பகுத்தறிவு

ஈரோடு, செப்.12 09.09.2018 அன்று மாலை 4.30 மணிக்கு ஈரோடு  பெரியார் மன்றத்தில் பகுத்தறி வாளர் கழகம் மற்றும் பகுத்தறிவாளர் கழக ஆசிரியரணி கலந்துரையாடல் கூட்டம் ஈரோடு, கோபி, மேட்டுப்பாளையம் உள்ளிட்ட ஒருங் கிணைந்த  மாவட்டங்களின் ஆலோசனைக் கூட்டம் மாநில பகுத்தறிவாளர் கழக மாநில துணைத் தலைவர் தர்ம.வீரமணி அவர்கள் தலைமை தாங்கினார்.

ஈரோடு மாவட்ட ப.க. அமைப்பாளர் பி.என்.எம்.பெரியசாமி வரவேற்புரையாற்றினார். திராவிடர் கழக அமைப்புச் செயலாளர் த.சண் முகம், மாவட்ட செயலாளர் கு.சிற்றரசு, மாவட்டத் தலைவர் இரா.நற்குணன், மாநில  இளைஞரணி துணை செயலாளர் தே.காமராஜ்  முன்னிலை வகித்து கருத்துரையாற்றினர்.

பகுத்தறிவாளர் கழகம் பற்றியும் இன்றைய சூழ்நிலையில் தந்தை பெரியாரின் பெரும் பணியை மக்களிடம் கொண்டு செல்லும் பணி யில்  பகுத்தறிவாளர் கழகம் எவ்வாறு செயல்பட வேண்டும் என்பது பற்றி மாநில  பகுத்தறிவாளர் கழகத் தலைவர் மா.அழகிரிசாமியும், பேராசிரியர் ப.காளிமுத்துவும் சிறப்புரை ஆற்றினார்கள்.

இக்கலந்துரையாடல் கூட்டத்தில் மேட்டுப் பாளையம் பகுத்தறிவாளர் கழக மாவட்டத் தலைவர் சு.வேலுச்சாமி, திராவிடர் கழக ஈரோடு மண்டலத் தலைவர் ப.ராஜமாணிக்கம், கோபி மாவட்ட ப.க. பொருளாளர், வி.சிவக்குமார், அ.குப்புசாமி, மேட்டுப்பாளையம் ப.க. மாவட்ட செயலாளர் பெ.திருவள்ளுவன்,  மேட்டுப் பாளைய மாவட்ட ப.க. தலைவர் கா.சு.ரங்கசாமி, சி.கிருஷ்ணசாமி, ஆ.ஜீவா னந்தம், இரா.அரிச்சந்திரன், பகுத்தறிவாளர் கழக மாவட்ட அமைப்பாளர் கோ.கு.மணி, ஈரோடு மாணவர் கழக மாவட்ட தலைவர் மதிவாணன் பெரியசாமி, த.கவுதம், செயலாளர் வெ.குண சேகரன், கோபி மாவட்ட செயலாளர்  திரு நாவுக்கரசு, வீ.தேவராஜ், திமுக மகளிரணி பொறுப்பாளர் கனிமொழி நடராஜன், ஆனந்த லட்சுமி ஆகியோர் கலந்து கொண்டு கருத்துரை ஆற்றினார்கள்.

மேற்படி ஆலோசனைக் கூட்டத்தில் ஈரோடு நகர பகுத்தறிவு ஆசிரியரணியின் தலைவராக ஆசிரியர் ரா.அரிச்சந்திரனை மாநில தலைவர் மா.அழகிரிசாமி நியமித்தார்.

தீர்மானங்கள்:

1. இரங்கல் தீர்மானம்: தமிழக முன்னாள் முதல்வர் மானமிகு சுயமரியாதைக்காரர் முத் தமிழறிஞர் கலைஞர் மற்றும் கழக முன்னணித் தோழர் நடராசன் துணைவியார் குஞ்சிதம் அவர்களின் மறைவிற்கும் இரங்கல் தீர்மானம் நிறைவேற்றப்பட்டது.

2.ராஜீவ் கொலை வழக்கில் 27 ஆண்டு களுக்கும் மேலாக சிறையில் வாடும் பேரறி வாளன் உள்ளிட்ட 7 தமிழர்களையும் தமிழக அமைச்சரவை நிறைவேற்றிய தீர்மானத்திற்கு நன்றியும், ஏழு பேரையும் உடனே விடுதலை செய்ய  ஆளுநர் அவர்கள் உடனடியாக  நட வடிக்கை எடுக்க இக்கூட்டம் கேட்டுக் கொள் வதாகவும் தீர்மானங்கள் நிறைவேற்றப்பட்டது 3. தி மாடர்ன் ரேசனலிஸ்ட் இதழுக்கு சந்தா சேர்ப்பது என்றும் தீர்மானிக்கப்பட்டது.

