உலகெங்கும் பழைய அணு உலைகளை நிர்வகிப்போர், அதை நிறுத்திவிட்டு பத்திரமாக பிரித்தெடுப்பது எப்படி என்று சிந்திக்க ஆரம்பித்துள்ளனர்.

தானியங்கி ரோபோக்கள் திணறுகின்றன. தொலைவியக்க ரோபோக்களை பயன்படுத்து வதிலும் சிக்கல். காற்று நிரப்பிய பிளாஸ்டிக் உடை கதிரியக்கத்தை தடுக்கும். என்றாலும், அதை வெகுநேரம் அணிந்தால் பணியாளரின் உடல் வெந்து விடும்.

எனவே படக்கதை நாயகன் டோனி ஸ்டார்க் வடிவமைத்த, அயர்ன் மேன் கவசம் போல ‘எக்சோஸ்கெலட்டன்’ உடையை வடிவமைக்க, இங்கிலாந்திலுள்ள பிரிஸ்டால் பல்கலைக்கழக விஞ்ஞானிகள் திட்டமிட்டுள்ளனர்.

இந்த கவசத்தை ‘அணிந்துகொள்ளக்கூடிய ரோபோ’ எனலாம்.

கதிரியக்கமுள்ள காற்றை சுவாசிப்பது, கதிரியக்க பொருட்கள் உடலில் படுவது போன்ற ஆபத்துக் களை அயர்ன் மேன் பாணி உடை தடுக்கும்.

மேலும், தலைக் கவசத்தில் உள்ள ‘மேம்பட்ட மெய்நிகர்’ திரை, பணியாளருக்கு வழிகாட்டும். விண்வெளி வீரர்களுக்கான உடைகளையே வடி வமைத்த விஞ்ஞானிகளுக்கு இது சாத்தியமே.

அய்ரோப்பிய விண்வெளி முகமை ஏவிய பெபிகொலம்போ விண்கலனின், நான்கு அயனி உந்திகளை விஞ்ஞானிகள் வெற்றி கரமாக இயக்கி சோதித்துப் பார்த்துள்ளனர்.

புதன் கிரகத்தை நோக்கி, 9 பில்லியன் கி.மீ., தொலைவுப் பயணத்தை பூமியிலிருந்து, கடந்த அக்டோபர் 20 அன்று துவங்கியது பெபிகொலம்போ.

ஏழு ஆண்டுகள் நீடிக்கவுள்ள இந்தப் பயணத்தின்போது, அது செல்லும் பாதையை சரி செய்யவும், வேகமாகச் செல்லவும் அயனி உந்திகளை அய்ரோப்பிய முகமை விஞ்ஞானிகள் பொருத்தியுள்ளனர்.

கனமான வேதி எரிபொருட்களையும், தீப் பிளம்பையும் கக்கும் உந்திகளுக்கு மாற்றாக உருவாக்கப்பட்டவை தான் இலகு ரக அயனி உந்திகள்.

தன் பயணத்திற்கு உந்துதலாக பூமி, வெள்ளி மற்றும் புதன் ஆகிய கோள்களின் ஈர்ப்பு விசைகளை லாவகமாகப் பயன்படுத்தி முன்னேறும் வகையில் தான் பெபிகொலம்போ வடிவமைக்கப்பட்டுள்ளது.

இருந்தாலும், அதன் பாதையை அவ்வப் போது, திருத்திக் கொள்வதற்காக அயனி உந்திகள் பயன்படுத்தப்படவுள்ளன.

பிரிட்டனைச் சேர்ந்த கியூனெடிக் தயாரித்துள்ள, ‘டி6’ என்ற அயனி உந்திகள், ஜெனான் வாயு அணுக்களை எரிபொருளாகப் பயன்படுத்துகின்றன. ஒவ்வொரு உந்தியும், 22 செ.மீ., விட்டம் கொண்டவை.

