முன்பு அடுத்து Page:

மக்கள் தொடர்புப் பணிகளுக்காக தேசிய விருதுகள்

சென்னை, பிப்.22 தென்னிந்தியாவின் முன்னணி மக்கள் தொடர்பு நிறுவனங்களில் ஒன்றான - சென்னையைச் சேர்ந்த கேட்டலிஸ்ட் பப்ளிக் ரிலேஷன்ஸ் பிரைவேட் லிமிடெட் இரண்டு அகில இந்திய விருதுகளைத் தட்டிச் சென்றுள்ளது. பப்ளிக் ரிலேஷன்ஸ் கவுன்சில் ஆஃப் இந்தியா  எனப்படும் மக்கள் தொடர்பு நிறுவனங்களுக்கான தேசியக் கவுன்சில் ஆண்டுதோறும் பல்வேறு பிரிவுகளின் கீழ் சிறப்பாகச் செயல்படும் நிறுவனங்களைத் தேர்வு செய்து விருதுகளை வழங்குகிறது. அதில், இந்த ஆண்டு ஊடகங்களுடனான தொடர்பை பயன் படுத்தும் பாங்கு....... மேலும்

22 பிப்ரவரி 2019 16:51:04

தொழில்முனைவோருக்கு ஆராய்ச்சி தொழில்நுட்ப உதவி: சென்னை அய்அய்டி ஏற்பாடு

சென்னை, பிப்.22 இளம் தொழில்முனை வோருக்கும், புதிய நிறுவனங்களுக்கும் உதவும் வகையிலும், ஆராய்ச்சி தொழில்நுட்ப ஆலோசனை களை வழங்கும் வகையிலான புதிய திட்டத்தை சென்னை அய்அய்டி அறிமுகம் செய்துள்ளது. சென்னை அய்அய்டி-யின் ஆராய்ச்சிப் பூங்காவில் இடம்பெற்றிருக்கும் மேலாண்மைத் துறை பேராசிரியர் ஏ.தில்லைராஜனின் யோனோஸ் என்ற நிறுவனம் இந்தத் திட்டத்தை வடிவமைத்திருக்கிறது. இதுகுறித்து சென்னை அய்அய்டி திங்கள்கிழமை வெளியிட்ட செய்தி:- டெல்ஃபி எனப் பெயரிடப் பட்டுள்ள இந்தத் திட்டத்தின் மூலம், சென்னை அய்அய்டி-யை....... மேலும்

22 பிப்ரவரி 2019 16:49:04

பள்ளி-கல்லூரி மாணவர்களுக்கு ஆங்கில மொழி பயிற்சி

சென்னை, பிப்.22  பள்ளி-கல்லூரிகளில் பயிலும் மாண வர்களின் ஆங்கில மொழித் திறனை வளர்க்க, பிரிட்டிஷ் கவுன்சிலுடன் தமிழக அரசு ஒப்பந்தம் செய்தது. இந்தப் புரிந்துணர்வு ஒப்பந்த நிகழ்ச்சி தலைமைச் செயலகத்தில்  நடை பெற்றது. இதுகுறித்து, தமிழக அரசு புதன்கிழமை வெளியிட்ட செய்தி குறிப்பு:- தமிழகத்தில் அரசு பள்ளி, கல்லூரிகளில் பயிலும் மாண வர்களின் மென்திறன் மேம் பாடு, ஆங்கில மொழி பேச்சுத் திறன் வளர்த்தல், வேலை வாய்ப்புத் திறனை மேம்படுத் துதல்,....... மேலும்

22 பிப்ரவரி 2019 16:47:04

டேராப்பாறை அணை திட்டத்தை விரைந்து செயல்படுத்த உத்தரவிடக் கோரி வழக்கு

மதுரை, பிப்.22  டேராப்பாறை அணை திட்டத்தை செயல்படுத்த உத்தரவிடக் கோரி உயர்நீதிமன்ற மதுரை கிளையில் வழக்கு தொடுக்கப்பட்டுள்ளது. மதுரையைச் சேர்ந்த ஞானசேகரன் உயர்நீதிமன்ற மதுரை கிளையில் தாக்கல் செய்த பொதுநலன் மனு: மதுரை மாவட்டம், பேரையூர் பகுதியில் பருவ காலம் தவிர பிற நேரங்களில் விவசாயம் செய்ய முடியாது. இந்த பகுதியின் தன்மையை அறிந்து மறைந்த முதல்வர் எம்.ஜி.ஆர்., மலைப் பகுதியிலிருந்து வரும் நீரைத் தேக்கி, பாசன வசதி ஏற்படுத்தும் நோக்கத்தில் டேராப்பாறை....... மேலும்