4. பகுத்தறிவாளர் கழகம் மற்றும் பகுத்தறிவு ஆசிரியரணிக்கு புதிய உறுப்பினர்களை அதிக மாக சேர்க்க அனைவரும் தீவிர பணியாற்றும்படி கேட்டுக் கொள்வதாகத் தீர்மானம் நிறைவேற் றப்பட்டது.

இந்நிகழ்வை மாவட்ட பகுத்தறிவாளர் கழக அமைப்பாளர் பி.என்.எம்.பெரியசாமி அவர்கள் ஒருங்கிணைத்தார். இறுதியாக  ப.க.ஆசிரியரணி நகர தலைவர் தோழர் ரா . அரிச்சந்திரன் நன்றி சொல்லி நிறைவு செய்தார்.

புதுச்சேரி, செப். 12 தமிழக கல்வித்துறையின் ஓய்வுபெற்ற கல்வித்துறை அலுவலரும், சிறுவயது முதல் (மாணவர் கழகத்திலிருந்து) இயக்க தோழராக, தொண்டராக, பகுத்தறிவாளர் கழக பொறுப்பாளராக இயக்கத்தில் பயணித்த புதுச்சேரி பகுத்தறிவு ஆசிரியரணி அமைப்பாளரான பெரியார் பெருந்தொண்டர் கி.வ.இராசன்  & புதுச்சேரி கல்வித் துறையின் ஓய்வு பெற்ற அலுவலர், ஆசிரியர் லலிதா இராசன் ஆகியோரின் 50 ஆம் ஆண்டு பொன்விழா, 51 ஆவது திருமண நாளை முன்னிட்டு 6.9.2018 அன்று பங்கூரில் உள்ள அவரது இல்லத்தில் எளிமையான முறையில் குடும்ப விருந் தோம்பல் நிகழ்ச்சி நடைபெற்றது.

புதுச்சேரி மாநில தலைவர் சிவ.வீரமணி அவர்கள் தலைமையில் நடை பெற்ற நிகழ்வில் புதுச்சேரி மண்டல கழக தலைவர் இர.இராசு, மண்டல செயலாளர் கி.வீரமணி, புதுச்சேரி தமிழ்ச்சங்க மேனாள் தலைவர் சினு.ராமச்சந்திரன், புதுச்சேரி உள்ளிட்ட தமிழக பகுத்தறிவாளர் கழக துணைத் தலைவர் மு.ந.நடராசன், புதுச்சேரி பகுத்தறிவாளர் கழக தலைவர் ஆடிட்டர் கு.இரஞ்சித்குமார், புதுச்சேரி கழக மகளிரணி தலைவர் எழிலரசி அறிவழகன், பொதுக்குழு உறுப்பினர்கள் லே.பழனி, விலாசினி இராசு, ஓய்வு பெற்ற தலைமை ஆசிரியர்கள் சொக்கலிங்கம், என்.சுப்ரமணி யன், அமுதகுமார் குடும்பத்தினர், ஆசிரியர் சுந்தரம் குடும்பத்தினர், இளைஞரணி தலைவர் திராவிட.இராசா, தேவகி பழனி, புதுச்சேரி நகராட்சி கழக அமைப்பாளர் மு.குப்புசாமி, பகுத்தறிவாளர் கழகம் இரா.வெற்றிவேல் ஆகியோர் பயனாடைகள் அணிவித்தும், பழங்கள் அளித்தும் வாழ்த்து தெரிவித்தனர். இறுதியாக புதுச் சேரி மாநில தலைவர் சிவ.வீரமணி சால்வை அணிவித்து வாழ்த்துக்கூறி உரை யாற்றினார். சிவராசன் நன்றி கூறினார். வருகை தந்த அனைவருக்கும் விருந்தளித்து லலிதா இராசன் உபசரித்தார்.

