முன்பு அடுத்து Page:

கலைஞர்தம் இலட்சியங்களை எள்ளளவும் பிறழாமல் நிறைவேற்றி முடிக்க உறுதியினை எடுத்துக் கொள்வோம்!

கலைஞர்தம் இலட்சியங்களை எள்ளளவும் பிறழாமல் நிறைவேற்றி முடிக்க உறுதியினை எடுத்துக் கொள்வோம்!

பிரமிப்பூட்டும் சாதனை சரித்திரம் படைத்த தலைவர் கலைஞர்  -  பெரியார் நினைவு சமத்துவபுரம் கண்டவர்  -  சமூகநீதிகாவலர் திமுக செயற்குழுவில் இரங்கல் தீர்மானத்துடன் ஏற்றுக் கொள்ளப்பட்ட உறுதிமொழி சென்னை, ஆக.14,  பிரமிப்பூட்டும் சாதனை நாயகரான கலைஞர்தம் புகழ் அத்தியாயங்களையும் நினைவூட்டி, அவர் விட்டுச் சென்ற இலட்சியங்களை எள்ளளவும்  பிறழாமல் செய்து முடிக்க உறுதி ஏற்போம் என்று இரங்கல் தீர்மானம் நிறை வேற்றப்பட்டது. சென்னை, அண்ணா அறிவாலயத்தில் இன்று (14.8.2018) காலை நடைபெற்ற....... மேலும்

14 ஆகஸ்ட் 2018 15:04:03

தெற்கு ரயில்வே கால அட்டவணை வெளியீடு பொதிகை, உழவன், சோழன், அனந்தபுரி எக்ஸ்பிரஸ் நேரம் மாற்றம்

   தெற்கு ரயில்வே கால அட்டவணை வெளியீடு  பொதிகை, உழவன், சோழன், அனந்தபுரி எக்ஸ்பிரஸ் நேரம் மாற்றம்

  சென்னை , ஆக.14 தெற்கு ரயில்வேயின் புதிய கால அட்டவணை வெளியிடப்பட்டு உள்ளது. அதன்படி சென்னை சென்டிரல் மற்றும் எழும்பூர் ரயில் நிலையங்களில் இருந்து புறப்படும் மற்றும் வந்தடையும் சில ரயில்களின் நேரம் மாற்றியமைக்கப்பட்டு உள்ளது. இதில் பொதிகை, உழவன், சோழன், அனந்தபுரி உள்ளிட்ட விரைவு ரயில்களின் நேரம் மாற்றியமைக்கப்பட்டு உள்ளது. இது தவிர முக்கிய ரயில்களின் நேரத்தில் மாற்றம் இல்லை. இந்த புதிய அட்டவணை நாளை (புதன்கிழமை) முதல் அமலுக்கு....... மேலும்

14 ஆகஸ்ட் 2018 14:28:02

மின்சாரம் தயாரிப்பதற்கு ரூ. பல கோடி சேமிப்பதற்கோ சில நொடி!

டில்லியில் நடைபெறும் தொழிலாளர் - விவசாயிகள் பேரணியில் அங்கன்வாடி ஊழியர்கள் 1000 பேர் பங்கேற்க முடிவு சென்னை, ஆக. 13-  தமிழ்நாடு அங்கன்வாடி ஊழியர்கள் மற் றும் உதவியாளர்கள் சங்கத்தின் மாநில செயற்குழு கூட்டம் வடசென்னை சிஅய்டியு அலு வலகத்தில் மாநில துணைத் தலைவர் சித்திரச்செல்வி தலைமையில் ஞாயிறன்று நடைபெற்றது. வரும் செப்டம்பர் மாதம் 5 ஆம் தேதி டில்லியில் நாடா ளுமன்றத்தை நோக்கி நடை பெறும் தொழிலாளி-விவசாயிகள் பேரணியில் தமிழகத்திலிருந்து ஆயிரம் அங்கன்வாடி....... மேலும்

