மருத்துவம்

புரதம் - 0.7 கிராம், கொழுப்பு - 0.3 கிராம், தாதுக்கள் -0.4 கிராம், நார்சத்து - 0.9 கிராம், கார்போஹைட்ரேட் - 14 கிராம், ஆற்றல் - 62 கிலோ கலோரி, கால்சியம் - 15 மி.கி பாஸ்பரஸ் - 15 மி.கி, வைட்டமின் சி.18 மி.கி., சோடியம் - 26.2 மி.கி, பொட்டாசியம் - 55 மி.கி ஆக்ஸாலிக் அமிலம் - 89 மி.கி, கரோட்டின் - 48 மி.கி.

மருத்துவ குணங்கள்:

1) பழங்கள் உயிர் எதிர்ப்பு சக்தியையும், மருத்துவ துறையில் பல்வேறுபட்ட வியாதி களுக்கு சிகிச்சை மருந்து தயாரிப்பிலும் பயன்படுகிறது.

2) சர்க்கரை வியாதி உள்ளவர்கள் தினமும் காலையில் நான்கு பழத்தை கொட்டையுடன் சாப்பிட்டு வந்தாலும் (அல்லது) இப்பழத்தின் கொட்டை (விதை) யின் சாற்றை தொடர்ந்து உண்டாலும் சர்க்ரையை முற்றிலும் கட்டுப் படுத்தலாம்.

3) பல அறிவியல் ஆய்வுகள் முடி வின் அடிப்படையில் இதன் விதையிலி ருந்து பெறப்படும் ஆல்கஹால் சாறு நீரிழிவு நோயாளிகளுக்கு வழங்கப்பட்டு இரத்த சர்க்கரை மற்றும் சிறுநீரக சர்க் கரை அளவை குறைக்கிறது.

4) உலர்ந்த விதைகள் மற்றும் மரப் பட்டையில் பெறப்படும் சாறு வயிற்றுப் போக்கு சிகிச்சைக்கு பயன்படுத்தப் படு கிறது.

5) இலைகள் பாக்டீரியா எதிர்ப்பு பண் புகளை உடையதாகவும், பற்கள் மற்றும் ஈறுகளை பலப்படுத்தவும் உதவுகிறது.

6) நாவல் பழச்சாறு உடலின் வெப் பத்தை குறைத்து குளிர்படுத்துகிறது . மேலும் செரிமான அமைப்பின் செயல்பாட்டிற்கும், இரத்த அழுத்தம், இரத்த ஓட்டத்திற்கும் பயன்படுகிறது.

7) தொண்டைப் புண், மூச்சுக்குழாய் அழற்சி, ஆஸ்துமா, வயிற்றுக்கடுப்பு, இரத்த அசுத்தங்கள், இரைப்பை குடல் வலி மற்றும் வயிற்றுப்புண் ஆகியவற்றை குணப்படுத் துகிறது.

8)படை நோய்கள், வாய் புண்கள் கட்டுப் படுத்தவும், வாய் துர்நாற்றத்தை தவிர்க்கவும் உதவுகிறது.

நடுத்தர வயது ஆண்களுக்கு நோய் எதிர்ப்பு சக்தியின்மை காரணமாக உண்டாகும் பல்வேறு நோய்கள் மற்றும் ஹார்மோன் பிரச்சினைகளுக்கு வைட்டமின் டி குறைபாடு காரணமாகலாம் என்று கண்டுபிடிக்கப்பட்டிருக்கிறது.

எலும்புகளின் வலிமைக்கு கால்ஷியம் மிகவும் முக்கியம். அந்த கால்ஷியம் சத்து உடலில் கலக்க வைட்டமின் டி சத்து மிகவும் அவசியம். எலும்புகளின் ஆரோக்கியத்தை 'காப்பாற்றுவதை தாண்டி 'வைட்டமின்-டி'க்கு பல முக்கிய பணிகள் உண்டு. அதுவும் ஆண்களுக்கு நீரிழிவு வராமல் தடுப்பதில் தொடங்கி, குழந்தையின்மையைத் தவிர்ப்பது வரை இதில் அடக்கம்.

எலும்புகளில் மட்டுமின்றி, உடல் திசுக்கள் பலவற்றிலும் இந்த வைட்டமின் இருப்பதும், மூளையின் பிட்யூட்டரி சுரப்பி, தைராய்டு சுரப்பி, கணையம் போன்றவற்றிலும்கூட இருக்கிறது. ஆண்களுக்கு உயிரணு உற்பத்திக் குறைபாட்டுக்கும், அந்த அணுக்களின் தரக் குறைவுக்கும்கூட வைட்டமின் டி குறைபாடு காரணமாகலாம் என்கிறது இந்த ஆராய்ச்சி.

வைட்டமின் டி சத்தில் குறைபாடு ஏற்பட்டுவிட்டால் அது உடல் தசை மற்றும் எலும்பு வளர்ச்சிக்காக செயல்படும் ஹார்மோன்களின் சீரான சுரப்பை குறைத்து விடுவதுடன் நாளாவட்டத்தில் உடல் தசை சரிவடைந்து பலவீனமடையச் செய்துவிடும் என்று அந்த ஆராய்ச்சியில் கண்டுபிடிக்கப்பட்டுள்ளது. படிப்படியாக உடலில் உள்ள சத்துக்களை இழந்து, உடல் இயக்கப் பிரச்சினை ஏற்பட்டு, வயது ஏறும் போதே வலுவிழந்து, உடல் பகுதிகளில் பாதிப்படைந்து ஒரு கட்டத்தில் மரணம் கூட ஏற்பட வாய்ப்புள்ளது என்று அச்சுறுத்துகிறது இந்த ஆராய்ச்சி. உலகம் முழுவதும் பலவீனம் சார்ந்த பிரச்சினைகள் அதிகரித்து வருகிறது என்கிறார் அக்னிஸ்கா ஸ்விகிக்கா.

எலும்பு அடர்த்தி மற்றும் ஆரோக்கியத்துக்கு வைட்டமின் டி மிகவும் அத்தியாவசியமானது என்கிறார். மேலும் தசை உட் சேர்க்கைக்குரிய அனபாலிக் ஹார்மோன் குறைபாடு ஏற்பட்டுவிட்டால் உடல் அதிகமாக பலவீனம் அடைந்துவிடும்.ஆண்களில் வயதான வர்களிடம் காணப்பட்ட குறைந்த அளவு டிஹைட்ரோஎபியன் டோஸ்டிரோன் ஹார்மோன் அவர்களை அதிக அளவு பலவீனப் படுத்துகிறது.

