பி.இ. படிப்புகளில் 50 ஆயிரத்துக்கும் அதிகமான மாணவிகள்

எழுத்துரு அளவு

புதன், 22 ஆகஸ்ட் 2012 15:23

0 Comments

சென்னை, ஆக. 22- பொறியியல் கலந் தாய்வின் மூலம் 50 ஆயிரத்து 808 மாணவிகள் இந்த ஆண்டு பி.இ., பி.டெக். படிப்புகளில் சேர்ந்துள்ளதாக தமிழ்நாடு பொறியியல் மாணவர் சேர்க்கைச் செயலாளர் வி.ரை மண்ட் உத்தரியராஜ் கூறினார்.

மாணவிகளில் மிக அதிக அளவாக 18,306 பேர் எலக்ட்ரானிக்ஸ் அண்ட் கம்யூனி கேஷன் (இ.சி.இ.) படிப்பைத் தேர்ந்தெடுத் துள்ளதாகவும் அவர் கூறினார்.

கடந்த இரு ஆண்டுகளுடன் ஒப்பிடும் போது இந்த ஆண்டு கூடுதலாக 7 ஆயிரம் மாணவிகள் பொறியியல் படிப்புகளில் சேர்ந்துள்ளனர்.

பி.இ. கலந்தாய்வு ஜூலை ஏழாம் தேதி தொடங்கியது. தொழிற்பிரிவு மாணவர் களுக்கான முதல் கட்ட கலந்தாய்வு, விளையாட்டுப் பிரிவு கலந்தாய்வு, மாற்றுத் திறனாளிக்கான கலந்தாய்வு ஆகியவற்றைத் தொடர்ந்து ஜூலை 13ஆம் தேதி பொதுப் பிரிவு மாணவர்களுக்கான கலந்தாய்வு தொடங்கியது.

பொதுப் பிரிவு மாணவர் களுக்கான கலந்தாய்வு ஆகஸ்ட் 18ஆம் தேதி முடிவடைந்தது. ஆகஸ்ட் 19, 20 ஆகிய தேதிகளில் தொழிற் பிரிவு மாணவர்களுக்கான இரண்டாம் கட்ட கலந்தாய்வு நடைபெற்றது. இறுதி நாளான செவ்வாய்க்கிழமை (ஆகஸ்ட் 21) பிளஸ் 2 சிறப்புத் துணைத் தேர்வில் வெற்றி பெற்ற வர்களுக்கான கலந்தாய்வு நடைபெற உள்ளது.

இந்தக் கலந்தாய்வில் பங்கேற்க சுமார் 1,500 பேர் அழைக்கப்பட்டுள்ளனர்.

திங்கள்கிழமை மாலை நிலவரப்படி, மொத்தம் 1 லட்சத்து 25 ஆயிரத்து 681 மாணவ, மாணவியர் பொறியியல் படிப்பு களில் சேர்ந்துள்ளனர்.

இவர்களில் 74,873 பேர் மாணவர்கள், 50,808 பேர் மாணவிகள். மொத்த காலியிடங்கள் 56,778 ஆகும். கடந்த ஆண்டு மொத்தம் 1 லட்சத்து 54 ஆயிரம் இடங்கள் கலந்தாய்வுக்கு ஒதுக்கீடு செய்யப்பட்டன.

இதில் 1 லட்சத்து 10 ஆயிரத்து 166 இடங்கள் மட்டுமே நிரம்பின. இந்த ஆண்டு சுமார் 15 ஆயிரம் இடங்கள் கூடுதலாக நிரம்பியுள்ளன.

புகார்கள் இல்லை

ஒரு லட்சத்து 30 ஆயிரத்துக்கும் அதிகமான மாணவர்கள் பங்கேற்ற இந்தக் கலந்தாய்வு மிகவும் வெளிப்படையாக, எந்தவிதப் புகார்களுக்கும் ஆளாகாமல் நடத்தி முடிக்கப்பட்டுள்ளது. தமிழ்நாடு பொறியியல் மாணவர் சேர்க்கை செயலாளர் வி.ரைமண்ட் உத்தரியராஜ் தலைமையில் 2 இயக்குநர்கள், 2 துணை இயக்குநர்கள், 50 பேராசிரியர்கள் உள்பட மொத்தம் 200-க்கும் மேற்பட்ட ஊழியர்கள் கலந்தாய்வுப் பணி யில் ஈடுபட்டனர்.

அண்ணா பல்கலைக்கழக உறுப்புக் கல்லூரிகளில் 637 இடங்கள் காலியாக உள்ளன. திருச்சி அண்ணா தொழில்நுட்பப் பல்கலைக்கழகம் உள்ளிட்ட தொழில் நுட்பப் பல்கலைக்கழகங்களில் தொடங்கப் பட்ட உறுப்புக் கல்லூரிகளில் மட்டுமே காலியிடங்கள் உள்ளன.

சுயநிதி பொறியியல் கல்லூரிகளில் 56,140 இடங்கள் காலியாக உள்ளன. செவ்வாய்க் கிழமை நடைபெற உள்ள கலந்தாய்வில் மேலும் 500 இடங்கள் வரை நிரம்பும் என எதிர்பார்க்கப்படுகிறது. ஒற்றைச் சாளர கலந்தாய் வுக்கு ஒதுக்கப்பட்டு, கலந் தாய்வின் இறுதியில் நிரம் பாத இடங்களை சுயநிதி பொறியியல் கல்லூரிகள் நிரப்பிக் கொள்ளலாம்.

இதற்காக அந்தக் கல்லூரிகளுக்கு ஒரு வாரம் கால அவகாசம் வழங்கப் படும் என்று பல்கலைக் கழக வட்டாரங்கள் தெரி வித்தன.

இந்த ஆண்டு பொறியியல் கலந்தாய்வில் பி.இ., பி.டெக். படிப்பில் சேர்ந்த மாணவர் களில் 79,955 பேர் முதல் தலைமுறை பட்டதாரிகள் ஆவர்.

இவர்களுக்கான கல்விக் கட்டணத்தை (ரூ.20 ஆயிரம்) கல்லூரிகளுக்கு அரசு திருப்பி வழங்கும். கடந்த ஆண்டுடன் ஒப்பிடும் போது இந்த ஆண்டு 11 ஆயிரம் பேர் கூடுத லாக இந்தச் சலுகையைப் பெறுகின்றனர்.

சென்னை அண்ணா பல்கலைக்கழகத்தில் ஒரு மாதத்துக்கும் மேலாக நடைபெற்று வந்த பொறியியல் கலந்தாய்வில் 20 தனியார் பொறியியல் கல்லூரிகளில் 100 சதவீத மாணவர் சேர்க்கை நடைபெற்றுள்ளது.

சுமார் 180 தனியார் பொறியியல் கல்லூரிகளில் 80 சதவீதத்துக்கும் அதிகமான மாணவர் சேர்க்கை நடைபெற்றுள்ளது. பல கல்லூரிகளில் எஸ்.டி. பிரிவில் மாணவர் சேர்க்கை நடைபெறாததால் 100 சதவீதத்தை அடைய முடியவில்லை. சுமார் 40 கல்லூரிகளில் 20 சத வீதத்துக் கும் குறைவான மாணவர் சேர்க்கை நடை பெற்றுள்ளது இவ்விவரங்கள் பல்கலைக் கழக இணைய தளத்தின் மூலம் தெரிய வருகிறது.

---

.