மருத்துவம்


ட்ரான்சியன்ட் ஸ்மார்ட்போன் பிளைண்ட்னஸ் என்ற பிரச் சினையைப் பற்றி கேள்விப் பட்டிருக்கிறீர்களா?  
நம்மில் பலருக்கு இந்தப் பிரச் சினை வரும் அபாயம் அதிக முள்ளது. பகல் இரவு பாராமல் செல்போனில் வசிக்கும் ஜீவி களின் கவனத்துக்கு - தினமும் இரவில் தூங்கும்போது படுத்தபடியே இடதுபக்கம் சாய்ந்து, வலது கண்ணால் ஸ்மார்ட்போன் ஸ்கிரீனை தொடர்ச்சியாக பார்ப்பவர்களுக்கு தற்காலிகமாக பார்வை இழப்பு ஏற்படுமாம். அதன் பெயர் தான் ட்ரான்சியன்ட் ஸ்மார்ட்போன் பிளைண்ட்னஸ் என்கிறார்கள் மருத்துவர்கள்.

முகத்தின் இடது புறம் தலையணையில் புதைந்திருக்க, வலது கண்ணால் சிரமப்பட்டு ஸ்மார்ட் ஃபோன் ஸ்கீரீனை நீண்ட நேரம் உற்றுப் பார்த்துக் கொண்டிருப்பதால் விளையும் விபரீதம் இது.

சரியாக உறங்காமல், விடியும் முன்பே விழித்து, படுத்த நிலையி லேயே ஸ்மார்ட்போனைப் பார்ப்பதை தொடர் பழக்கமாகக் கொண்டிருப்பவர்களுக்கும் இப்பிரச்சினை என்கிறது ஒரு ஆராய்ச்சி. இரவில் உறங்காமல் ஸ்மார்ட்போனை மேற்சொன்ன விதத்தில் பயன்படுத்துபவர்களுக்கு தற்காலிக பார்வையிழப்பு பிரச்சினை ஏற்படுவதாக மருத்துவர்களும் உறுதி செய்தனர்.

லண்டனில் உள்ள மூர்ஃபீல்ட்ஸ் கண் மருத்துவமனை மருத்துவர் ஓமர் மஹ்ரூ கூறுகையில், ‘சூரிய வெளிச்சத்தை பார்த்துக் கொண்டிருந்த பின், சட்டென்று அறைக்குள் நுழையும் போது, சில கணங்களுக்கு கண் பார்வையே மங்கலானது போலக் காட்சிகள் தெளிவற்று இருக்கும். எந்தளவுக்கு பளிச்சென்ற வெளிச்சத்தை நேரடியாக விழித்திரை சந்தித்ததோ, அதே அளவுக்கு சாதாரண நிலையில் இக்குருட்டுத்தன்மை நீடிக்கும்.

ஸ்மார்ட்போனில் பளிச்சென்ற ஸ்கீரினில் செய்திகளை தொடர்ந்து பார்த்தபடி இருந்துவிட்டு, வெளியில் வரும் போது, சாதாரண வெளிச் சத்தில் காட்சிகள் தெளிவாக தெரியாது. சில கணங் களுக்குப்பின் இது சரியாகி கண் பார்வை இயல்பு நிலைக்கு திரும்பிவிடும். ஆனால் இதையே தொடர் பழக்கமாகக் கெண்டிருந்தால் விழித்திரை பிரச்சி னைகள் ஏற்பட்டு நிரந்தரமாக பார்வையிழப்பும் ஏற்படலாம்‘ என் கிறார்கள் ஆராய்ச்சியாளர்கள்.

தூங்குவதற்கு அரை மணி நேரம் முன்பாக தொலைக்காட்சி, கணினி மற்றும் ஸ்மார்ட் போன் என எந்த வெளிச்ச திரையையும் பார்க்காமல் கண்களை மூடி சற்று நேரம் ரிலாக்ஸ் செய்துவிட்டு அதன் பின் உறங்கச் சென்றால் நிச்சயம் இந்த பிரச்சினை ஏற்படாது.

 

உங்கள் வயிற்றில் பிரச்சினைகள் இருக்கிறதா?

உணவுப் பழக்கத்தில் தொடங்கி சில பழக்கவழக்கங்களால்தான் வயிற்றில் அடிக்கடி பிரச்சினைகள் ஏற்படுகின்றது. இதிலிருந்து விடுபடுவது எப்படி?

உணவு சாப்பிடும் போது வேறு எந்த வேலையும் செய்யக் கூடாது. சிலர் புத்தகங்கள் படித்துக் கொண்டோ, டிவி பார்த்துக் கொண்டே ஏனோ தானோவென்று சாப்பிடுவார்கள். அது தவறு. சிலர் சாப்பிடும் போது கோழி விழுங்கு வதைப் போல அவசர அவசரமாக மொத்த உணவையும் விழுங்கி வைப்பார்கள். இதுவும் தவறு. இதனால் அவர்கள் உணவுடன் சேர்த்து காற்றை வயிற்றுக்குள் அனுப்புவதால் வயிறு உப்புசம் அடையும்.  உணவை கவனத்துடன் நன்றாக மென்று விழுங்க வேண்டும். உடலின் நீர்ச்சத்து எப்போதும் சரியான அளவில் இருக்கும்படி பார்த்துக்கொள்ள வேண்டும். அதற்கு திரவ உணவும் சரிசதவிகிதம் உணவாக எடுத்துக் கொள்ள வேண்டும். போதுமான அளவு தண்ணீர் குடிக்கவேண்டும். உடலுக்குத் தேவையான அளவு தண்ணீர் குடிக்காமல் இருந்தால் வயிற்றில் பிரச்சினைகள் உண்டாக்கி, வீக்கத்தை ஏற்படுத்திவிடும்.

க்ளூட்டன் நிறைந்த உணவுப் பொருட்களான கோதுமை, பார்லி, சோயா ஆகிய உணவுகளை அடிக்கடி சாப்பிடுவதால் சிலருக்கு வயிறு வீங்கிவிடும். எனவே இவற்றை தவிர்த்து காய்கறிகள், பழங்களை அன்றாட உணவில் அதிகம் சேர்த்துக் கொள்ள வேண்டும். சிலருக்கு வாயுக் கோளாறுகள் இருக்கும். உருளைக் கிழங்கு, துவரம் பருப்பு, கொண்டைக் கடலை, பன்னீர், சீஸ் போன்ற கொழுப்பு சத்து நிறைந்த உணவுகளை அதிகம் சாப்பிடுவதைத் தவிர்க்க வேண்டும். தவிர்க்க முடியாமல் சாப்பிட்டு விட்டால், நீராக கரைத்த மோரில் சிறிதளவு சீரகப் பொடி, பெருங்காயப் பொடி சேர்த்து குடித்தால் வயிற்றில் சேர்ந்த வாயு வெளியேறி வீக்கம் குறையும்.