இத்தகைய ஆராய்ச்சிகள் ஒட்டுமொத்தமாக அனைவருக்கும் பொருந்தாது. இன்னும் சில தீவிர ஆய்வுக்குப் பிறகே இதனைப் பற்றி முழுமையாகக் கூற முடியும். ஆனால் வைட்டமின் டி சத்து குறைவு நடுத்தர வயது ஆண்களையும் முதியோர்களையும் நிச்சயம் கடுமை யாக பாதித்துவிடும் என்று ஆய்வு அறிக்கையில் குறிப்பிட்டுள்ளார் அக்னிஸ்கா ஸ்விகிக்கா

இந்த ஆய்வு முடிவு ஆர்லாண்டோவில் எண்டோக்ரைன் சொசைட்டியின் 99ஆம் ஆண்டு  விழா நடைபெற்ற எண்டோ 2017 கூட்டத்தில் வெளியிடப்பட்டது.

இத்தனை அவசியமான இந்த வைட்டமினை நம் உடலே உற்பத்தி செய்கிறது. சூரிய வெளிச்சத்தில் உள்ள புற ஊதா கதிர்கள், ஒரு வித ஹார்மோனின் தூண்டுதலின் உதவியுடன், டீஹைட்ரோ கொலஸ்ட்ரால் என்பதை சில வேதியல் மாற்றங்கள் செய்து, வைட்டமின் டியாக மாற்றித் தருகின்றன.

தேவையான அளவு வைட்டமின் டி அளவுகள் உணவுமுறையில் சேர்த்தல் மற்றும் அல்லது சூரிய ஒளி வெளிப்பாடு ஆகியவற்றின் மூலம் பெற முடியும். வைட்டமின் 2வை விட விரைவாக உறிஞ்சப்படக் கூடிய வைட்டமின் 3 (கோல்கேல்சிஃபெரால்) என்பதே விரும்பப்படும் வடிவமாகும். காளான், மீனின் சதை (சல்மான், டியூனா மற்றும் மாக்கரெல்) மற்றும் மீனின் குடல் எண்ணெய் ஆகியவற்றில் வைட்டமின் டி அதிக அளவில் இருக்கும் எனவே அடிக்கடி உணவில் சேர்த்துக் கொள்ள வேண்டும். நாற்பது வயதுக்கு மேல் அடிக்கடி கை, கால் வலி, எலும்பு வலி, உடல் வலி போன்றவை இருந்தால் உடனே மருத்துவரை நாடி வைட்டமின் டி சத்துக் குறைபாடு இருக்கிறதா என ரத்தப் பரிசோதனையின் மூலம் கண்டுபிடிக்க வேண்டும். அப்படி குறைபாடு உள்ளது என்று கண்டுபிடிக்கப்பட்டாலும் கவலை வேண்டாம்.  இதற்கான சிகிச்சையை உடனே மேற்கொண்டு இரண்டு அல்லது மூன்று மாதங்களில் குணமாக்கிவிடலாம். தினமும் 20 நிமிடங் களாவது சூரிய வெளிச்சம்படும்படி இருப்பது மிகவும் நலன் பயக்கும்.

'அல்ஷைமர்ஸ்' நோயைத் தடுக்க இதைச் சாப்பிடுங்க!

ஒமேகா - 3 கொழுப்பு அமிலம் அதிகமுள்ள உணவு வகைகளை சாப்பிட்டு வந்தால் 'அல்ஷைமர்ஸ்' நோய்க்கு நோ என்ட்ரி சொல்லி விடலாம் என்கிறது ஒரு மருத்துவ ஆய்வு. காரணம் ஒமேகா-3 நினைவாற்றல் செல்களை அதிகரித்து மூளையை சுறுசுறுப்பாக்க உதவுகிறது, அதனால் 'அல்ஷைமர்ஸ்' நோய் பாதிப்புக்களிலிருந்து தப்பலாம் என்பதே அந்த ஆராய்ச்சியின் முடிவு.

'அல்ஷைமர்ஸ்' என்றாலே அது கொஞ்சம் கொஞ்சமாக ஞாபக சக்தியை இழக்கச் செய்து ஒரு கட்டத்தில் நாம் யாரென்றே மறக்கச் செய்துவிடும் அளவுக்கு கொடுமையானது. நினைவாற்றல் மற்றும் மூளைத் திறனை முற்றிலும் பாதிப்படையச் செய்துவிடும் நோய் அது. இந்த நோயைத் தடுக்க ஒமேகா - 3 கொழுப்பு அமிலம் மத்தி, நெத்திலி, கெளுத்தி மற்றும் சால்மன் வகை மீன்களில் உள்ளது. சைவத்தில் ப்ளக்ஸ் விதை, வால்நட், சோயா பீன்ஸ் மற்றும் புதினா ஆகியவற்றில் காணப்படுகின்றது.  மூளையின் ஆரோக்கியத்துக்கு இந்த சத்து மிகவும் அவசியம்.இந்த ஆராய்ச்சியில் ஒமேகா 3 ணிறிகி+ஞிபிகி  யின் நிலை, மூளை திரவ நிலை மற்றும் மூளையின் அறிவாற்றல் நிலை ஆகியவற்றை ஒன்றிணைத்து சாதகமான விளைவுகளை ஏற்படுத்துகிறது என்கிறது இந்த ஆய்வு.

மருந்து மாத்திரைகள் மூலமாகவும் ஒமேகா 3 பெற முடியும். மீனில் இருந்து தயாரிக்கப்படும் மீன் எண்ணெய் மாத்திரைகளில் ஒமேகா 3 இருக்கிறது. ஆனால் உணவின் வாயிலாகக் கிடைக்கும் சத்து தான் மிகவும் நல்லது. காரணம் உணவுடன் சேர்ந்து  மற்ற ஊட்டச் சத்துகளும் கிடைத்துவிடும். கருவுற்ற வர்கள் தேவையான அளவு ஒமேகா - 3  எடுத்துக் கொள்ளாத பட்சத்தில்  பிறக்கும் குழந்தைகள் கவனக்குறைபாட்டுப் பிரச்னைக்கு ஆளாகலாம். கருவுற்ற காலத்தில் ஒமேகா-3 உணவுகளை சாப்பிட்ட பெண்களுக்குப் பிறந்த குழந்தைகள் புத்திக்கூர்மையுடன் இருப்பதும் முந்தைய ஆராய்ச்சிகளில் கண்டறியப்பட்டுள்ளது.

