நோயறிதல் துறையில் பல புதுமைகள் வந்து, நோயாளிகளின் பாக்கெட்டை பதம் பார்க்கின்றன.

ஆனால், ஜப்பான் மற்றும் நெதர்லாந்து நாட்டு விஞ்ஞானிகள், வெறும் காகிதத்தை வைத்து, ஒரு வருக்கு கிருமித் தொற்று ஏற்பட்டுள்ளதா, இல்லையா என்பதை கண்டுபிடிக்க முடியும் என்கின்றனர்.

எப்படி? சிறு காகித வில்லை மீது, நோயாளியின் ஓரிரு சொட்டு ரத்தத்தை விடவேண்டும்.

இருபது நிமிடங்களுக்கு பின், அந்த வில்லையின் மேல் இருக்கும்

புள்ளிகள், நீல நிறமாக ஒளிர்ந்தால், கிருமித் தொற்று ஏற்பட்டுள்ளது என்று பொருள். பச்சை நிறமாக மாறினால், அவருக்கு கிருமித் தொற்று இல்லை என்று கணக்கு.

காகித வில்லையில் உள்ள புள்ளிகளில், ஒளிரும் புரதம் அச்சிடப்பட்டிருக்கும். அது தான், ரத்தத்தில் உள்ள கிருமிகளுடன் வினை புரியும்போது, நீலம் அல்லது பச்சை நிறத்தில் ஒளிர்கிறது.

இந்த நோயறியும் காகித வில்லை பயன்பாட்டுக்கு வந்தால், வளரும் நாடுகளில் உள்ள எளிய மக்களுக்கு, மிகவும் உதவியாக இருக்கும்.


விண்வெளியில் மிதக்கும் உடற்பயிற்சி கூடம்

விண்வெளி வீரர்கள் எப்போதும் மிதந்து கொண்டே இருப்பார்கள் என்பதை நினைத்து அவர்கள் மகிழ்ச்சியாகவும், வேடிக்கையாகவும் உள் ளார்கள் என்று நீங்கள் நினைப்பீர்களேயானால் அது முற்றிலும் தவறு. விண்வெளி வீரர்களுக்கு நீண்ட காலத்தில் பல்வேறுவிதமான உடல்நல கோளாறுகள் ஏற்படும்.

பூஜ்ய ஈர்ப்பு விசையில் மனிதர்கள் குறிப்பிட்ட காலத்தை செலவிடும்போது ஏற்படும் உடல்ரீதியான பிரச்சினைகள் குறித்து ஆராய்வது சர்வதேச விண் வெளி நிலையத்தின் முக்கியமான நோக்கங்களில் ஒன்றாக உள்ளது. செவ்வாய் கிரகத்துக்கு மனிதனை அனுப்பும் திட்டத்திற்கு இதன் மூலம் கிடைக்கும் அனு பவங்கள் பயன்படுத்தப்படும்.

ஈர்ப்பு விசையற்ற சூழலில் வாழ்வதால் விண் வெளி வீரர்களின் எலும்புகள் உடையக்கூடிய தன்மையை அடைவதாகவும், தொடர்ந்து உடலை நகர்த்திக்கொண்டே இருக்கும்போது தசைகள் வலி மையற்று போவதாகவும் தெரியவந்துள்ளது.

மேற்குறிப்பிட்டுள்ள உடல்ரீதியான பிரச்சி னைகளை தவிர்க்கும் வகையில் ஒவ்வொரு விண்வெளி வீரரும் அங்கேயே அமைக்கப்பட்டுள்ள மிதக்கும் உடற்பயிற்சி கூடத்தில் ஒருநாளைக்கு குறைந்தது இரண்டு மணிநேரம் உடற்பயிற்சி செய்கிறார்கள்.

நீரை கொண்டிருக்கும் அளவுக்கு அதிக வெப்பமில்லாத அல்லது அதிக குளிரில்லாத “கோல்டிலாக்ஸ் மண்டலத்தை” தேடி கண்டறிவதன் மூலம் விஞ்ஞானிகள் இந்த முயற்சியை மேற்கொண்டுள்ளனர்.