வேலை நேரத்தில் சிறுநீர் வரும்போது சிலர் அப்புறம் போகலாம் என்று அடக்கிக் கொள் வார்கள். இது தவறு. சீரான இடைவெளியில் தவறாமல் சிறுநீர் அல்லது மலத்தை வெளி யேற்றாமல் இருந்தால், வயிறு சம்பந்தப்பட்ட பிரச்சினைகள் ஏற்படும்.

உடல் எடையை குறைக்க மாத்திரை உட்கொள்ளலாமா?

உடல் எடையைக் குறைக்கும் மாத்திரைகளால் பல பக்கவிளைவுகள் ஏற்படுவது உண்மைதான். மருத்துவரின் பரிந்துரை இல்லாமல் மாத்திரைகளை உட்கொள்வது தவறு.
மாத்திரை என்ன செய்கிறது?

உடல் எடையைக் குறைப்பதற்காகப் பரிந்துரைக்கப்படும் மாத்திரைகள் பொதுவாக மூன்று வழிகளில் வேலை செய்கின்றன. ஒன்று, பசியைக் குறைக்கின்றன. இதனால், நாம் சாப்பிடுவது குறைகிறது. இரண்டாவதாக, குடலில் கொழுப்புச் சத்து உறிஞ்சப்படுவதை அவை தடுக்கின்றன. இதனால், கொழுப்பு உடலில் சேருவது குறைகிறது. மூன்றாவதாக, எந்நேரமும் வயிறு நிரம்பிய உணர்வைத் தருகின்றன. இதனால் அதிகம் சாப்பிட முடிவதில்லை. நாம் குறைந்த உணவை சாப்பிட்டவுடனேயே வயிறு நிரம்பிவிடுகிறது. இம்மாதிரியான காரணங்களால் உடல் எடை அதிகரிப்பது தடுக்கப்படுகிறது.

ஒருவர் எடைக் குறைப்பு மாத்திரையை உட்கொள்வதற்கு முன்னால், அவருடைய உடல் பருமன் அடைந்திருப்பதற்கான அடிப்படைக் காரணத்தைத் தெரிந்துகொள்ள வேண்டும். அந்தக் காரணத்தைக் களைவதற்கு சிகிச்சை பெற வேண்டும். பொதுவாக, ஒருவரின் பி.எம்.அய். 30-க்கு மேல் இருந்தால்தான் உடல் எடைக் குறைப்பு மாத்திரையை மருத்துவர்கள் பரிந் துரை செய்வார்கள்.

பக்க விளைவுகள் என்னென்ன?

இந்த மாத்திரைகள் குடலில் இயங்குவதால் வயிறு உப்புசம், வாய்வு சேருதல், வயிற்றில் இரைச்சல் போன்ற சாதாரண பக்கவிளைவுகள் ஆரம்பத்தில் தோன்றும். வாய் உலர்வது, மலச்சிக்கல், லேசான தலைவலி, கிறுகிறுப்பு போன்ற தொல்லைகளும் அடிக்கடி ஏற்படும். போகப்போக, கல்லீரலை இவை தாக்கும். அப்போது செரிமான நீர்கள் சுரப்பது குறையும்.

இதன் விளைவால், உணவுச் செரிமானம் ஆவது பாதிக்கப்பட்டு, கொழுப்புச் சத்து மட்டுமன்றி, மற்ற சத்துகளும் உடலுக்குக் கிடைக்காமல் போகும். இதனால், உடல் சோர் வடையும். வழக்கமான பணிகளை மேற்கொள்ள முடியாது. நீரிழிவு உள்ளவர்கள் இந்த மாத்திரைகளை உட்கொண்டால், அடிக்கடி ரத்தச் சர்க்கரை குறைந்து மயக்கம் வரும்.

மேலும், இந்த மாத்திரைகளை உட்கொண்டால், இதய நோய், உயர் ரத்தஅழுத்தம், மன அழுத்தம், வலிப்பு நோய், உறக்கமின்மை போன்றவற்றுக்கு உட்கொள்ளும் மாத்திரை களின் செயல்பாட்டையும் பாதிக்கும். வைட்டமின் மாத்தி ரையைக்கூட எடைக் குறைப்பு மாத்திரைகளை உட்கொள் வதற்கு 2 மணி நேரத்துக்கு முன்பாக உட்கொண்டால்தான், பலன் தரும். எடைக் குறைப்பு மாத்திரையோடு எந்த மாத்திரையையும் ஒரே நேரத்தில் உட்கொள்ளக் கூடாது. அப்படி உட்கொண்டால், எந்த மாத்திரையும் பலன் தராது.
யார் உட்கொள்ளக்கூடாது?

குழந்தைகள், கர்ப்பிணிகள், கர்ப்பத்துக்குத் தயாராகும் பெண்கள், பாலூட்டும் அம்மாக்கள், முதியவர்கள் ஆகியோர் எடைக் குறைப்பு மாத்திரைகளைக் கண்டிப்பாக உட்கொள்ளக் கூடாது. ஏற்கெனவே, உயர் ரத்தஅழுத்தம், இதயநோய், வலிப்பு நோய், மன நோய் உள்ளவர்கள் இந்த மாத்திரைகளை உட்கொள்ளக் கூடாது.

அது மட்டுமில்லாமல் எடைக் குறைப்பு மாத்திரை எதுவாக இருந்தாலும் உட்கொள்ளத் தொடங்கிய 3 மாதங்களில் 5 சதவீதம்கூட எடை குறையவில்லை என்றால், அதற்குப் பிறகு அதை உட்கொள்வது வீண். ஏனென்றால், இந்தக் காலகட்டத்துக்குள் பலன் கொடுக்காத மருந்து, அதற்குப் பிறகு கண்டிப்பாக பலன் கொடுக்காது.

இன்னொன்று, எடைக் குறைப்பு மாத்திரைகளை மருத்து வர்கள் பரிந்துரைக்கும்போது உணவுக் கட்டுப்பாட்டையும், உடற்பயிற்சியின் அவசியத்தையும் கட்டாயம் கூறுவார்கள். அவற்றை முறையாகப் பின்பற்ற வேண்டும். ‘மந்திரம் போட்டு மாங்காய் பறிக்கலாம்‘ என நினைப்பது எவ்வளவு தவறோ, அந்த அளவுக்கு எடைக் குறைப்பு மாத்திரையை உட் கொண்டால் உடல் எடை குறைந்துவிடும் என்று நம்புவதும் தவறுதான். எடையைக் குறைப்பதில் மாத்திரைகளின் பங்கு 20 சதவீதம் என்றால், மீதி 80 சதவீதம் உணவுக்கும் உடற்பயிற்சிக்கும் உண்டு. இந்த 20 சதவீதப் பலனுக்காக எடைக் குறைப்பு மாத்திரையை மட்டும் உட்கொண்டு, பக்க விளைவுகளைப் பரிசாகப் பெற்றுக்கொள்ள வேண்டுமா என்று யோசிக்க வேண்டும்.