ஒமேகா - 3 உணவு உட்கொண்டவர்களின் செய்த வேலைகள் அறிவாற்றலுடன் இருந்தது. நவீன கண்டுபிடிப்பான SPECT (Single photon emission computed tomography)   எனும் இமேஜிங் தொழில் நுட்பத்தைப் பயன்படுத்தி மூளைபற்றிய ஆராய்ச்சியை ஆய்வாளர்கள் மேற்கொண்டனர். இதில் உடலில் ஒமேகா-3 சத்து அதிகமுள்ள 166 நபர்கள் பங்கேற்றனர். அவர்களின் அறிவாற்றல் திறன், மூளையின் ரத்த ஓட்டம் மற்றும் நரம்பியல் சோதனைகள் ஆய்வுக்கு உட்படுத்தப்பட்டது. ஜர்னல் ஆஃப் 'அல்ஷைமர்ஸ்டிசீஸ்' எனும் பத்திரிகையில் இந்த ஆய்வறிக்கை வெளியிடப்பட்டது. ஒமேகா - 3 கொழுப்பு அமிலத்தால் மன நலன் மேம்படுகின்றது என்றும் ஆய்வு முடிவில் தெரிவித்துள்ளனர்.

ஓடுங்கள்! ஆடுங்கள்!
மன அழுத்தம் குறையும்!   

ஏரோபிக்ஸ் தொடர்ந்து செய்வதால் மனநலம் மற்றும் மூளைத் தொகுதியின் அளவு அதிகரிக்கும் என்கிறார்கள் ஆராய்ச்சியாளர்கள்.

லேசான மனநல குறைபாடுகள் உள்ளவர்கள் சில ஏரோபிக் பயிற்சிகளைத் தொடர்ந்து செய்வதன் மூலம் நல்லதொரு மாற்றத்தைக் காண்பார்கள். வேகமான சுறுசுறுப்பான நடை, ஓட்டம், ஜாகிங் அல்லது நீச்சல் பயிற்சி போன்றவற்றை வாரத்தில் நான்கு முறை கடைப் பிடித்தார்கள் எனில் அவர்களின் மூளைத் தொகுதி அதிகரிக்கும். அதனால் அவர்களின் செயல் திறனும் மேம்படும். நினைவாற்றல் திறன், சிந்திக்கும் திறன், அல்ஜீமர், டிமென்ஷியா போன்ற பாதிப்புள்ளவர்கள் நிச்சயம் ஏரோபிக்ஸ் பயிற்சிகளை செய்ய வேண்டும். அது அவர்களுக்கு கவனிக்கத்தகுந்த வகையில் நல்ல மாற்றங்களை தரும் என்கிறது அந்த ஆய்வு.  மற்றவகை உடற்பயிற்சிகளை செய்வது நல்லதுதான், ஆனால் ஏரோபிக் பயிற்சி அதைவிட பலன்களை அதிகமாகத் தரக்கூடியது என்கிறது இந்த ஆராய்ச்சி. அதிலும் மந்தமாக இருப்பவர்களுக்கு இது அருமருந்தாக செயல்படும் எனலாம் என்கிறார் அமெரிக்க வேக் ஃபாரஸ்ட் பல்கலை கழகப் பேராசிரியர் ஜீயாங்சுல் கிம்.

இந்த ஆய்வில் லேசன மனநல பாதிப்புடைய 35 நபர்கள் பங்கேற்றார்கள். முதலில் இரண்டு குழுக்களாக அவர்கள் பிரிக்கப்பட்டார்கள்.  இதில் ஏரோபிக் பயிற்சி செய்தவர்கள் மற்றும் ஸ்ட்ரெச்சிங் செய்தவர்கள் ஆகிய இரண்டு பகுதியினரின் மூளைத் தொகுதியும் கவனிக்கத்த அளவில் அதிகரித்திருந்தது. குறிப்பிட்டு சொல்ல வேண்டும் எனில் சாம்பல் நிறப் பருப்பொருள் பகுதிக்கு   மற்றும் நெற்றிப் பொட்டு மடல்கள் ஆகியவற்றில் நல்ல முன்னேற்றேம் காணப்பட்டது. இது குறுகிய கால நினை வாற்றல் திறனுக்கு உதவும் மூளையின் பகுதிகளாகும். இதில் முக்கியமாக கருத வேண்டியது ஸ்ட்ரெச்சிங் பயிற்சிகள் செய்தவர்களை விட ஏரோபிக்ஸ் பயிற்சி செய்தவர்களின் மூளைத் தொகுதி அதிகமாக இருந்தது குறிப்பிடத்தக்கது.

சுடும் வெயிலில் கடும் தலைவலி

வெயில் காலம் வந்து விட்டாலே உடல் உபாதைகளுக்கு பஞ்சமில்லை. அதிலொன்று தலைவலி. சிலருக்கு வெயிலில் சென்றாலோ அல்லது வெயில் பட்டாலோகூட தலை வலி தோன்றுவதுண்டு.

ஏன் இப்படி தலைவலிக்கிறது?  சூரியனிலிருந்து வெளிவரும் புற ஊதாக் கதிர்களின்  உக்கிரத் தாக்குதலால், நம் உடலில் உள்ள நீர்ச் சத்தும், உப்புச் சத்தும் குறைந்து விடுகிறது, இதனால் வெயில் காலங்களில் அடிக்கடி தலைவலி ஏற்படுகிறது. நீண்ட நேரம் வெயிலில் வேலை செய்து விட்டு வருபவர்கள் சிலர் வெயிலின் தாக்கம் குறையும் என்று எண்ணி உடனடியாக குளிர்ச்சியான பானங்களை குடிக்கும் பழக்கம் உடையவர்கள்.

