மருத்துவம்

மறந்து போன எண்ணெய்க் குளியல்

நமது வண்டியைச் சரியான கால இடை வெளியில் சர்வீஸ் செய்யவில்லை என்றால், வண்டி ஓட மறுக்கிறது; பிரச்சினை செய்கிறது. அதனால், குறிப்பிட்ட கால இடைவெளியில் வண்டியைப் பராமரிக்கிறோம். ஆனால், நாம் சொல்வதையெல்லாம் அமைதியாகக் கேட்டுக்கொண்டு தாக்குப்பிடிக்கும் உடலை முறைப்படி சர்வீஸ் செய்கிறோமா? குறிப்பிட்ட இடைவெளியில் உடலைப் பராமரிப்பதற்கு எண்ணெய்க் குளியல் ஒரு சிறந்த வழிமுறை.

இப்போது நமக்கு எளிதாக வருகிற உடல் தொந்தரவுகளைப்போல், நம் முன்னோர் களுக்கு வரவில்லை. அதற்குக் காரணம் அன்றைய கோட்பாடான உணவு முறை, வாழ்க்கை முறை. அதில் எண்ணெய்க் குளி யலும் அடக்கம். எண்ணெய் தேய்த்துக் குளிக்கும்போது வாத, பித்த, கபத் தோஷங்கள் உடலில் இருக்க வேண்டிய சரியான மாத்திரை அளவில் வைப்பதற்கு உதவுகிறது. எண்ணெய் குளியல், உடல் உள்ளுறுப்புகளில் உள்ள சூட்டை உத்தம நிலையில் வைக்கிறது. அதனால் உடல் உறுப்புகள் நன்கு செயல்படும்.

எண்ணெய் தேய்த்துக் குளிப்பதால் எந்தப் பலனும் இல்லை என்று இடையில் நம்பப்பட்டு வந்தது. இப்போது எண்ணெய் தேய்த்துக் குளிப்பதால், தோலின் மூல மாக எண்ணெய் உட்கிரகிக்கப்பட்டு லிம்ஃ பாட்டிக்ஸ் என்று சொல்லப்படுகிற நிணநீர்க் கோளத்தில் சேர்ந்து உடலுக்கு நன்மை பயக்கிறது என்று அறிவியல் ஆய்வும் ஒப்புக்கொள்கிறது. லிம்ஃபாட்டிக்ஸ் எனப் படும் நிணநீர்க் கோளமே உடல் செல்களுக்கு ஊட்டம் கொடுக்கவும், உடலில் உருவாகும் கழிவுகளை வெளித்தள்ளும் வேலையையும் செய்கிறது.

கிடைக்கும் நன்மைகள்

சிரசாசனம் செய்யும்போது தலைப் பகுதிக்கு அதிக ரத்த ஓட்டம் எடுத்துச் செல்லப்பட்டு மூளைப் பகுதி எவ்வாறு பலப்படுகிறதோ, அதேபோல எண்ணெய் தேய்த்துக் குளிக்கும்போது உடல் முழுவதும் ரத்தவோட்டம் சீர் செய்யப்பட்டு உடல் உறுப்புகள் நன்கு செயல்பட உதவுகிறது. உடல் வெப்பத்தைச் சீராகப் பராமரிக்கும் பண்பு எண்ணெய்க்கு உண்டு. இதனால் உறுப்புகள் புத்துணர்வுடன் செயல்படும்.

தற்போதைய அவசர உலகில், பலருக்கும் மன அழுத்தம், பரபரப்பு தவிர்க்க முடியாத ஒன்றாகி விட்டது. இவற் றால் உடல் வெப்பமடையும். மூளையும் வெப்பமடையும் என்பதில் சந்தேகமில்லை. எண்ணெய் தேய்த்துக் குளிக்கும்போது மேற்கூறியவற்றால் ஏற்படும் நோய்கள், தீய விளைவுகள் தவிர்க்கப்படும்.

எண்ணெய் குளியல் தரும் நன்மைகள்

முடி உதிர்தலைக் குறைக்கும்

பார்வை பலப்படும்

முதுமையைத் தாமதப்படுத்தும்

ஆயுட்காலத்தைக் கூட்டும்

தோலைப் பளபளப்புடன் வைத்திருக்க உதவும்

உடலில் உண்டாகும் கழிவை வெளித் தள்ளும்

உள்ளுறுப்புகள் தங்களுடைய செயல் களைச் சிறப்பாகச் செய்யும்

மனதை நல்ல நிலையில் வைத்திருக்கும்

முறையான தூக்கத்தைத் தரும்

உடலை மென்மையாகவும் நோய் எதிர்ப் பற்றாலுடனும் வைத்திருக்கும்

மூட்டுக்கு இணைப்புகளில் உண்டாகும் தேய்மானத்தைக் குறைக்கும்.

எண்ணெய் தேய்த்துக் குளிப்பதால் சளி பிடிக்கிறது எனப் பெரும்பாலான மக்கள் நம்புவதற்கு மாறாக, கபத்தையும் இது நல்ல நிலையில் வைத்திருப்ப தால் கால மாறுபாட்டால் வரும் தொந்தரவுகளையும் தவிர்க்கிறது.

உடலுக்கு ஆதாரமான, உடல் இயக்கத் துக்கு அடிப்படையான வாத, பித்த, கபத்தைச் சமநிலையில் வைக்கவும் உதவுகிறது.

சுட்டெரிக்கும் வெயில் : கண்கள் ஜாக்கிரதை

சுற்றுலா, விடுமுறை, விளையாட்டு எனக் குழந்தைகள் குதூகல மாகச் சுற்றித் திரியும் காலம் கோடைக் காலம். வெயில் காலத்தில் தூசு நிறைந்த சுற்றுப்புறத்தில் குழந்தைகள் விளையாடுவதற்கான சாத்தியம் அதிகம்.

இப்படி விளையாடும்போது கண்ணில் உள்ள கன்ஜங்டிவா என்ற வெள்ளைப் பகுதியில் ஏற்படும் ஒவ்வாமையான அலர்ஜி கன்ஜங்டிவைட்டிஸ், கண் உலர்தல் நோய் போன்றவை ஏற்படுவ தற்கான சாத்தியம் அதிகம்.

இதனால் கண் சிவந்து இருப்பது, கண் அரிப்பால் கண்ணைத் தேய்த்துக்கொண்டு, கண்ணை அடிக்கடி சிமிட்டிக்கொண்டிருப்பது போன்ற அறிகுறிகளுடன் தங்கள் குழந்தைகளைக் கண் மருத்து வரிடம் அழைத்து வரும் பெற்றோர் அதிகம்.

தடுப்பது எப்படி?

* குழந்தைகள் புழுதி நிறைந்த இடங்களில் விளையாடு வதைத் தவிர்க்க வேண்டும்.

* வெயிலில் செல்லும்போது தரமான கண் குளிர்ச்சி கண்ணாடி(Sun Glass)
போட்டுக் கொண்டு செல்ல வேண்டும். தரமற்ற, போலியான கண் குளிர்ச்சி கண்ணாடி வாங்குவதைத் தவிர்க்க வேண்டும். கண் மருத்துவர் அல்லது கண்ணாடிக் கடைகளில் கிடைக்கும் புறஊதா கதிரியக்கத்தைத் தடுக்கக்கூடிய கூலிங் கிளாஸைப் பயன்படுத்தவும்.