என்ன செய்ய வேண்டும்?

தைராய்டு பிரச்சினை, இரண்டாம் வகை நீரிழிவு போன்ற காரணங்களால் உடல் பருமன் ஏற்பட்டிருக்கிறது என்றால், முறையான சிகிச்சை எடுக்க வேண்டும். உடல் பருமனுக்குக் காரணம் எதுவானாலும், அவரவர் உடல் எடைக்குத் தேவைப் படும் கலோரிகளைக் கணக்கிட்டு, ஆரோக்கிய உணவுத் திட்டம் ஒன்றைத் தயாரித்து, அதற்கேற்ப உணவு முறையை மாற்றிக்கொள்ள வேண்டும். முக்கியமாக, கொழுப்புள்ள உணவைக் குறைக்க வேண்டும். எண்ணெய்ப் பண்டங் களையும் நொறுக்குத் தீனிகளையும் ஓரங்கட்ட வேண்டும். மென்பானங்கள், குளிர்பானங்கள், மது அருந்துவதை நிறுத்த வேண்டும். பகல் தூக்கத்தைக் கைவிட வேண்டும்.

தினமும் நடைப்பயிற்சி, உடற்பயிற்சி, யோகாசனம் போன்றவற்றில் ஏதாவது இரண்டு விஷயங்களில் கவனம் செலுத்த வேண்டும். இவற்றை முறைப்படி தொடர்ந்து பல மாதங்களுக்குப் பின்பற்றினால்தான் எடை குறையும். இதற்கு அதிகம் பொறுமையும் வேண்டும்


நம் "பாரத புண்ணிய பூமியில்"  மூட நம்பிக்கை தொற்று நோய்களைப் போல மிக வேகமாகப் பரவுவன எவையும் அல்ல!

செங்கற்களை ஏற்றிச் செல்லும்  வண்டியிலிருந்து சாலையில் இரண்டு செங்கற்கள் விழுந்து விட்டால் அதைத் தூக்கி ஓரத்தில் வீசியெறிந்து விட்டுச் செல்லும் பகுத்தறிவுள்ள மனிதர்கள் வெகு வெகுக் குறைவு.

பின்னால் நடந்து வந்த பக்தி போதை ஏறிய 'அர்த்தமுள்ள ஹிந்துவாக' இருந்தால், உடனே அதனை அங்கே நட்டு அக்கற்களின் மீது குங்குமம், மஞ்சள் பூசி, ஏதாவது உடைந்த  'பேல்கட்டு' தகடு ஒன்றில் சூலம் அடித்து, நட்டு வைத்து விட்டு 'செங்கலீசுவரர்' என்று பெயரிட்டு  அழைத்தால் உடனே அங்கே செல்ல, முதலில் 100, பிறகு 1000, பின் 10 ஆயிரம் இப்படி பக்த கோடிகள் திரண்டு விடுவர். ஒரு உண்டியல் - பக்கத்திலே கொட்டகை  - அருகே வந்து சம்மன் இல்லாது ஆஜரான அர்ச்சகர் அல்லது பூசாரி (அதிலும் ஆரியர் - திராவிடர் இன அடையாளம் உண்டு).

அடுத்த கட்டம் அதன் பெருமை, செங்கலீசுவரரின் சக்தி, மகிமை பற்றிய 'ஸ்தல புராணங்கள்' தீட்டப்படும்!

இதைத் தடுக்க வேண்டுமென்று ஊர் நலக் காப்பாளர்கள், பஞ்சாயத்து முதல் கார்ப்பரேஷன் அதிகாரிகள், ரெவின்யூ அதிகாரிகள், காவல்துறையினர் உட்பட, அதனை அப்புறப்படுத்தாவிட்டால், பரவசப்பட்ட பக்த கோடிகளுக்கான இடமாகவே மாறி விடும் விசித்திரக் காட்சி உண்டு!

உயர்நீதிமன்றம், உச்சநீதிமன்றம் வரை எத்தனையோ தீர்ப்புகள், நடைபாதைக் கோயில்களை அகற்றிடத் தந்தும் 'எந்த நடவடிக்கையும்' இல்லை!

நீதிமன்ற அவமதிப்புகூட இதற்கென தனி வேகத்தோடு செயல்படாத ஆமைத் தனம் அல்லது ஊமைத்தனம்; அதுதான் நம் நாட்டு துரைத்தனம்!

நேற்று கர்நாடகத்தில் திடீரென ஒரு புரளி - வதந்தி - "தாலிக் கயிற்றில்" ('மங்கள சூத்திரம்') பவழம் இணைத்திருந்தால், அதனால் கணவனுக்கு ஆகாதாம்; நோய் வருமாம்; ஆளே "காலி"யாகி விடுவானாம்! இப்படி ஒரு அச்சுறுத்தல் "குண்டைப்"போட்டவுடன் இதுவே வேகமாகப் பரவி விட்டது!

பல தாய்மார்கள் தங்கள் தாலியில் கோர்த்திருந்த பவழத்தை உடைத்து நொறுக்கிய பின்பே பெரு மூச்சு விட்டார்களாம்!
இதுபோன்ற மூடநம்பிக்கை 'சீசனுக்கு சீசன்' பலரால் கிளப்பி விடப்பட்டு தனி வியாபாரமாகவே செழிக்கிறது!
சில ஆண்டுகளுக்குமுன்பு திருப் பதியில் உள்ள பத்மாவதி தாயாரம்மாள் கழுத்தில் வெங்கடாசலபதியால்  - இல்லை இல்லை - உண்மையாக அங்குள்ள அர்ச்சகரால் - கட்டப்பட்ட தாலி திடீரென கீழே விழுந்து விட்டதாம்.

இது 'கெட்ட சகுனம்' மட்டுமல்ல; மாறாக, பல 'கட்டுக் கழுத்திகளுக்கு' அதாவது தாலி கட்டியுள்ள நம் பெண் களின் பதிகளுக்கு ஆபத்து ஏற்பட்டு விடுமாம்!

உடனே பழைய தாலிக் கயிற்றை எடுத்துப் போட்டு புதிய தாலிக் கயிற்றை கட்டிக் கொள்ள வேண்டும் என்று ஒரு வதந்தி - 'புருடா' கிளப்பி விடப்பட்டது.