இது மிகவும் தவறான செயல். அவ்வாறு செய்வதனால் சைனஸ் பிரச்சனை ஏற்பட்டு தலைவலி ஏற்படுகிறது. தலைவலி பிரச்சனை இருப்பவர்களுக்கு மேலும் தலைவலியை ஏற்படுத்துகிறது. இயற்கை அல்லாத குளிர் பானங்களால் உடல் நிலை பாதிக்கப்பட்டு தலைவலியை ஏற்படுத்தும். குளிர் பானங்களை தவிர்த்து இயற்கையாக கிடைக்கக்கூடிய இளநீர், மோர், உப்பும் சர்க்கரையும் கலந்த தண்ணீரும் உடலின் வெப்பத்தை தணிக்கும்.

தினமும் நீண்ட தூரம் வண்டி ஓட்டுபவர்கள் காட்டன் உடைகளை அணிவது நல்லது. வெயிலின் தாக்கத்தால் தலை சுற்றலோ அல்லது வாந்தி, மயக்கம் ஏற்படுகின்ற மாதிரி அறி குறிகள் ஏற்பட்டால் உடனடியாக நிழலான இடத்திற்கு சென்று ஓய்வு எடுத்தபின் பயணத்தை தொடரலாம். இறுக்கமான உடை களை அணியக்கூடாது. வெயில் தலையில் படுவதால் வியர்வை ஏற்படுகிறது.

அதை உடனடியாக துடைத்து விடவேண்டும் அல்லது காற் றோட்டமாக உலர வைக்க வேண்டும். தர்பூசணி, சாத்துக்குடி ஆகிய நீர்ச்சத்து நிறைந்த பழவகைகள் உடலுக்கு நீர்ச்சத்தைக் கொடுத்து நம்மை பாதுகாக்கும். வெயில் காலங்களில் வழக்கத்திற்கு மாறாக அதிகமாக  தண்ணீர் குடிக்க வேண்டும். அலுவலகங்களில் வேலை பார்ப்பவர்கள் அதிகமான வெயிலில் இருந்து வந்த உடனே டெம்ப்ரேச்சர் குறைவாக வைத்து ஏசியில் வேலை பார்ப்பதும் தலைவலியை அதிகப்படுத்தும்.புறஊதாக் கதிர்கள் கண்களில் படும்போது கண்களின் பின்புறம் வலி ஏற்பட்டு அது தலைவலியையும் ஏற்படுத்தும் என்பதால் குளிர் கண்ணாடி அணிவது சிறந்தது. இரத்த அழுத்தம் உடையவர்கள் வெயிலின் தாக்கம் இல்லாத நேரங்களில் தங்களுடைய வேலைகளை பார்ப்பது நல்லது. இயற் கையான நீர்ச்சத்து நிறைந்த உணவுகள் வெப்பத்தின் தாக்கத்தில் இருந்து நம்மை பாதுகாக்க சிறந்த வழி.

உடல் சோர்வை போக்கும் மருத்துவம்

கோடை வெயில் கொளுத்தி வரும் நிலை யில் பல நோய்கள் நம்மை பற்றுகிறது. சிறு நீர்தாரையில் எரிச்சல், அதிக வியர்வை, உடல் சோர்வு, நீர்ச்சத்து இழப்பு உள்ளிட்டவை ஏற்படுகிறது. இப்பிரச்னைகளுக்கு  தீர்வு காண்பது  குறித்து நலம் தரும் நாட்டு மருத் துவத்தில் பார்க்கலாம். பொன்னாங்கண்ணி, புளிச்ச கீரை, செவ்வாழை ஆகிய வற்றை பயன்படுத்தி உடல் சோர்வை போக்கி, உடலுக்கு பலம் தரும் மருந்துகள் குறித்து பார்க்கலாம். சிவப்பு பொன்னாங்கண்ணி பல்வேறு நன்மைகளை கொண்டது. உடலுக்கு தேவையான சத்துக்களை தருவதுடன் தோலுக்கு மினுமினுப்பை கொடுக்கிறது. உடலுக்கு ஆரோக்கியம், அழகை தரக்கூடிய கீரை இது. புளிச்ச கீரையில் கால்சியம், இரும்பு சத்துக்கள் அதிகளவில் உள்ளன. சுவையான உணவாக விளங்கும் இது அற்புதமான மருந்தாகிறது. செவ்வாழை உணவாகி மருந்தாகிறது.

புளிச்ச கீரை நாவறட்சி, சோர்வு நீங்கும். உடலுக்கு உற்சாகத்தை கொடுக்கும்.  புளிப்பு சுவையுடையதுமான இந்த கீரை எலும்பு களுக்கு பலம் கொடுக்க கூடியது. நார்ச்சத்து உடை யது.  சிவப்பு பொன் னாங்கண்ணி கீரையில் நார்ச்சத்து உள்ளது. இது நோய்கள் வரா மல் பாதுகாக்கும். மலச்சிக்கலை போக் கும். கண்களுக்கு கூர் மையான பார்வையை கொடுக்கும். சிவப்பு பொன்னாங்கண்ணி யில் இரும்பு சத்து, விட்டமின், மினரல் உள்ளிட்டவை உள்ளது. சிறுநீர் தாரையில் ஏற்படும் நோய்களை குணமாக்குகிறது.அதிக வெயிலால் சிறுநீர் தாரையில் எரிச்சல், உடல் எரிச்சல், அதிக வியர்வை, துர்நாற்றம், சோர்வு, மயக்கம் போன்றவை ஏற்படுகிறது. இதற்கு செவ்வாழையை  பயனுள்ளதாக அமைகிறது.  கொளுத்தும் கோடை வெயிலால் ஏற்படும் தலைவலியை போக்க கொடி பசலை கீரை மருந்தாகிறது. பல்வேறு நன்மைகளை கொண்ட கொடி பசலை கீரை உடலுக்கு குளிர்ச்சி தரவல்லது. வலியை போக்கும் தன்மை கொண்டது. கொடி பசலை கீரையை அரைத்து பசையாக்கி நெற்றியில் பற்றாக போட்டுவைத்தால் தலைவலி

வெகு விரைவில் விலகிப் போகும்.

