மின் உற்பத்தி தன்னிறைவு பற்றி கல்பாக்கம் அணு விஞ்ஞானி பேட்டி

எழுத்துரு அளவு

திங்கள், 30 ஜூலை 2012 14:53

0 Comments

புதுச்சேரி, ஜூலை 30- "கல்பாக்கத்தில் அமையும் அதிவேக ஈணுலை இயங்கத் துவங்கினால், மின் உற்பத்தியில் இந்தியா தன்னிறைவு அடையும்' என்கிறார் கல்பாக்கம் பாவினி அணு சக்தி கழக விஞ்ஞானி பிரபாத்குமார். புதுச்சேரியை அடுத்த சேதராப்பட்டு அரவிந்தர் பொறியியல் கல்லூரியில், அணுசக்தியின் பயன்கள் என்ற தலைப்பில் கருத் தரங்கம் நடந்தது. கருத்தரங் கில் கலந்து கொண்ட கல்பாக்கம் பாவினி அணு சக்தி கழக விஞ்ஞானி பிரபாத்குமார் நிருபர்களுக்கு அளித்த பேட்டியாவது: இந்தியாவில் 20 அணு உலைகள் உள்ளன. கல்பாக்கத்தில் தற்போது அதிவேக ஈணுலை கட்டப்பட்டு வருகிறது.

இந்தியாவிலேயே முதலாவதாக

இதன் பணிகள் இந்தாண்டு இறுதிக்குள் முடிந்து விடும். இந்தியாவில் முதன் முறையாக, கல்பாக்கத்தில் தான், ஈணுலை கட்டப்படுகிறது. இது இயங்கினால், அதன் மூலம் 500 மெகாவாட் மின்சாரம் உற்பத்தி செய்ய முடியும். இதே போல அதிக ஈணுலைகள் இந்தியாவின் மின் உற்பத்தி தேவையை சமாளிக்க உதவிடும். இந்த ஈணுலைகள் அமைப்பதன் மூலம், நேரடி மற்றும் மறைமுக வேலை வாய்ப்புகள் அதி கரிக்கும். இந்த இடத்தில் மக்களைச் சார்ந்த தொழில்கள் வளர்ச்சியடையும். அணு உலை அமைப்ப தற்கான அனைத்து தொழில் நுட்பங்களும் நம்மிடம் உள்ளன. அணு உலைகளை இயக்கத் தேவையான யுரேனியம் நம் நாட்டில் கிடைக்கிறது. மூலப் பொருளில் இருந்து மின்சாரம் தயாரிப்பது, பின் அணு கழிவுகளை பாதுகாப்பது அனைத்தும் பாதுகாப்பாக செய்யப்படும்.

தன்னிறைவு பெறும்அணு உலைகள் மிகவும் பாதுகாப்பானவையாம். இதன் மூலம் சுற்றுச்சூழலுக்கும், நம் உடல் நலத்திற்கும் எவ்வித ஆபத்தும் ஏற்படாது. அங்கு பணிபுரியும் அதிகாரிகள், ஊழியர்கள் அணு உலைகளின் அருகில் தான் வசிக்கின்றனர்.இவ்வாறு பிரபாத்குமார் கூறினார். மதுரை அண்ணா பல்கலைக் கழக இயக்குநர் மனோகரன், பாவினி துணை பொது மேலாளர் ராஜசேகர், உள்ளிட்டோரும் உடனிருந்தனர்.

---

.