உடனே தாலிக் கயிறு, மஞ்சள் எல்லாவற்றிக்கும் திடீரென்று 'கிராக்கி' நல்ல விலை - ஒரு கயிற்றுக்கு 200, 300, 500 ரூபாய் என்று வியாபாரம் 'கொட்டோ கொட்டுண்ணு' நடந்ததாம்!

அதுபோலவே காரைக்குடி பயிற்சி முகாமில்  தகவல் தெரிவித்த ஒரு மாணவர் அங்கே உள்ள வடுவூர் (மன்னார்குடி அருகே உள்ள வடுவூர் அல்ல) கிராமத்தில் பேய் பிசாசு, புரளி வெகுவாகப் பரப்பி கிராம மக்கள் பயத்தால் மிரண்டு போய் உள்ளதாகக் கூறினார்.

விரைவில் திராவிடர் கழகம் அங்கே சென்று மூடநம்பிக்கை ஒழிப்பு பகுத்தறிவுப் பிரச்சாரத்தைத் துவக்கும். பகுத்தறிவாளர் கழகம், திராவிடர் கழகம் ஆகியவற்றின் பொறுப்பாளர்கள் அந்த ஏற்பாட்டினைச் செய்ய வேண்டும்.

அறிவியல் மனப்பான்மை வளர்ப்பது ஒவ்வொரு குடி மகனின் அடிப்படைக் கடமை (Fundamental Duty Article 51A Constitution of India) கூறுகிறது. ஆனால் நடைமுறையில்....?

திராவிடர் கழகத்தைத் தவிர, பகுத்தறி வாளர்களைத் தவிர வேறு யார் இப்பணி செய்கின்றனர்!

உடல் நோய் தடுப்பை விட இந்த மனநோய், வதந்தி, மூடநம்பிக்கைகள் பெரும் ஆபத்தானவை. எளிதில் தீராத நோய் ஆகும். காற்றைவிட வேகமாகப் பரவும் எச்சரிக்கை.

நீரிழிவும் மன அழுத்தமும் ஒன்றுக்கொன்று நெருக்கமானவை... பிரிக்க முடியாதவை... நீண்டகாலமாக சர்க்கரை நோயினால் பாதிக்கப்பட்டிருந்தால் மனச்சோர்வு நோய் தாக்குவதற்கான வாய்ப்பு அதிகம் இருக்கிறது. அதேபோல மனச்சோர்வு நோயால் அவஸ்தை பட்டுக்கொண்டிருந்தாலும் அது சர்க்கரை நோயில் கொண்டு வந்துவிடும் அபாயமும் இருக்கிறது.மூன்று வேளையும் மூக்கைப் பிடிக்க சாப்பிட்டு விட்டு, எந்த வேலையும் செய்யாமல் புகை, மது போன்ற பழக்க வழக்கங்களுடன் உடலை குண்டாக்கிக்கொண்டே இருந்தால் பி.எம்.அய். எனப்படும் பாடி மாஸ் இண்டெக்ஸ் அதிகரிக்கும். பி.எம்.அய் அதிகரிக்க அதிகரிக்க சர்க்கரை நோய் வரக்கூடிய வாய்ப்பும் அதிகம்.

சமீபத்தில் அமெரிக்காவில் நடத்தப்பட்ட ஓர் ஆய்வில் பத்து சதவிகிதம் பேருக்கு சர்க்கரை நோய் இருப்பதும் அதிலும் 60 வயதை நெருங்குபவர்களாக இருந்தால் சுமார் 23 சதவிகிதம்  பேருக்கு கண்டிப்பாக சர்க்கரை நோய் இருப்பதாகவும் கண்டறிந்திருக்கிறார்கள்.உடல் உழைப்பு இல்லாமை, உடல் பருமன் போன்றவை சர்க்கரை நோய் வருவதற்கான காரணிகளாக சொல்லப்பட்டாலும் மேற்சொன்ன ஆய்வில் இன்னொன்றும் தெரியவந்தது. அது மனச்சோர்வு நோயால் சிரமப்பட்டாலும் சர்க்கரை நோய் வரும் வாய்ப்பு அதிகம் என்கிற உண்மையே. பெண்களாக இருப்பின் இந்த ரிஸ்க் இன்னும் அதிகம்.

அதாவது, மனச்சோர்வு பாதித்த ஆண்களைக் காட்டிலும் பெண் களுக்கு சர்க்கரை நோய் வரும் வாய்ப்பு அதிகம். இதையே மாற்றிப் போட்டு பார்க்கலாம். அதாவது, சர்க்கரை நோயிலிருந்து மனச்சோர்வு நோய். சர்க்கரை வியாதி இல்லாத பெண்களைக் காட்டிலும் சர்க்கரை நோய் இருக்கும் பெண்களுக்கு மனச்சோர்வு வருவதற்கு 29 சதவிகிதம் வாய்ப்பு இருப்பதாக ஆய்வுகள் தெரிவிக்கின்றன. 10 ஆண்டுகளில் கிட்டத்தட்ட 50 ஆயிரம் பேரிடம் நடத்தப்பட்ட தொடர் ஆய்வுகளின் முடிவுகள்தான் இவை.

எல்லாம் சரி, சர்க்கரை நோய் வந்தால் ஏன் மனச்சோர்வு வருகிறது? சர்க்கரை நோயினால் நமது உடலில் ஏற்படும் உயிர் வேதியியல் மாற்றங்கள் ஒரு காரணம். அந்த நோயுடன் நடத்தக்கூடிய வாழ்க்கை இருக்கிறதே... அது இன்னொரு காரணம். பாதிப் பேருக்கு மேல் தனக்கு சர்க்கரை இருக்கிறது என்று தெரியவந்த அந்த நாளில் ஏதோ உயிர்கொல்லி நோய் வந்ததைப் போன்று அதீத மனச்சோர்வுக்கு உள்ளாகிறார்கள். நேரத்துக்கு உணவு சாப்பிடலைன்னா குளுக்கோஸ் இறங்கிருது. முன்னாடி மாதிரி தாம்பத்தியத்திலும் ஆர்வம் இல்லை... என்ற ரீதியில் சர்க்கரை நோயாளிகள் புலம்புவதில் ஏகப்பட்ட நடைமுறை உண்மைகள் உண்டு.

எலும்புகள் வலுப்பட உட்கொள்ள வேண்டிய உணவுகள்

உடலுக்குத் தேவைப்படும் சத்துக்களில் கால்சியம் மிக முக்கியப் பங்கு வகிக்கிறது. கால்சியம் குறைந்தால் எலும்புகள் பலவீனமடைவதோடு ரத்த செல்கள் உருவாவதிலும் பிரச்னைகள் ஏற்படும். பெரும்பாலும் மாதவிடாய் நிற்கும் காலத்தில் உள்ள பெண்களுக்கே கால்சியம் சத்து குறைபாடு வருகிறது என்ற நிலை மாறி, இன்று ஆண்களும் கால்சியம் குறைபாட்டால் பாதிக்கப் படுவது அதிகரித்து வருவதாக பல்வேறு ஆய்வுகள் தெரிவிக்கின்றன.