22 பிப்ரவரி 2019 15:44:03

துறைமுக ஓய்வூதியதாரர்கள் குறைகளைப் பதிவு செய்ய இணையவழி சேவை அறிமுகம்

சென்னை, பிப்.22 சென்னைத் துறைமுக ஓய்வூதி யதாரர்களின் குறைகளைப் போக்க இணைய வழி (போர்டல்) சேவை வசதியை துறை முக நிர்வாகம் வியாழக்கிழமை  அறிமுகம் செய்துள்ளது. இது குறித்து சென்னைத் துறைமுக நிர்வாகம் வெளியிட்டுள்ள செய்திக் குறிப்பு:  நாட்டின் 12 பெருந்துறை முகங்களில் ஒன்றான சென் னைத் துறைமுகத்தில் தற் போது 15, 310 ஓய்வூதியதாரர்கள் உள்ளனர். இவர்களுக்கு  ஓய்வூ தியமாக மட்டும் ஆண்டுக்கு சுமார் ரூ.324 கோடி பட்டுவாடா செய்யப்படுகிறது........ மேலும்

22 பிப்ரவரி 2019 15:38:03

வாக்காளர் பட்டியலில் பெயர் சேர்ப்பு முகாம்

சென்னை, பிப்.22  சென்னை மாவட்டத்துக்கு உள்பட்ட 16 சட்டப் பேரவைத் தொகுதிகளில் சனி, ஞாயிற்றுக் கிழமை (பிப்ரவரி 23,24) ஆகிய இரண்டு நாள்கள் வாக் காளர் பட்டியலில் பெயர் சேர்த்தல், நீக்குதல் சிறப்பு முகாம் நடைபெற உள்ளது. இது குறித்து, பெருநகர சென்னை மாநகராட்சி நிர்வா கம் வெளியிட்ட  செய்திக் குறிப்பு: மக்களவைத் தேர்தலை யொட்டி,  இந்தியத் தேர்தல் ஆணையம் சார்பில் இறுதி வாக்காளர் பட்டியல் கடந்த ஜனவரி 31-ஆம் தேதி வெளியிடப்பட்டது........ மேலும்

22 பிப்ரவரி 2019 15:38:03

தேர்தல் அறிக்கை: மக்களிடம் கருத்து கேட்கிறார் தளபதி மு.க. ஸ்டாலின்

சென்னை, பிப்.22  மக்களவைத் தேர்தலுக்கான திமுகவின் தேர்தல் அறிக்கைக்காக பொதுமக்கள் தங்கள் கருத்துகளை அனுப்புமாறு திமுக தலைவர் தளபதி மு.க.ஸ்டாலின் வேண்டுகோள் விடுத்துள்ளார். இது தொடர்பாக சுட்டுரையில் அவர் கூறியிருப்பது: தமிழக முன்னேற்றத்தில் பங்கேற்க உங்களுக்கு ஒரு வாய்ப்பு.  உங்கள் எண்ணங்களும் அரசேற அரிய தருணம். உங்கள் கனவுகளையும், புதுமையான எண்ணங்களையும், எதிர்பார்ப்புகளையும் திமுகவின் மக்களவைத்  தேர்தல் அறிக்கையில் பகிர்ந்துகொண்டு,  எங்களோடு கரம் கோர்க்க வாருங்கள்.  அதல பாதாளத்தில் சிக்கித் தவித்துக் கொண்டி....... மேலும்

22 பிப்ரவரி 2019 15:31:03

அனைத்து மீனவர்களுக்கும் ஏன் தகவல் பரிமாற்ற கருவிகளை வழங்கக்கூடாது?: உயர்நீதிமன்றம் கேள்வி

