முன்பு அடுத்து Page:

நாட்டின் மிக நீண்ட சுற்றுவட்டப் பாதையில் ரயில் இயக்கம்

நாட்டின் மிக நீண்ட சுற்றுவட்டப் பாதையில் ரயில் இயக்கம்

சென்னை, ஏப்.24  சென்னை புறநகர் மக்களின் 20 ஆண்டுகால கோரிக்கையான நாட்டின் மிக நீண்ட சுற்றுவட்டப் பாதை யான சென்னை கடற்கரை, அரக்கோணம், காஞ்சிபுரம், செங்கல்பட்டு, தாம்பரம் வழியாக மீண்டும் சென்னை கடற்கரையை அடையும் பாதையில் எதிரெதிர் திசைகளில் இரு சர்க்குலர் ரயில் சேவைகள் செவ்வாய்க்கிழமை தொடங்கின. இதனை பயணிகள் மிகுந்த ஆரவாரத்துடன் வரவேற்றனர். சுற்றுவட்டப்பாதையில் இரு சர்க் குலர் ரயில்கள் எதிரெதிர் திசையில் செவ்வாய்க்கிழமை முதல் இயக்கப்படும் என  தெற்கு....... மேலும்

24 ஏப்ரல் 2019 15:09:03

மதுரையில் வாக்கு எண்ணும் மய்யத்தில் அதிகாரி நுழைந்த விவகாரம் தேர்தல் ஆணையத்துக்கு விசாரணை அறிக்கை …

சென்னை, ஏப்.24  மதுரையில் வாக்கு எண்ணும் மய்யத்துக்குள் அதிகாரி நுழைந்த விவகாரம் தொடர்பாக தமிழக தேர்தல் அதிகாரிகள் நடத்திய விசாரணை அறிக்கை தேர்தல் ஆணையத்துக்கு அனுப்பி வைக்கப்பட்டுள்ளதாக தலைமைத் தேர்தல் அதிகாரி சத்யபிரத சாகு தெரிவித்தார். இதுகுறித்து, அவர் தலைமைச் செயலகத்தில் செய்தியாளர்களுக்கு செவ்வாய்க்கிழமை அளித்த பேட்டி: மதுரை மக்களவைத் தொகுதி வாக்கு எண்ணும் மய்யத்தில் ஆவணங்கள் வைக்கப்பட்டிருந்த அறைக்குள் அதிகாரி நுழைந்தது தொடர்பாக இணை தலைமைத் தேர்தல் அதிகாரி பாலாஜி....... மேலும்

24 ஏப்ரல் 2019 15:08:03

‘29ஆம் தேதி வங்கக்கடலில் உருவாகிறது புயல்’ வானிலை ஆய்வு மய்யம் எச்சரிக்கை

‘29ஆம் தேதி வங்கக்கடலில் உருவாகிறது புயல்’  வானிலை ஆய்வு மய்யம் எச்சரிக்கை

சென்னை, ஏப்.24, தமிழகம் மற்றும் புதுச்சேரியில் கடந்த சில நாட்களாக லேசான மழை பெய்து வருகிறது. இந்நிலையில் தமிழகத்தில் அடுத்து வரும் நாட்களில் வானிலை எப்படி இருக்கும் என்பது குறித்து செய்தியாளர்களை சந்தித்து விளக் கினார் சென்னை வானிலை ஆய்வு மய்ய இயக்குநர் புவியரசன். புவியரசன் செய்தியாளர்கள் மத்தியில் பேசுகையில், ‘வரும் 25 ஆம் தேதி இந்தியப் பெருங்கடல் மற்றும் அதனை ஒட்டியுள்ள பகுதிகளில் குறைந்த காற்றுழுத்தத் தாழ்வுப் பகுதி உருவாகும்........ மேலும்