13 ஆகஸ்ட் 2018 15:30:03

குரூப் 4 தேர்வு: சான்றிதழ் பதிவேற்றக் கோரும் தகவல் அனுப்பும் பணி தீவிரம்

   குரூப் 4 தேர்வு: சான்றிதழ் பதிவேற்றக் கோரும்  தகவல் அனுப்பும் பணி தீவிரம்

சென்னை, ஆக.13 குரூப் 4 தேர்வில் தேர்ச்சி பெற்றவர்கள் சான்றிதழைப் பதிவேற்றக் கோருவது குறித்த தகவலை அனுப்பும் பணி தீவிரமாக நடைபெற்று வருகிறது. கிராம நிர்வாக அலுவலர் காலிப் பணியிடங்களுக்கான தேர்வு, குரூப் 4 தேர்வுடன் இணைந்து முதல் முறையாக நடத்தப்பட்டது. இத்தேர்வை 17 லட்சத்து 53 ஆயிரத்து 154 பேர் எழுதினர். தேர்வு அறிவிக்கை வெளியிடப்பட்ட நேரத்தில், கிராம நிர்வாக அலுவலர் பிரிவில் 494 இடங்கள் காலியாக இருந்தன. ஆனால், இப்போது,....... மேலும்

13 ஆகஸ்ட் 2018 15:28:03

காவிரியில் வெள்ளப்பெருக்கு கரையோர பகுதிகளில் வீடுகளுக்குள் தண்ணீர் புகுந்தது

காவிரியில் வெள்ளப்பெருக்கு  கரையோர பகுதிகளில் வீடுகளுக்குள் தண்ணீர் புகுந்தது

மேட்டூர், ஆக. 13 கர்நாடக மாநிலத்தில் காவிரி நீர்ப்பிடிப்பு பகுதிகளிலும் கேரள மாநிலம் வயநாடு பகுதிகளிலும் மீண்டும் பலத்த மழை பெய்து வருவதால் கபினி மற்றும் கிருஷ்ணராஜசாகர் அணைகள் நிரம்பியது. அணையின் பாதுகாப்பு கருதி இந்த 2 அணைகளில் இருந்தும் ஒரு லட்சத்து 40 ஆயிரம் கன அடி தண்ணீர் காவிரி ஆற்றில் திறந்து விடப்பட்டுள்ளது. இதனால் காவிரி ஆற்றில் கடும் வெள்ளப்பெருக்கு ஏற்பட்டுள்ளது. காவிரி ஆற்றின் இரு கரைகளையும் தொட்டபடி....... மேலும்

13 ஆகஸ்ட் 2018 14:43:02

பெரியாரின் பூங்காவில் நூலகம் என்ற நுண்ணிய கொடியாக இருந்துவிட்டு போகிறேன்- கலைஞர்

   பெரியாரின் பூங்காவில் நூலகம் என்ற நுண்ணிய  கொடியாக இருந்துவிட்டு போகிறேன்- கலைஞர்

திருச்சி, ஆக.12 பெரியார் மருந்தியல் கல்லூரியில் மறைந்த முத்தமிழ் அறிஞர் கலைஞர்  டாக்டர் மு. கருணாநிதி அவர்களை நினைவு கூறும் இரங்கல் கூட்டம் 11.08.2018 அன்று காலை 10 மணியளவில் நடைபெற்றது. பெரியார் மருந்தியல் கல்லூரியின் முதல்வர் முனைவர் இரா. செந்தாமரை அவர்கள் தமது இரங்கலுரையில் மறைந்த முன்னாள் முதல்வரும் முத்தமிழ் அறிஞருமான மாண்புமிகு டாக்டர் மு. கருணாநிதி அவர்கள் தமிழினத்தின் முன்னேற்றத் திற்கும், தமிழர்களின் வளர்ச்சிக்கும் அயராது பாடுபட்டவர்கள் என்றும் அறிவு ஆசான்....... மேலும்

12 ஆகஸ்ட் 2018 14:52:02

குரூப் 2 தேர்வு: விண்ணப்பிக்க செப்.9 கடைசி நாள்

குரூப் 2 தேர்வு: விண்ணப்பிக்க செப்.9 கடைசி நாள்

    சென்னை, ஆக.12 நிதித் துறை உதவிப் பிரிவு அலுவலர் உள்பட குரூப் 2 பிரிவில் காலியாக உள்ள ஆயிரத்து 199 இடங்களுக்கு தேர்வு அறிவிக்கை வெளியிடப்பட்டுள்ளது. இந்தத் தேர்வுக்கு விண்ணப்பிக்க செப். 9-ஆம் தேதி கடைசி நாளாகும். தமிழ்நாடு அரசுப் பணியாளர் தேர் வாணையம் (டி.என்.பி.எஸ்.சி.) வெளியிட்ட அறிவிக்கை: இளநிலை வேலைவாய்ப்பு அலு வலர் (16 காலியிடங்கள்), தொழிலாளர் நலத் துறை உதவி ஆய்வாளர் (26), சார்-பதிவாளர்கள் (73), நகராட்சி ஆணை யாளர்....... மேலும்