ரத்த அழுத்தத்தை குறைக்கும் தேன்பழம்

நமக்கு அருகில், எளிதில் கிடைக்கும் மூலிகைகள், இல்லத்தில் உள்ள உண வுப் பொருட்களை கொண்டு பாதுகாப்பான பக்கவிளைவில்லாத பய னுள்ள மருத்துவத்தை பார்த்து வருகிறோம். அந்த வகையில், தேன் பழம் என்று அழைக்கப்படும் ஜமைக்கன் செர்ரியின் மருத்துவ குணங்களை பார்க்கலாம்.   சாலையோரங்களில் காணப் படும் குறு மரம் ஜமைக்கன் செர்ரி. இனிமையான சுவையை கொண்ட பழங்களை உடையது. இது கோடை காலத்தில் பழுத்து பயன் தரக்கூடியது. தேன்பழம் மரத்தின் இலைகள், பூக்கள், கனிகள், வேர், பட்டை என அனைத்தும் மருந்தாகிறது.

இதன் பழங்கள் சர்க்கரை நோய்க்கு மருந்தாகிறது. இதில், வைட்டமின் சி, இரும்பு சத்து, கால்சியம், நீர்ச்சத்து ஆகியவை உள்ளன. தேன் பழங்கள் செர்ரி போன்று சிவந்த நிறத்தில் இருக்கும். இந்த பழம் சாப்பிடும்போது தேனை போல இனிக்கும்.  இதில் உள்ள நார்ச்சத்து, மலச்சிக்கல் வராமல் தடுக்கிறது. தேன் பழத்தின் இலைகளை பயன்படுத்தி வயிற்று வலி, மூட்டுவலியை குணப்படுத்தும்.  பல் வேறு மருத்துவ குணங்களை கொண்ட தேன் பழத்தின் இலைகள் புற்றுநோய் வராமல் தடுக்கும் மூலிகையாக விளங்குகிறது. தேன் பழத்தின் இலைகளை பயன்படுத்தி தசை, மூட்டுகளில் ஏற்படும் வலி, வீக்கத்துக்கான மேல் பூச்சலாம்.   தேன் பழத்தின் இலைகளை நீரில் இட்டு காய்ச்சி குடித்துவர வயிற்று வலி சரியாகிறது. இது தலைவலி, காய்ச்சலுக்கு அற்புதமான மருந்தாகிறது. எளிதாக கிடைக்கும் இந்த மூலிகையை பயன்படுத்துவதன் மூலம் உடலுக்கு பல்வேறு நன்மைகள் கிடைக்கும்.

நான்கில் ஒரு குழந்தைக்கு ரத்தசோகை

இந்தியாவில் நான்கில் ஒரு குழந்தை ரத்த சோகையுடன் பிறப்பதாக     ஆய்வறிக்கை ஒன்று சமீபத்தில் கூறியிருக்கிறது. குறிப்பாக, தமிழ்நாட்டில் மட்டும் ரத்த சோகையால் 51 சதவீதம் குழந்தைகள் பாதிக்கப்பட்டிருப்ப தாக உலக சுகாதார நிறுவனம் கூறியிருக் கிறது.

குழந்தைகளிடம் அதிகரித்திருக்கும் ரத்த சோகையைக் குறைக்க என்ன செய்ய வேண்டும்.

ஆரோக்கியமான தாயால்தான் ஆரோக் கியமான குழந்தையைப் பெற்றெடுக்க முடியும். இதுதான் அடிப்படையான பிரச்னை. கருவுற்றவுடன் மருத்துவரை அணுகுவதில் தாமதம், தக்க சிகிச்சை மற்றும் பரிசோதனை எடுத்துக்கொள்வதில் இருக்கும் தொய்வு, சத்து மாத்திரைகளை சாப்பிடுவதில் அலட்சியம் காட்டுவது போன்ற பல்வேறு காரணங்களால் கருவில் உள்ள குழந்தை பாதிக்கப்பட்டு ரத்தசோகையுடன் குழந்தை பிறக்கிறது.குழந்தை குறை மாதத்திலும் பிறக்கும். எடை குறைவாகவும், அதாவது 2 கிலோவுக்குக் குறைவாக இருக்கும். பிறந்த பிறகு பால் குடிக்கும் திறனும் பாதிக்கப்படும். மஞ்சள் காமாலை போன்ற நோய்களால் பாதிக்கப்படுவதற்கும் இது அடிப்படையான காரணமாக இருக்கிறது. தவழ்வது, நடப்பது போன்ற செயல்பாடுகளிலும் இந்த பாதிப்பு எதிரொலிக்கும்.

அதனால், கருவுற்ற முதல் நாளிலிருந்து மருத்துவரின் ஆலோசனையின்படி உணவு பழக்க வழக்கத்தை அமைத்துக் கொள்ள வேண்டும். கர்ப்ப காலத்தில் தேவையான ஆலோசனையையும் சிகிச்சையையும் சரியாகப் பின்பற்ற வேண்டும். ஊட்டச் சத்து மாத்திரைகள் எல்லா அரசு மருத்துவமனை களிலும் கிடைக்கிறது. இதை கருவுற்ற தாய்மார்கள் தவறாமல் பயன்படுத்திக் கொள்ள வேண்டும் என்று எச்சரிக்கிறார்.

வயிற்றுவலி என்றாலே அல்சரா?

வயிற்றில் வலி வந்தால், அது அல்சராகத்தான் இருக்குமா? இப்படிச் சொல்வது சரியில்லை. வயிற்றில் வலி வருவதற்கு நூற்றுக்கும் மேற்பட்ட காரணங்கள் உண்டு. அதில் முதலாவதாக வருவது அல்சர் எனும் இரைப்பைப் புண். ஆனால், அடிக்கடி வயிற்றில் வலி வந்தால், என்ன காரணம் என்று மருத்துவரிடம் பரிசோதித்துத் தெரிந்து கொள்வது நல்லது.

எது அல்சர்?