* குளிர்ந்த தண்ணீரால் அடிக்கடி முகம் கழுவ வேண்டும்.

* கண்களை மூடிக்கொண்டு, குளிர்ந்த தண்ணீரில் பஞ்சை நனைத்துக் கண் மீது ஒத்தடம் வைக்க வேண்டும்.

*கண் ஒவ்வாமை நோய் உள்ளவர்கள் வெயில் காலத்தில் கண் மருத்துவரை அணுகிப் பரிசோதனை செய்துகொண்டும், அவர் பரிந்துரைக்கும் மருந்துகளை முறையாகப் பயன்படுத்த வேண்டும்.

* மருந்துக் கடைகளில் மருத்துவர் பரிந்துரையில்லாமல் மருந்து வாங்கிப் பயன்படுத்துவதைத் தவிர்க்க வேண்டும்.

* வீட்டைத் தூசியில்லாமல் சுத்தமாக வைத்திருக்க வேண்டும்.

*அடிக்கடி கைகளைக் கழுவிச் சுத்தமாக வைத்துக்கொள்ள வேண்டும்.

நீச்சல் குளத்தில் கண் பாதுகாப்பு

விடுமுறை காலத்தில் குழந்தைகளில் பலரும் கோடை வெப் பத்தைத் தணித்துக் கொள்ள நீச்சல் பயிற்சி செல்வது வழக்க மாக இருக்கும்.

* அப்படி நீச்சல் குளத்தில் குளிக்கும் போது பாதுகாப்புக் கண்ணாடி அணிந்து கொள்ளவும்.

*நீச்சல் குளத்தின் சுத்தத்தை உறுதி செய்து கொள்ளவும்.

*குளித்து முடித்தவுடன் குளிர்ந்த, சுத்தமான தண்ணீரால் முகம், கண் பகுதியைக் கழுவிக்கொள்ளவும்.

கூர்மையான பொருட்கள் ஜாக்கிரதை

விடுமுறை காலத்தில் குழந்தைகள் ஒன்றுகூடி விளையாடும் போது, கூர்மையான விளையாட்டுப் பொருட்களை வைத்துக் கொண்டு விளையாடுகிறார்களா என்றும் பெற்றோர் கவனிக்க வேண்டும். விளையாடும்போது கூர்மையான பொருட்கள் கண்ணில் குத்தி விபத்து ஏற்படுவது அதிகம் என்று ஆய்வு கூறுகிறது.

உலர் கண் நோய்

வெயில் காலத்தில் அதிகப்படியான வெப்பத்தின் காரணமாகக் கண் நீர் படலம் உலர்ந்து, கண் எரிச்சல், உறுத்தல், மங்கலான பார்வை போன்ற அறிகுறிகள் காணப்படும்.

இதை எப்படித் தடுப்பது?

1. அதிகப்படியான தண்ணீர், பழச்சாறு உட்கொள்ள வேண்டும்.

2. செல்பேசி, அய்பேடு, டேப்லெட் போன்ற மின்னணு கருவி களில் குழந்தைகள் காணொலி விளையாட்டுகள் (வீடியோ கேம்ஸ்) விளையாடுவதைத் தவிர்க்க வேண்டும்.

3. குளிர்சாதனப் பெட்டியிலிருந்து காற்று நேரடியாகக் கண்ணில் அடிக்காதவாறு பார்த்துக்கொள்ள வேண்டும்.

4. கண் மருத்துவரை அணுகிச் செயற்கை கண்நீர் சொட்டு மருந்து வாங்கிப் பயன் படுத்த வேண்டும்.
அதிகப்படியான வெயிலில் உள்ள புறஊதா கதிர்கள் வெயிலில் வேலை செய்பவர்களுக்குக் கண் சதை வளர்ச்சி கண் புரை, விழித்திரை பாதிப்பு போன்ற பிரச்சினைகளை ஏற்படுத்தலாம். குறிப் பாக விவசாயிகள், வெயிலில் அதிகம் வேலை செய்பவர்கள் இதைக் கவனத்தில் கொள்ள வேண்டும்.

தடுப்பது எப்படி?

* வெயில் காலத்தில் வெயில் அதிகம் அடிக்கும் நேரமான பகல் 10 மணி முதல் மதியம் 2 மணிவரை வெளியில் வேலை செய்வதைத் தவிர்க்கவும்.

* வேலைக்கு இடையே 30 நிமிடங்களுக்கு ஒரு முறை மரத்தடியில் அல்லது நிழலில் அய்ந்து நிமிடங்கள் அமர்ந்து, நிறைய தண்ணீர் குடித்துவிட்டு மீண்டும் வேலை செய்யலாம்.

பொதுமக்களின் கவனத்துக்கு

*உடல், கை, சுற்றுப்புரம் போன்றவற்றைத் தூய்மையாக வைத்துக்கொள்ள வேண்டும்.

*உச்சி வெயிலில் செல்வதைத் தவிர்க் கவும்.

*வெயில் பாதுகாப்புக்குத் தனிக் கண்ணாடி அணிந்து கொள்ளவும்.

* கண்ணில் பாதிப்பு ஏற்பட்டால் உடனடியாகக் கண் மருத் துவரை அணுகவும்.

*மருந்துக் கடைகளில் சுயமாகக் கண் சொட்டு மருந்துகளை வாங்கிப் பயன்படுத்துவதைத் தவிர்க்கவும்.


பழச்சாறு அருந்தும் முன் கவனிக்க வேண்டும்!

வசதி படைத்தவர்கள் தண்ணீரைக்கூடத் தரம் பார்த்துக் குடிக்கலாம். இல்லாதவர்கள் என்ன செய்வார்கள்? கொளுத்தும் கோடையை சமாளிக்க, தெருவோரக் கடைகளில் விற்கப்படுகிற குளிர்பானம், கூழ், பழங்கள்தான் அவர்களுக்கு ஆறுதல். இவை உடனடியாக அவர்களது தாகத்தையும் களைப்பையும் போக்கினாலும், பின்ன ணியில் உள்ள ஆபத்தை யாரும் உணர்வது இல்லை. வெயிலில் நீண்ட நேரம் வைக்கப்படும் எந்த உணவுப் பொருளிலும் கெட்டுப்போகும் தன்மை அதிகமாக இருக்கும் என்கிறார் பொதுநல மருத்துவர் அரசு மோகன்.

