மருத்துவம்

நிமிர்ந்து நேராக நடப்பவர்களை விட பின் னோக்கி நடப்பவர்கள் ஞாபகத்திறனுக்கான பரிசோதனைகளில் திறம்படச் செயல்பட்டுள்ளார்கள்.

ரோகாம்ப்டன் பல்கலையைச் சேர்ந்த நிபு ணர்கள் இந்த ஆய்வை மேற்கொண்டார்கள். 114 தன்னார் வலர்களை ஒரு காணொலி பார்க்க வைத்து, அதிலி ருந்து அவர்களிடம் கேள்வி கேட்கப்பட்டது. இவர் களின் காணொலியைப் பார்த்த பின் இந்தக் குழு பிரிக் கப்பட்டது. ஒரு சிலர் முன்னோக்கி நடக்க வைக்கப் பட்டனர். சிலர் பின்னோக்கி நடக்க வைக்கப்பட்டனர். சிலர் ஒரே இடத்தில் நிற்க வைக்கப்பட்டனர். பின்னர் ஒவ்வொருவரிடமும் பார்த்த காணொலி குறித்து 20 கேள்விகள் கேட்கப் பட்டன. இதில், பின்னோக்கி நடப்பவர்கள், சராசரியில் மற்றவர்களை விட கூடுதலாக இரண்டு கேள்விகளுக்கு சரியாக பதில் சொன்னது தெரிந்தது.  அடுத்து, ஒரு பட்டியலில் இருக்கும் வார்த்தை களில் எவ்வளவு வார்த்தைகளை நினைவுகூர முடிகிறது என்பது பரிசோதிக்கப்பட்டது. இதிலும் பின்னோக்கி நடப்பவர்களே சரியான விடைகளை அதிகமாகத் தந்தனர்.  நமது நடைக்கும், ஞாபகத் திறனுக்கும் எப்படி பிணைப்பு இருக்கிறது  என நிபுணர்கள் கருதுகின்றனர்.

மழைக்காலம் வந்தால் வைரஸ் காய்ச்சல்களும் தொடங்கிவிடும். டெங்கு, சிக்குன் குனியா, பன்றிக் காய்ச்சல், மலேரியா எனப் பாதிக்கப்பட்டவர்களின் எண்ணிக்கை அதிகரித்துவிடும்.  மழைக் காலத்தில் வரக்கூடிய வைரஸ் காய்ச்சல்களை எப்படித் தவிர்ப்பது, குழந்தைகளுக்கு வைரஸ் காய்ச்சல்கள் வராமல் பார்த்துக்கொள்வது எப்படி?

டெங்கு, மலேரியா போன்ற வைரஸ் காய்ச்சல்களுக்குக் கொசுதான் முதல் காரணம். கொசுக் கடி மூலம் உடலுக்குள் செல்லும் வைரஸ், 3 முதல் 7 நாட்களுக்குள் வேலை யைக் காட்டத் தொடங்கிவிடும். முன்பு கொசுக்கடியால் மலேரியா காய்ச்சல்தான் தீவிரமாக இருந்தது. இப்போது டெங்கு, சிக்குன் குனியா போன்ற வைரஸ் காய்ச்சல்கள் அதிகம் தாக்குகின்றன.

இந்தக் காய்ச்சல்கள் வராமல் தடுக்க என்ன செய்ய வேண்டும் என்று சென் னையைச் சேர்ந்த பொதுநல மருத்துவர் சிவராம கண்ணனிடம் கேட்டபோது, டெங்குவும் ஒரு வகையான வைரஸ்தான். கொசுக் கடியால் வருவதுதான். கொசுவைக் கட்டுப்படுத்தினாலே அந்தக் காய்ச்சல் வராமல் பார்த்துக்கொள்ள முடியும். டெங்கு வால் பாதிக்கப்பட்டவரைக் கடிக்கும் கொசு மற்றவர்களைக் கடித்தால், அவர்களுக்கும் டெங்கு தொற்றிவிடும்.

வீட்டைச் சுற்றித் தண்ணீர் தேங்காமல் பார்த்துக்கொள்ள வேண்டும். டெங்குவைப் பரப்பும் ஏடீஸ் கொசு பகலில்தான் கடிக்கிறது. எனவே, கொசுக் கடியிலிருந்து தற்காத்துக் கொள்ள வேண்டும். முதியவர்கள், குழந் தைகள், நுரையீரல் பாதிக்கப்பட்டவர்களை வைரஸ் காய்ச்சல் எளிதில் தாக்கிவிடும். எனவே, இந்தப் பிரச்சினை உள்ளவர்கள் முன்னெச்சரிக்கையாக இருப்பது நல்லது. மழை, குளிர் காலத்தில் மக்கள் அதிகமாகக் கூடும் இடங்களுக்குச் செல்வதைத் தவிர்த் தாலே, எந்த வைரஸ் காய்ச்சலையும் தவிர்த்துவிடலாம் என்கிறார்.