அல்சரின் ஆரம்பத்தில் நெஞ்சுப் பகுதியில் எரிச்சலும் வலியும் ஏற்படும். அடிக்கடி புளித்த ஏப்பம் வரும். பசி இருக்காது. கொஞ்சம் சாப்பிட்டாலே வயிறு நிரம்பிய மாதிரி இருக்கும். சில நேரம் நெஞ்சில் பந்து வந்து அடைப்பது போலிருக்கும். இது ஏப்பம் விட்டதும் சரியாகும். நோயின் அடுத்த கட்டத்தில், வயிற்று வலியும் வாந்தியும் வரும்.கேஸ்ட்ரிக் அல்சராக இருந்தால் பசிக்கிற நேரத்தில் வலி வயிற்றைக் கவ்வி பிடிக்கும். சாப்பிட்டதும் வலி அதிகமாகும். டியோடினல் அல்சராக இருந்தால் சாப்பிட்டதும் வயிற்று வலி குறையும். அல்சர் கடுமையாகி விட்டது என்றால் ரத்த வாந்தி வரும். மலம் கறுப்பாகப் போகும்.

என்னென்ன பாதிப்புகள்?

வயிற்றில் எந்தப் பகுதியில் வலி வந்தால் என்ன பாதிப்பு என்பதைத் தோராயமாகத் தெரிந்துகொள்ளலாம்.

வயிற்றின் மேல் பகுதியில் வலது பக்கமாக வலி எடுத்தால், கல்லீரல், பித்தப்பை, இரைப்பை, முன் சிறுகுடல் ஆகியவற்றில் பிரச்சினை இருக்கலாம்.

மேல்வயிற்றின் நடுப்பகுதியில் வலி ஏற்பட்டால் இரைப்பை, முன்சிறுகுடல், கணையம் ஆகியவற்றில் பிரச்சினை இருக்கலாம்.
மேல் வயிற்றின் இடது பக்கத்தில் வலி உண்டானால், மண்ணீரலில் பிரச்சினை இருக்கலாம்.

வயிற்றின் நடுப்பகுதியில் இடது பக்கமாக ஏற்படும் வலிக்கு இடது சிறுநீரகம் காரணமாக இருக்கலாம்.

வலது பக்கத்தில் வலி என்றால், வலது சிறுநீரகம் காரணமாக இருக்கலாம்.

நடு வயிற்றின் மத்தியப் பகுதியில் வலி ஏற்படுகிறது என்றால், சிறுகுடலில் பிரச்சினை என்று யூகிக்கலாம்.

அடிவயிற்றின் வலது பக்க வலிக்குக் குடல்வால் அழற்சி, வலது சிறுநீர்க் குழாய் கல், கருக்குழாய் பாதிப்பு, ஏறுகுடல் கோளாறு போன்றவை முக்கியமான காரணங்கள்.

அடிவயிற்றில், தொப்புளுக்குக் கீழ் வலி வந்தால், கருப்பை அல்லது சிறுநீர்ப்பைக் கோளாறு காரணமாகும்.

அடிவயிற்றின் இடது பக்கத்தில் வலித்தால், இடது சிறுநீர்க் குழாய் கல் / இறங்கு குடல் கோளாறு இருப்பதற்குச் சாத்தியமிருக்கிறது.

எச்சரிக்கை: நீரிழிவு நோயாளிகளுக்கு மாரடைப்பு ஏற்படும்போது நெஞ்சில் வலி ஏற்படவேண்டும் என்ற அவசியமில்லை. பதிலாக, நெஞ்சு எரிவது போலிருக்கும் அப்போது அதை அல்சர் வலியாக எண்ணிப் பலரும் அலட்சியப்படுத்திவிடுவார்கள். இவர்கள் நெஞ்சில் எந்த ஓர் அசவுகரியம் ஏற்பட்டாலும், உடனே மருத்துவரைப் பார்த்து விடுவது நல்லது.

முதுமையில் ரத்த அழுத்தம்

பொதுவாக, வயது கூடும்போது ரத்த அழுத்தம் அதிகரிக்கும். அறுபது வயதுக்கு மேல் உள்ளவர்களுக்கு சிஸ்டாலிக் அழுத்தம் 160-க்கு அதிகமாகவும் டயஸ்டாலிக் அழுத்தம் 80-லிருந்து 90-க்குள்ளும் இருக்கும். இதற்கு தனித்த சிஸ்டாலிக் உயர் ரத்தஅழுத்தம் என்று பெயர். காரணம், வயதாக ஆக ரத்தக் குழாய்கள் கடினமாகி, தடிமனாகின்றன. ரத்த ஓட்டத்தின் வேகத்துக்கு ஏற்ப அவை விரிந்து சுருங்கச் சிரமப்படுகின்றன. இதனால், ரத்தக் குழாயின் உள் அளவு குறைந்துவிடுகிறது. இப்படிக் குறைந்த இடைவெளி வழியாக ரத்தத்தை உடலுக்குள் செலுத்துவதற்கு, இதயம் இன்னும் அதிக அழுத்தத்துடன் துடிக்கிறது. இதனால், சிஸ்டாலிக் அழுத்தம் அதிகரிக்கிறது.

எல்லா வயதினருக்கும் 140 என்பதுதான் சிஸ்டாலிக் அழுத்தத்தின் எல்லை. ஏற்கெனவே இதயப் பாதிப்பு, சிறுநீரகப் பாதிப்பு, நீரிழிவு போன்றவை உள்ளவர்களுக்குச் சிஸ்டாலிக் அழுத்தம் 130 என்பதுதான் அதிகபட்ச அளவு. இந்த எல்லையைத் தாண்டினால் சிகிச்சை எடுக்க வேண்டியது அவசியம். தவறினால், இதயம் இன்னும் அதிக அழுத்தத்துடன் துடிக்க வேண்டும். இப்படியே அழுத்தத்துடன் அது துடித்துக்கொண்டிருந்தால், ஒரு கட்டத்தில் இதயச் சுவர் பலவீனம் அடைந்து, வீங்கிவிடும். அப்போது உடலுக்குத் தேவை யான ரத்தத்தை இதயத்தால் உட்செலுத்த முடியாது. முக்கியமாக, மூளைக்கு ரத்த ஓட்டம் தடைபட்டு, கிறுகிறுப்பு, மயக்கம், நினைவு இழத்தல், பக்கவாதம் போன்றவை ஏற்படலாம். இந்த நிலைமை தொடர்ந்தால், இதயம் செயலிழக்கத் தொடங்கிவிடும். மாரடைப்பும் வரலாம். சிறுநீரகம் பாதிக்கப்படலாம். இந்த ஆபத்துகளைத் தவிர்க்கத்தான் சிகிச்சை எடுக்க வேண்டும்.