கோடைக்காலம் தொடங்கிவிட்டால் சாலையோரம் மற்றும் நடைபாதைகளில் பழச்சாறு, லஸ்ஸி, ஃப்ரூட் சாலட், கரும்பு சாறு, சர்பத், பனஞ்சாறு, கேழ்வரகுக் கூழ்,  தர்பூசணி,  அய்ஸ்க்ரீம் போன்றவற்றின் வியாபாரம் அதிக அளவில் நடைபெறும். தாகம் தணிய வேண்டும் என்று அருந்தும் இந்த குளிர்பானங்களில் நோயைப் பரப்பும் காரணிகள் அதிகம் என்பது தெரியுமா உங்களுக்கு?!இந்த பழச்சாறுகள் பெரும்பாலும் திறந்த நிலையிலேயே விற்கப்படுகின்றன. இதனால் ஈக்கள், வைரஸ் மற்றும் பாக்டீரியாக்களின் தாக்கம் எளிதாக இருக்கும். ஏதோ பெயரளவுக்கு சிலர் கம்பி வலையால் மூடி வைக்கின்றனர். சிலர் தாள்களால் மூடி வைக்கின்றனர்.   பழச்சாறு தயாரிக்க பயன்படுத்துகிற மிக்ஸி, பழங்களை அறுக்கிற கத்தி போன்றவற்றை ஒவ் வொரு தடவையும் நன்றாக தண்ணீரில் கழுவ வேண்டும். அதேபோல், பழங்களை மிக்ஸியில் போட்டு அரைக்கும் முன் சுத்தமான நீரில் நன்றாக கழுவ வேண்டும். பழச்சாறு ஊற்றி கொடுக்கும் டம்ளர் போன்ற பாத்திரங்களையும் சுத்தமாக கழுவிய பின்னரே, அடுத்த முறை பயன்படுத்த வேண்டும். பெரும்பாலானோர் அப்படி செய்வது கிடை யாது. மிக்ஸி, டம்ளர் போன்றவற்றை திறந்தவெளியில் வைப்பதால், அவற்றில் வாகனங்களில் இருந்து வெளிப் படும் புகை, தூசு, நோயைப் பரப்புகிற கண்ணுக்குத் தெரியாத கிருமிகள் நிரந்தரமாக தங்கவும் கூடும்.

வெயிலில் நீண்ட நேரம் சுகாதாரமற்ற முறையில் வைக்கப் படுகிற உணவுப்பண்டங்களில் நோயைப் பரப்புகிற வைரஸ், பாக்டீரியா விரைவில் உருவாவதற்கு வாய்ப்புகள் அதிகம். இதனால் குழந்தைகள் முதல் பெரியவர்கள் வரை எல்லோருக்கும் வயிற்றுப்போக்கு அதன் காரணமாக ஏற்படும் நீர்ச்சத்து குறைதல், களைப்பு, மயக்கம் அடைதல் என பலவிதமான பாதிப்புக்கு ஆளா கின்றனர்.    அதனால், முடிந்தவரை சாலையோர கடை களில் பழச்சாறு, லஸ்ஸி போன்றவற்றை தவிர்ப்பதே பாதுகாப்பானது.  தரமான கடைகளில்,  தரமான பழங்கள், நன்கு சுத்திகரிக்கப்பட்ட தண்ணீர் ஆகியவற்றை வாங்கி உபயோகிப்பது நல்லது.

வலிப்பு: முன்னெச்சரிக்கை நடவடிக்கை

வலிப்பு ஏற்பட்டவருக்குக் கையில் சாவி போன்ற ஏதாவது ஓர் இரும்புப் பொருளைக் கொடுத்தால் உடனே வலிப்பு நின்றுவிடும் என்று கூறுகிறார்கள். இப்படிச் சொல்வது சரியா? சரியில்லை. சாவி போன்ற இரும்புப் பொருளை வலிப்பு வந்தவர் களுக்குக் கொடுத்தால் வலிப்பு நிற்கும் என்று சொல்வதற்கு எவ்வித மருத்துவ ஆதாரமும் இல்லை.

மூடநம்பிக்கை

இது ஒரு மூட நம்பிக்கை. திரைப்படங்களிலும் தொலைக் காட்சி நாடகங்களிலும் இதுபோன்ற காட்சிகளைக் காண்பிப் பதால், இந்த நம்பிக்கை மக்களின் பொதுப்புத்தியில் பதிந்து விட்டது. பொதுவாக, வலிப்பு சில நிமிடங்களுக்குள் தானா கவே நின்றுவிடும். அருகில் உள்ளவர்கள் இரும்புப் பொ ருளை எடுத்துக் கொடுப்பதற்கும் சில நிமிடங்கள் ஆகு மல்லவா? இயற்கையாக உடலில் வலிப்பு நிற்பதற்கும் இவர்கள் இரும்புப் பொருளை வலிப்பு வந்தவருக்குக் கொடுப்பதற்கும் நேரம் சரியாக இருக்கும். காக்கை உட்காரப் பனம் பழம் விழுந்த கதைதான். மற்றபடி, வலிப்பு நிற்பதற்கும் கையில் சாவியைக் கொடுப்பதற்கும் தொடர்பில்லை. இதைப் புரிந்துகொள்ள வேண்டுமானால், வலிப்பு எப்படி ஏற்படுகிறது என்பதைக் கொஞ்சம் தெரிந்துகொள்ள வேண்டும்.

வலிப்பு ஏற்படும் விதம்: மூளை, நரம்பு செல்களில் தகவல் பரிமாற்றம் செய்வதற்கு அந்த செல்களுக்கிடையில் இயல் பாகவே மிகச் சிறிய அளவில் மின்சாரம் உற்பத்தியாகிறது. ஏதாவது ஒரு காரணத்தால் மூளையில் உண்டாகிற அதீத அழுத்தத்தால் இந்த மின்சாரம் அபரிமிதமாக உற்பத்தியாகி, ஒரு மின்புயல் போல் கிளம்புகிறது. அது நரம்புகள் வழியாக உடல் உறுப்புகளுக்குக் கடத்தப்படுகிறது. அப்போது உறுப்புகளின் இயக்கம் மாறுபட்டு, கை, கால்கள் உதறத் தொடங்குகின்றன. இதைத்தான் ‘வலிப்பு’ என்கிறோம்.

பூமியின் உள்அடுக்குகளில் உண்டாகிற அதிகப்படியான அதிர்வுகள் நிலநடுக்கத்தை ஏற்படுத்துவதைப் போல, மூளையில் உண்டாகிற மின்அதிர்வுகள் வலிப்புக்குக் காரணமாகின்றன.

என்ன காரணம்: தலையில் அடிபடுதல், பிறவியிலேயே மூளை வளர்ச்சிக் குறைபாடு, மூளையில் கட்டி, ரத்தக்கசிவு, ரத்தம் உறைதல், கிருமித் தொற்று, புழுத் தொல்லை, மூளைக் காய்ச்சல், மூளை உறை அழற்சிக் காய்ச்சல், டெட்டனஸ் போன்றவை வலிப்பு வருவதற்கு முக்கியமான காரணங்கள். உயர் ரத்த அழுத்தம், நீரிழிவு, சிறுநீரகக் கோளாறு போன்ற வையும் வலிப்பு வருவதைத் தூண்டக்கூடியவையே.

பரம்பரையாகவும் வலிப்பு வரலாம். கர்ப்பிணிகளுக்கு ரத்தக்கொதிப்பு இருந்தால், பிரசவக் காலத்தில் வலிப்பு வருவதுண்டு. பக்கவாதம், மூளையில் ஏற்படும் ரத்தக் குழாய் மாற்றங்கள், அல்சைமர் நோய், ரத்தத்தில் தட்டணுக்கள், சோடியம் அளவு குறைதல் போன்ற காரணங்களால் வயதானவர்களுக்கு வலிப்பு ஏற்படக் கூடும். சிலருக்கு மன உளைச்சல் காரணமாக பொய் வலிப்பு  வருவதும் உண்டு.

குழந்தைகளுக்கு வலிப்பு: குழந்தைகளுக்குக் காய்ச்சல் காரணமாக வலிப்பு வருவதுதான் அதிகம். பெரும்பாலும் ஆறு மாதம் முதல் 5 வயதுக்கு உட்பட்ட குழந்தைகளுக்குச் சாதாரணக் காய்ச்சலாக இருந்தால்கூட, உடலின் வெப்பம் திடீரென அதிகரித்தால் வலிப்பு வரும் சாத்தியம் அதிகம். சூடம் சாப்பிட்ட குழந்தைக்கு வலிப்பு வருவதுண்டு.