வேற்றுக்கிரகங்களில் வாழுகின்ற நம்மைப் போன்ற உயிரினங்களைப் பற்றி அறிந்து கொள்வதற்கு வேற்றுக்கிரவாசிகளை கணக் கெடுப் பது முதல் சூரிய சக்தியால் இயங்குகின்ற விண்கலம் வரை நாம் அறிந்திருக்க வேண்டும்.

வேற்றுக்கிரகங்களில் யாராவது வாழ் கிறார்களா? பல நூற்றாண்டுகளாக மனிதர் களால் இந்த கேள்வி கேட்கப்பட்டு வருகிறது.

இதற்கு சிறந்த விடையை சொல்ல விஞ்ஞானிகள் துணிந்திருக்கின்றனர் அல்லது ஏதாவது விடையை கூற முனைந்துள்ளனர்.

இதனைப் பற்றி மேலும் அறிந்துகொள்ள ஆவல் உள்ளது. இது தொடர்பாக முக்கிய வானியல் திருப்பங்கள் வந்துள்ளன. அவற்றில் சில எதிர்பார்க்காத கோட்பாடுகள் மற்றும் முழுவதும் விசித்திரங்கள் நிறைந்த உண் மைகள் காணப்படுகின்றன.

வேற்றுக்கிரகவாசிகள் வாழ்வதாக இருந் தால், அவர்கள் கோல்டிலாக்ஸ் மண்டலத்தில் தான் வாழ முடியும் என்று தெரிகிறது. வேற்றுக் கிரகங்களில் உயிர்கள் வாழ்வது பற்றி விஞ்ஞானிகள் எவ்வாறு கண்டுபிடிக்க முயல் கின்றனர்?

கலிலியோவின் புரட்சிகர தொலைநோக்கி மூலம் சந்திரனை முன்பைவிட மிகவும் தெளிவாக மனிதர்களால் பார்க்க முடிந்தது.

17ஆம் நூற்றாண்டின் தொடக்கத்தில் வானில் வெகு தொலைவில் இருப்பவற்றை உற்று பார்ப்பதற்கு கலிலியோ கண்டுபிடித்த புதிய தொலைநோக்கி உதவியதை தொடர்ந்து வேற்றுக்கிரகங்களில் உயிரினங்கள் பற்றி அறியும் ஆவல் நம்மிடம் அதிகரித்தது.

நிலவில் கறுப்பாக தெரிந்த இடங்கள் நீர் நிறைந்த பெருங்கடல்கள் என்று நம்பப்பட்டு, லத்தீன் மொழியில் ‘கடல்கள்’ என்று பொருள் படும் “மரியா” என்று அழைக்கப்பட்டன.

நம்முடைய கடல்களில உயிரினங்கள் வாழ்வதுபோல அங்கும் இருக்கலாமா?

நிலவிலுள்ள இந்த கறுப்பு இடங்கள் முற்காலத்தில் எரிமலை சீற்றங்களால் உரு வான கருங்கல் சமவெளிகள் என்று இப்போது நாம் அறிய வந்துள்ளோம்.

2. சக்தி வாய்ந்த செவ்வாய் கிரகவாசிகள்

சிவப்பு கிரகம் என்று அழைக்கப்படும் செவ்வாயில் வாழ்வோர் சராசரியாக மனிதர் களைவிட உயரமானவர்களாக இருப்பர் என்று 1870ஆம் ஆண்டு வானியலாளர் வில்லியம் எர்ச்செல் தெரிவித்தார்.

அதிக சக்தி வாய்ந்த தொலைநோக்கிகளை பயன்படுத்தி செவ்வாய் கிரகத்தை அளவிட்ட அவர், அதன் பருவகால அளவையும், நாட் களையும் கவனமாக அளவிட்டுள்ளார்.

நமது பூமியை விட செவ்வாய் கிரகம் சிறியதாக இருப்பதால், அதிலுள்ள ஈர்ப்பு விசை குறைவாக உள்ளது என்று அவர் கூறி னார். செவ்வாய் கிரகவாசிகள் அதிக உயரம் கொண்டி ருப்பர் என இதனால் பொருள் படுகிறது.

