நிலவில் ரோபோவை நிலைநிறுத்தி ஆராய்ச்சிகளை மேற்கொள்ளும் வகையிலான தனது முதல் திட்டத்தை சீனா வெற்றிகரமாக விண்ணில் ஏவியுள்ளதாக அந்நாட்டு ஊடகங்கள் தெரிவித்துள்ளன.

இதுவரை பூமியை நோக்கி காணப்படாத நிலவின் மற்றொரு மூலையாக கருதப்படும் வோன் கர்மான் என்னும் பகுதியில் சாங்இ-4 என்னும் இந்த செயற்கைக்கோள் தரையிறங்கும் என்றும் தெரி விக்கப்பட்டுள்ளது.

சீனாவிலுள்ள சிசாங் விண்வெளி நிலையத்திலிருந்து லோங் மார்ச் 3பி என்னும் ராக்கெட்டில் இந்த ரோபோ நிலவை நோக்கி செலுத்தப்பட்டது.

இந்த முயற்சியின் மூலம் நிலவிலுள்ள பாறைகள், மண் ஆகியவற்றை பூமிக்கு கொண்டுவந்து மேலதிக ஆராய்ச்சிகளை செய்வதற்கு சீனா திட்டமிட்டுள்ளது.

ஜனவரி மாதத்தின் தொடக்க பகுதி வரை இந்த செயற்கைக்கோள் நிலவில் தரையிறங்காது. ஆனால், குறிப்பிட்ட காலம் முடிவுசெய்யப்பட்ட பிறகு செயற்கைகோள் நிலவின் வேறொரு மூலையிலுள்ள கரடு முரடான பகுதியில் தரையிறங்கும் என்றும் அறிவிக்கப்பட்டுள்ளது.

பல பில்லியன் ஆண்டுகளுக்கு முன்னர் சூரியனின் குறுங்கோள்களில் ஒன்று நிலவில் தெற்கு அரைக்கோளத்திலுள்ள அய்ட்கன் பேசின் பகுதியில் மோதியதால் அங்கு பெரும் பள்ளம் உண்டானது. எனவே, நிலவு குறித்த ஆராய்ச்சிகள் தொடங்கிய காலத்திலிருந்தே வோன் கர்மான் என்னும் இந்த இடத்தில் ஆராய்ச்சிகளை மேற்கொள்வதற்கு பல்வேறு நாடுகளின் விஞ்ஞானிகள் ஆர்வம் காட்டி வருகிறார்கள்.

தற்போது சீனாவினால் ஏவப்பட்டுள்ள செயற்கைக்கோள் இதுவரை ஆராய்ச்சிகளே மேற்கொள்ளப்படாத நிலவின் தென் துருவப் பகுதியின் புவியியல் அமைப்பு குறித்த தகவல்களை சேமிப்பதோடு அங்கிருந்து பாறை துண்டுகள், மண் மாதிரிகளை பூமிக்கு கொண்டுவரும்.  அல்லது ஓதப் பூட்டல் என்ற விளைவின் காரணமாக நம்மால் நிலவின் ஒரு பகுதியை மட்டுமே பார்க்க முடிகிறது. ஏனெனில், நிலவை சுற்றி வருவதற்கு எடுத்துக்கொள்ளும் அதே காலத்தை தன்னைத்தானே சுற்றி வருவதற்கும் நிலவு எடுத்துக்கொள்கிறது.

பொதுவாக நிலவின் இருண்ட பக்கம் என்றழைக்கப்படும் இந்த இடத்திலும் சூரிய வெளிச்சம் காணப்பட்டாலும், பூமியிலிருந்து இந்த இடத்தை பார்க்க முடியாது என்பதால் தான் இதை அவ்வாறு அழைக்கின்றனர். பூமியின் தொலைதூரத்தில் ரேடியோ அலை களை அடிப்படையாக கொண்ட தொலை நோக்கி களை நிலவின் தென் துருவத்தில் அமைப்பதற்கான பூர்வாங்க பணிகளையும் இந்த செயற்கைக்கோள் மேற்கொள்ளும்.

