ஆசிரியர் தகுதித் தேர்வுக்கு 6.56 லட்சம் பேர் விண்ணப்பம்

எழுத்துரு அளவு

செவ்வாய், 24 ஏப்ரல் 2012 15:22

0 Comments

சென்னை, ஏப்.24-ஆசிரியர் தகுதித் தேர்வு (டிஇடி) எழுதுவ தற்காக, தமிழகம் முழுவதும் 6 லட்சத்து 56 ஆயிரம் பேர் விண் ணப்பித்துள்ளனர்.

தமிழகத்தில் கடந்த ஆட்சியில் வேலை வாய்ப்பக பதிவு மூப்பு அடிப்படையில் பட்டதாரிகளுக்கு ஆசிரியர் பணி வழங்கப்பட்டது. அதிமுக ஆட்சிக்கு வந்த பிறகு இதில் புதிய முறை கொண்டு வந்துள்ளது. அதன்படி பட்டதாரிகள், இடை நிலை பட்டயம் முடித்தவர்கள் ஆசிரியர் தகுதித் தேர்வு எழுதினால் தான் பணி நியமனம் வழங்கப்படும் என்று அறிவிக்கப்பட்டது.

இந்நிலையில், இந்த ஆண்டு சுமார் 15,000 பட்டதாரி ஆசிரியர்கள், 10,000 இடைநிலை ஆசிரியர்கள் நியமிக்கப் படுவார்கள் என்று தமிழக அரசு அறிவித்தது. இதற்காக, கடந்த மார்ச் 7ஆம் தேதி ஆசிரியர் தகுதித் தேர்வுக் கான அறிவிப்பு வெளியிடப்பட்டது.

மார்ச் 22ஆம் தேதி முதல் விண் ணப்பம் விநியோகம் தொடங்கியது. பூர்த்தி செய்யப்பட்ட விண் ணப்பங்கள் சமர்ப்பிக்க ஏப்ரல் 4ம் தேதி கடைசி நாளாக அறிவிக் கப்பட்டது. பின்னர், அந்த தேதி மாற்றப்பட்டு ஏப்ரல் 12 வரை விண் ணப்பம் பெறப்பட்டது.

விண்ணப்ப விநியோகம் கடந்த 22ஆம் தேதி தொடங்கியது.  எல்லோ ருக்கும் விண்ணப்பம் கிடைக்கும் வகையில், ஆசிரியர் தேர்வு வாரியம்  விண்ணப்பங்களை கூடுதலாக அச்சிட்டது. அதன்படி, 14 லட்சத்து 33,678 விண்ணப்பங்கள் அனைத்து மாவட்டங்களுக்கும் பகிர்ந்தளிக் கப்பட்டது. அதில் 7 லட்சத்து 54,000 விண்ணப்பங்கள் விற்று தீர்ந்தன. இறுதி நாளில் ஆசிரியர் தேர்வு வாரியத்துக்கு 6 லட்சத்து 56,063 பூர்த்தி செய்யப்பட்ட விண்ணப்பங் கள் வந்து சேர்ந்துள்ளன.

பூர்த்தி செய்த விண்ணப்பங்களை, வாங்கிய மய்யங்களில் ஒப்படைக்க வேண்டும். ஆசிரியர் தேர்வு வாரியத் துக்கு நேரடியாக அனுப்பக் கூடாது என்று அறிவித்து இருந்தும், 144 பேர் நேரடியாக தபால் மூலம் ஆசிரியர் தேர்வு வாரியத்துக்கே விண்ணப்பங் களை அனுப்பியிருக்கின்றனர். மொத்தம் விற்பனை செய்யப்பட்ட 7 லட்சத்து 54,038 விண்ணப்பங்களில், பூர்த்தி செய்து அனுப்பியவர்கள் போக 97,975 பேர் விண்ணப்பிக்கவே இல்லை என்பது குறிப்பிடத்தக்கது.

---

.