இந்தக் குறைபாட்டை நீக்குவதற்கு கால்சியம் நிறைந்த உணவுகளை சாப்பிடுவதுடன், கால்சியம் சத்தை உடல் கிரகித்துக் கொள்வதற்குத் தேவையான வைட்டமின் டி சத்தும் நமக்கு அவசியம் என்பதைப் புரிந்துகொள்ள வேண்டும். எதிலெல்லாம் கால்சியம் மற்றும் வைட்ட மின் டி இருக்கிறது என்பதைத் தெரிந்துகொள்வோமா...

பாலில் கால்சியம் அதிகம் இருப்பது நாம் அறிந்ததே. அதனால், தினமும் ஒரு டம்ளர் பால் அருந்துவதை வழக்கமாக்கிக் கொள்ள வேண்டும். மருத்துவ ஆலோசனையின் பேரில் புரோட்டீன் பவுடர் கலந்தும் பால் அருந்தலாம். தயிரிலும் அதே அளவு கால்சியம் இருக்கிறது என்பதால் பால் பிடிக்காதவர்கள் தயிரை சாப்பிடலாம். முட்டை, வெண்ணெய் போன்றவற்றிலும் புரதத்துடன் கால்சியம் நிறைந்திருக்கிறது.

அதேபோல், உலர் அத்திப்பழத்தில் கால்சியம் மற்றும் இரும்புச் சத்துக்கள் உள்ளன. எனவே, நாள் ஒன்றுக்கு இரண்டு அல்லது மூன்று அத்திப்பழத் துண்டுகளை சாப்பிடலாம். முக்கியமாக, அனைத்து கடல் உணவுகளும் கால்சியம் சத்துப்பொருளை உள்ளடக்கியவையே.

பாதாம், பிஸ்தா போன்ற பருப்புகளில் உடலுக்குத் தேவையான தாது உப்புகளுடன் கால்சியம், மெக்னீசியம், மாங்கனீஸ், பாஸ்பரஸ் போன்றவைகளும் காணப்படு கின்றன.

சாதாரணமாகக் கிடைக்கக்கூடிய 100 கிராம் ராகியில் 330 மில்லிகிராம் முதல் 350 மில்லி கிராம் கால்சியம் சத்து உள்ளது. அதேபோல் கருப்பு உளுந்து, சோயாபீன்ஸ், கொள்ளு போன்றவைகளிலும் கால்சியம் உள்ளது.

நான்கில் ஒரு குழந்தைக்கு ரத்தசோகை

இந்தியாவில் நான்கில் ஒரு குழந்தை ரத்த சோகையுடன் பிறப்பதாக     ஆய்வறிக்கை ஒன்று சமீபத்தில் கூறியிருக்கிறது. குறிப் பாக, தமிழ்நாட்டில் மட்டும் ரத்த சோகையால் 51 சதவீதம் குழந் தைகள் பாதிக்கப் பட்டிருப்பதாக உலக சுகாதார நிறுவனம் கூறியிருக் கிறது.குழந்தைகளிடம் அதிகரித்திருக்கும் ரத்தசோகை யைக் குறைக்க என்ன செய்ய வேண்டும் என்கிறார் மகப்பேறு மருத்துவர்.

ஆரோக்கியமான தாயால்தான் ஆரோக்கியமான குழந்தையைப் பெற்றெடுக்க முடியும். இதுதான் அடிப் படையான பிரச்னை. கருவுற்றவுடன் மருத்துவரை அணுகுவதில் தாமதம், தக்க சிகிச்சை மற்றும் பரிசோதனை எடுத்துக்கொள்வதில் இருக்கும் தொய்வு, சத்து மாத்திரைகளை சாப்பிடுவதில் அலட்சியம் காட்டுவது போன்ற பல்வேறு காரணங்களால் கருவில் உள்ள குழந்தை பாதிக்கப்பட்டு ரத்த சோகையுடன் குழந்தை பிறக்கிறது. குழந்தை குறை மாதத்திலும் பிறக் கும். எடை குறைவாகவும், அதாவது 2 கிலோவுக்குக் குறைவாக இருக் கும். பிறந்த பிறகு பால் குடிக்கும் திறனும் பாதிக்கப்படும். மஞ்சள் காமாலை போன்ற நோய்களால் பாதிக்கப்படுவதற்கும் இது அடிப்படையான காரணமாக இருக்கிறது. தவழ்வது, நடப்பது போன்ற செயல்பாடுகளிலும் இந்த பாதிப்பு எதிரொலிக்கும்.

அதனால், கருவுற்ற முதல் நாளிலிருந்து மருத்துவரின் ஆலோசனையின்படி உணவு பழக்க வழக்கத்தை அமைத்துக் கொள்ள வேண்டும். கர்ப்ப காலத்தில் தேவையான ஆலோசனையையும் சிகிச்சையையும் சரியாகப் பின்பற்ற வேண்டும். ஊட்டச்சத்து மாத்திரைகள் எல்லா அரசு மருத்துவமனைகளிலும் கிடைக்கிறது. இதை கருவுற்ற தாய்மார்கள் தவறாமல் பயன்படுத்திக் கொள்ள வேண்டும் என்று எச்சரிக்கிறார்.

வெறும் வயிற்றில் பழங்களை சாப்பிடுவது நன்மையா?

பொதுவாக உணவு சாப்பிட்ட பிறகு, பழங்களை எடுத்துக்கொள்ளக்கூடாது. பழங்களை வெறும் வயிற்றிலேயே சாப்பிட வேண்டும். அவ்வாறு வெறும் வயிற்றில் சாப்பிடுவதால் நம் உடலின் நச்சுக்களை வெளியேற்றுவதிலும், எடை குறைப்பு மற்றும் உடலின் மற்ற செயல்களுக்கு தேவையான அதிகப்படியான ஆற்றலை தருவதிலும் பெரும் பங்கு வகிக்கிறது.

பழம், வயிற்றிலுள்ள உணவு மற்றும் செரிமானத்துக்கு உதவும் சாறுகளுடனும் சேரும் நிமிடத்தில், அந்த முழு நிறையான உணவு கெட்டுப்போக ஆரம்பிக்கிறது. உணவுக்குப்பின் பழம் எடுக்கும்போது, பழமானது மற்ற உணவுடன் சேர்ந்து அழுகுவதால், வாயு உற்பத்தியாகி வயிறு ஊத காரணமாகிறது.