கைகளை நன்றாகக் கழுவுங்கள்

ஒருவருக்கு நோய் எதிர்ப்பு ஆற்றல் நன்றாக இருந்தாலோ நுரையீரலில் பிரச்சினை இல்லாமல் இருந்தாலோ அவரை வைரஸ் காய்ச்சல் எளிதில் அண்டாது. அப்படியே வந்தாலும் ஓரிரு நாட்களில் தானாகவே சரியாகிவிடும். ஆனால், ஜூரம் அதிகமா னாலோ ரத்த அழுத்தம் அதிகரித்தாலோ வியர்வை, தலைசுற்றல், பசியின்மை போன்ற பிரச்சினைகள் தெரிந்தாலோ மருத்துவரை உடனே அணுக வேண்டும். பொதுவாக குழந்தைகள், முதியவர்கள், நோயாளிகள் ஆகியோர் வைரஸ் காய்ச்சல்களுக்கு எளிதில் இலக்காகிவிடுவார்கள்.

பொதுவாக ஃப்ளு, இன்ஃப்ளூயன்சா ஆகியவற்றைத்தான் வைரஸ் காய்ச்சல் என்கிறோம். இந்தக் காய்ச்சல் சுவாச வழியில் மூக்கு முதல்  தொண்டைவரை பாதிப்பு ஏற்படுத்தக்கூடியது. நுரையீரல் வரையிலும் பாதிப்பு நீளும். வைரஸால் பாதிக்கப்பட்டவர் இருமும்போதோ தும்மும்போதோ பக்கத்தில் மற்றவர்கள் இருந்தால் அவர்களுக்கும் காய்ச்சல் வரக்கூடும். இந்தக் காய்ச்சல் வந்தவர்கள் முகமூடி அணிந்துகொண்டாலோ கர்சீப்பை வைத்து மூடிக்கொண்டாலோ மற்றவருக்குப் பரவாது.

ஒரு வேளை அவர்கள் அப்படி இல்லாமல் இருந்தால், அவர்களை அணுகுபவர்கள் பாதுகாப்பாக இருப்பது நல்லது. காய்ச்சல் வந்தவர்களைத் தொட்டாலோ கைக்குலுக்கி னாலோ கையை நன்றாகக் கழுவிவிட வேண்டும். இதைப் பழக்கமாக வைத்துக் கொண்டாலே வைரஸ் காய்ச்சல் அண்டாமல் பார்த்துக் கொள்ள முடியும் என்கிறார் மருத்துவர் சிவராம கண்ணன்.

குளியல் மிக அவசியம்!

மழைக்காலத்தில் குழந்தைகளுக்குச் சளி பிடித்தல், இருமல், காய்ச்சல் ஆகியவை அடிக்கடி வரும். மழை பெய்யும்போது தண்ணீரில் விளையாட குழந்தைகள் ஆர்வம் காட்டுவார்கள். குழந்தைகளை இந்தப் பிரச்சினையிலிருந்து எப்படிக் காப்பது?

மழைத் தண்ணீரில் குழந்தைகள் விளை யாடிவிட்டு வீட்டுக்கு வந்த பிறகு, கை, கால், முகம்  முறையாக சோப்புப் போட்டுக் கழுவ வேண்டும். அப்படிக் கழுவாமல் உணவு சாப்பிட்டால், அதன் மூலம் குழந்தை களுக்கு வைரஸ் உள்ளே சென்றுவிடலாம். அதனால் வயிற்றுப்போக்கு, வைரஸ் காய்ச்சல் போன்ற பாதிப்புகள் ஏற்படலாம். மழைக் காலத்தில் டெங்குக் காய்ச்சலி லிருந்து குழந்தைகளைக் காப்பது மிகவும் முக்கியம். பள்ளியில் இருக்கும்போதோ வீட்டில் இருக்கும்போதோ கொசுக் கடிக்கு ஆளாகமல் குழந்தைகளைப் பார்த்துக் கொள்ள வேண்டும். குழந்தைகள் மழை நீரில் விளையாடக் கூடாது எனப் பெற்றோர் அறி வுறுத்த வேண்டும். சுகாதாரமற்ற முறையில் விற்கப்படும் தின்பண்டங்களை வாங்கிச் சாப்பிடாமல் பார்த்துக்கொள்ள வேண்டும்.