ஸ்டெம் செல் விழிப்புணர்வு தேவை!

குழந்தையின் தொப்புள் கொடியிலிருந்து பெறப் படும் ஸ்டெம்செல்களை சேமித்தல், சோதனை நடத்துதல் மற்றும் பாதுகாத்து வைப்பதற்கு உதவும் வகையில் சமூக ஸ்டெம்செல்வங்கித் திட்டம் சமீபத்தில் சென்னையில் தொடங்கப்பட்டுள்ளது. திட்டத்தின் இயக்குநரான மயூர் அபயா கூறியதாவது: குழந்தைகள் மற்றும் பெற் றோருக்கு மருத்துவ சிகிச்சையின்போது தேவைப் படும் பொருத்தமான ஸ்டெம்செல்களை உடனடி யாகவும், எளிதாகவும் பெறும் நோக்கத்தோடு இந்தத் திட்டம் தொடங்கப்பட்டிருக்கிறது. இதனால் ஒட்டு மொத்த குடும்பமே பயன்பெறுவதோடு சமூகத்தில் உள்ள மற்றவர்களுக்கும் பலன் கிடைக்கும்.

இந்தியாவில் தினந்தோறும் ஆயிரக்கணக்கில் குழந்தைகள் பிறக்கின்றன. ஆனால், ஒவ்வொரு பிரசவத்தின்போதும் குழந்தைகளின் தெப்புள் கொடியினை சேகரித்து, பாதுகாப்பதற்கான வசதிகள் நம்மிடையே இல்லை. முறையாகப் பராமரித்துப் பாதுகாத்தால் ஆண்டுதோறும் ஆயிரக்கணக்கான ஸ்டெம்செல்கள் கிடைக்கக்கூடும்.குழந்தைகளின் ஸ்டெம்செல்களைத் கொடை அளிப்பது குறித்து தற்போதுதான் பெற்றோர்களிடையே விழிப்புணர்வு ஏற்பட்டு வருகிறது. இந்த விழிப்புணர்வை அதி கரிக்கும் வகையில் ஸ்டெம்செல்லின் தேவைகள் மற்றும் அவசியம் குறித்த பார்வையை பொது மக்களிடம் உண்டாக்க வேண்டும். அதற்குத் தேவையான, பாதுகாப்பதற்கான வசதிகளை செய்ய அரசு நடவடிக்கை எடுக்க வேண்டும்.இதன்மூலம் உலக அளவில் அதிகமான ஸ்டெம்செல் வழங்கும் நாடாக இந்தியா மாறும்.

இது உலக அளவில் இந்தியாவைச் சேர்ந்த குழந்தைகள், குடும்பத்தினர், சமூகத்தினர் ஸ்டெம் செல் மாற்று சிகிச்சை பெறும் வாய்ப்பினையும் அதிகப்படுத்தும் என்றார்.

வெந்தயம்: மருத்துவ குணங்கள்

இந்தியா முழுவதும் பல்வேறு மாநிலங்களிலும் அதிகம் பயிரிடப்படும் பயிராக வெந்தயம் விளங்குகிறது. சிறிது கசப்பு, கார்ப்பு, குளிர்ச்சி ஆகிய தன்மைகளைக் கொண்டுள்ள வெந்தயக் கீரை குளிர்ச்சியுண்டாக்கும் தன்மையுடையது, மலத்தை இளக்குந்தன்மை உடையது, சிறுநீரைப் பெருக்குந்தன்மை வாய்ந்தது, உள்ளார்ந்த வீக்கத் தையும், உஷ்ணத்தையும் போக்கக்கூடியது, வறட்சித் தன்மையை அகற்றக்கூடியது, காம உணர்வைப் பெருக்கக்கூடியது, அகட்டு வாய்வு அகற்றி, டானிக் போல உடலுக்கு உரமாவது!

வெந்தயத்தின் விதைகள் பசியின்மையையும், வயிற்று உப்பசத்தையும் போக்கவல்லது, பித்தத் தைச் சமன்படுத்தக்கூடியது, வயிற்றுக் கடுப்பையும், வயிற்றுப்போக்கையும் போக்கக்கூடியது, சீத பேதியை நிறுத்தவல்லது, கல்லீரல் மற்றும் மண்ணீரல் வீக்கம் கண்டவிடத்து அந்த வீக்கத் தைத் தணிக்கவல்லது, தாய்ப்பாலைச் சுரக்கச் செய் வது, குழந்தை பெற்ற இளந்தாய்மார்களுக்கு ஊட்டம் தரும் வகையில் டானிக்காகவும் அமை கிறது.

வெந்தயம் ரத்த ஓட்டத்தைத் தூண்டக்கூடியது, சீழ் பிடிப்பதைத் தடுக்கக்கூடியது என்பதை ஜெர்மானிய வல்லுநர்கள் உறுதி செய்துள்ளனர்.ஆங்கில மூலிகை மருத்துவ அகராதி வெந்தயம் உள்ளழலை ஆற்றவல்லது மற்றும் ரத்தத்தில் உள்ள சர்க்கரைச் சத்தைக் குறைக்கவல்லது என்றும் பரிந்துரை செய்கிறது. சர்க்கரை நோய்க்கு ஒரு துணை மருந்தாகிறது, உணவு ஏற்றுக்கொள்ளாமை, கொழுப்புச்சத்து மிகுதல் ஆகியவற்றுக்கு மருந்தா கிறது என்று உலக சுகாதார நிறுவனம் தெரிவித் துள்ளது. வயிற்றுப் பொருமல், வயிற்று மந்தம், வயிற்றினை நிரப்பிய வாயு, நெஞ்சுச்சளி, நம்மைப் போராடச் செய்கிற குத்திருமல், வறட்டிருமல், சுவையின்மை, பசியின்மை இவை அனைத்தும் குணமாக்கும். உடலில் ஆரோக்கியத்தை அதி கரிக்கச் செய்வதால் வாழ்நாளை நீட்டிக்கும். ரத்தத் தில் உள்ள பித்தத்தைப் போக்கும், அகலாது நின்று துன்பந் தருகிற உடற்சூட்டினையும் தணிக்கும். எலும்பைப் பற்றிய காய்ச்சல் போகும், நாவறட்சி அகன்று போகும். புத்தியைத் தடுமாறச் செய்யும் குத்திருமல், வறட்டிருமல், கக்குவான் இருமல் ஆகியவற்றைத் தணிப்பதோடு கபத்தையும் வெளி யேற்றும் தன்மை கொண்டது.  