என்ன செய்ய வேண்டும்: ஒருவருக்கு வலிப்பு வந்து விட்டது என்றால், அருகில் உள்ளவர்கள் சாவியைத் தேடி நேரத்தை வீணாக்குவதைவிடக் கீழ்க்கண்டவற்றைப் பின்பற்றலாம்:

# அவரை ஒரு பக்கமாகச் சாய்த்துப் படுக்க வையுங்கள் சட்டை பொத்தான், இடுப்பு பெல்ட், கழுத்து ‘டை’ போன்ற வற்றைத் தளர்த்தி, நன்கு சுவாசிப்பதற்கு வழிவகை செய் யுங்கள்.

# மின்விசிறி / கைவிசிறி மூலம் நல்ல காற்றோட்டம் கிடைக்க வழி செய்யுங்கள்.

# அருகில் காயத்தை ஏற்படுத்தும் கூர்மையான பொருட்கள் இருந்தால் அப்புறப்படுத்துங்கள்.

# மூக்குக் கண்ணாடி, செயற்கை பல் செட்டை அகற்றிவிடுங்கள். உமிழ்நீர் வழிந்தால் துடைத்துவிடுங்கள்.

# ஒருவருக்கு வலிப்பு 5 நிமிடங்களுக்கு மேல் நீடிப்பது ஆபத்து. உடனே அருகில் உள்ள மருத்துவமனையில் அவசரச் சிகிச்சையை அளிக்க வேண்டியது அவசியம்.

என்ன செய்யக்கூடாது?

# அவரைச் சுற்றிக் கூட்டம் கூட அனுமதிக்காதீர்கள்.

# வலிப்பு வரும்போது அவருடைய கை, கால்களை அழுத்திப் பிடித்து வலிப்பைக் கட்டுப்படுத்த முயற்சிக்கக் கூடாது.

# வலிப்பு நின்று, நினைவு திரும்பும்வரை அவருக்குக் குடிக்கவோ, சாப்பிடவோ எதுவும் தரக் கூடாது.

# முழு நினைவு வந்ததை உறுதி செய்து கொண்டு (இதற்கு அவர் பெயரைச் சொல்லச் சொல்லலாம்) தண்ணீரைப் பருகச் செய்யலாம்.

முள்ளங்கி மூலநோயை
குணப்படுத்தும்

முள்ளங்கியை சாம்பாரில் பயன்படுத்துவதோடு பொரியல் செய்தும் உண்ணலாம். முற்றாத கிழங்குகள் உண்ணத்தகுந்தவை. முற்றியவற்றில் நார்சத்து அதிகம் இருப்பதுடன், சுவையும் குறைவாகவே இருக்கும்.சிறுநீர் கழிக்கையில் உண்டாகும் எரிச்சலைத் தீர்க்கும். சிறுநீர் பாதையில் ஏற்படும் கல் இவற்றிற்கு முள்ளங்கிச்சாற்றை தினமும் ஒரு வேளையாக பதினைந்து நாட்கள் குடித்து வர உபாதை நீங்கும்.ஒரு தேக்கரண்டி முள்ளங்கிச்சாற்றை சமஅளவு தேனும், கல்உப்பு சிறிதளவும் கலந்து குடித்தால் வறட்டு இருமல், மார்ப்புச்சளி, கரகரப்பு குணமாகும்.

முள்ளங்கி இலைகளை மஞ்சள்காமாலைக்கும் பயன் படுத்தலாம். இலைகளை நசுக்கி சாறெடுத்து  வடிகட்டி ருசிக்கேற்ப சர்க்கரையை சேர்த்துக் கொள்ளவும். தினமும் இவற்றை அரைக்கிலோ அளவு கொடுத்து வர வேண்டும். இதில் உடனடி நிவாரணம் கிடைக்கும்.சிவப்புநிற முள் ளங்கியை விட வெள்ளைநிற முள்ளங்கி மருத்துவ குணத்தில் சிறந்தது.முள்ளங்கிக்கிழங்கு மூலநோய், விக்கல், வயிற்றுப் புண், காலரா நோய்களுக்கான சிகிச்சைக்கும் உதவும். முள்ளங்கிச்சாற்றுடன் கேரட் சாறும் சேர்த்துப் பருகினால் அது உடம்பில் உள்ள சளிப்படலத்தை சுத்தம் செய்யும்.

வெயிலை சமாளிக்க...

அதிக வெப்பநிலையை சமாளிக்கும் வகையில் நமது உடலை குளிர்ச்சியாக வைத்துக்கொள்ள வேண்டும். அதற்காக ப்ரிட்ஜில் வைக்கப்பட்ட செயற்கை குளிர் பானங்கள், குளிரூட்டப்பட்ட குடிநீர் ஆகியவற்றை குடிப் பதை தவிர்க்க வேண்டும். இதற்கு பதிலாக கோடையில் கிடைக்கக்கூடிய காய், கனிகளை உண்பதன் மூலம் உடல் ஆரோக்கியமாக இருப்பதுடன், கோடை வெப்பத்தினால் ஏற்படும் பாதிப்பு களில் இருந்தும் நாம் தப்பித்துக்கொள்ளலாம். தண்ணீர்... கண்டிப்பாக குடிக்க வேண்டும்.  உடல் உறுப்புகள்  சீராக இயங்க தண்ணீரின் தேவை அவசியம். ஒரு நாளைக்கு குறைந்தது 3 லிட்டர் தண்ணீர் குடிக்க வேண்டும்.  



சென்னை, மே 5 கோடை காலத்தில் முகத்தோலை பாதுகாக்கும் இயற்கை வீஎல்சிசி நீம் களிம்பு அறிமுகப்படுத்தப்பட்டுள்ளது.

ஒரு தனித்துவமிக்க சோப்பு-அற்ற ஃபார்முலேஷனைக் கொண்டுள்ளது. சருமத்தை அதிகப்படியாக உலர்வாக்காமல் செபம் சுரப்பினை கட்டுப்படுத் தும் அபரிமிதமான இயற்கை உட்பொருட்கள் கொண்டு இது உருவாக்கப்பட்டுள்ளது.

தூய்மையான வேம்பு சாரம் கொண்டுள்ள இது முகப்பருக்கள் மற்றும் பருக்களை திறன்வாய்ந்த முறையில் போக்க உதவுகிறது மற்றும் அவைகள் மீண்டும் தோன்றுவதை தடுக்கிறது.

மேலும் இது சருமத்தில் மாசு பாடுகளையும் குறைக்க உதவு கிறது.

இத்தயாரிப்பு உட்பொருட்களில் இயற்கையான சமோமில் மற்றும் டீ ட்ரீ சாரங்களும் உள் ளடங்கியுள்ளது ஒரு சீரான மற்றும் உறுதியான ஆன்டிஆக் சிடன்ட் தன்மைகளை ஏற்படுத்துவது சருமத்தை புத்துணரவு கொண்டதாகவும் மற்றும் செறி வூட்டப்பட்டதாகவும் மாற்றுகிறது.

