ஆக்ஸ்போர்டில் இந்த அறுவை சிகிச்சையை மேற்கொண்ட பேராசிரியர் ராபர்ட் மேக்லாரென் தெரிவித்திருக்கிறார்.

படத்தின் காப்புரிமை தன்னுடைய கண் பார்வையை மீட்டெடுக்க இயந்திர மனிதனை பயன்படுத்தி இருப்பது புதுவிதமாக உணர்வதாக நோயாளியான பில் பியவர் தெரிவித்திருக்கிறார்.


கணைய புற்றுநோயை கணிக்கும் செயலி

லட்சத்தில், 12 பேருக்கு வர வாய்ப்புள்ள கணைய புற்று நோயை, துவக்க நிலையி லேயே கண்டறிவது கடினம். இன்சுலின் திரவத்தை சுரந்து, உடலில் சர்க்கரையை செரிக்க உதவும் கணையத்தில், புற்று நோயின் துவக்க அறிகுறிகள், கண்களின் திசுக்களில் தெரிய வாய்ப்புகள் அதிகம். இதை வைத்து, ஒரு புதிய கணைய புற்றுநோயை கண்டறியும் மொபைல் செயலியை உரு வாக்கி உள்ளனர், வாசிங்டன் பல்கலைக் கழகத்தைச் சேர்ந்த, விஞ்ஞானி சுவேதக் படேல் மற்றும் குழுவினர். கணைய புற்றுநோய் இருப்பவர்களின் ரத்தத்தில், 'பிலிருபின்' என்ற வேதிப் பொருள் இருக்கும். காமாலை போலவே, இதுவும் துவக்க கட்டத்தில் கண்களில் பாதிப்பை காட்டும். நோயா ளிகள், இந்த செயலியை, தங் கள் மொபைலில் பதிவிறக்கம் செய்து, கண்களுக்கு அருகே வைத்து, 'க்ளிக்' செய்தால் போதும். அந்த செயலி, செயற்கை நுண்ணறிவு மென்பொருளின் உதவியுடன், கண்களின் தோற் றத்தை அலசி, கணைய புற்று நோய் அறிகுறி உள்ளதா, இல் லையா என்பதை தெரிவிக்கும். 'செல்பி எடுப்பதை போன்றது தான், இந்த எளிய சோதனை யும்' என்கிறார் படேல்.

துவக்க நிலையில், கணைய புற்றுநோயை கண்டறிய, இந்த செயலி உதவும் என்பதால், அதை நடைமுறைக்கு கொண்டு வர, விஞ்ஞானிகள் சோதனை களை வேகப்படுத்தி உள்ளனர்.


கண்ணாடி செங்கல் மூலம் சூரிய மின்சாரம்!

சதுர வடிவ கண்ணாடிச் செங்கல் போன்ற ஒரு அமைப் புக்குள், சூரிய ஒளிச் சிதறலைக் குவியப்படுத்தி, 'போட்டோ வோல்டாயிக்' எனப்படும் சூரிய ஒளியை மின்சாரமாக மாற்றும் செல்களின்மேல் படச்செய்கிறது, சோலார் ஸ்கொயர்டு கருவி. இதுபோன்ற கருவியை அடுக்கி சுவர்களைக் கட்ட முடியும். ஒவ்வொரு கரு வியையும் பக்கத்திலிருக்கும் கருவியுடன் இணைக்க முடியும். இதேபோல, நான்கு சுவர்களிலிருந்து உற்பத்தி யாகும் மின்சாரத்தையும் இணைத்து, வீட்டின் பொது மின் இணைப்பு அல்லது மின் தேக்கிக் கலன்களுடன் சேர்க் கலாம்.

சூரிய ஒளியிலிருந்து மின் சாரம் தயாரிக்கும் சுவர் வண் ணங்கள், ஜன்னல்களில் மின்சா ரம் தயாரிக்கும் கருவிகள் போன் றவை குறித்தும் பல ஆராய்ச்சி கள் நடந்து வருகின்றன.

Banner
Banner