எழுத்துரு அளவு Larger Font Smaller Font

ஆஸ்துமாவுக்கு இன்ஹேலரைத் தொடரலாமா?

பனிக்காலம் தொடங்கிவிட்டால் ஆஸ் துமா உள்ளவர்களுக்குச் சோதனைக் காலம் தான். அதீதக் குளிர்ச்சி நம் நுரையீரலில் உள்ள மூச்சுக்குழல் தசைகளின் நரம்பு முனைகளைத் தூண்டுகிறது. இதன் விளை வால் மூச்சுக்குழல் தசைகள் சுருங்கி விடு கின்றன. அப்போது மூச்சு சிறுகுழல்கள்  மிக அதிகமாகச் சுருங்கிவிடுகின்றன. அதே வேளையில் மூச்சுக்குழலின் உள்சவ்வு வீங்கி விடுகிறது. இந்தக் காரணங்களால் மூச்சு செல்லும் பாதை சுருங்கி விடுகிறது.

இந்த நேரத்தில் மூச்சுக்குழல்களில் வீங்கிய சவ்விலிருந்து நீர் சுரக்கிறது. இது ஏற் கெனவே சுருங்கிப்போன மூச்சுப் பாதையை இன்னும் அதிகமாக அடைத்துவிடுகிறது. இதனால் மூச்சு விடுவதில் சிரமம் உண்டா கிறது. முக்கியமாக, மூச்சை வெளிவிடுவதில் தான் மிகவும் சிரமமாக இருக்கும். ஆஸ்துமா உள்ளவர்களுக்கு இளைப்பு, இருமல், மூச்சுத் திணறல் போன்ற தொல்லைகள் ஏற் படுவது இதனால்தான். அடுத்து, மிகக் குறுகிய மூச்சுக் குழல்கள் வழியாக மூச்சை வெளிவிடும்போது விசில் (வீசிங்) போன்ற சத்தம் கேட்கிறது.

சிகிச்சை?

இன்றைய மருத்துவ முன்னேற் றத்தில் ஆஸ்துமாவுக்கு நிறைய மருந்துகள் உள்ளன. மூச்சுக்குழாயை விரிவுபடுத்துவது, அதன் வீக்கத்தைக் கட்டுப்படுத்துவது, ஒவ்வா மையைத் தடுப்பது, ஆஸ்துமா பாதிப்பு களைக் கட்டுப்படுத்துவது என்று பலதரப் பட்ட மருந்துகள் கிடைக்கின்றன. மருத்து வரின் ஆலோசனைப்படி அவற்றைப் பின் பற்றினால் ஆஸ்துமா அவதி குறையும். இவற் றில் ஆஸ்துமா உள்ளவர்களுக்கு இன் ஹேலர் ஒரு வரப்பிரசாதம்.

இவர்களுக்கு மூச்சுக்குழல்களை விரிவு படுத்த மாத்திரை, மருந்து, ஊசிகளைப் பயன் படுத்தும்போது, அவை ரத்தத்தில் கலந்து நுரையீரலை அடைந்து பலன் கிடைப்பதற்கு நேரம் ஆகும். இந்த மருந்தின் அளவுகளும் அதிகம். சில பக்கவிளைவுகளும் இவற்றுக்கு உண்டு. குறிப்பாகச் சொல்வ தென்றால் சால்பூட்டமால் எனும் ஆஸ்துமா மருந்தின் அளவு அதிகமாகிவிட்டால், கை விரல்கள் நடுங்குவதை உதாரணமாகச் சொல்லலாம்.

ஆஸ்துமா நோயாளிகள் இன்ஹேலரைப் பயன்படுத்தும் போது அதிலிருக்கும் மருந்து நேரடியாக நுரையீரலுக்குச் சென்று மூச்சுக் குழல் தசைகளை உடனடியாகத் தளர்த்தி விடும். இதனால் மூச்சுத்திணறல் உடனடி யாகக் கட்டுப்படும். இதில் பயன்படுத்தப்படும் மருந்தின் அளவு மிகவும் குறைவு. மைக்ரோ கிராம்களில்தான் இந்த மருந்து செலுத்தப் படுகிறது.

உடலின் வேறு உறுப்புகளுக்கு இந்த மருந்து செல்வதில்லை. எனவே, இதற்கு அதிகப் பக்கவிளைவுகள் இல்லை. இதை வாழ்நாள் முழுவதும் பயன்படுத்தி னால்கூட ஆபத்து இல்லை. இன்ஹேல ருக்குப் பதிலாக மாத்திரை, மருந்துகளைத் தொடர்ந்து பயன்படுத்தும்போதுதான் பல பக்கவிளைவுகள் ஏற்படும் சாத்தியம் அதிகம் இருக்கிறது.

இன்ஹேலரைப் பயன்படுத்துவது எப்படி?