24 ஏப்ரல் 2019 15:04:03

அங்கீகாரமில்லாமல் செயல்படும் 709 பள்ளிகள் மீது நடவடிக்கை: கல்வித்துறை முடிவு

   அங்கீகாரமில்லாமல் செயல்படும் 709 பள்ளிகள் மீது  நடவடிக்கை: கல்வித்துறை முடிவு

சென்னை, ஏப்.24  தமிழகத்தில் அங்கீகார மில்லாமல் செயல்படும் 709 பள்ளிகள் மீது விரைவில் நடவடிக்கை எடுக்கப்படும் என்று பள்ளி கல்வித்துறை வட்டாரங்கள் தெரிவித்தன. குழந்தைகளுக்கான இலவச மற்றும் கட்டாயக் கல்வி உரிமைச் சட்டத்தின்படி அங்கீகாரமின்றி எந்தவொரு பள்ளியும் செயல்படவில்லை என்பதை முதன்மைக் கல்வி அலுவலர்கள் உறுதி செய்ய வேண் டும் என  மாவட்ட முதன்மைக் கல்வி அதிகாரிகளுக்குப் பள்ளி கல்வித்துறை இயக்குநர் வி.சி.ராமேஸ்வர முருகன் சுற்றறிக்கை அனுப்பியிருந்தார்.    அதன்படி,  வட்டாரக் கல்வி....... மேலும்

24 ஏப்ரல் 2019 15:04:03

தமிழக லோக் ஆயுக்தாவுக்கு தலைவர், உறுப்பினர்கள் நியமனத்தை எதிர்த்து உயர்நீதிமன்றத்தில் வழக்கு

சென்னை, ஏப்.23 தமிழகத் தில் லோக் ஆயுக்தா தலைவர் மற்றும் உறுப்பினர்கள் நிய மித்த அரசாணைக்கு தடை கோரி தொடரப்பட்ட வழக்கின் விசாரணையை வரும் 29ஆம் தேதிக்கு உயர் நீதிமன்றம் தள்ளிவைத்துள்ளது. சென்னையைச் சேர்ந்த யோகானந்தன் என்பவர் உயர் நீதிமன்றத்தில் தாக்கல் செய்த மனுவில் கூறியிருப்பதாவது: பொது ஊழியர்கள் மீதான புகார்கள் குறித்து விசாரணை நடத்த லோக் ஆயுக்தா அமைப்பு உருவாக்கப்பட்டுள் ளது. தமிழகத்தில்  கடந்த ஆண்டு டிசம்பர் மாதம்  இதற்....... மேலும்

23 ஏப்ரல் 2019 16:43:04

தேர்தல் பணி அலுவலர்களுக்கு குறைந்த ஊதியம்: தலைமை தேர்தல் அதிகாரிக்கு புகார் மனு

தேர்தல் பணி அலுவலர்களுக்கு குறைந்த ஊதியம்:  தலைமை தேர்தல் அதிகாரிக்கு புகார் மனு

நாமக்கல், ஏப்.23, தேர்தலில் பணியாற்றிய வாக்குச்சாவடி அலுவ லர்களுக்கு குறைந்த ஊதியம் வழங்கப்பட்டுள்ளதாக முதுகலை ஆசிரியர்கள் சங்கத்தினர் தலைமை தேர்தல் அதிகாரிக்கு மனு அனுப்பி யுள்ளனர். முதுகலைப் பட்டதாரி ஆசிரி யர்கள் சங்கம் வெளியிட்டுள்ள அறிக்கை: தமிழக தலைமை தேர்தல் அதிகாரி சத்யபிரதா சாகுவிடம், தேர்தல் மற்றும் பயிற்சி பணிக்கான உழைப்பூதியம் குறைத்து வழங்கப்பட்டது குறித்து கோரிக்கை விடுத்துள்ளோம். நாடாளுமன்ற தேர்தலுக்காக அரசு ஊழியர்களுக்கு மார்ச் 31, ஏப்ரல் 7, 13, 17 ஆகிய....... மேலும்

23 ஏப்ரல் 2019 16:21:04

ஜூன் 20-இல் பொறியியல் படிப்புக்கான கலந்தாய்வு தொடக்கம்

 ஜூன் 20-இல் பொறியியல் படிப்புக்கான கலந்தாய்வு தொடக்கம்

சென்னை, ஏப்.23 அண்ணா பல்கலைக்கழகப் பொறியியல் படிப்புகளுக்கு இந்த ஆண்டுக்கான பொறியியல் கலந்தாய்வு வரும் ஜூன் மாதம் 20-ஆம் தேதி  தொடங்குகிறது என தமிழக அரசின் உயர்கல்வித் துறை அறிவித்துள்ளது. பொறியியல் கலந்தாய்வை இதுவரை அண்ணா பல்கலைக்கழகம் நடத்தி வந்தது.   இந்த கல்வியாண்டு (2019- - 2020)  தொழில்நுட்பக் கல்வி இயக்குநர் அலுவலகம் சார்பில் பொறியியல் கலந்தாய்வு  நடத் தப்படுகிறது. கடந்த ஆண்டைப்போலவே இந்த ஆண்டும் இணையம் மூலம் கலந்தாய்வு நடத்தப்....... மேலும்