1 முதல் 3 வயதுக்குட்பட்ட குழந்தை களுடைய கையையும் விரல்களையும் பெற்றோர்கள் சுத்தமாகப் பராமரிக்க வேண் டும் என்கிறார் சென்னையைச் சேர்ந்த குழந்தைகள் நல மருத்துவர் ரவி.

தற்போது உடல்பருமன் பிரச்சினை அபாயகரமாக அதிகரித்து வருவதால் அதுகுறித்த விழிப்புணர்வை அதிகப்படுத்துவதோடு, அந்த பிரச்சினையைக் கட்டுப்படுத்தி நமது எதிர்காலத்தைப் பாதுகாக்க வேண்டிய கட்டாயம் தற்போது ஏற்பட்டுள்ளது. அதிலும் குழந்தைகளின் உடல்பருமன் பெரிதும் கவலை தருவதாக இருக்கிறது.

உலகம் முழுவதும் குழந்தைகள் மற்றும் இளம் வயதினருக்கு உடல்பருமன் விரைவாக அதிகரித்து வருகிறது. குழந்தையின் தற்போதைய மற்றும் நீண்ட கால உடல் நலம், கல்வி சாதனைகள் மற்றும் நல் வாழ்க்கையைப் பாதிக்கும் இளம் வயது உடல்பருமனுக்கு எதிரான நடவடிக்கைகள் உலக அளவில் மெதுவாகவும் நிலையற்றும் எடுக்கப்பட்டு வருகின்றன. இந்திய மக்கள் தொகையில் 11.2 சதவிகிதம் பேர் உடல்பருமன் அல்லது அதிக எடை உள்ளவர்களாக உள்ளனர் என்கிறது ஒரு புள்ளிவிவரம்.

எனவே, எடையைக் கட்டுப்பாட்டில் வைக்க மருத்துவர்கள் கூறும் கீழ்க்கண்ட ஆலோசனைகளைத் தீவிரமாகப் பின்பற்ற வேண்டியது அவசியம். இது குழந்தைகளிடம் ஆரோக்கியமான உணவுப் பழக்கத்தையும், வாழ்க்கைமுறையையும் உருவாக்கும். இந்த ஆலோசனைகள் வயது வந்தவர்களுக்கும் சேர்த்துத்தான்.

* வறுத்த உணவைத் தவிர்த்து அதிகமாகப் பழங்களையும் காய்கறிகளையும் எடுத்துக் கொள்ள வேண்டும்.

* நார்ச்சத்து நிறைந்த முழு தானியம், பருப்பு மற்றும் முளைகட்டிய தானியங்களை உண்ண வேண்டும்.

* காய்கறிகளைப் பொரிக்காமல் நீராவியால் வேக வைத்து பயன்படுத்துவது நல்லது.

* உணவை ஒரே நேரத்தில் அதிகமாக உண்ணாமல், சிறிய அளவில் 2 முதல் 3 மணி நேரத்திற்கு ஒரு முறை உண்ண வேண்டும்.

* தினமும் உடற்பயிற்சிகள் செய்து உடல் எடையைக் கட்டுக்குள் வைக்கலாம்.

* மின் படிகள், மின்தூக்கிகளுக்குப் பதில் படியைப் பயன்படுத்தலாம்.

* பணி இடத்தில் ஒரே மாதிரியாகத் தொடர்ந்து அமராமல், அவ்வப்போது சிறுசிறு இடைவேளைகளை எடுப்பது நல்லது.

* மெதுவாக எடையைக் குறைக்க வேண்டும். மருத்துவ காரணங்களின்றி எடை இழப்பு அறுவை சிகிச்சை மேற்கொள்ள வேண்டாம்.

பல் அறுவை சிகிச்சைக்குப்பின்...

பல்லில் அறுவை சிகிச்சை முடிந்து ஓரிரண்டு நாட்களுக்கு தொடர்ந்து வலி இருக்கும். அதனால் உணவு சாப்பிடுவதில் கவனமாக இருக்க வேண்டும். சூடான உணவை சாப்பிடுவதால் ரத்தக்கசிவு ஏற்படும். மேலும் கடினமான உணவும் வலியை அதிகரிக்கும். பல்லில் ஒட்டிக்கொள்ளக்கூடிய மற்றும் அதிகம் மெல்லக்கூடிய உணவையும் தவிர்க்க வேண்டும். அதற்குபதில் சூப், தயிர், ஜுஸ் என திரவு உணவுகளாகவோ, பாதி திட உணவுகளா கவோ உட்கொள்வது நல்லது.