நரை முடி தோன்றுவது, தலையில் வழுக்கை விழுவது, நரம்புகளின் திடீர் எழுச்சி, கண்களின் கீழ் கருவளையம் தோன்றுவது இவையெல்லாமே, வெறும் வயிற்றில் பழங்கள் எடுத்துக்கொள்ளாததுதான்.  பழச் சாறு அருந்தும் தேவை ஏற்படும்போது, அவ்வப்பொழுது பழச் சாறுகளைப் பிழிந்தே அருந்த வேண்டும்.

டின், பாக்கட் மற்றும் பாட்டில் இவற்றில் அடைக்கப் பட்ட ரெடிமேட் பழச்சாறுகள் வேண்டவே வேண்டாம். சூடாக்கப்பட்ட பழச்சாறுகளையும் குடிக்க கூடாது. பதப்படுத்தப்பட்ட, சமைத்த பழங்களில் உள்ள விட்டமின்கள் அனைத்தும் அழிக்கப்படுகின்றன.

நமக்கு அதன் சுவை மட்டுமே கிடைக்கும். பழச்சாறு அருந்துவதை விட, பழங்களை முழுதாக சாப்பிடுவது மிகவும் நல்லது. பழச்சாறு குடிக்கும்போது, மடமடவென குடிக்காமல், மெதுவாக சிறிது சிறிதாக அருந்த வேண்டும்.

ஏனென்றால், பழச்சாற்றை விழுங்குவதற்கு முன், அதனை வாயிலுள்ள உமிழ் நீரோடு நன்கு கலக்கச்செய்து பின்னர் உள்ளே அனுப்ப வேண்டும். இப்படி செய்யும் போது, உடல் உறுப்புகளை சுத்தம் செய்யும். உடலில் இருந்து நச்சுக்களை வெளியேற்றும்.

ஆற்றங்கரை நாகரிகம் முதல் கடந்த நூற்றாண்டு வரை மனித இனம் தனக்குத் தேவையான உணவை, அன்றன்றைக்கு சமைத்தே சாப்பிட்டு வருகிறது. ஆனால் குளிர்பதனப் பெட்டியின்  வருகைக்குப் பின்னர், முந்தைய நாளில் சமைத்த உணவை சற்று அதிகமாக சாப்பிடத் தொடங்கி விட்டோம். இதன் காரணமாக உடல்நலத்தைக் குறித்து வைத்துத் தாக்குவதற்கு, கிருமிகளின் பெரும்படையுடன் நோய்கள் ஆயத்தமாகிவிடுகின்றன.

இருபது ஆண்டுகளுக்கு முன்புவரை, வீடுகளில் மீந்த பழைய உணவு கழனிப் பானைக்குச் செல்வது வழக்கம். ஆனால் சமீபகாலமாக, மீதமான பழைய உணவு குளிர்பதனப் பெட்டிக்குள்ளும், பிறகு நம் இரைப்பைக்குள்ளும்தான் அடிக்கடி தஞ்சமடை கிறது. ஆழ்ந்து யோசித்தால், மீந்த உணவுப் பொருட் களுக்கு அடைக்கலம் கொடுக்கும் கழனிப் பானை யாக நம் இரைப்பை மாறியிருப்பதை உணரலாம்.

அமுதெனினும் வேண்டாம்

நோய் நம்மை நெருங்காமல் இருக்க, முதல் நாளில் சமைத்த கறி அமுதெனினும் அருந்தோம் என்ற கருத்தை வலியுறுத்துகிறது சித்த மருத்துவர் தேரையரின் கூற்று. ஏறக்குறைய 1800 ஆண்டு களுக்கு முன்பு இயற்றப்பட்டதாக கூறப்படும் திரிகடுகம் எனும் நூலும், பழைய உணவை சாப்பிடாமல், நாள்தோறும் சமைத்துச் சாப்பிட வேண்டும் என்பதையே வலியுறுத்துகிறது.

பணிச் சுமை, நேரமின்மை, அவசர வாழ்க்கை என செயற்கை காரணங்களுக்காக நேற்றைய உணவை பத்திரமாகப் பாதுகாத்து இன்று சாப்பிடு கிறோம். ஆனால், இந்தப் பழக்கம் தொடரும்போது வயிற்றுப்போக்கு, செரிமானமின்மை, தோல் நோய், வாந்தி என பல்வேறு நோய்களுக்கு வழி அமைத்துக் கொடுத்துவிடும் என்பதை மறந்துவிடக்கூடாது. சிறுதுளி பெருவெள்ளமாய், நஞ்சானது நமக்கே தெரியாமல் சிறிது சிறிதாக நாளடைவில் பெரிய நோய் அறிகுறிகளை உருவாக்கும்.

மாறுபடும் இயற்கைத் தன்மை

நேற்றைய உணவை இன்று சூடேற்றித்தானே சாப்பிடுகிறோம், அதில் கிருமிகள் இருந்தாலும் அழிந்துவிடுகின்றன, வேறு என்ன பெரிய பாதிப்பு வந்துவிடப் போகிறது? என்பதே பெரும்பாலோரின் கேள்வி. ஆனால், பாதிப்பு உறுதியாக இருக்கிறது என்பதே இதற்கு பதில். ஒவ்வொரு உணவுப் பொருளுக்கும் நோய் தீர்க்கும் குணம் உண்டு. ஒரு உணவுப் பொருளின் சுவை, தன்மை, ஆயுட்காலம், சமைக்கப்படும் முறை, செரிமானத்துக்கு பின், அதில் உண்டாகும் மாறுபாடு ஆகியவற்றை அடிப்படை யாக கொண்டே, அதன் நோய் போக்கும் தன்மை அமையும். அதிகமாகச் சூடேற்றி அல்லது குளிர்மைப்படுத்தி, ஒரு உணவுப் பொருளை அதன் இயற்கை தன்மையிலிருந்து மாற்றும்போது, அதன் நோய் தீர்க்கும் பண்பும் மாறுபட்டு, நோய் உண்டாக்கும் காரணியாகிவிடும். அரிசியை அதிகக் கொதியில் சமைக்கும்போது குழைந்தோ, நசிந்தோ இயற்கை குணத்திலிருந்து மாறுபடுகிறது. அதைப்போல, ஒரு உணவை ஒரு முறை சமைத்து மறுநாள் சூடேற்றும்போது, உணவின் இயற்கைத் தன்மை மாறுபடும். அதில் ஒளிந்துகொண்டிருக்கும் கிருமிகள் முழுவதுமாக அழிந்துவிடுமா என்றால், அதுவும் இல்லை.