23 ஏப்ரல் 2019 16:08:04

தரமான பருத்தியால் தயாரிக்கப்பட்ட ஆடைகள் அறிமுகம்

தரமான பருத்தியால் தயாரிக்கப்பட்ட ஆடைகள் அறிமுகம்

சென்னை  சில்க்ஸ் நிறுவனத்தின் பென்னி ஹில்ஸ் பிராண்ட் சார்பில் சென்னையில் நடைபெற்ற விழாவில் ஆடவர்களுக்கான உள்ளாடைகள் அறிமுகம் செய்யப்பட்டன. இதில்  சென்னையில் உள்ள முன்னணி டீலர்கள் கே.விநாயகம், கே.மாணிக்கம், நந்தகோபால், வினீத் குமார் உள்ளிட்டோர் கலந்து கொண்டனர். இந்த தயாரிப்புகள் அனைத்தும் தரமான பிசிஅய் பருத்தியால் தயாரிக்கப்பட்டது என்று நிகழ்ச்சியில் பேசிய நிறுவனத்தின் நிர்வாகிகள் தெரிவித்தனர்.   மேலும்

23 ஏப்ரல் 2019 15:36:03

மல்ட்டி மீடியா உதவியுடன் பள்ளிக் கல்வித் திட்டம்

மல்ட்டி மீடியா உதவியுடன் பள்ளிக் கல்வித் திட்டம்

தருமபுரி, ஏப்.23  சிஎன்எச் இன்டஸ்டிரியல் சமுகப் பொறுப்பு திட்டத்தின் கீழ் இந்நிறுவனத்தின் ஒரு பிராண்டான நியூ ஹாலண்ட் அக்ரிகல்ச்சர் அரசு உயாநிலைப் பள்ளி, இலக்கியம் பட்டி என்னும் பள்ளியில் நியூஹாலண்ட் டிஜிட்டல் கிளாஸ் ரூம் என்னும் மல்ட்டி மீடியா உதவியுடன் கூடிய பள்ளிக் கல்வித் திட்டத்தைத் தொடங்கியுள்ளது. இதற்கு தருமபுரி மார்வெல் எண்டர் பிரைசஸ் லைன் என்ற முகவர் ஆதரவு கொடுக்கிறார்........ மேலும்

23 ஏப்ரல் 2019 15:20:03

40 ஆயிரம் பேரின் பெயர் நீக்கப்பட்டதால் குமரி தொகுதி வாக்குகளை எண்ணக்கூடாது

மாவட்ட தேர்தல் அதிகாரியிடம் மீனவர்கள் மனு நாகர்கோவில், ஏப்.23 கன்னியா குமரி மக்களவை தொகுதியில் நீக்கப்பட்ட வாக்காளர்கள் மீண் டும் வாக்களிக்க வசதியாக, அடுத்த மாதம் நடக்க உள்ள வாக்கு எண்ணிக்கையை தள்ளி வைக்க வேண்டும் என மீனவ அமைப்புகள்  கோரிக்கை விடுத்துள்ளன. தமிழகத்தில் மக்களவை தேர்த லுக்கான வாக்குப்பதிவு 18ஆம் தேதி நடைபெற்றது. இதற் கான வாக்கு எண்ணிக்கை மே 23ஆம் தேதி....... மேலும்

23 ஏப்ரல் 2019 15:20:03

எழுத்துரு அளவு Larger Font Smaller Font

ஜாக்டோ-ஜியோ போராட்டம்: வழக்குகளை திரும்ப பெற அரசு பரிசீலனை

சென்னை, பிப். 12- ஜாக்டோ-ஜியோ நடத்திய போராட் டத்தில் பங்கெடுத்த அரசு ஊழியர்கள், ஆசிரியர்கள் மீதான வழக்குகளை திரும்பப் பெறுவது குறித்து பரிசீலிக்கப் பட்டு வருவதாக பணியாளர் மற்றும் நிர்வாக சீர்திருத்தத் துறை அமைச்சர் டி.ஜெயக் குமார் கூறினார்.