காலில் தசைப்பிடிப்பா?

ரத்த அழுத்தத்திற்காக மாத்திரை எடுத்துக் கொள்பவர்களுக்கும், நீண்ட நேரம் வெயிலில் வேலை செய்பவர்களுக்கும் நீர்ச்சத்து பற்றாக்குறை உண்டாகலாம். இதன் காரணமாக தசைப்பிடிப்பு ஏற்படக் கூடும். எனவே, அடிக்கடி தசைப்பிடிப்பு ஏற்பட்டு அவதிப்படுகிறவர்கள் அதிகப்படியான நீர் அருந்த வேண்டும். தூங்கச் செல்வதற்கு முன்னால் கால்களுக்கு தளர்வு கொடுக்கும் பயிற்சிகள் அல்லது ஸ்டேஷனரி சைக்கிளிங்கும் செய்யலாம்.

காஃபி எப்போது குடிக்கலாம்?

காலையில் எழுந்தவுடன் காஃபி குடித்தால்தான் சுறுசுறுப்பாக இருக்கும் என பெரும்பாலானவர்கள் சொல்வதை பார்க்க முடியும். ஆனால், அமெரிக்க உணவியலாளரும்,  Women’s Health Body Clock Diet என்ற நூலின் ஆசிரியருமான லாராசிபுல்லோ, காலை எழுந்தவுடன் உடலில் ஸ்ட்ரெஸ்சுக்கு காரணமான கார்ட்டிசோல் நிறைந்திருக்கும்.

அப்போது காஃபி குடித்தால் முதலில் சுறுசுறுப்பைத் தந்தாலும், போகப்போக சோர்வை அதிகரித்து, ஒருவித மந்தத்தன்மையோடு நாளை தொடர்வீர்கள். அதனால் காலையில் எழுந்து 2 அல்லது 3 மணி நேரம் கழித்து காபி அருந்துவதே சிறந்தது. அதாவது காலை 9 மணியிலிருந்து 11 மணி வரை காபி அருந்த சிறந்த நேரம் என்கிறார்.

தலைவலிக்கும் இன்ஹேலர் பயன்படுத்தலாம்!

ஆஸ்துமா பிரச்சினைக்குப் பயன்படுத்தும் இன்ஹேலரை இப்போது ஒற்றைத் தலைவலிக்கும் பயன்படுத்தலாம் என்று ஜெர்மனை சேர்ந்த விஞ்ஞானிகள் கண்டுபிடித்திருக்கிறார்கள். ஒற்றைத் தலைவலி நோயாளிகளுக்குக் கொடுக்கப்படும் மருந்துகளின் அளவைக் குறைக்கவும், அந்த மருந்துகளை முற்றிலும் தடுத்து நிறுத்தவும், நாம் சுவாசிக்கிற காற்றின் கலவைகளை மாற்றுவதற்கும் உதவுகிறது என்கின்றனர். அதிகமான தலைவலி தொடங்கும் முன்பு உணர்ச்சியோ அல்லது கண் பார்வையில் தொல்லையோ ஏற்படுகிற ஒற்றைத்  தலைவலியுடைய நோயாளிகளுக்கு இந்த புதிய இன்ஹேலரைக் கொண்டு ஆய்வு செய்யப்பட்டுள்ள தாக  ஒரு  இதழில் வெளியான ஆய்வு தெரிவிக் கிறது.

இதயம் மற்றும் நுரையீரல் அரங்கம்

இதயம் மற்றும் நுரையீரல் செயலிழந்த விளிம்பு நிலையில் உள்ள நோயாளிகளுக்கு இதயம், நுரையீரல் மாற்று அறுவை சிகிச்சை மட்டுமே ஒரே தீர்வாக உள்ளது. இந்த அறுவை சிகிச்சை செய்யப்பட்ட பின், நோய்த் தொற்று வருவதற்கான வாய்ப்பு அதிகமாக உள்ளது. இதைத் தவிர்க்க தனிப்பட்ட அறுவை சிகிச்சை அரங்கம் மற்றும் தீவிர சிகிச்சைப்  பிரிவு சென்னை ராஜீவ்காந்தி அரசு பொது மருத்துவமனையில் தொடங்கப்பட்டுள்ளது. இங்கு ரூ. 1 கோடி மதிப்பிலான அறுவை சிகிச்சைக் கருவி அமைக்கப்பட்டுள்ளது.