சென்னை, பிப்.22  தமிழகத்தின் கடலோர மாவட்டங்களில் உள்ள அனைத்து மீனவர்களுக்கும் தகவல் பரிமாற்ற கருவிகளை ஏன் வழங்கக்கூடாது என உயர்நீதிமன்றம் கேள்வி எழுப்பியுள்ளது. சென்னை உயர்நீதிமன்றத்தில் மீனவர் நல அமைப்பு சார்பில் பீட்டர் ராயன் தாக்கல் செய்த மனுவில், மீனவர்களின் பாரம்பரிய மீன்பிடி உரிமைகளைப் பாதுகாக்க கடந்த 1984 ஆம் ஆண்டில் போடப்பட்ட கச்சத்தீவு ஒப்பந்தத்துக்கு எதிராக இலங்கை கடற்படை செயல்பட்டு வருகிறது. இலங்கை கடற்படையின் இந்த அத்துமீறிய மனித....... மேலும்

22 பிப்ரவரி 2019 15:31:03

பா.ஜ.க.வுடன் தொகுதிப் பங்கீடு வைத்துள்ள முதல்வர் ஆளுநரைச் சந்தித்து 7 பேரின் விடுதலையை வலியுறுத்த வே…

பா.ஜ.க.வுடன் தொகுதிப் பங்கீடு வைத்துள்ள முதல்வர் ஆளுநரைச் சந்தித்து 7 பேரின் விடுதலையை வலியுறுத்த வேண்டும்!

திமுக தலைவர் மு.க.ஸ்டாலின் அறிக்கை சென்னை, பிப்.22-   பா.ஜ.க.வுடன்  தொகுதிப் பங்கீட்டை முடித்திருக்கும் முதலமைச்சர்  எடப்பாடி  பழனிசாமி, தமிழக  ஆளுநரைச்  சந்தித்து  ஏழு தமிழர் களையும் உடனே விடுதலை செய்ய வலியுறுத்த வேண்டும் என, நேற்று விடுத்த அறிக்கையில் திமுக  தலைவர்  மு.க.ஸ்டாலின்  வலியுறுத்தி யுள்ளார். அவரது அறிக்கை  வருமாறு:- முன்னாள்  பிரதமர்  ராஜீவ்  காந்தி கொலை  ....... மேலும்

22 பிப்ரவரி 2019 15:17:03

எழுத்துரு அளவு Larger Font Smaller Font

திமுக தலைவர் தளபதி மு.க.ஸ்டாலின் அறிக்கை

சென்னை, பிப்.11 தி.மு.க. தலைவர் தளபதி மு.க. ஸ்டாலின் அவர்கள் 10.2.2019 அன்று வெளியிட்டுள்ள அறிக்கை:

"அ.தி.மு.க வுடன் கூட்டணி வைப்பதற்காக தமிழகத் தில் காலியாக உள்ள 21 சட்டமன்றத் தொகுதிகளுக்கு இடைத்தேர்தலை நடத்த விடாமல் நாங்கள் பார்த்துக் கொள்கிறோம்" என்று, எப்படியாவது தமிழகத்தில் காலூன்ற தவியாய்த் தவித்து அங்குமிங்கும் அலையும் பிரதமர் நரேந்திரமோடி தலைமையிலான பா.ஜ.க அரசு வாக்குறுதி அளித்து இருப்பதாக வரும் பத்திரிகைச் செய்திகள் அதிர்ச்சியளிக்கிறது.

தேர்தல் ஆணையத்தை கேவலப்படுத்தி

இது அரசியல் சட்டத்தின்படி அமைந்துள்ள தேர்தல் ஆணையத்தை கேவலப்படுத்தி மிகவும்  கொச்சைப் படுத்துவதாக அமைந்துள்ளது.  அமைச்சர் விஜயபாஸ்கர் மீதான குட்கா வழக்கு விசாரணையை மத்திய அரசு முடக்கி வைத்தது. ஊழல் காவல்துறைத் தலைவர் ஒருவர் பதவியில் நீடிக்க மத்திய அரசு நேரடியாக உதவிசெய்து ஒத்துழைக்கிறது. ஆர்.கே நகர் சட்டமன்ற இடைத்தேர்தலில் வாக்காளர்களுக்கு லஞ்சம் என்ற வகையில், 84 கோடி ரூபாய் பணம் கொடுத்த வழக் கினை, யாருக்குமே தெரியாமல் ரகசியமாக “க்ளோஸ்” பண்ண வைத்து, அதைக் கண்டும் காணாமல் தேர்தல் ஆணையமும் கைகட்டி நின்று வேடிக்கை பார்த்தது.  ஊழலை ஒழித்துக் கட்டுவோம் என்று ஒவ்வொரு கூட்டத்திலும் வீராவேசமாகப் பேசிக்கொண்டே, முதலமைச்சர் எடப்பாடி பழனிசாமி உள்ளிட்ட அரை டஜன் அமைச்சர்களை, ஊழல் விசார ணையிலிருந்து பா.ஜ.க அரசு தப்பிக்க வைத்தது. அர சுக்கு எதிராகவே வாக்களித்த  ஓ.பன்னீர்செல்வம் உள் ளிட்ட 11 சட்டமன்ற உறுப்பினர்களை, தகுதி நீக்கம் செய்யாத அ.தி.மு.க அரசை இருகரமும் இணைத்து வாரியணைத்து பாசத்தைப் பொழிந்து, ஜனநாயகத்திற்கு முற்றிலும் விரோதமாகக் காப்பாற்றிக் கொண்டிருக்கிறது மத்திய பா.ஜ.க அரசு.