சூரிய ஒளி மூலம் மின்சாரத்தை உற்பத்தி செய்யும் ஒரு மின்னுட்டக் கருவி, ஜெனான் வாயு அணுக்களை அயனி மயமாக்கி வெளியேற்றும்.

அப்படி அயனிகள் உந்தியின் வழியே வெளியேறும்போது, நொடிக்கு 50 கி.மீ., வேக விசை பெபிகொலம்போவுக்கு கிடைக்கும். வேதிப் பொருள்களால் ஆன வழக்கமான உந்திகள் சில நிமிடங்கள் முதல், சில மணி நேரங்களுக்கே உந்து சக்தியைத் தரும்.

ஆனால், அயனி உந்திகளால் நாள் கணக் கில், ஏன் வாரக் கணக்கில் உந்து சக்தியை தரவல்லவை.

பெபிகொலம்போ இன்னும் பூமிக்கு அருகாமையில் தான் பயணித்துக் கொண்டி ருப்பதால், இப்போதே விஞ்ஞானிகள் அதை சோதித்துப் பார்த்துள்ளனர்.

அது வெகு தொலைவுக்குப் போன பிறகு, அக்கலனிலுள்ள கணினிகள், அயனி உந்தி களை இயக்கி பயணத்தை தொடரும்.

அமெரிக்காவின் தனியார் விண்வெளி அமைப்பான ஸ்பேஸ் எக்ஸ், தனது பால்கன் 9 ராக்கெட்டின் உந்தும் பகுதியை, மூன்றாவது முறையாகப் பயன்படுத்தியது. கடந்த மே மற்றும் ஆகஸ்ட் மாதங்களில் அதே ராக் கெட்டை உந்தும் அடிப் பகுதியை பயன் படுத்தியது.

கடந்த, 3ஆம் தேதி அமெரிக்காவின் வாண்டன்பர்க் விமானப் படைத்

தளத்திலிருந்து கிளம்பும்போது, பால்கன் 9இன் உந்தும் பகுதி பார்க்கப் பரிதாபமாக, கரி பூசப் பட்டிருந்தது. ஆனால், 64 சிறிய செயற்கைக் கோள்களை விண்ணில் சுழலவிட்டு, வெற்றி கரமாக பசிபிக் கடலில், ஒரு மிதவை மேடை மீது துல்லியமாக வந்திறங்கியது.

ராக்கெட்டுகளின் பகுதிகளை பலமுறை பயன்படுத்தப் போவதாக எஸ்பேஸ் எக்சின் அதிபர் எலான் மஸ்க் சொல்லி வருகிறார்.

அதன்படி, பால்கனின், 42.33 கோடி ரூபாய் விலை கொண்ட பெரிய மூக்குப் பகுதியையும் மறுபயன் செய்ய கடந்த சில ஏவுதல்களின் போது ஸ்பேஸ் எக்ஸ் முயன்றது. ஆனால் வெற்றி கிட்டவில்லை. இந்த முறையும், கடலில் விரித்த வலையுடன் மிஸ்டர். ஸ்டீவன் என்ற சிறிய கப்பல் நிறுத்தப் பட்டிருந்தது. ஆனால், பால்கன் மூக்கு வலைக்குள் விழாமல், தள்ளிப் போய் கடலில் விழுந்தது.

வலையை தவறவிட்டுவிட்டது. ஆனால் நீரில் மெதுவாக இறங்கியது என்று டுவிட்டரில் தெரிவித்தார் மஸ்க். அதை உலர்த்தி, மீண்டும் பயன் படுத்துவதுதான் திட்டம். சற்று நீச்சலடித்

ததில் தவறில்லை என்று அவர், டுவிட் செய்தார்.

கடலின் உப்பு நீர், ராக்கெட் மூக்கினுள் இருக்கும் மின்னணு பகுதிகளை பழுதாக்கக் கூடும் என, விஞ்ஞானிகள் கருதுகின்றனர். ஆனால் மஸ்க் விடுவதாக இல்லை. அதை மீண்டும் பயன்படுத்த முயற்சிப்போம் என்கிறார்.

Banner
Banner