பதப்படுத்தப்பட்ட உணவு

இன்றைய காலகட்டத்தில் உணவுப் பொருட் களின் தரம் காரணமாக காலையில் சமைத்த சில வகை உணவு, அடுத்த வேளையே கெட்டுப்போக வாய்ப்பிருக்கிறது. இந்நிலையில் அதை மறுநாள் வரை வைத்திருந்து சாப்பிடுவது உகந்ததல்ல. குளிர்பதன வசதி கொண்ட மிகப்பெரிய வணிக வளாகங்களில் விற்கப்படும் பதப்படுத்தப்பட்ட உணவை  முடிந்தவரை தவிர்த்துவிட்டு, தினமும் கிடைக்கும் கீரை, காய்களால் தயாரிக்கப்பட்ட உணவை அதிகமாக உட்கொள்ளலாம். பதப்படுத்தப் பட்ட உணவு வகைகளில் நஞ்சு உண்டாவதற்கான சாத்தியம் மிக அதிகம். சில நிமிடங்களில் ரெடி என விளம்பரப்படுத்தப்படும் சிற்றுண்டி வகைகளையும், அடைக்கப்பட்ட ரெடிமேட் சூப் ரகங்களையும் சாப்பிடும்போது உடலில் அடிக்கடி விஷ உணவு அறிகுறிகள் உண்டாவது கவனத்துக்குரியது.

சைவ உணவைவிட அசைவ உணவைப் பதனப்படுத்தி சாப்பிடும்போது, அதனால் ஏற்படும் பாதிப்புகள் மிக அதிகம்.

வாந்திக்கு என்ன காரணம்?

வாந்தி என்பது ஒரு தனிப்பட்ட நோயல்ல. நோய் வருவதற்கான ஓர் அபாய அறிவிப்பு. இதற்குப் பல காரணங்கள் உள்ளன.

நம் வயிற்றுக்குள் மோசமான பாக்டீரி யாவோ ரசாயனமோ புகுந்துவிட்டது என வைத்துக்கொள்வோம். இந்த விஷயத்தை இரைப்பைச் சுவரில் உள்ள சென்சார் செல்கள் உடனே உணர்ந்து, வேகஸ் நரம்பு வழியாக முகுளத்துக்குத் தகவல் அனுப்பும். வாந்தி எடுத்தால்தான் பிரச்சினை சரியாகும் என்று முகுளம் தீர்மானித்து விட்டால், அந்தச் செய்தியை வாந்தி மய்யத்துக்கு அனுப்பிவைக்கும். உடனே அது ‘வாந்தி எடு’, வாந்தி எடு என்று வயிற்றை அவசரப்படுத்தும். இந்தக் கட்டளைகள் மூளையிலிருந்து நரம்புகள் வழியாக வயிற்றுக்கு வந்து சேரும். பேட்டரி சார்ஜ் தீர்ந்த கார் நடுவழியில் நின்றுபோனால், சம்பந்தமில்லாத நான்கு பேர் உதவிக்கு வந்து அதைத் தள்ளிவிடுகிற மாதிரி, இரைப்பை சிரமப்படும்போது, இரைப்பைக்குச் சம்பந்தமில்லாத வயிற்றுத்தசைகள் எல்லாம் ஒன்று சேர்ந்து சிறுகுடலையும் இரைப் பையையும் அழுத்தும். அப்போது உணவுக் குழாயும் இரைப்பையும் இணையும் இடத்தில் உள்ள வால்வு திறந்துகொள்ள, இரைப்பையில் உள்ள உணவு, நச்சு, அமிலம் எது வானாலும் ஒவ் என்ற பெரிய சத்தத்துடன் வெளியேற்றப்படும். இதுதான் வாந்தி. பெரும்பாலும் வாந்தி வருவதற்கு முன்னால் வாயில் எச்சில் ஊறுவது, வயிற்றைப் புரட்டுவது, புளித்த ஏப்பம் போன்ற முன்னறி விப்புகளை வயிறு நமக்குத் தெரிவிக்கும்.

முக்கியக் காரணங்கள்

கெட்டுப்போன உணவைச் சாப்பிடுவது, ஒத்துக்கொள்ளாத உணவைச் சாப்பிடுவது, அளவுக்கு அதிகமாக உணவைச் சாப்பிடுவது, இரைப்பைப் புண், இரைப்பையில் துளை விழுவது, முன்சிறுகுடல் அடைப்பு, உணவுக் குழாய்ப் புற்றுநோய், இரைப்பைப் புற்று. வயிற்றுப்போக்கு, காலரா, சீதபேதி, குடல்புழு, குடல்வால் அழற்சி, மஞ்சள் காமாலை, கணைய அழற்சி, பித்தப்பை பிரச்சினைகள், சிறுகுடல் அடைப்பு, சிறுகுடல் துளை, சிறுநீர்ப்பாதை அழற்சி, சிறுநீரகக் கல், வலி நிவாரணி மாத்திரைகள், புற்றுநோய் மருந் துகள் போன்றவை வாந்தியை ஏற்படுத்தலாம். முதல் நாள் இரவில் நிறைய மது குடித்த வர்களுக்கு மறுநாள் எழுந்திருக்கும்போது வாந்தி வருவதுண்டு. சிலருக்கு மாரடைப்பு ஏற்படும்போது ஆரம்ப கட்டத்தில் வாந்தி வருகிறது. தவிர, மூளைக்காய்ச்சல் போன்ற கடுமையான காய்ச்சல் ஏற்பட்டால் வாந்தி வரும். ஒற்றைத் தலைவலி, தலையில் அடி படுதல், மூளையில் கட்டி, மூளைநீர் அழுத்தம் போன்றவற்றாலும் வாந்தி ஏற்படும். பூச்சிக்கடி, பாம்புக்கடி போன்ற விஷக்கடிகளின்போதும் வாந்தி வரும். ஊசி மருந்து, மாத்திரை அலர்ஜி ஆனாலும் வாந்தி வருவது நிச்சயம்.
காதும் ஒரு காரணம்தான்!

காதடைப்பு, காது இரைச்சல், காதில் சீழ் போன்ற காதுப் பிரச்சினை களாலும் வாந்தி வரும். காதில் 'வெஸ்டிபுலர் அபாரட்டஸ்’ என்று ஓர் அமைப்பு உள்ளது. இதுதான் நம்மை நடக்க வைக்கிறது; உட்கார வைக்கிறது; உடலைச் சமநிலைப்படுத்துகிறது. இந்த அமைப்பு தூண்டப் படும்போது வாந்தி வரும். இதனால்தான் பேருந்து / கடல் / விமானப் பயணங்களின்போது வாந்தி வருகிறது.