12 ஆகஸ்ட் 2018 14:51:02

கலைஞர் நினைவிடத்தில் மரியாதை செலுத்திய ஸ்காட்லாந்து இணையர்

     கலைஞர் நினைவிடத்தில் மரியாதை செலுத்திய ஸ்காட்லாந்து இணையர்

    சென்னை, ஆக.12  திமுக தலைவர் கலைஞரின் நினைவிடத்தில் பலரும் மரியாதை செலுத்திவரும் வேளையில் வெளிநாட்டு இணையர் மரியாதை செலுத்தியது அனைவரையும் கவர்ந்தது. தமிழகத்தின் மிக மூத்த தலைவர், 74 ஆண்டுகால அரசியலுக்கு சொந்தக்காரர், 50 ஆண்டுகள் ஒரு கட்சியின் தலைவராக நீடித்தவர், 5 முறை முதல்வராகப் பதவி வகித்தவர் கலைஞர். மூத்த பத்திரிகையாளர், நாடக, திரைக்கதை ஆசிரியர், வசனகர்த்தா, பாடலாசிரியர், இலக்கியவாதி என பல துறைகளில் முத்திரை படைத்தவர். திமுக தலைவர் கலைஞர்....... மேலும்

12 ஆகஸ்ட் 2018 14:51:02

கொட்டும் மழையிலும், கலைஞர் நினைவிடத்தில் பொதுமக்கள் மரியாதை

   கொட்டும் மழையிலும், கலைஞர்  நினைவிடத்தில் பொதுமக்கள் மரியாதை

சென்னை, ஆக.12  மறைந்த திமுக தலைவர் கலைஞரின் நினைவிடத்தில் கொட்டும் மழையிலும் முக்கிய பிரமுகர்கள், பொதுமக்கள் இடைவிடாது சனிக்கிழமை மரியாதை செலுத் தினர். சென்னை மெரினா கடற் கரையில் அமைந்துள்ள கலை ஞரின் நினைவிடம் சனிக்கிழமை அருகம்புல் மற்றும் மலர்களால் உதயசூரியன் வடிவில் அலங் கரிக்கப்பட்டிருந்தது. திமுக செயல் தலைவர் மு.க.ஸ்டாலின் சனிக்கிழமை இரவு 7.45 மணிக்கு கலைஞரின் நினைவிடத்துக்கு வந்தார். நினை விடத்தில் மலர் தூவி மரியாதை செலுத்தினார். கலைஞரின் நினைவிடத்தில் மாநிலங்களவை....... மேலும்

12 ஆகஸ்ட் 2018 14:38:02

மீண்டும் நிரம்பியது மேட்டூர் அணை

   மீண்டும் நிரம்பியது மேட்டூர் அணை

  மேட்டூர், ஆக.12 கருநாடக மாநிலத்தில் காவிரியின் நீர்ப் பிடிப்புப் பகுதி, கேரள மாநிலம் வயநாடு பகுதியில் பருவமழை தீவிரமடைந்துள்ளதால் கபினி, கிருஷ்ணராஜ சாகர் அணைகள் நிரம்பின. இதனால் உபரிநீர் காவிரியில் திறக்கப்பட்டது. இந்த உபரிநீர் மேட்டூர் அணைக்கு வந்து கொண்டிருந்த தால் கடந்த ஜூலை 23-ஆம் தேதி மேட்டூர் அணை நிரம்பியது. அதற்குப் பிறகு உபரிநீர் அணையிலிருந்து வெளியேற்றப்பட்டது. பின்னர் மழை குறைந்ததால் மேட்டூர் அணைக்கு நீர்வரத்தும் குறைந்தது. நீர்வரத்துக் குறைந்த நிலை....... மேலும்

12 ஆகஸ்ட் 2018 14:38:02

எழுத்துரு அளவு Larger Font Smaller Font

பேரவையில் துணைக் கேள்வி இல்லை: அவைத் தலைவருடன் திமுக வாக்குவாதம்

சென்னை, ஜூன் 13 சட்டப் பேரவையில் (12.6.2018)  செவ்வாய்க் கிழமை கேள்வி நேரமானது பள்ளிக் கல்வித் துறை தொடர்பான கேள்வி யுடன் தொடங்கியது.