3. மேல்நிலையான சனிக்கிரகவாசிகள்

புத்திசாலிகள் அல்லாத புதன்கிரக வாசிகளில் இருந்து புத்திக்கூர்மையுடைய சனிக்கிரகவாசிகள் வரை புவிக்கு அப் பாலுள்ளவை பற்றிய அறிவு சூரியனிடம் இருந்து காணப்படும் தொலைவை போல எட்டாத ஒன்றாகவே இருந்தது என்று தத்துவயியலாளர் இம்மானுவேல் கான்ட் கூறி யுள்ளார்.

4. வேற்றுக்கிரகவாசிகள் பற்றிய கணக்கெடுப்பு

1848ஆம் ஆண்டு ஸ்காட்லாந்து திருச் சபை அமைச்சரும், அறிவியல் ஆசிரியரு மான தபமஸ் டிக், சூரிய கும்பத்திற்குள் வாழுகின்ற வேற்றுக்கிரகவாசிகளின் எண்ணிக்கையை கணக்கிட தொடங்கினார்.

புவிக்கு அப்பால் வாழுகின்ற உயிரினங் களின் செறிவு ஒரு சதுர கிலோமீட்டருக்கு 280 பேர் வாழுகின்ற இங்கிலாந்துக்கு ஒத்தாக இருந்தால், சூரிய குடும்பத்திற்குள் 22 டிரில்லியன் வேற்றுக்கிரகவாசிகள் வாழ வேண்டும் என்று அவர் தெரிவித்திருந்தார்.

5. சந்திரனில் உயிர் வாழ்க்கை

உயிர் வாழ்வதை ஆய்வு செய்ய சிறந்த இடம் புதன் கிரகம் போன்ற அருகிலுள்ள சூரிய குடும்பமல்ல. வியாழன் கிரகத்தை சுற்றிவருகின்ற யுரோப்பா மற்றும் சனிக் கிரகத்தின் ஒரு செயற்கைக்கோளான என் சிலாடுஸ் போன்ற தொலைதூர சந்திரன்களில் ஆய்வு மேற்கொள்ள வேண்டும்.

இவை இரண்டும் அடர்த்தியானதொரு பனிக்கட்டி அடுக்குக்கு அடியில் நீர்நிலை பெருங்கடலை கொண்டுள்ளன.

இந்த சந்திரன்களின் பெருங்கடல்கள் பனியாக உறைந்து விடுவதை தடுப்பதற்கு உள்ளக வெப்ப ஆதாரம் ஒன்று இருக்குமென நம்பப்படுகிறது. இந்த சந்திரன்களின் மய்யப் பகுதியில் வெப்பம் உருவாகி, பெருங்கடல் தரையிலுள்ள வெப்பநீர் துளைகள் வழியாக வெளியாகலாம்.

பூமியில் வெப்பநீர் துளைகள் ரசாயன எதிர்வினையை உருவாக்கி, விறுவிறுப்பாக உள்ள நீர்நிலையிலுள்ள சூழலியல் அமைப்பு களுக்கு தேவையான உணவை உற்பத்தி செய்கிறது.

6. விண்வெளி மீன் வகை உயிரினங்கள்

இத்தகைய நீர்நிலையுடைய சந்திரன்களில் உயிரினங்கள் வாழ்வதாக இருந்தால், அவை எவ்வாறு தோன்றும் என்பதற்கு எளிமையான இயற்பியல் துப்புகளை வழங்கும்.

பெரிய நீர்வாழ் வேற்றுக்கிரக உயிரி னங்கள் வாழ்ந்தால், இரையை பிடிப்பதற்கு அல்லது இரையாகுவதில் இருந்து தப்பிக்க அவை வேகமாக செல்ல வேண்டியிருக்கும்.

எனவே, மீன் வகைகள், டால்பின்கள் மற்றும் சுறாக்கள் போன்ற வடிவங்களில் அந்த உயிரினங்கள் இருக்கலாம். மீன் வகை உயிரினங்களை தேடுகின்ற படலம் இங்குதான் தொடங்குகிறது.

ஜப்பானில் ரோபோக்கள் ஆராய்ச்சி வேகமெடுத் திருக்கிறது. ஜப்பானில் குழந்தை பிறப்பு விகிதம் குறைவு. ஜனத்தொகையில், 50 வயதுக்கு மேற்பட் டோரின் எண்ணிக்கை பாதிக்கும் மேல். தவிர, வெளிநாட்டவரை அதிக அளவில் வேலைக்கு எடுக்க, ஜப்பானியர்களுக்கு தயக்கம்.