நெல்லை, செப்.12 திராவிட இயக்கச் சிந்தனையாளர், பெரி யாரியப் பற்றாளர், தமிழீழ ஆதரவாளர், குருதிக் கொடையாளர், சமூக செயற்பாட்டாளர், நெல்லை களஞ்சியம் ஆவணப் பட ஒருங் கிணைப்பாளர், திமுக மாண வரணி முன்னாள் துணை அமைப்பாளர், பகுத்தறிவாளர் கழக நெல்லை மாவட்டத் துணைச் செயலாளர் மறைந்த ஜெ. பிரின்சு அவர்களின் நினை வேந்தல் நிகழ்ச்சி திருநெல்வேலி அருணகிரி விடுதியில்  பகுத்தறி வாளர் கழக நெல்லை மாவட்டத் தலைவர் வேல்முருகன் தலை மையில் நடைபெற்றது.

பகுத்தறிவாளர் கழகப் புரவலர் நயினார் வரவேற்புரை யாற்றினார். இந்நிகழ்வில்  நக் கீரன் பொறுப்பாசிரியர் கோவி.லெனின், திமுக மாநில செய்தித் தொடர்பு இணைச் செயலாளர் தமிழன் பிரசன்னா, திராவிட மாணவர் கழக மாநிலச் செய லாளர் பிரின்சு என்னாரெசு பெரி யார், திமுக பேச்சாளர் சின்ன மனூர் புகழேந்தி ஆகியோர் கலந்து கொண்டு தோழர். பிரின் சுக்கு மரியாதை செலுத்தினர். மேலும் வரலாற்று ஆய்வாளர் செ.திவான், வழக்குரைஞர் தீன், நெல்லை வானொலி நிலைய நிகழ்ச்சித் தொகுப்பாளர் கவிப் பாண்டியன், தொ.மு.ச. நட ராஜன், முரசொலி முருகன், பிரிட்டோ, கழக மாவட்டச் செய லாளர் இராசேந்திரன், பேச்சாளர் பிரபா கிருஷ்ணன், எழுத்தாளர் ஆரிச்சன் ஆகியோர் தோழர். பிரின்சு குறித்த நினைவுகளை பகிர்ந்து கொண்டனர். இந்நிகழ்வில் திமுக பகுதிச் செயலாளர் நமச்சிவாயம்,  திரா விட இயக்கத் தமிழர் பேரவை மாநில இளைஞரணி அமைப் பாளர் சந்தானம், அதிமுக இளை ஞரணி சிவா, மதிமுக அவைத் தலைவர் சுப்பையா, மே 17 முத்துக்குமார்,  செங்கொடி எழுச்சிப் பேரவை செய்யதலி,  மின்வாரிய தொமுச,  இனியன், ராமசாமி, பேரா. இளங்கோ, பேரா. திருநீலகண்டன்,  நன் னெறித் தொடர்பகம் முத்துக் குமார் உட்பட பலர் கலந்து கொண்டனர். முடிவில் பகுத் தறிவாளர் கழக மாநிலத் துணைத் தலைவர் கேடி சி.குருசாமி நன்றி கூறினார். நிகழ்ச்சியினை பேரா. நீலகிருஷ்ணபாபு தொகுத்து வழங்கினார்.

25.10.1931 - குடிஅரசிலிருந்து...

இந்தியாவில் இந்துமதம் உள்ளவரை சூத்திரனும், பஞ்சமனும் ஒரு நாளும் மறைந்து போகமாட்டார்கள். அதுபோலவே இந்துமத, வேதமும் சாதிரமும், இராமாயண பாரதமும், பெரியபுரணம் சிவபுராணம் திரு விளையாடல் புராணம் முதலியவைகளும் உள்ளவரையிலும் சூத்திரப்பட்டத்தையும், பஞ்சமப் பட்டத்தையும் ஒழித்துவிடுவது என்பது முடியவேமுடியாது.

திரு.காந்தி எவ்வளவுதான் மகாத்மாவா னாலும் சாமிவேதாசலமும் எவ்வளவுதான் சுவாமியானாலும், சுவாமி சகஜானந்தமும் எவ்வளவு தான் சுவாமியானாலும் எதுவரை யிலும் தங்களை இந்துக்களென்றோ, சைவர் களென்றோ சொல்லிக்கொள்ளு கின்றார் களோ அது வரையில் அவர்கள் சூத்திரர்கள் என்பதையும் மூன்றாதவர், பஞ்சமர் (பறையர்) என்பதையும் பிரிவீகவுன்சில் வரையில் ருஜுபிக்க முடியும், அவர்களை அப்படிக் கூப்பிட உலக மக்களுக்கு உரிமை யுண்டு, மேல்கண்ட இவர்கள் எதுவரை இந்து மதப் பிரசாரமும், சைவப் பிரசாரமும் செய்கின்றார்களோ அதுவரை இவர்கள் தங்களுள்பட மக்களைச் சூத்திரர்களாகவும், பஞ்சமர்களாகவும்  ஆக்கி நிலைநிறுத்த முயற்சித்துக்கொண்டு இருக்கிறார்கள் என்றுதான் சொல்லுவேன்.