அப்போது, கேள்வி எழுப்பிய திமுக உறுப்பினர் தங்கம் தென்ன ரசுக்கு மட்டும் பேரவைத் தலைவர் தனபால் வாய்ப்பு அளித்தார். இதைத் தொடர்ந்து அடுத்த கேள்விக்குச் சென்றார்.

இதுகுறித்து, எதிர்க்கட்சித் துணைத் தலைவர் துரைமுருகன் கேள்வி எழுப்பினார். இதற்குப் பதிலளித்த பேரவைத் தலைவர் ப.தனபால், துணைக் கேள்விக்கு அனுமதி தந்தால் நீண்ட நேரம் கேள்வி நேரத்தை நடத்த வேண்டிய சூழ்நிலை ஏற்படுகிறது. இதனால், பேரவை கூட்டத் தொடரை மாலை 5 மணி வரை கொண்டு செல்ல வேண்டிய நிலை ஏற்படுகிறது. மேலும், துணை வினாக்கள் எழுப்ப வாய்ப்பு மறுக்கப்படும் பட்சத்தில், சம்பந்தப்பட்ட உறுப்பினர்கள் எனது அறைக்கு வந்து அதனை உரிமையாகக் கோருகிறார்கள். இதனால், மிகுந்த மன உளைச்சல் ஏற்படுகிறது. இதனாலேயே, இந்த முயற்சியை இன்று செய்து பார்த்தேன் என்றார்.

இதற்குப் பதிலளித்த துரைமுருகன், உங்களது இந்த நடவடிக்கையை எதிர்க்கட்சியின் முன்வரிசையில் அமர்ந்துள்ள தலைவர்களுடன் விவாதித்து முடிவு செய்திருக்கலாம் என்றார். துரைமுருகனின் இந்தக் கருத்தை எதிர்க்கட்சித் தலைவர் மு.க.ஸ்டாலினும் வழிமொழிந்தார். இது தொடர்பாகக், கலந்தா லோசித்து முடிவெடுப்பதாக பேரவைத் தலைவர் பி.தனபால் உறுதி அளித்தார்.

சுய உதவிக் குழுக்களுக்கு

ரூ.11,000 கோடி கடன்

சுய உதவிக் குழுக்களுக்கு நிகழாண்டில் ரூ.11 ஆயிரம் கோடி அளவுக்கு வங்கிக் கடன்கள் அளிக்கப்படும் என்று முதல்வர் பழனிசாமி அறிவித்தார்.

சட்டப் பேரவையில் விதி 110இன் கீழ், அவர் செவ்வாய்க்கிழமை படித்தளித்த அறிக்கை: கடந்த ஏழு ஆண்டுகளில் மகளிர் சுய உதவிக் குழுக்களுக்கு ரூ.41,180 கோடி வங்கிக் கடனாக அளிக்கப்பட்டுள்ளது.

கடந்த நிதியாண்டில், ரூ.7,000 கோடி இலக்கு நிர்ணயிக்கப் பட்டபோதும் ரூ.8,332 கோடி கடனுதவி அளிக்கப் பட்டது. மகளிர் சுய உதவிக் குழுக்களின் வளர்ச்சியைக் கருத்தில் கொண்டு, நிகழாண்டில் ரூ.11,000 கோடி வங்கிக் கடன் அளிக்கப்படும்.

தமிழகத்தில் ஊரகப் பகுதிகளில் பல்வேறு அரசு திட்டங்களின் கீழ், 25 ஆண்டுகளுக்கு முன்பு கட்டப்பட்ட 45 ஆயிரத்து 594 வீடுகள் பழுதடைந்துள்ளன. அவற்றில் தலா ஒரு வீட்டுக்கு ரூ.50,000 வீதம் பழுது நீக்க நிதியாக அளிக்கப்படும்.