· இன்ஹேலரைப் பயன்படுத்துவதற்கு முன்பு நன்றாகக் குலுக்க வேண்டும். அப் போதுதான் மருந்து சரியான விகிதத்தில் கலந்து நுரையீரலுக்குச் சென்றடையும்.

· இன்ஹேலரை இழுக்கும் முன்பு, மூச்சை நன்றாக வெளியே விட்டுவிட வேண் டும். பிறகு மருந்தை உள்ளிழுத்து, பத்து விநாடிகள் அப்படியே வைத்திருக்கவும். பிறகு மெதுவாக மூச்சை வெளிவிடவும். இப்படிச் செய்தால், நுரையீரலில் மருந்து அதிக நேரம் தங்கி முழுவதுமாகப் பலன் கொடுக்கும்.

· மூச்சை உள்ளிழுப்பதும் இன்ஹேலர் மருந்தை உள்ளிழுப்பதும் ஒரே சமயத்தில் நடக்க வேண்டும். இல்லையென்றால் மருந்து வாய்க்குள்ளேயே தங்கிவிடும்.

· இன்ஹேலரைப் பயன்படுத்திய பிறகு வாயைக் கொப்பளிக்க வேண்டியது முக்கியம்.

· குழந்தைகளுக்கு இன்ஹேலரைப் பயன்படுத்தத் தெரியாது. ஆகையால், இன் ஹேலருடன் ஸ்பேசர் கருவியை இணைத்துப் பயன்படுத்தலாம்.

· உட்கார்ந்தபடி இன்ஹேலரைப் பயன் படுத்துவதுதான் சரியான முறை. படுத்தபடி, சாய்ந்தபடி பயன்படுத்தினால் மருந்தின் அளவு சரியான அளவில் சென்றடையாது.

· இன்ஹேலரைப் பயன்படுத்திய பிறகு அதை மூடிவைக்க மறந்துவிடக் கூடாது.

· இன்ஹேலரைப்  பயன்படுத்தும்போது வாய்ப்புண் வரலாம். 'ரோட்டா கேப்பில் இருக்கும் மருந்து வாயில் தங்கிவிடுவதுதான் இதற்குக் காரணம். மருந்தை உறிஞ்சியதும், வாயை நன்றாகக் கொப்பளித்த பிறகு, தண்ணீர் குடிக்க வேண்டும். பின்னர் சாப்பிட வேண்டும். இப்படிச் செய்தால் வாய்ப்புண் வராது. அப்படியும் வருகிறது என்றால், மீட்டர் டோஸ் இன்ஹேலரை அதற்கென உள்ள கண்ணாடிக் குடுவைக்குள் வைத்துப் பயன்படுத்த வேண்டும். இதனால், மருந்து வாயில் தங்குவது குறையும். வாய்ப்புண் ஆபத்து தவிர்க்கப்படும்.

·  மருத்துவரின் யோசனை இல்லாமல் சுயமாக இன்ஹேலரை மாற்றக் கூடாது.

· இன்ஹேலர்களில் ஒரு மருந்து உள் ளவை, பல மருந்துகள் கலந்தவை எனப் பல விதம் உண்டு. இவற்றை மருத்துவரின் ஆலோ சனைப்படிதான் பயன்படுத்த வேண்டும்.


முந்திரி, ஆரோக்கிய மந்திரி

முந்திரிப் பருப்பு சுவையாக இருந்தாலும், அதன் விலை சற்றே மிரட்டும். அளவாகச் சாப்பிட்டால் முந்திரி உள்ளிட்ட பருப்புகள் உடலுக்குப் பல ஆக்கபூர்வமான பலன்களை நம் உடலுக்குத் தரக்கூடியவை. அந்தப் பலன்களில் சில:
தினசரி சிறிதளவு முந்திரிப் பருப்பைச் சாப்பிட்டுவந்தால், ரத்த அழுத்தம் சீராக இருக்கும்.

முந்திரிப் பருப்பில் தாமிர சத்து இருப்பதால், இதன் மூலம் அடர்த்தியான, கறுப்புக் கூந்தல் வளரும். முந்திரிப் பருப்பில் மக்னீசியமும் இருக்கிறது. இது எலும்பு ஆரோக்கியத்துக்கு நல்லது.

ரிபோஃபிளேவின் (வைட்டமின் பி), பான்டோதெனிக் அமிலம் (வைட்டமின் பி5) உள்ளிட்ட வைட்டமின்களை முந்திரிப் பருப்பு கொண்டுள்ளது.

தினசரி முந்திரிப் பருப்பை உட்கொண்டால், சிறுநீரகக் கற்களில் 25 சதவீதம் மட்டுப்படும்.

தமிழில் கருத்துக்களை தெரிவிக்க -  


Security code
Refresh

Banner
Banner