அதுமட்டுமின்றி, நிலவில் உயிரியல் பரிசோதனைகளை மேற்கொள்வதற்காக உரு ளைக்கிழங்கு, அரபிடோப்சிஸ் ஆகிய வற்றின் விதைகள் மூன்று கிலோ கொண்ட கொள்கலனில் கொண்டுசெல்லப்பட்டுள்ளன. லூனார் மினி பயோஸ்பியர் என்று பெயரிடப் பட்டுள்ள இந்த உபகரணத்தை 28 சீன பல்கலைக் கழகங்கள் இணைந்து உருவாக்கி யுள்ளன என்பது குறிப்பிடத்தக்கது.

சென்னை, டிச.13  சென்னைப் பல்கலைக்கழக தொலைநிலைக் கல்வி நிறுவனத் தேர்வுகள் டிசம்பர் 22-ஆம் தேதி தொடங்கி வார இறுதி நாள்களில் மட்டும் நடத்தப்படும் என பல்கலைக்கழகம் அறிவித்துள்ளது.

இதுதொடர்பாக பல்கலைக்கழகம் செவ்வாய்க்கிழமை வெளியிட்ட அறிவிப்பு: தொலைநிலைக்கல்வி நிறுவன இளநிலை, முதுநிலை மற்றும் தொழில் படிப்புகளுக்கான 2018-ஆம் ஆண்டு தேர்வுகள் வரும் 22- ஆம் தேதி தொடங்கி நடைபெற உள்ளது. வார இறுதி நாள்களான சனி, ஞாயிற்றுக்கிழமைகளில் மட்டுமே தேர்வுகள் நடைபெறும். மாணவர்கள்  தொலைநிலைக் கல்வி நிறுவன இணையதளத்திலிருந்து தேர்வறை நுழைவுச் சீட்டைப் பதிவிறக்கம் செய்துகொள்ளலாம். தேர்வு கால அட்டவணை, தேர்வு மய்ய விவரங்களும் இணையதளத்தில் வெளியிடப்பட்டுள்ளன.

மாவட்ட கல்வி அலுவலர் பதவிக்கு தேர்வு : டி.என்.பி.எஸ்.சி., அறிவிப்பு

சென்னை, டிச.13  பள்ளி கல்வியில், மாவட்டக் கல்வி அதிகாரிகளுக்கான போட்டி தேர்வை, டி.என்.பி.எஸ்.சி., அறிவித்துள்ளது.

பள்ளி கல்வி துறையில் காலியாக உள்ள, மாவட்டக் கல்வி அதிகாரி பணியிடங்களில், 50 சதவீதம், பதவி உயர்விலும்; 50 சதவீதம், நேரடி போட்டி தேர்வு வழியாகவும் நியமிக்கப் படுகின்றனர்.

இதன்படி, தற்போது காலியாக உள்ள, 18 மாவட்டக் கல்வி அலுவலர் பணியிடங்களை நிரப்ப, தமிழ்நாடு அரசு பணியாளர் தேர்வாணையமான, டி.என்.பி.எஸ்.சி., தேர்வு அறிவிக்கப் பட்டுள்ளது.

இந்த அறிவிப்பின்படி, மார்ச், 2இல் முதல்நிலை தகுதி தேர்வு நடத்தப்படுகிறது. இதற்கான, ஆன்லைன் விண்ணப்ப பதிவு நேற்று துவங்கியது. இந்த தேர்வின் வழியாக, நேரடியாக, 14 பேரும், அரசு உதவி பெறும் தனியார் உயர்நிலை மற்றும் மேல்நிலைப் பள்ளிகளில் பணியாற்றும் ஆசிரியர்களில், நான்கு பேரும் தேர்வு செய்யப் படுவர் எனஅறிவிக்கப்பட்டுள்ளது.

தமிழ் படித்தால் ரூ.2,000 உதவித் தொகை

சென்னை, டிச.13  உலகத்தமிழ் ஆராய்ச்சி நிறுவனத்தில், தமிழ் முது கலை பட்டப்படிப்பு படிக்கும் மாணவர்களுக்கு, 2,000 ரூபாய் உதவித் தொகை வழங்கப்படுகிறது.