உளவியல் காரணங்கள்

சிலருக்குக் கவலை, கலக்கம், பயம், பதற்றம், பரபரப்பு, மன அழுத்தம் போன்ற காரணங்களால் வாந்தி உண்டாகலாம். இந்த வாந்தி பெரும்பாலும் காலையில் எழுந்தவுடன் அல்லது காலை உணவு சாப்பிட்ட பின்பு ஏற்படும். பகல் நேரப் பணிகளில் பிரச்சினைகளை எதிர்கொள்ள பயப்படு பவர்களுக்கு இம்மாதிரி வாந்தி வரும். உதாரணமாக, பள்ளிக்குச் செல்ல பயப்படும் குழந்தைகள், காலையில் சாப்பிட்டதும் வாந்தி எடுப்பது இவ் வகையைச் சேர்ந்தது. உங்களுக்கு என்ன காரணத்தால் வாந்தி வருகிறது என்பதைத் தெரிந்துகொண்டு, தேவையான சிகிச்சையைப் பெறுங்கள். பலன் கிடைக்கும்.


குக்கர் உணவும், உடல் உபாதைகளும்

நம் மக்கள் நீரின் பண்பை அளப்பதற்கு முன்பு ஒரு அளவீட்டு முறை வைத்திருந்தனர். அது என்ன வென்றால் துவரம்பருப்பு எளிதில் வேகக்கூடிய நீர் - மென்னீர் என்றும், நேரம் எடுத்துக்கொள்ளும் நீர் - கடினநீர் என்றும் வகை பிரித்து வைத்திருந்தனர்.

மென்னீரின் உச்சம் மழைநீர். மழைநீரில் சமைத் தால் சோறு, பருப்பு அத்தனையும் தனிச்சிறப்புடன் சுவைக்கும். கொதிக்கும் மழைநீரில் பருப்பைப் போட்டால் அடுத்த நொடியில் காதலன் தொட்ட காதலி பூரித்து மலர்வாளே, அதுபோல் பருப்பு மலர்ந்து இளகிச் சிரிக்கும்.

மெய்யாகவே பருப்பின் புறவிளிம்பு பூப்போல விரிந்து இருப்பதை நம்மால் காண முடியும். இந்த முறையில் பருப்பு மலர்ந்து உயிருக்கு ஆற்றல் வழங்கும். முன்னரே சொன்னதுபோல குக்கரில் அவிக்கும் பருப்பு, விருப்பமற்ற தீண்டலுக்கு உள்ளான பெண்போல, இறுகி விரைத்துக்கொள்ளும். குக்கரில் வேக வைக்கும் போது பருப்பில் உறைந்திருக்கும் காற்று ஆற்றல், பிரிந்து வெளியேறுவதில்லை. உள்ளுக்குள்ளேயே அடைத்து திணிக்கப்படுகிறது. அதனால் ஒவ்வொரு முறை நாம் உண்ணும்போதும் காற்றுச் சத்து உடலில் உயர்கிறது. அடுத்த வேளை உண்கிறபோது முன்னர் உண்ட உணவு முழுமையாகச் செரித்திருந்தால், அதாவது வாயு வடிவிலான கழிவு முழுமையாக உடலில் இருந்து நீங்கியிருந்தால், காற்றுக் கழிவின் தேக்கம் இருக்காது. இப்படி உண்பதற்கான அடிப்படை விதியை மீறிக்கொண்டே இருப்ப தால்தான் குறிப்பிட்ட கட்டத்துக்குப் பின்னர் பருப்பு, கிழங்கு, வாழைக்காய், கொத்தவரங்காய் போன்ற சத்து மிகுந்த உணவை உண்டதும், வயிறு உப்பிப் பொருமுகிறது. தொடர்ந்து வாயுப்பிடிப்பு உடல் முழுதும் சுற்றிச் சுழன்று அடிக்கிறது.


புரதம் - 0.7 கிராம், கொழுப்பு - 0.3 கிராம், தாதுக்கள் -0.4 கிராம், நார்சத்து - 0.9 கிராம், கார்போஹைட்ரேட் - 14 கிராம், ஆற்றல் - 62 கிலோ கலோரி, கால்சியம் - 15 மி.கி பாஸ்பரஸ் - 15 மி.கி, வைட்டமின் சி.18 மி.கி., சோடியம் - 26.2 மி.கி, பொட்டாசியம் - 55 மி.கி ஆக்ஸாலிக் அமிலம் - 89 மி.கி, கரோட்டின் - 48 மி.கி.

மருத்துவ குணங்கள்:

1) பழங்கள் உயிர் எதிர்ப்பு சக்தியையும், மருத்துவ துறையில் பல்வேறுபட்ட வியாதி களுக்கு சிகிச்சை மருந்து தயாரிப்பிலும் பயன்படுகிறது.

2) சர்க்கரை வியாதி உள்ளவர்கள் தினமும் காலையில் நான்கு பழத்தை கொட்டையுடன் சாப்பிட்டு வந்தாலும் (அல்லது) இப்பழத்தின் கொட்டை (விதை) யின் சாற்றை தொடர்ந்து உண்டாலும் சர்க்ரையை முற்றிலும் கட்டுப் படுத்தலாம்.

3) பல அறிவியல் ஆய்வுகள் முடி வின் அடிப்படையில் இதன் விதையிலி ருந்து பெறப்படும் ஆல்கஹால் சாறு நீரிழிவு நோயாளிகளுக்கு வழங்கப்பட்டு இரத்த சர்க்கரை மற்றும் சிறுநீரக சர்க் கரை அளவை குறைக்கிறது.

4) உலர்ந்த விதைகள் மற்றும் மரப் பட்டையில் பெறப்படும் சாறு வயிற்றுப் போக்கு சிகிச்சைக்கு பயன்படுத்தப் படு கிறது.

5) இலைகள் பாக்டீரியா எதிர்ப்பு பண் புகளை உடையதாகவும், பற்கள் மற்றும் ஈறுகளை பலப்படுத்தவும் உதவுகிறது.

6) நாவல் பழச்சாறு உடலின் வெப் பத்தை குறைத்து குளிர்படுத்துகிறது . மேலும் செரிமான அமைப்பின் செயல்பாட்டிற்கும், இரத்த அழுத்தம், இரத்த ஓட்டத்திற்கும் பயன்படுகிறது.

7) தொண்டைப் புண், மூச்சுக்குழாய் அழற்சி, ஆஸ்துமா, வயிற்றுக்கடுப்பு, இரத்த அசுத்தங்கள், இரைப்பை குடல் வலி மற்றும் வயிற்றுப்புண் ஆகியவற்றை குணப்படுத் துகிறது.

8)படை நோய்கள், வாய் புண்கள் கட்டுப் படுத்தவும், வாய் துர்நாற்றத்தை தவிர்க்கவும் உதவுகிறது.

Banner
Banner
Banner