சட்டப்பேரவையில் 11.2.2019 அன்று பேசிய திமுக உறுப்பினர் தங்கம் தென்னரசு, “நியாயமான கோரிக்கை களை வலியுறுத்தியும், தேர்தல் அறிக்கையில் அதிமுக குறிப்பிட்டுள்ளதை நிறைவேற்ற வலியுறுத்தியும்தான் ஜாக்டோ-ஜியோ அமைப்பினர் போராட்டம் நடத்தினர். முதலமைச்சரோடு பேச வேண்டும் என்று கோரிக்கை வைத்தனர். ஆனால், போராட்டத்தில் பங்கேற்றவர்கள் மீது தற்காலிக நீக்கம், இடமாறுதல் போன்ற துறை ரீதியான பழி வாங்கல் நடவடிக்கைகளும், காவல்துறை நடவடிக்கைகளும் மேற்கொள் ளப்படுகிறது. எனவே, அந்த வழக்குகளை திரும்பப்பெறவேண்டும் என்றார்.

ஜாக்டோ-ஜியோ அமைப்புகளோடு பேச்சுவார்த்தை நடத்த இந்த அரசுக்கு ஒரு பைசாகூட செலவு ஏற்படப் போவதில்லை. அப்படியிருக்கும் போது அவர்களை அழைத்துப் பேசி சுமூகமான சூழலை உருவாக்க வேண்டும். மீண்டும் போராடும் சூழலை உருவாக்கக்கூடாது. சிறீதர், சித்திக் தலைமையிலான குழுக்கள் அளித்த அறிக்கைகள் மீது என்ன நடவடிக்கை எடுக் கப்பட்டுள்ளது? என்று கேட்டார்.

காங்கிரஸ் உறுப்பினர் பிரின்சும் இதே கேள்வியை எழுப்பினர்.இவற்றிற்கு பதிலளித்து பேசிய அமைச்சர் டி.ஜெயக் குமார், “ஜன.22 முதல் 29 வரை வேலை நிறுத் தத்தில் ஈடுபட்ட ஜாக்டோ ஜியோவினர் மீது காவல்துறையினர் 86 வழக்குகள் பதிவு செய்தனர். 6 ஆயிரத்து 527 பேர் கைது செய்யப் பட்டனர். இவர்களில் நீதிமன்றம் முன்பு ஆஜர்படுத்தியபோது, 4 ஆயிரத்து 871 பேரை நீதிமன்றம் பிணையில் விடுவித்தது. ஆயிரத்து 656 பேர் நீதிமன்றக் காவலில் வைக்கப்பட்டனர் என்றார்.

வேலைநிறுத்தத்தை கைவிட்டு பணிக்கு திரும்ப வேண்டும் என்ற கோரிக்கையை ஏற்று 29.1.2019 அன்று வேலை நிறுத்தத்தை தற்காலிகமாக ஒத்தி வைத்தனர். இதனையடுத்து நீதிமன்றக் காவலில் இருந்தவர்கள் விடுவிக்கப்பட்டனர் என்றும் அவர் கூறினார்.போராட்டத்தில் ஈடுபட்டவர்கள் மீது பதிவு செய்யப் பட்ட வழக்குகளை திரும்பப் பெறுவது குறித்து அரசு ஆராய்ந்து முடிவு செய்யும் என்று குறிப்பிட்ட அவர், போக்குவரத்துக்கு இடையூறாக, சாலை மறியலில் ஈடுபட்டதால் கைது செய்யப்பட்டு, நீதிமன்றக் காவலில் உட்படுத்தப் பட்டவர்கள் மீது வழக்குப் பதிவுப் செய்யப்பட்டு, நிலுவையில் உள்ள வழக்குகளின் தன்மையை பொறுத்து அதனை திரும்பப்பெறுவது குறித்து அரசு பரிசீலிக்கும் என்றார்.

