அமெரிக்க விண்வெளி ஆய்வு நிறுவனமான நாசா அனுப்பிய ஆய்வு வாகனம் ஓசிரிஸ்-ரெக்ஸ் 2 ஆண்டுகள், 2 கோடி கி.மீ. பயணித்து பென்னு என்ற விண்கல்லை அடைந்தது.

வெறும் 500 மீட்டர் அகலமே உள்ள இந்த விண்கல்லை சூழ்ந்து இன்னும் இரண்டரை ஆண்டுகாலம் ஓசிரிஸ் ரெக்ஸ் ஆய்வுகள் நடத்தும்.

2020ஆம் ஆண்டின் மய்யப்பகுதியில் இந்த வாகனத்தை விண்கல் பென்னுவில் விஞ்ஞானிகள் தரையிறக்குவார்கள். அப் போது இந்த ஆய்வு வாகனம் அந்த விண்கல்லில் இருந்து மேல் மண்ணை எடுத்து சுத்தமான குழல் ஒன்றில் சேகரிக்கும். இந்தக் குழல் ஆராய்ச்சிக்காக 2023ஆம் ஆண்டு புவிக்கு வந்து சேரும்.

ரோபோட்டிக் முறையில் இயங்கும் இந்த ஆய்வு வாகனம் 3.12.2018 அன்று பென்னுவை நெருங்கிய நிலையில், அதன் உந்து விசை இயக்கப்பட்டது. இதையடுத்து, ஒசிரிஸ்-ரெக்ஸ் பென்னு விண் கல்லில் இருந்து குறைந்தபட்சம் 7 கி.மீ. தொலைவில் அதன் திசைவேகத்துடன் ஒத்திசைந்து பயணிக் கத் தொடங்கியது.

அடுத்த சில நாள் களில் ஓசிரிஸ்-ரெக்ஸ் பென்னுவுக்கு அருகில் இன்னும் நெருங்கிச் சென்று முதல் நிலை ஆய்வுகளை மேற்கொள்ளும்.

விண்கல்லின் வடதுருவத்தைக் கடந்து மூன்று முறையும், பிறகு அதன் மய்யக் கோட்டுக்குச் செல்லும், பிறகு தென் துருவத் துக்கு செல்லும் என்று கூறியுள்ளார் இந்தப் பயணத்தின் ஃப்ளைட் நேவிகேட்டர் கோரலி ஆதம்.

இதன் மூலம் பென்னுவின் நிறை, ஈர்ப்பு ஆகியவற்றை ஆய்வு வாகனம் மதிப்பிடும். இந்த மதிப்பீடுகள் பிறகு இந்த ஆய்வு வாகனம் விண்கல்லை சுற்றி வருவதற்கான திட்டத்தை வகுக்கப் பயன்படும்.

அப்போது விண்வெளி ஆய்வு வாகனங்கள் இதுவரை சுற்றிவருவதிலேயே மிகச் சிறிய பொருளாக பென்னு இருக்கும். ஓராண்டு காலத்தில் இது நடக்கும்.

அடுக்கு மாடிக் கட்டடங்களில் பயன்படுத்துவதற்கு ஏற்ற காற்றாலை ஒன்றை இங்கிலாந்தின் லங்காஸ்டர் பல்கலைக்கழக ஆராய்ச்சியாளர்கள் வடிவமைத்துள்ளனர்.

‘ஓ விண்ட் டர்பைன்’ என்ற இந்த காற்றாலையின் வடிவமைப்பு, வித்தியாசமாக இருப்பதால், காற்று மேல், கீழ் ஆகிய பக்கங்களிலிருந்து மட்டுமின்றி, நாலாத் திசையிலிருந்து வீசினாலும் சுழன்று மின்சாரத்தை உற்பத்தி செய்யும் திறன் கொண்டது.

நகர்புற கட்டடங்களின் மேற்புறத்தில், மிகவும் சக்திவாய்ந்த காற்று வீசிக்கொண்டே இருக்கும். ஆனால், அருகே உள்ள பிற கட்டடங்கள்  அந்த காற்றின் திசையை மடைமாற்றியபடியே இருக்கும். இதனால் காற்றோட்டம் பல திசைகளிலிருந்தும் ஏற்படும்.

இந்த நகர்ப்புற காற்றோட்டத்தின் தன்மையை வைத்தே இதை ஆராய்ச்சியாளர்கள் வடிவமைத்துள்ளனர். வேகமான காற்று எந்தப்பக்கமிருந்து வந்தாலும், அதை உள்வாங்கி டர்பைனை சுழற்றும்படி ஓ விண்ட் டர்பைன் வடிவமைக்கப்பட்டுள்ளது.

ஆண்டுதோறும் புதுமைக் கண்டுபிடிப்புகளுக்கு வழங்கப்படும் சர்வதேச விருதான ‘ஜேம்ஸ் டைசன் விருது’, ஓ விண்ட் டர்பைனுக்கு அண்மையில் வழங்கப்பட்டுள்ளது.

 

style="text-align: justify; font-size: 12.16px;">அமெரிக்காவின் விண்வெளி ஆராய்ச்சி நிலையமான நாசா செவ்வாய் கிரகத்தில் புதிய ரோபோ ஒன்றை தரையிறக்கியுள்ளது.

தி இன்சைட் எனப்படும் அந்த ரோபோ, செவ்வாய் கிரகத்தின் ஆழமான மற்றும் உள் பகுதிகள் குறித்து ஆராய்ச்சி செய்வதை நோக்கமாக கொண்டுள்ளது.

பூமியை தவிர செவ்வாயில் மட்டும்தான் இது போன்ற ஆராய்ச்சி நடக்கிறது. 26.11.2018 அன்று மாலை 19:53 (ஜிஎம்டி) நேரப்படி இந்த ரோபோ செவ்வாயில் தரையிறங்கியதாக உறுதி செய்யப்பட்டுள்ளது.

தரையிறங்கும் முன்பு உள்ள முக்கியமான 7 நிமிட பரபரப்புக்கு பிறகு இந்த ரோபோ வெற்றிகமாக தரையிறங்கியது.

பத்திரமாக தரையிறங்கியது உறுதி யானவுடன், கலிபோர்னியாவின் ஜெட் உந்துவிசை ஆய்வகத்தில் உள்ள (ஜெபிஎல்) நாசாவின் கட்டுப்பாட்டு மய்யம் ஆரவாரத்தில் ஆழ்ந்தது.

இந்த ரோபோ இயந்திரம் செவ்வாய் கிரகத்தின் மத்திய ரேகை பகுதிக்கு அருகே உள்ள அலிசிம் பிளானீசியா என்ற பகுதியில் தரையிறங்கியது.

இன்சைட் ரோபோ தரையிறங்கிய சில நிமிடங்களில் நிலப்பரப்பின் முதல் புகைப் படம் மிக விரைவாக வெளிவந்துவிட்டது. அது ரோபோவின் சுற்றுப்புறங்களில் நிலவிய ஒரு தெளிவில்லாத மற்றும் அழுக்கான காட்சியைக் காட்டியது.

வரும் நாட்களில் இந்த நிலப்பரப்பின் தெளிவான படம் வெளிவரும் என்று எதிர்பார்க்கப்படுகிறது.

Banner
Banner