சம்பந்தனை ஒப்புக்கொண்ட சைவன், சம்பந்தன் பாடிய சாமிகளை ஒப்புக்கொண்ட சைவன், சம்பந்தனின் தேவாரங்களையும் சம்பந்தனின் சமயங்களையும் ஒப்புக் கொண்ட சைவன் சம்பந்தனைப் பார்ப்பனன் என்று ஒப்புக்கொண்ட சைவன் ஒருவன் தன்னைச் சூத்திரன் அல்ல என்று சொல்லிக் கொள்ள யோக்கியதை உண்டா? என்று நன்றாய் யோசித்துப் பாருங்கள்,

அதுபோலவே நந்தனை ஒப்புக்கொண்ட ஒருவன் அதுவும் நந்தன் பறையன் அவன் எங்கள் ஜாதி என்று ஒப்புக்கொண்ட ஒருவன் தன்னைப் பறையன் அல்ல என்றும், தான் தீண்டாதவன் அல்ல என்றும் சொல்லமுடியுமா? என்று யோசித்துப் பாருங்கள்,  உத்தியோகப் பார்ப்பனனுடனும், எலக்ஷன் பார்ப்பனனுடனும் சண்டை போடுவதற்கு வேண்டுமானால் ஏதாவது தந்திரம் பேசலாம். தமிழ்நாட்டில் ஆதியில் ஜாதியில்லை என்று சொல்லலாம்.

சாமர்த்தியமாய் விவகாரம் செய்யலாம். ஆனால் தன்னை இந்து என்றோ, சைவன் என்றோ, வைணவன் என்றோ சொல்லிக் கொண்டு வேறு ஒருவனிடம் விவகாரம் பேசி தன்னைச் சூத்திரவகுப்பிலிருந்தும், பஞ்சம வகுப்பிலிருந்தும் விலக்கிக்கொள்ள முடியுமா? என்று யோசித்துப்பாருங்கள். (சற்சூத்திரன் என்று சொல்லிக் கொள்வதால் தப்பித்துக் கொள்ள முடியாது)

25.10.1931 - குடிஅரசிலிருந்து...

நாம் தானே இந்நாட்டின் பழம் பெரும் குடிமக்கள் என்று ஆதாரம் இருக்கின்றது. நமக்குத்தானே ஆதி திராவிடர், ஆதி ஆந்திரர், ஆதி மராட்டியர், ஆதி கர்னாடகர் என்கின்ற பெயர்கள் வழங்குகின்றன. இந்த ஆதி பட்டமெல்லாம் நாம் என்றும் சிலையாய், அடிமையாய், தீண்டாதாரராய் இருப்பதற்கு அனு கூலமாக கொடுக்கப் பட்டதேயொழிய, மற்றபடி இந்நாட்டின் பழம் பெருங்குடி மக்கள் என்று மரியாதை செய்து முற்போக்கடையச் செய்விப்பதற்குக் கொடுக்கப்பட்டதா? அல்லது உதவுகின்றதா? என்று எண்ணிப் பாருங்கள்.

ஒரு நாட்டிற்கு எவ்வித சுதந்திரமிருந்தாலும் - பூரண சுயேச்சை இருந்தாலும்- சுயராஜ்ஜியமிருந்தாலும் அந்நாட்டிலுள்ள 3இல் ஒரு பங்கு மக்கள் தீண்டாதார் என்றும், கீழ் ஜாதியார் என்றும் பாடுபட்டு உழைத்து, மற்றவர்களுக்கே போட்டு விட்டு,தெருவில் நடக்கவும், குளத்தில் தண்ணீர் மொள்ளவும், ஊருக்குள் குடியிருக்கவும் உரிமையில்லாமலும், வயிரார உண்ணமுடியாமலும் இடுப்பார உடுத்த முடியாமலும்  இருக்கும்படியான மக்கள் உள்ள நாடாயிருந்தால் அந்த நாடு கொடுங்கோன்மை ஆட்சி உள்ள நாடு என்று சொல்லுவதல்லாமல் அதற்கு ஏதாவது மேற்கொண்ட யோக்கியதை உள்ள பெயர் கொடுக்க முடியுமா? என்று யோசித்துப் பாருங்கள்.

Banner
Banner