தமிழகத்துக்கு நிதி வழங்காத

மத்திய அரசு

தமிழக சட்டப்பேரவையில் நேற்று (11.2.2019) நிதிநிலை அறிக்கை மீது விவாதம் நடைபெற்றது அதில் கலந்து கொண்டு பேசிய அதிமுக உறுப்பினர் செம்மலை,“உள்ளாட்சி அமைப்புகளுக்கு மத்திய அரசு 3,822 கோடி ரூபாய் நிலுவை வைத்துள் ளது. கஜா புயலால் பாதிக்கப்பட்ட மக்களுக்கு மாநில அரசு கேட்ட தொகையில் வெறும் 900 கோடி ரூபாய் மட்டுமே கொடுத் துள்ளது. இதுபோன்று பல்வேறு இனங்களில் மத்திய அரசாங்கத்திடமிருந்து கிடைக்க வேண்டிய நிதி வராமல் இருக்கிறது என்றும் தெரிவித்தார்.ஜிஎஸ்டி மூலம் மாநில அரசுக்கு மத்திய அரசிடமிருந்து பங்குத் தொகையாக 5,454 கோடி ரூபாய் வர வேண்டும். ஆனால் இதுவரைக்கும் அந்த தொகையை மத்திய அரசு விடுவிக்க வில்லை. இதனால் மாநில அரசுக்கு கிடைக்கவேண்டிய 155 கோடி ரூபாய் கிடைக்காமல் போனது என்றும் கூறினார்.

இரங்கல்

தமிழக சட்டப்பேரவை நேற்று காலை 10 மணிக்கு கூடியதும், முன் னாள் உறுப்பினர்கள் ஆர்.ராசமாணிக்கம், கி.கிருஷ்ணமூர்த்தி ஆகியோர் மறைவுக்கு இரங்கல் தெரிவித்து தீர்மானம் கொண்டு வரப்பட்டது. பிறகு, உறுப்பினர்கள் அனைவரும் இரண்டு நிமிடம் இரங்கல் செலுத்தினர்.

ஒரு நபர் குடும்ப அட்டைக்கும்

பொருட்கள் உண்டு

ஒரு நபர் குடும்ப அட்டைகளுக்கு உணவுப் பொருட்கள் நிறுத்தப்பட மாட்டாது என்று உணவுத்துறை அமைச்சர் காமராஜ் கூறினார்.

சட்டப்பேரவையில் நேற்று கேள்வி நேரத்தின்போது பேசிய காங்கிரஸ் உறுப்பினர் விஜய தாரணி, குமரி மாவட்டத்தில் ஒரு நபர் குடும்ப அட்டை களுக்கு ரேசன் பொருட்கள் வழங்குவது நிறுத்தப்பட்டுள்ளது குறித்து எழுப்பிய கேள்விக்கு பதில் அளித்த உணவுத்துறை அமைச்சர் காமராஜ், “தமிழ்நாட்டில் பொது விநியோகத் திட்டத்தின் கீழ் ஒரு நபர் குடும்ப அட்டைகளுக்கு அனைத்து பொருட்களும் வழங்கப்படுகின்றன. பொது விநியோகத் திட்டத்தின் கீழ் வழங்கப்படும் பொருட்கள் மற்றும் அரசின் சலுகைகளைப் பெறுவதற்காக ஒரே குடும் பத்தில் தனித்தனியாக பலர் குடும்ப அட்டைகள் பெற்றுள்ளதாக புகார் வந்தது. அதனடிப்படையில் துறை அதிகாரிகள் ஆய்வு நடத்தி 33 ஆயிரம் போலி அட்டைகள் கண்டுபிடிக்கப்பட்டுள்ளன” என்றார்.

மத்திய அரசுக்கு அதிமுக வக்காலத்து! காங். கடும் கண்டனம்

தமிழக சட்டப்பேரவையில் நேற்று (11.2.2019) நடைபெற்ற நிதிநிலை அறிக்கை மீதான விவாதத்தில் காங்கிரஸ் உறுப்பினர் விஜயதாரணி கலந்து கொண்டு பேசுகையில்,“

தமிழ்நாட்டின் பொருளாதாரத்தில் அநீதி இழைக்கப் பட்டிருப்பதை இந்த நிதிநிலை அறிக்கை ஒப்புக் கொண்டுள் ளது என்றும் மத்திய அரசாங் கத்திடம் நிதி பெற முடிய வில்லை என்பதை பக்கத்துக்கு பக்கம் தெரிவித்திருப் பதையும்” சுட்டிக்காட்டினார்.கடந்த 2014ஆம் ஆண்டு முதல் மாநிலத்தின் ஒட்டுமொத்த வளர்ச்சி குறைந்து கொண்டே வருகிறது. இதே நிலை நீடித்தால் மக்கள் நலத் திட்டங்களுக்கு மூடுவிழா காண வேண்டி வரும். எனவே, நிதியை ஜாக்கிரதையாக கையாள வேண்டியுள்ளது என்றும் அவர் கூறினார்.அப்போது குறுக்கிட்ட அமைச்சர் ஓ பன்னீர்செல்வம்,“ பொருளாதார வீழ்ச்சிக்கு மாநில அரசு மட்டும் பொறுப் பல்ல. மத்திய அரசுதான் காரணமாகும். நிதிக்குழு மாநிலங்களுக்கு நிதியை பகிர்ந்தளிப்பதில் நியாயமான நடைமுறைகளை பின்பற்றவில்லை.