உச்சநீதிமன்ற தீர்ப்பையே உதாசீனப்படுத்துவது

சிறப்பு நீதிமன்றத்தால் மூன்று வருடம் சிறைத் தண்டனை பெற்ற பிறகும்' முன்னாள் அமைச்சர் பால கிருஷ்ண ரெட்டி வெற்றி பெற்ற ஓசூர் தொகுதி தானா கவே காலியான நிலையிலும், அந்தத் தொகுதி காலியான தாக அறிவிக்காமல் உச்சநீதிமன்றத்தின் தீர்ப்பையே உதாசீனப்படுத்துவதற்கு, தேர்தல் கமிஷனுக்கு மத்திய பா.ஜ.க அரசு இன்னமும் கடுமையான நிர்ப்பந்தம் கொடுத்துக் கொண்டிருக்கிறது.

மக்கள் பிரதிநிதிகளே இல்லாமல்....

பிரதமர் நரேந்திர மோடி தலைமையிலான பா.ஜ.க அரசில் தேர்தல் ஆணையமும், அரசியல் சட்டத்தால் உருவாக்கப்பட்ட அத்தனை அமைப்புகளும் பா.ஜ.கவின் “ப்ரைவேட் லிமிடெட்” கம்பெனி போல் செயல்பட வேண்டும் என்று மத்திய அரசு நினைப்பது மிகவும் ஆபத்தான அரசமைப்புச் சட்ட பச்சைப் படுகொலை. வருமான வரித்துறையும் சி.பி.அய்யும் இதுவரை அ.தி.மு.க அமைச்சர்கள் மீதும், முதலமைச்சருக்கு வேண்டிய நெடுஞ்சாலைத்துறை ஒப்பந்ததாரர்கள் மீதும் நடத்திய ரெய்டுகள் அத்தனையும் 'தேர்தல் ஆதாயம்' என்ற ஒரே காரணத்திற்காக, முற்றிலும் மூட்டை கட்டி மூலையிலே கிடத்தப்பட்டுள்ளது. அந்த ஊழல் வழக்கு களையும் வருமானவரித்துறை விசாரணைகளையும் காட்டி முதலமைச்சர்  எடப்பாடி பழனிசாமியை ஒவ் வொரு நாளும் மிரட்டி, பொருந்தாத் தேர்தல் கூட்டணிக் காக அனைத்து நடவடிக்கைகளையும் எடுத்துக் கொண்டிருக்கிற பா.ஜ.க அரசு, 60 முதல் 70 லட்சம் வாக்காளர்களுக்கு மேல் மக்கள் பிரதிநிதிகளே இல்லா மல் தவிப்பதைக் கண்டுகொள்ளத் தயாராகவே இல்லை.

ஜனநாயகத்திற்கே வேட்டு

இருபத்தோரு சட்டமன்ற தொகுதிகளுக்கும் மக்கள வைத் தேர்தலுடன் இடைத்தேர்தல் நடத்தினால், தன் ஆட்சி நிச்சயமாகப் பறிபோய்விடும் என்ற பயத்திலும் மேலும் மேலும் கொள்ளை அடிக்கும் வாய்ப்பு பறிபோய்விடும் என்ற மன இறுக்கத்திலும் உழன்று கொண்டு இருக்கும் எடப்பாடி  பழனிசாமி வைத்த "இடைத்தேர்தலை தள்ளி வைக்க வேண்டும்" என்ற மக்கள் விரோதக் கோரிக்கையை தேர்தல் ஆணையம் ஏற்க வேண்டும் என்று மத்திய பா.ஜ.க அரசு நிர்ப்பந்தம் செய்வதாக வரும் செய்திகள், நாடாளுமன்ற ஜனநாயகத் திற்கே வேட்டு வைக்கும் பயங்கரமாகும்.