இத்தயாரிப்பு வழக்கமானது முதல் உலர் மற்றும் எண்ணெய் தன்மை கொண்ட சருமம் வரை அனைத்து வகைப்பட்ட சருமங்களுக்கும் மற்றும் அனைத்து பருவநிலைகளுக்கும் பயன்படுத்த ஏற்றதாகும்.

கண்நீர் அழுத்தம் முன்னெச்சரிக்கைகள்

கண்நீர் அழுத்த உயர்வால் ஏற்படும் பார்வை பாதிப்பு என்பது ஈடுசெய்ய முடியாத நிரந்தரப் பாதிப்பு. இதைத் தடுப்பதற்கு எப்படி முன்னெச்சரிக்கையாக இருக்கலாம்?

> அடிக்கடி தலைவலி, குண்டு பல்பைச் சுற்றி வண்ண வண்ண வட்டங்கள், பக்கப் பார்வையில் பிரச்சினை போன்றவை இருந்தால், உடனே கண் மருத்துவரிடம் கண்நீர் அழுத்த உயர்வைப் பரிசோதித்துக் கொள்ள வேண்டும்.

> பொதுவாக 40 வயதை நெருங்கும்போதுதான் கண்நீர் அழுத்த உயர்வு பெரும்பாலும் ஏற்படும் என்பதால், அந்த வயதில் அனைவரும் கண்களைக் கட்டாயம் பரிசோதனை செய்துகொள்ள வேண்டும்.

> ரத்த உறவில் யாருக்காவது கண்நீர் அழுத்த உயர்வு ஏற்கெனவே இருந்தால், அத்தகையவர்கள் 40 வயதுக்கு முன்னரே கண்நீர் அழுத்தத்தைப் பரிசோதித்துக் கொள்ளவேண்டும்.

> கண்நீர் அழுத்தம் உயர மன அழுத்தமும் ஒரு காரணமாக இருக்கலாம் என்கிறார்கள் மருத்துவர்கள். எனவே, மன அழுத்தத்தை கட்டாயம் கட்டுப்படுத்த வேண்டும்.

> கண்நீர் அழுத்த உயர்வைப் பொறுத்தவரையில் தொடர் சிகிச்சையுடன் கண்காணிப்பும் அவசியம்

உங்களுக்கு தெரியுமா?

இதய அறுவை சிகிச்சை செய்த பிறகு, குழாய் வடிவத்திலான கரோனரி ஸ்டென்ட் பொருத்துவது வழக்கம். இந்த ஸ்டென்டின் விலை 23 ஆயிரத் தில் தொடங்கி, 2 லட்சத்துக்கு மேலும் விற் பனை செய்யப்பட்டு வருகிறது.  தற்போது அதன் விலையை அதிரடியாகக் குறைத்து நிர்ணயித்துள்ளது. இந்த புதிய விலையின்படி, உலோக ஸ்டென்ட் விலையின் உச்ச வரம்பு 7 ஆயிரத்து 260 ஆகவும், மருந்துடன் கூடிய ஸ்டென்ட் விலை 29 ஆயிரத்து 600 ஆகவும் நிர்ணயம் செய்யப்பட்டுள்ளது. குறைக்கப்பட்ட புதிய விலை பிப்ரவரி 14 முதலே அமலுக்கு வர உள்ளது.

நீரிழிவை சொல்லும் வாய்!

ஈறுகளில் ரத்தக்கசிவா? அது நீரிழிவின் ஆரம்ப அறிகுறியாகவும் இருக்கலாம்!அதீத தாகம், அடிக்கடி சிறுநீர் கழித்தல்(குறிப்பாக இரவில்), பசி, சோர்வு, காரண மின்றி எடை குறைதல்... பொதுவாக இவையே நீரிழிவுக் கான அறிகுறிகளாகக் கருதப்படுகின்றன. இவற்றை யெல்லாம் பலர் கண்டுகொள்ளாமல் விடுவதாலோ என்ன வோ, இன்னும் ஒர் அறிகுறியையும் நீரிழிவு சுட்டிக் காட்டு வதாக மருத்துவர்கள் இப்போது அறிவித்துள்ளனர். அது தான் ஈறுகளில் ரத்தக்கசிவு.இனி பற் சிகிச்சைக்குச் செல் லும்போதே, பல் மருத்துவரே நீரிழிவுக்கான அறிகுறி இருப் பதை சில நொடிகளில் உறுதிப்படுத்திவிட முடியும்! தீவிர மான ஈறு பிரச்சினையின் போது ரத்தக்கசிவு ஏற்படும்.

இந்தப் பிரச்னையோடு இருப்பவர்களில் அய்ந்தில் ஒருவருக்கு டைப் 2 நீரிழிவு பாதிப்பு ஏற்பட்டிருக்கக்கூடும் அல்லது நீரிழிவு தாக்கும் அபாயம் அருகிலேயே இருக்கக்கூடும். இது ஆம்ஸ்டர்டாம் பல்கலைக்கழக விஞ்ஞானிகளின் அண்மை ஆராய்ச்சி முடிவு.

இதனால், பல் மருத்துவரே ரத்த சர்க்கரை அளவை சில நொடிகளில் அறிந்துவிட முடியும். அதற்கேற்ப பல்லைக் காக்கும் முயற்சிகளிலும் தேவையான சிகிச்சை முறை மாற்றங்களைச் செய்துவிட முடியும். அதோடு, உடனடியாக நீரிழிவு சிகிச்சை மருத்துவரின் ஆலோ சனையைப் பெறும்படியும் அவர் அறிவுறுத்துவார்.

நீரிழிவாளர்களில் மூன்றில் ஒரு பங்கினர் தங்களுக்கு நீரிழிவுப் பிரச்னை உள்ளது என்பதையே அறியாமல் உள்ளனர். காரணம் நீரிழிவின் ஆரம்ப அல்லது நீடிக்கும் அறிகுறிகளை அறியாமலே இருப்பதுதான். சிலர் கண்டுகொள்ளாமலும் இருப்பதுண்டு. ஆனால், ஈறுகளில் ரத்தக்கசிவு என்பது எளிதில் அறியக்கூடிய / உணரக்கூடிய ஒரு பிரச்னை.

இதற்கான தீர்வை நோக்கிச் செல்லும்போது, நீரிழிவும் அறியப்பட்டுவிடும். ஆரம்பகட்டத்திலேயே இது கண்டு பிடிக்கப்படும்போது சிகிச்சை செலவுகள் குறைவதோடு, பெரும் குழப்பங்களையும் தவிர்க்க முடியும். இதனால்தான், விஞ்ஞானிகள் இந்த ஆய்வை மிகுந்த முக்கியத்துவம் கொண்டதாகக் கருதுகின்றனர்.10 முதல் 15 சதவிகித மக்களுக்கு ஈறு நோய்கள் இருந்தாலும், அவர்களில் 50 வயதுக்கு மேற்பட்டோருக்கு நீரிழிவு தாக்கும் சந்தர்ப்பம் அதிகம். மற்றவர்களைக் காட்டிலும் நீரிழிவாளர்களுக்கு ஈறு நோய் பிரச்னை ஏற்படுவது 2 முதல் 3 மடங்கு வரை அதிகம். ஈறு நோயால் பாதிக்கப்படுகிற மற்றவர்களுக்கும் இது நீரிழிவுக்கான தற்செயல் எச்சரிக்கையாகவும் அமையும். `வரும் முன் கவனி என அவர்கள் திட்டமிட்டு வாழ்க்கை முறையை மாற்றிக்கொள்ளவும் இது ஒரு வாய்ப்பு! ஏற்கனவே நீரிழிவு பிரச்சினை அறியப்பட்டு விட்டது. இப்போது மீண்டும் ஈறுகளில் ரத்தக்கசிவு. அப்படியானால்..? நீரிழிவு கட்டுப்பாட்டிலேயே இல்லை என்பதுதான் ஈறு நமக்கு உணர்த்துகிற உண்மை.ஆகவே, ஒரு துளி ரத்தக்கசிவாக இருந்தாலும், அது எதனால் என்பதை மருத்துவ ஆலோசனையில் உறுதிப்படுத்திக் கொள்வது அவசியம்... அவசரம்!