இதனாலேயே, ரோபோக்களை தயாரிப்பதில் ஜப்பான் மும்முரம் காட்டி வருகிறது. அங்குள்ள, ஏ.அய்.எஸ்.டி., என்ற தொழில்நுட்ப ஆராய்ச்சி மய்யம், கட்டடத் தொழில் செய்வதற்கான ஒரு ரோபோவை உருவாக்கி, சோதித்து வருகிறது. அண்மையில், அந்த ஆய்வு நிலையம்,

‘எச்.ஆர்.பி. 5 பி’ என்ற ஒரு ரோபோ தச்சு வேலை செய்யும் காணொளிப் படத்துணுக்கை இணையத்தில் வெளியிட்டுள்ளது.

அதில், மனித வடிவிலுள்ள அந்த ரோபோ, கிடத்தியிருக்கும் மரப் பலகையை இரு கைகளால் லாவகமாக எடுத்து, நிமிர்த்திப் பிடித்து, திரும்பி நடந்து போய், ஒரு அலமாரியின் மேல் கச்சிதமாக பொருத்தி, ஒரு கையால் திருகாணிக் கருவியை முடுக்கி, மேலே, நடுவே, அடிப்பகுதியில் திருகாணி களை பொருத்துகிறது.

எச்.ஆர்.பி. 5பி ரோபோவின் வேகம் குறைவு தான் என்றாலும் வேலையை பிசிறில்லாமல் செய்கிறது. இன்னும் சில ஆண்டுகளில், ஜப்பானில் கட்டுமானத் தொழிலாளர்களுக்கு தட்டுப்பாடு வரப்போகிறது என்பதால், இந்த ஆராய்ச்சியில் ஈடுபட்டிருப்பதாக, ஏ.அய்.எஸ்.டி., விஞ்ஞானிகள் தெரிவித்துள்ளனர்.


வித்தியாசமான வடிகட்டி!

திரவத்தில் உள்ள மாசு துகள்களை பிரித்தெடுக்க வடிகட்டிகளை பயன்படுத்துவர். திரவத்தில் கலந்தி ருக்கும் மாசுத்துகள்களில் பெரிய அளவில் உள் ளவை வடிகட்டியின் துளைகளுக்குள் போக முடியாமல் மேலே தங்க, திரவம் எளிதாக துளை வழியே போய்விடும்.

இருந்தாலும், மேலே தங்கிய மாசுத்துகள்கள் துளைகளை அடைத்துக்கொள்ளும். இதை தவிர்க்க முடியாதா? இந்தக் கேள்வியுடன் விஞ்ஞானிகள் கடலில் வாழும், ‘மந்தா ரே’ என்ற அகண்ட வாய் கொண்ட மீனை கவனித்தனர். மந்தா ரே, மிகச் சிறிய உயிரிகளைத்தான் உண்டு வாழ்கிறது.

அதன் வாய் வழியே நீரை உறிஞ்சி அடக்கி, அதன் உடலின் அடிப்பகுதியில் உள்ள செவுள்களின் வழியே நீரை வெளியேற்றும்.

அப்போது, செவுள் பகுதியில் அதிநுட்பமான கொக்கி போன்ற அமைப்புகள், நீரிலுள்ள பெரிய உயிரிகளை வெளியேற்றிவிட, கொக்கியில் சிக்கிய நுண் உயிரிகளை உடலுக்குள் தள்ளுகின்றன.

இதே ஏற்பாட்டை செயற்கையாக செய்து, அதை வடிகட்டியாக பயன்படுத்த முடியுமா என, அமெரிக்காவிலுள்ள ஓரிகன் பல்கலைக்கழக விஞ்ஞானிகள் ஆராய்ந்து வருகின்றனர்.

உதாரணத்திற்கு, நகர்ப்புற சாக்கடை நீரை சுத்தி கரிக்க முடியுமா என, அவர்கள் பரிசோதித்து வருகின்றனர்.

அதேபோல, கடலில் மிதக்கும் பிளாஸ்டிக் குப்பையை மட்டும் வடித்தெடுக்கவும், இத்தகைய தொழில்நுட்பம் பயன்படலாம்.

Banner
Banner