சர்க்கரை நோய்க்கு கறிவேப்பிலை

கறிவேப்பிலையின் மகத்துவங்கள் நமக்கு புதிதல்ல என்றாலும் நமக்குத் தெரியாதவற்றையும்   International Journal of Pharmaceutical Sciences என்னும் மருத்துவ இதழ் ஆய்வறிக்கை வெளியிட்டிருக்கிறது. 200 மில்லிகிராம் கறிவேப்பிலையிலிருந்து எடுக்கப்படும் சாறை 30 நாட்கள் வரை காலையில் வெறும் வயிற்றில் அருந்தி வருவதால் ரத்த குளூக்கோஸ், கிளைகோசைலேடட் ஹீமோ குளோபின், யூரியா, யூரிக் அமிலம் மற்றும் கிரியாட் டினின் அளவு கணிசமாக குறைவதை ஆய்வின் மூலம் கண்டறிந்துள்ளனர். இதற்கு நீங்கள் ரொம்ப மெனக்கெட வேண்டாம்.  காலையில் வெறும் வயிற் றில் சுத்தமான 10 கறிவேப்பிலையை தினமும் சாப்பிட்டு வந்தாலே ரத்தத்தில் கொழுப்பு, சர்க்கரை, உயர் ரத்த அழுத்தம் எல்லாம் குறைவதுடன் கால்சியம், பாஸ்பரஸ், மெக்னீசியம், அயர்ன், காப்பர் என அனைத்து சத்துக்களும் கிடைத்துவிடும்.

உடலில் சுரக்கும் பல்வேறு ஹார்மோன்கள் நம்முடைய மனநிலையையும், உடல்நிலை யையும் தீர்மானிக்கின்றன என்பதை அறிந்தி ருப்போம். அந்த வகையில் கார்ட்டிசால்

(Cortisol) என்கிற ஹார்மோனே மன அழுத்தத்தை உண்டாக்குகிறது என்பதையும் கேள்விப்பட்டிருப்போம். இதுவரை கார்ட்டி சாலின் அளவைக் கணக்கிட வழி இல்லாமல் இருந்து வந்தது. இப்போது அதற்கும் முடிவு கட்டிவிட்டார்கள் விஞ்ஞானிகள்.

ஒருவருடைய உடல்நிலை எப்படி உள்ளது என்பதை அறிவதற்குப் போதுமான தகவல்கள் அவரது ரத்தத்தில் மட்டும் இன்றி வியர்வையில்கூட இருக்கிறது என்று குறிப்பிடுகிறார்கள் மருத்துவர்கள். இதனால் தான்  நீரிழிவு முதல் பல நோய்களைக் கண்டு பிடிக்க உதவும் புதுப்புது மின்னணு உணரிகளை  (Electronic Sensor)  விஞ்ஞானிகள் தற்போது உருவாக்கி வருகின்றனர்.

இதில் கவலைகளால் ஏற்படும் மனச்சுமை நமது உடல்நலத்தைப் பெரிய அளவில் பாதிக்கிறது. மனச்சுமை அதிகம் உள்ளவர் களது ரத்தத்தில் கார்டிசால் என்ற ஹார்மோன் கூடுதலாக இருக்கும். நமது வியர்வையில் இருந்து வெளிப்படுகிற இந்த ஹார்மோனை அளக்கும் மின்னணு உணரியை ஸ்டான் போர்டு பல்கலைக்கழக விஞ்ஞானிகள் சமீபத்தில் கண்டுபிடித்துள்ளனர்.

இந்த உணரியில் உள்ள பட்டையை, ஸ்டிக்கர் போல தோலில் ஒட்டிக்கொண்டால் போதும். அது தொடர்ந்து வியர்வையில் கார்ட்டிசாலை அளந்து சொல்லும். இந்தத் தகவலை வைத்து நாள் முழுவதும் ஒருவரு டைய மனச்சுமை எந்த அளவுக்கு இருந்தது என்பதை மருத்துவர்களால் கணக்கிட முடியும். உளவியல் ஆலோசனை மற்றும் சிகிச்சையில் மிகப்பெரிய மாற்றத்தை உண்டாக்கும் இந்த கண்டுபிடிப்பு.

நோயாளி தன்னைப் பற்றி முழுமையாக விளக்காவிட்டாலும் அல்லது விளக்கத் தெரியாவிட்டாலும் மருத்துவர்களும், மனநல மருத்துவர்களும் ஒரு நோயாளியை முழு வதுமாக அறிய இந்த உணரிகள் பெரிதும் உதவும் என்று பெருமையுடன் கூறுகிறார்கள் விஞ்ஞானிகள்.

Banner
Banner