இவையும் அறிகுறிகளே...

* ஆண் உறுப்பு(பெனிஸ்) / பெண் உறுப்புப் பகுதி(வெஜினா)யில் எரிச்சல் இருப்பது கூட நீரிழிவின் அறிகுறியாக இருக்கலாம். மருத்துவ ஆலோசனை அவசியம் தேவை.
* சரும மாறுபாடுகள், தொற்று, ஒவ்வாமை அடிக்கடி ஏற்பட்டாலும், அதற்கு நீரிழிவு காரணமாக இருக்கலாம்.
* விழி லென்ஸ் உலர்ந்து பார்வை மங்குவது கூட நீரீழி வின் அறிகுறியாக இருக்கலாம். ஆகவேதான் ஆண்டுக்கு ஒரு முறை கண் பரிசோதனை அறிவுறுத்தப்படுகிறது.
* இதய நோய், நீரிழிவு பிரச்னையோடு உள்ளவர்களை பன்றிக்காய்ச்சல் போன்ற தொற்றுநோய்கள் எளிதில் தாக்கும் என்பதையும் கவனத்தில் கொள்ளுங்கள்.

உடலுக்கு குளிர்ச்சி தரும் பானங்கள்

நமக்கு எளிதில், அருகில் கிடைக்க கூடிய மூலிகைகள், இல்லத்தில் உள்ள உணவுப் பொருட்களை கொண்டு பாதுகாப்பான பக்கவிளைவில்லாத மருத்துவத்தை பார்த்து வருகிறோம். அந்தவகையில், தற்போது கோடை வெயிலின் தாக்கத்தில் இருந்து நம்மை காத்துக்கொள்ளும் வகையில், மாதுளை, கொத்துமல்லி, ரோஜா போன்றவற்றை கொண்டு தயாரிக்கும் பானங்கள் குறித்து பார்க்கலாம்.

கோடைகாலத்தில் உடல் உஷ்ணமாவதால் சிறுநீர் தாரையில் எரிச்சல், கண்களில்  எரிச்சல், நாவறட்சி, வியர்வை, கொப்புளங்கள், தோலில் கருமை, சுருக்கங்கள்  போன்ற பிரச்னைகள் ஏற்படுகின்றன. மாதுளை உடலுக்கு குளிர்ச்சி தரக்கூடியது. இதில், கால்சியம், மினரல் உள்ளது. வயிற்றுபோக்கு, ரத்தக்கசிவை தடுக்கும் தன்மை கொண் டது. கொத்துமல்லி குளிர்ச்சி தரக்கூடியது. தோல் நோய்களை குணப்படுத்தவல்லது. மாதுளையை பயன் படுத்தி உடல் சோர்வை போக்கும் பானம் தயாரிக்கலாம். தேவையான பொருட்கள்: மாதுளை, பனங்கற்கண்டு. செய்முறை: ஒரு பங்கு மாதுளை சாறு, ஒன்னரை பங்கு கற்கண்டு பொடி சேர்த்து பாகுப்பதத்தில் காய்ச்சவும். இதை எடுத்து வைத்துக் கொண்டு ஓரிரு ஸ்பூன் எடுத்து நீர்விட்டு கலந்து குடித்துவர உள் உறுப்புகள் குளிர்ச்சி அடையும். வயிற்று எரிச்சல், சிறுநீர்தாரை எரிச்சல் குணமாகும். வாந்தி, குமட்டலை சரிசெய்யும்.

கொத்து மல்லியை பயன்படுத்தி உடலுக்கு குளிர்ச்சி தரும் பானம் தயாரிக்கலம். தேவையான பொருட்கள்: கொத்துமல்லி, சந்தனத்தூள், பனங்கற்கண்டு. செய்முறை: கொத்துமல்லி சாறு எடுக்கவும். இதனுடன், சிறிது சந்தன தூள், பனங்கற்கண்டு சேர்த்து பாகுப்பதத்தில் கொதிக்க வைக்கவும். இதில் இருந்து சிறிது எடுத்து நீர்விட்டு கலந்து குடித்துவர உடல் எரிச்சல் சரியாகும். உஷ்ணத்தை தணிக்கிறது. சிறுநீர்தாரையில் ஏற்படும் எரிச்சலை போக்குகிறது. ஆசனவாய் எரிச்சலை அகற்றும் அற்புத பானமாகிறது. உடலுக்கு பலம் தருகிறது. ரத்த ஓட்டத்தை சீராக்குகிறது. ரோஜா பூவை பயன்படுத்தி, பித்தத்தினால் ஏற்படும் தலைசுற்றல், மயக்கத்தை சரிசெய்யும் பானம் தயாரிக்கலாம். தேவையான பொருட்கள்: ரோஜா பூ, நார்த்தங்காய், கற்கண்டு பொடி. செய்முறை: ரோஜாப்பூ பசையுடன் நார்த்தங்காய் சாறு, கற்கண்டுபொடி சேர்த்து பாகுபதத்தில் காய்ச்சி எடுக்கவும். இதிலிருந்து சிறிது எடுத்து நீர்விட்டு கலந்து குடித்துவர உடல் சூடு தணியும். நீர்தாரையில் ஏற்படும் எரிச்சல் சரியாகும். உடலுக்கு வலிமை, உற்சாகம் தரும் பானமாக விளங்கும். தலைச் சுற்றல், மயக்கம் குணமாகும்.

ரோஜா பூ அற்புதமான மருத்துவ குணங்களை கொண் டது. பல்வேறு நன்மைகளை கொண்ட ரோஜாவில், விட்டமின் சி, இரும்புசத்து, மினரல் உள்ளது. இது, துவர்ப்பு சுவையுடையதால் உள் உறுப்புகளில் ஏற்படும் ரத்த கசிவை குணமாக்கும். புண்களை ஆற்றும் தன்மை கொண்டது. உடலுக்கு குளிர்ச்சி தரும். கோடையில் அதிக வெயில் காரணமாக உடல் உஷ்ணமாகும். இதனால் பித்தம் அதிகமாகி ஈரல் பாதிக்க வாய்ப்புண்டு.  



கோடை வெப்பத்தில் இருந்து
பாதுகாத்து கொள்வது எப்படி?

2016ஆம் ஆண்டில் வடகிழக்கு பருவமழை பொய்த்ததன் காரணமாக தற்போது நிலவும் கோடை கால வெப்பத்தின் தாக்கம் மேலும் அதிகரிக்க கூடும் என்பதால் பொது மக்கள் தங்களை கோடை வெப்பத் திலிருந்து பாதுகாத்து கொள்ள வேண்டும். அன் றாட தட்ப வெப்ப நிலை அறிய செய்திதாள், தொலைக்காட்சி செய்தி மற்றும் வானொலி செய்திகளை தவறாமல் கேட்க வேண்டும்.