பெண்களுக்கு மாரடைப்பும் இதயக் கோளாறுகளும் ஏற் படும் வாய்ப்புகள் குறைவு என்பது அந் தக் காலம். இளவயது மெனோபாஸ், அதீதமன அழுத்தம் போன் றவற்றின் காரணமாக பெண் களுக்கும் அதிலும் இள வயதிலேயே மாரடைப்பும் இதயக் கோளாறுகளும் ஏற்படுகின்றன.

மாரடைப்பு என்பது நேரடியாக நெஞ்சில் வலியாகவோ, மூச்சு விடுவதில் சிரமமாகவோதான் அறிகுறியைக் காட்டும் என்றில்லை.

மறைமுகமான அறிகுறி களையும் காட்டலாம். நீங்கள் தான் எச்சரிக் கையாக இருக்க வேண்டும்.  அப்படிச் சில மறைமுக அறிகுறிகளையும் பட்டியலிடலாம்.

வீடு, வேலை என பெரும்பாலான பெண்கள் இரட்டைச் சுமை சுமக் கிறார்கள். சக்திக்கு மீறி உழைக்கிறார்கள். வீட்டிலுள்ள எல் லோர் ஆரோக்கியத்திலும் அக்கறை காட்டுகிறார்கள். வேலையிடத்தில் நல்ல பெயரை வாங்க உழைக்கிறார்கள். உடலும் மனமும் சேர்ந்து களைத்துப் போவதில் அடிக்கடி பலவீனமாக உணர்கிறார்கள்.

களைப்பு என்பது அவர்களது அன்றாட வாழ்க்கையில் தவிர்க்க முடியாத விஷயம் என நினைக்கிறார்கள். ஆனால், இந்தக் காரணம் தவிர்த்து வேறு சில காரணங்களாலும் அப்படி அதீத களைப்பு தோன்றலாம்.

1. சின்னச்சின்ன வேலைகளால்கூட களைப் படைகிறீர்களா? உதாரணத்துக்கு காய்கறி நறுக்குவது, துணிகளை மடிப்பது போன்ற அதிக உடலுழைப்பு தேவைப் படாத வேலைகளால்கூட களைப் படைகிறீர்களா? எப்போதும் செய்கிற உடற்பயிற்சிகள் தான்... ஆனாலும் திடீரென ஒருநாள் அது உங்களுக்கு ஒருவித அசவுகரியத்தைக் கொடுக்கிறதா? திடீரென நெஞ்சு பாரமாக அழுத்துவது போல உணர்கிறீர்களா? அதீத களைப்பு மட்டுமின்றி, தூக்கமின்மையாலும் சேர்ந்து அவதிப்படுகிறீர்களா?

2. வயதான காரணத்தினாலும் உடற் பயிற்சியோ உடலுழைப்போ இல்லாத காரணத் தினாலும் பெண்களுக்கு வியர்வை அதிகம் வெளிப்படலாம். மாதவிடாய் நின்று போகும் மெனோபாஸ் காலத்திலும் இப்படி வியர்க்க லாம். ஆனால், இப்படி எந்தக் காரணங்களுமே இல்லாமல் திடீரென வியர்ப்பது. கடினமான வேலைகளைச் செய்த பிறகு மூச்சு வாங் குவது தாண்டி, நீண்ட நேரத்துக்கு அது தொடர்வது. படுத்துக்கொண்டிருக்கும்போது மூச்சு முட்டுகிற மாதிரி உணர்வது. திடீரென அதிகம் வியர்ப்பது, கூடவே மூச்சுத் திணறல், நெஞ்சு பாரமாக அழுத்துவது போன்ற உணர்வுகளும் சேர்ந்து கொள்வது.

3. உடலில் ஏற்படுகிற அசாதாரண வலி யையும் பெரும்பாலான பெண்கள் உழைப்பு மற்றும் ஓய்வின்மையின் விளைவுகளாவே நினைத்து அலட்சியப்படுத் துவார்கள். அதைத் தாண்டி, ஒரு கையிலோ, இரண்டு கைகளிலுமோ திடீரென காரணமே இல்லா மல் ஒருவித வலியை உணர்வது. குறிப்பாக தோள்பட்டையின் அருகில் உணர்கிற வலி.

அடி மற்றும் மேல் முதுகுப் பகுதியில் வலி ஏற்பட்டு, அது கொஞ்சம் கொஞ்சமாக முன்னேறி நெஞ்சுப் பகுதிக்குப் பரவுவது. களைப்பு அல்லது அதிகம் வேலை பார்த் ததன் விளைவாக இல்லாமல் திடீரெனக் கடுமையாக தாக்கும் வலி.

குறிப்பாக இரவில் பாதித்தூக்கத்தில் ஏற்படுகிற இப்படிப்பட்ட வலி. தாடைப் பகுதியில் உணர்கிற வலி. அதன் பின்னணியில் வாய் மற்றும் பல் பிரச்னைகள் எதுவும் இருக்கத் தேவை யில்லை. மேலே குறிப்பிட்ட இந்த மூன்று முக்கிய அறிகுறிகளையும் அடிக்கடி உணர்கிற பெண்கள், உடனடியாக இதயப் பரிசோதனை மேற்கொள்ள வேண்டியது முக்கியம்.

உங்களுடைய உடலில் ஏற்படுகிற அசவு கரியங்களையும் திடீர் மாறுதல்களையும் உங்களால் மட்டுமே பிரித்துப் பார்த்து உணர முடியும். அவை பிரச்னைக்குரியதாக இருக்க வாய்ப்பில்லை என நீங்கள் அலட் சியம் செய்யலாம். ஆனால், அதை முடிவு செய்ய வேண்டியவர் மருத்துவர். எனவே, இந்த மறைமுக அறிகுறிகள் உங்களுக்கு ஏதோ ஆபத்து வரப் போவதை முன்கூட்டியே உணர்த்துகின்றன என்பதைப் புரிந்து கொண்டு கவனமாக இருங்கள்!

Banner
Banner