சென்னை, தரமணியில் உள்ள, உலகத்தமிழ் ஆராய்ச்சி நிறுவனத்தில், தமிழ் பல்கலை ஏற்புடன், தமிழ் முதுகலையில், தமிழ் சுவடியியல், பதிப்பியல் உள்ளிட்ட, பிஎச்.டி., படிப்புகள் உள்ளன.தமிழ் முதுகலை பயிலும் மாணவர்களை ஊக்கப்படுத்தும் வகையில், மாதந்தோறும், 2,000 ரூபாய் வழங்க வேண்டும் என, கோரிக்கை வைக்கப்பட்டது. இதையேற்று, மாணவர்களுக்கு, மாதந்தோறும், 2,000 ரூபாய் வழங்கும் திட்டம், இந்த மாதம் முதல் செயல்பாட்டுக்கு வந்துள்ளது.

புதுடில்லி, டிச.13  பொது தொடர்பு இருப்பதால், பல் வேறு காலகட்டத்தில் நடந்த, நான்கு சமூக ஆர்வலர்கள் கொலை வழக்குகளை, சி.பி. அய்., ஏன் விசாரிக்கக் கூடாது? என, உச்ச நீதிமன்றம் கேட் டுள்ளது. இது குறித்து பதில ளிக்க, சி.பி.அய்.,க்கு உத்தர விடப்பட்டுள்ளது.

கருநாடகாவைச் சேர்ந்த ஹம்பி பல்கலை முன்னாள் துணை வேந்தரும், சமூக ஆர்வலருமான, குல்பர்கி கொலை வழக்கில், முறையான விசாரணை நடக்கவில்லை என, அவரது மனைவி, உச்ச நீதிமன்றத்தில் வழக்கு தொடர்ந்திருந்தார்.

இது தொடர்பாக, அவர் தாக்கல் செய்த மனுவில் கூறி யுள்ளதாவது: கடந்த, 2015இல், பட்டப் பகலில், மர்ம நபர்களால், குல்பர்கி கொல் லப்பட்டார். பத்திரிகையாளரும், சமூக ஆர்வலருமான கவுரி லங்கேஷ், 2017ல், பெங்களூருவில் உள்ள அவரது வீட்டில், அடையாளம் தெரியாத நபர்களால் சுட்டுக் கொல்லப்பட்டார்.

இதேபோல் மகாராஷ்டி ராவைச் சேர்ந்த சமூக ஆர்வ லர்களான, நரேந்திர தபோல்கர், கோவிந்த் பன்சாரே ஆகியோரும், அடையாளம் தெரியாத நபர்களால் கொல்லப் பட்டனர். இந்த நான்கு கொலைகளுக்கும், ஏதோ ஒரு தொடர்பு இருப்பது தெரிகிறது. ஆனால், இது தொடர்பாக சரியாக விசாரிக்கப்படவில்லை.இவ்வாறு மனுவில் கூறப் பட்டுள்ளது.

இந்த வழக்கு தொடர்பாக, மகாராஷ்டிர அரசு சார்பில் பதில் மனு தாக்கல் செய்யப் பட்டது. அதில், தபோல்கர் கொலை வழக்கை, சி.பி.அய்., விசாரிக்கிறது. பன்சாரே கொலை வழக்கு, கோல்ஹாபூர் நீதிமன்றத்தில் விசாரணையில் உள்ளது என, குறிப்பிடப்பட்டுள்ளது.கருநாடக அரசு சார்பில் தாக்கல் செய்யப்பட்ட பதில் மனுவில், குல்பர்கி மற்றும் கவுரி லங்கேஷ் கொலைகளில், ஏதோ ஒரு தொடர்பு இருப்பது தெரியவந்துள்ளது. குல்பர்கி கொலை வழக் கில், மூன்று மாதங்களுக்குள் குற்றப்பத்திரிகை தாக்கல் செய்யப்படும் என, கூறப் பட்டுள்ளது.

இதையடுத்து, நீதிபதிகள், யு.யு. லலித், நவின் சின்ஹா அமர்வு அளித்த உத்தரவு:

இந்த நான்கு கொலை களிலும், ஏதோ ஒரு தொடர்பு இருப்பதாக சந்தேகம் உள்ளது; இதை ஒரே அமைப்பு விசா ரிப்பது தான் சரியாக இருக்கும். இந்த வழக்குகளை, சி.பி. அய்., ஏன் விசாரிக்கக் கூடாது? இது குறித்து, அடுத்த ஆண்டு, ஜனவரி முதல் வாரத்துக்குள் பதில் அளிக்க வேண்டும்.இவ்வாறு, உத்தரவில் கூறப்பட்டுள்ளது.

Banner
Banner