தாகம் எடுக்கவில்லை என்றாலும் அடிக்கடி போதுமான அளவு தண்ணீர் பருக வேண்டும். எடை குறைவான, இறுக்கமில்லாத, கதர் ஆடைகளை அணிவது, கண்களுக்கு கூலிங் கிளாஸ் மற்றும் வெயிலில் செல்லும் போது குடை பயன்படுத்தவும் மற்றும் காலணிகளை அணிந்து செல்லவும் வேண்டும். வெளியூர் பயணம் செல்லும் போது கண்டிப்பாக தண்ணீர் எடுத்து செல்ல வேண்டும்.வெளியில் வேலை செய்பவர்கள் தலைக்கு தொப்பி, குடை மற்றும் ஈரத்துணியினை தலை, கழுத்து மற்றும் முகம் ஆகிய பாகங்களில் அணிந்து கொள்ள வேண்டும். உப்பு கரைசல் நீர், வீட்டில் தயாரிக்கப்பட்ட நீர் ஆகாரம், எலுமிச்சை ஜுஸ், லெஸி மற்றும் மோர் ஆகியவை உடம்பில் உள்ள நீர் சத்தை அதிகப்படுத்துவதால் இதனை அதிகமாக உட் கொள்ள வேண்டும். வெப்பத்தினால் ஏற்படக்கூடிய தலைவலி, வலிப்பு, அரிப்பு, பக்கவாதம், தலைசுற்றல், குமட்டல் மற்றும் அதிக வியர்வை போன்ற பாதிப்புகள் ஏற்படின் உடன் மருத்துவரை அணுக வேண்டும். வீட்டில் உள்ள கால்நடைகளை நிழலான இடத்தில் பராமரித்து அவைகளுக்கு தேவையான தண்ணீர் அடிக்கடி கொடுக்கப்பட வேண்டும்.

மின் விசிறி மற்றும் ஈரத்துணிகளை பயன்படுத்துதல், அடிக்கடி குளிர்ந்த நீரில் நீராட வேண்டும். பணிபுரியும் இடத்தின் அருகில் போதிய அளவு குடிநீர் கிடைக்க வழிவகை செய்ய வேண்டும். தொழிலாளர்கள் நேரடியாக சூரிய ஒளியில் வேலை செய்வதை தவிர்க்க வேண்டும். அவ்வாறு வேலை செய்யும் பொழுது, கூடுதல் ஓய்வு நேரம் எடுத்துக் கொள்ள வேண்டும். வெயில் குறைவாக உள்ள நேரங்களில் கடுமையான வேலைகளை செய்ய திட்டமிடல் வேண்டும். தொழிலாளர்கள் மற்றும் கர்ப்பமாக உள்ள தொழிலாளர்கள் மருத்துவ நலனில் கூடுதல் கவனம் செலுத்த வேண்டும். மேலும் நிறுத்தப்பட்டுள்ள வாகனங்களில் குழந்தைகளையோ அல்லது செல்லப் பிராணிகளையோ விட்டு செல்ல கூடாது. வெயிலில் செல்வதை தவிர்க்கவும், குறிப்பாக நண்பகல் 12 மணிமுதல் பிற்பகல் 3 மணிவரை செல்வதை தவிர்க்க வேண்டும்.

அடர்த்தியான நிற உடைகள் மற்றம் இறுக்கமான உடைகள் அணிவதை தவிர்க்க வேண்டும். வெயிலின் தாக்கம் அதிகமாக உள்ள நேரங்களில் கடுமையான வேலைகள் செய்வதை தவிர்க்க வேண்டும். மது அருந்துவது, தேநீர், போன்ற பானங்களை  அருந்துவதை தவிர்ப்பது நல்லது. இது உடம்பில் உள்ள நீர்ச்சத்தை குறைக்கும்.

புரதச்சத்து அதிகமாக உள்ள உணவுகளை அதிகமாக உட்கொள்வதை தவிர்க்க வேண்டும்.

ஆண்களுக்கு வரும் புற்றுநோய்

நாற்பது வயது ஆகிவிட்டாலே நாம் அனைவரும் வருஷத்துக்கு ஒரு முறை மாஸ்டர் ஹெல்த் செக்-அப் செய்து கொள்வது நல்லது. அதிலும் ஆண்கள் பி.எஸ்.ஏ. டெஸ்ட் செய்து பார்க்க வேண்டியது மிக அவசியம். ஏற்கனவே புராஸ்டேட் வீக்கம் உள்ளவர்களும், அதற்காக சிகிச்சை எடுத்துக் கொள்கிறவர்களும் ஆண்டுதோறும் இந்த டெஸ்ட்டை செய்துகொள்ள வேண்டும்.காரணம், பெண்களுக்கு மார்பகப் புற்றுநோய், கர்ப்பப்பை, வாய்ப் புற்றுநோய் வருவது போல், ஆண்களுக்கு புராஸ் டேட் புற்றுநோய் வருவது இப்போது அதிகரித்து வருகிறது. இதை ஆரம்பத்திலேயே தெரிவிப்பது பி.எஸ்.ஏ. டெஸ்ட்.

வெயிலுக்குச் செல்லாமலும், இடுப்புக்கு எந்தப் பயிற்சியும் தராமலும் இருக்கிற ஆண்கள் கொஞ்சம் எச்சரிக்கையாகவே இருக்க வேண் டும். காரணம், வைட்டமின் டி குறைவாக உள்ளவர் களுக்கு புராஸ்டேட் புற்றுநோய் அதிகம் வருவதாக ஓர் ஆய்வு கூறுகிறது. தகாத பாலுறவு வைத்துக் கொள்கிறவர்களுக்கும் இது ஏற்படுவதுண்டு. கண்ட கண்ட வலி மாத்திரைகளை சுயமாக வாங்கிச் சாப்பிடுபவரிடம் இது வருகிறது. வழக் கமாக நம் உடலில் சுரக்கும் என்சைம்கள் நல்லதே செய்யும். ஆனால், 3 என்று ஓர் என்சைம் இருக் கிறது. இது நமக்கு எதிரி. இதன் அளவு ரத்தத்தில் அதிகமாக இருந்தால், எறும்புகள் மரத்தைச் சுற்றி மண் புற்றை வளர்ப்பதைப் போல், இது புராஸ்டேட் செல்களைத் தூண்டி புற்றுநோயை வளர்க்கிறது.

இதன் அறிகுறிகளைப் பார்ப்போமா?

ஆரம்பத்தில் சாதாரண புராஸ்டேட் வீக் கத்துக்குரிய பல அறிகுறிகள் தென்படும். அதனால் பயந்துவிட வேண்டாம். இப்போது சொல்லப் போகிற அடையாளங்களைக் கவனி யுங்கள். இவற்றில் ஏதாவது ஒன்றிரண்டு இருந்தால், உடல் சூடு, நீர்ப்பிணைப்பு என்று ஏதாவது ஒரு காரணத்தைச் சொல்லி, ஊரிலும் உறவிலும் சொல்லும் மருந்தைச் சாப்பிட்டு நேரம் கடத்தாதீர்கள். உடனடியாக டாக்டரைப் பாருங்கள்.