தமிழகத்தில்

25 புதிய துணை மின் நிலையங்கள்

தமிழகத்தில் புதிதாக 25 துணை மின் நிலையங்கள் அமைக்கப் படும் என்று முதல்வர் எடப்பாடி கே.பழனிசாமி அறிவித்தார்.

சட்டப் பேரவையில் விதி 110இன் கீழ் அவர் செவ்வாய்க்கிழமை படித்தளித்த அறிக்கை: திருநெல்வேலி மாவட்டம் ஆரல்வாய்மொழி பகுதியில் காற்றாலை மற்றும் சூரிய சக்தி மூலம் உற்பத்தியாகும் மின்சாரத்தை வெளிக் கொணர்வதற்காக சமூகரங்கபுரத்தில் ஒரு புதிய 400 கிலோ வோல்ட் துணை மின் நிலையம் ரூ.600 கோடியில் அமைக்கப்படும்.

கடலூர் மாவட்டம் நெய்வேலி, சிவகங்கை மாவட்டம் கோந்தகை, கோவை பரலி ஆகிய இடங்களில் புதிய 400 கிலோ வோல்ட் துணை மின் நிலையங்கள் ரூ.1,669 கோடி மதிப்பில் அமைக்கப்படும்.

உடன்குடி ஒன்றாவது அலகில் இருந்து உற்பத்தியாகும் மின்சாரத்தை வெளியேற்றவும், இந்த் பாரத் அனல் மின் நிலை யத்தில் இருந்து உற்பத்தியாகும் மின்சாரத்தை வெளியேற்றவும், புதிய காற்றாலை மற்றும் சூரிய சக்தி மூலம் உற்பத்தியாகும் மின்சாரத்தை வெளிக் கொணரவும் தூத்துக்குடி மாவட்டம் ஒட்டப்பிடாரத்தில் ரூ.1,039 கோடியில் புதிய 400 கிலோ வோல்ட் துணை மின் நிலையம் அமைக்கப்படும்.

இயற்கை வேளாண்மையைப்

பரவலாக்க ரூ.5.5 கோடி

ரசாயனமற்ற இயற்கை வேளாண்மையைப் பரவலாக்க ரூ.5.5 கோடி நிதி ஒதுக்கீடு செய்யப்படும் வேளாண்மை துறை அமைச்சர் துரைக்கண்ணு அறிவித்தார்.

சட்டப்பேரவையில் மானியக் கோரிக்கை மீதான விவாதத் துக்குப் பதில் அளித்து அமைச்சர் துரைக்கண்ணு வெளியிட்ட அறிவிப்புகள்:

விவசாயிகளின் பங்கேற்புடன் நடப்பாண்டில் எம்ஜிஆர் 100 நெல் ரகம் 1.19 கோடி மதிப்பீட்டில் பிரபலப்படுத்தப்படும். மண்ணின் வளத்தினை மேம்படுத்த 50 ஆயிரம் ஏக்கர் பரப்பில் நடப்பாண்டில் பசுந்தாள் உரப் பயிர் சாகுபடி செய்ய ரூ.3 கோடி ஒதுக்கீடு செய்யப்படும்.

தமிழகத்தில் குறிப்பிட்ட பகுதிகளைத் தேர்ந்தெடுத்து இயற்கை வேளாண் மண்டலமாக அறிவித்து, முற்றிலும் ரசாயனமற்ற இயற்கை வேளாண்மையைப் பரவலாக்க நடப்பாண்டில் ரூ.5.5 கோடி நிதி ஒதுக்கீடு செய்யப்படும்.

தரமான விதைகளின் தேவைகளைப் பூர்த்தி செய்வதற்கு 10 மாவட்டங்களில் விதை சுத்திகரிப்பு மற்றும் சேமிப்பு கிடங்கு வசதி 11 உழவர் உற்பத்தியாளர் நிறுவனங்கள் மூலம் ஏற்படுத்த நடப்பாண்டில் ரூ.6.60 கோடி ஒதுக்கீடு செய்யப்படும் என்றார்.

தமிழில் கருத்துக்களை தெரிவிக்க -  


Security code
Refresh

Banner
Banner