ஆபத்தான அலங்கோலம், கண் கூசும் காட்சி!

மக்களவைத் தேர்தலில் ஏதாவது ஒரு "கொடியை"ப் பிடித்துக்கொண்டு, மூழ்கிக் கொண்டிருக்கும் கப்பலில் இருந்து மூச்சு முட்டவாவது கரையேறிக் காப்பாற்றிக் கொண்டுவிட வேண்டும் என்று தடுமாற்றத்தில் இருக்கும் மத்திய பா.ஜ.க அரசு, ஊழல் மயமாகிவிட்ட அ.தி.மு.க அரசை  தொடர்ந்து ஆட்சியில் நீடிக்க வைக்க வேண்டும் என்ற ஒரே அற்ப காரணத்திற்காக செயல்படு கிறது. தேர்தல் ஆணையத்தை கிள்ளுக் கீரையாகவும், அரசியல் சட்ட மாண்புகளை தன்னுடைய கால் தூசு களாகவும், ஆணவத்திலும் அகங்காரத்திலும் பிரதமர்  நரேந்திர மோடி நினைப்பது, சுதந்திர இந்தியாவில் இது வரை கண்டிராத ஒரு ஆபத்தான அலங்கோலம்; கண்கூசும் காட்சி.

கஜா புயல் போன்றது

அரசியல் சட்டத்தின்படி பதவிப் பிரமாணம் எடுத்துக் கொண்ட ஒரு பிரதமர் அந்தச் சட்டத்தையும், அது அமைத்துக் கொடுத்த தன்னாட்சி அமைப்புகளையும் ஒரு கட்சியின் பயன்பாட்டிற்காக - ஒரு கட்சியின் தேர்தல் ஆதாயத்திற்காக பயன்படுத்தியது திரு நரேந்திர மோடிதான்! அவர் தலைமை யிலான பா.ஜ.க அரசு இந்திய அரசியல் சட்டத்திற்கும், இந்திய ஜனநாயகத்திற் கும் பேரிடர் போல் ஏற்பட்டுவிட்ட ஒரு கஜா புயல் போன்றது என்றே கருதுகிறேன். இந்த அரசியல் விபத்து, 130 கோடி இந்திய மக்களால் வெற்றிகரமாகக் கடந்து மேலேறிச் செல்லும் நாள் வெகு தொலைவில் இல்லை.

மோசமான பின் விளைவுகளை ஏற்படுத்தி விடும்

ஆகவே, மத்திய பா.ஜ.க அரசின் நிர்ப்பந்தத்திற்கு ஆட்பட்டு விடாமல், தேர்தல் ஆணையம் தனக்கு இருக்கும் அரசியல் சட்ட சுதந்திரத்தைப் பயன்படுத்தி தமிழகத்தில் காலியாக உள்ள 21 சட்டமன்ற தொகுதி களுக்கும் மக்களவைத் தேர்தலுடன் சேர்த்து இடைத் தேர்தலை நடத்தி, ஜனநாயக மானை சர்வாதிகார வேங்கையிடமிருந்து காப்பாற்ற வேண்டும் என்று கேட் டுக் கொள்கிறேன். பா.ஜ.க அரசின் வற்புறுத்தலுக்குப் பணிந்தால் ஜனநாயகத்தைக் காப்பாற்ற வேண்டிய தேர்தல் ஆணையம், ஒரு மிக மோசமான "வரலாற்றுப் பிழையை" செய்துவிட்ட  ஒரு கருப்பு அத்தியாயம் இந் தியத் தேர்தல் வரலாற்றில் எழுதப்பட்டு விடும் என்றும்; அது மிக மோசமான பின் விளைவுகளை ஏற்படுத்தி விடும் என்றும்; எச்சரிக்க  விரும்புகிறேன்!

இவ்வாறு தி.மு.க. தலைவர் தளபதி மு.க. ஸ்டாலின்  அவர்கள் தனது அறிக்கையில் கூறியுள்ளார்.

தமிழில் கருத்துக்களை தெரிவிக்க -  


Security code
Refresh

Banner
Banner