சிறுநீர் செல்லும்போது வேகம் குறையலாம்.

சிறுநீர் செல்வதற்குச் சிரமப்படலாம்.

சிறுநீர் முழுவதுமாக வெளியேறாமல், மீண்டும் மீண்டும் சிறுநீர் கழிக்கத் தோன்றலாம்.

திடீரென்று மொத்தமே சிறுநீர் கழிக்க முடி யாமலும் போகலாம்.

சிறுநீர் கழிக்கும்போது கடுமையான எரிச்சல் ஏற்படும். வலி தாங்க முடியாது.

சிறுநீரில் ரத்தம் வெளியேறும். இது ஒரு முக்கியமான அறிகுறி.

விரைகளில் வலி உண்டாகலாம். அலட்சியப் படுத்தக்கூடாது.

இதற்கு என்ன பரிசோதனை?

நாம் ஏற்கனவே பார்த்த விரல் பரிசோதனை யிலேயே புராஸ்டேட் சாதாரணமாக இருக்கிறதா, வீங்கி இருக்கிறதா என்பதை டாக்டர் சொல்லி விடுவார். ஆனாலும், அந்த வீக்கம் புற்று நோயைச் சார்ந்ததா என்று சரியாக கணிக்க முடி யாது. ஆகவே, சில ரத்த டெஸ்ட்டுகள் செய்யச் சொல்வார்.

பிஎஸ்ஏ டெஸ்ட், ஆசிட் / ஆல்கலைன் பாஸ்படேஸ் டெஸ்ட். இவற்றில் பிரதானமாக மருத்துவர்களுக்குக் கை கொடுப்பது பிஎஸ்ஏ டெஸ்ட்தான். பிஎஸ்ஏ என்பது புராஸ்டேட் ஸ்பெசிஃபிக் ஆன்டிஜென்  என்பதன் சுருக்கம். இது புராஸ்டேட் செல்கள் சுரக்கிற ஒருவித புரோட்டீன். இதன் அளவு 4 நானோகிராமுக்குக் கீழ் இருந்தால், புராஸ்டேட் வீக்கம் சாதாரண மானது; இதற்கு மேல் தாண்டிவிட்டால், புற்று நோய் குறித்துச் சந்தேகப்பட வேண்டும்.

ஏன், இதிலும் இந்தப் புற்றுநோயை உறுதி செய்ய முடியாதா? முடியாது. இதுவும் சில சமயங்களில் நம்மை ஏமாற்றிவிடும். இப்போது அடுத்த பரிசோதனைக்கு வருவோம். வயிற்றைப் பரிசோதிக்கும் அல்ட்ரா சவுண்ட் ஸ்கேன். இதில் புராஸ்டேட் எந்த அளவுக்கு வீங்கியுள்ளது என்பது தெரியும். அந்த வீக்கம் எந்த அளவுக்குச் சிறுநீர்ப்பையை அடைத்துள்ளது என்பதையும், ஒருமுறை சிறுநீர் கழித்த பின்னர் சிறுநீர்ப்பையில் எவ்வளவு சிறுநீர் தங்குகிறது என்பதையும் காணலாம்.

இதை வைத்து நோயின் தீவிரத்தைப் புரிந்து கொள்ளலாம். இதிலும் நோயின் பாதிப்பு தீர்மானமாகத் தெரியவில்லை என்றால் எம்.ஆர். ஸ்பெக்ட்ரோஸ்கோப்பி எனப்படும் ஸ்பெஷல் டெஸ்ட் தேவைப்படும். அத்தோடு சிடி / எம்ஆர்அய் ஸ்கேன் மூலம் புராஸ்டேட்டின் நிலைமை, ஒரு வேளை அதில் புற்றுநோய் பாதிப்பு இருந்தால் அது வயிற்றிலும் உடலிலும் பரவியிருக்கிறதா என்பதையும் தெரிந்துகொள்ள முடியும்.

இந்தப் புற்றுநோய்க்கு எந்த சிகிச்சையை மேற் கொள்வதாக இருந்தாலும் அதற்கு முன் னால், ட்ரூகட் பயாப்சி செய்ய வேண்டும். மலக் குடல் வழியாக புராஸ்டேட்டை அணுகி, அதிலிருந்து சிறு திசுவை எடுத்துப் பரிசோதிக்கிற முறை இது. இதில் புற்று நோயின் வகை தெரியும். அதைக் கண்டுபிடித்து, எந்த சிகிச்சை எந்த அளவுக்குப் பலன் தரும் என்பதை நோயாளிக்கு முன்பே தெரிவித்து விடலாம்.

புராஸ்டேட்டை அகற்றும் சர்ஜரி, கீமோ தெரபி, விரைகளை அகற்றும் சர்ஜரி, ஹார் மோன் சிகிச்சை, ரேடியேஷன் எனப் பல தரப்பட்ட சிகிச்சைகள் இதற்கு உண்டு. என்றாலும் எவருக்கு எந்த சிகிச்சை நல்ல பலன் தரும் என்பதை புற்றுநோய் நிபுணர்தான் முடிவு செய்ய வேண்டும்.

புராஸ்டேட் புற்றுநோயை தடுக்கும் பயிற்சிகள்!

சிறுநீர் கழிக்கும்போது இடுப்புக்குழி தசை களைச் சுருக்கி சிறுநீர்க் கழிப்பை நிறுத்துங்கள்.
20 நொடிகளுக்கு இப்படி நிறுத்துங்கள்.

இப்போது மறுபடியும் சிறுநீர் கழிக்கவும்.

இது ஒரு சுருக்கம் எனப்படுகிறது.

இப்படி 15 முறை செய்யவும்.

இது ஒரு சுற்று எனப்படுகிறது.

தினமும் 3லிருந்து 5 சுற்றுகள் செய்யுங்கள்.

50 வயதுக்கு மேல்...

முழுத் தானிய உணவுகளையும் சிறு தானிய உணவுகளையும் அதிகம் சேர்த்துக் கொள்ளுங்கள்.
தினமும் ஒரு பழம் கட்டாயம் சாப்பிடுங்கள்.

காய்கறிகளை நிறைய சேர்த்துக் கொள் ளுங்கள்.

கொழுப்பு மிகுந்த உணவுகளைக் குறைத்துக் கொள்ளுங்கள்.

நார்ச்சத்துள்ள உணவுகளை அதிகப்படுத் துங்கள்.

முந்திரி, பாதாம் போன்ற கொட்டை வகை களை அளவோடு சாப்பிடுங்கள்.

பருப்பு மற்றும் முளைகட்டிய பயறுகளை அதிகமாக சேர்த்துக்கொள்ளுங்கள்.

மீன் உணவு மிகவும் நல்லது.

முட்டையில் வெள்ளைக் கருவைச் சாப் பிடலாம்.

பால் மற்றும் பால் சார்ந்த உணவுகளை அளவோடு சாப்பிடுங்கள்.

ஆலிவ் எண்ணெயை சமையலுக்குப் பயன் படுத்தினால் நல்லது. ஆனால், விலை அதிகம்.

பசுந் தேநீர் (கிரீன் டீ) குடிப்பது நல்லது.

தினமும் உடற்பயிற்சி அல்லது யோகா செய் யுங்கள்.

தினமும் அரை மணி நேரம் வெயிலில் நில்லுங்கள்.

Banner
Banner