ஒன்பதாவது நிதிக் குழுவிலிருந்து படிப்படியாக நமது மாநிலத்துக்கு வழங்க வேண்டிய நிதி மட்டுமல்ல மானி யத்தையும் குறைத்து விட்டது. மத்திய அரசு அறிவிக்கும் திட்டங்களின் பங்கை முழுமையாகவும் கொடுப்பதில்லை. மாநில அரசு அதை ஏற்றுக் கொள்ள வேண்டிய சூழ்நிலை ஏற்பட்டுள்ளது. இருந்தாலும் பொருளாதாரத்தில் நிலையான வளர்ச் சியை எட்ட முடிந்திருக்கிறது என்றும் தெரிவித்தார்.தொடர்ந்து பேசிய விஜயதாரணி, “புதிய வேலை வாய்ப்புகள் இல்லாத நிலையில், தனிநபர் வருமானமும் குறைந்துவிட்டது என்றும் கடுமையாக சாடினார்.மீண்டும் குறுக்கிட்ட நிதி அமைச்சர், “தனிநபர் வருமானம் குறைய விலை உயர்ந்துள்ளது” என்றார்.

மீண்டும் விஜயதாரணி பேசியபோது மத்திய அரசு குறித்து அவர் கூறிய கருத்தை பேரவை துணைத் தலைவர் பொள்ளாச்சி ஜெயராமன் அவை குறிப்பிலிருந்து நீக்கம் செய்ததற்கு விஜயதாரணி கடும் ஆட்சேபனை தெரிவித்தார்.அப்போது குறுக்கிட்ட காங்கிரஸ் கட்சியின் சட்டமன்றகுழுத் தலைவர் கே.ஆர்.ராமசாமி,‘ மத்திய பாஜக அரசு தமிழகத் திற்கு நிதி வழங்காமல் தொடர்ந்து வஞ்சிக் கிறது என்றுதான் எங்கள் உறுப்பினர் சொன்னார். அதில் தவறு என்ன இருக்கிறது. அவர் உண்மையைதானே சொன்னார். தமிழக அரசு வஞ்சம் செய்கிறது என்றா? சொன்னார். இல்லை. இதை நீக்க வேண்டிய அவசியம் இல்லை? என்றார்.

பேரவை துணைத் தலைவர், முதலமைச்சர், துணை முதலமைச்சரோ பதில் சொல்லாமல் அமைதி காத்த நிலையில் மீன் வளத்துறை அமைச்சர் டி.ஜெயகுமார்,

“நாங்கள் மத்திய அரசுக்கு வக்காலத்து வாங்கவில்லை. ஆதரிக்க வேண்டிய நேரத்தில் ஆதரிப்போம், எதிர்க்க வேண்டிய நேரத்தில் எதிர்ப்போம் என்று கூறிய அவர், இலங்கை முள்ளி வாய்க்கால் பிரச்சினையோடு இந்த வாதத்தை ஒப்பிட்டு திசை திருப்ப முயன்றதால் திமுக உறுப்பினர்கள் கடும் எதிர்ப்பு தெரிவித்தனர். இதனால் அவையில் சிறிது நேரம் கூச்சல் குழப்பம் நிலவியது.

ஏழை தொழிலாளர் குடும்பங்களுக்கு தலா ரூ.2000 உதவி

சட்டசபையில் முதல் - அமைச்சர் எடப்பாடி பழனிசாமி 110ஆவது விதியின் கீழ் ஒரு அறிக்கை வாசித்தார். அதில் கூறப்பட்டு இருப்பதாவது:-

பல மாவட்டங்களில் ‘கஜா’ புயலின் தாக்கத்தினாலும், பருவமழை பொய்த்ததன் காரணமாக தற்போது ஏற் பட்டுள்ள வறட்சியினாலும் ஏழை மக்கள் பாதிக்கப்பட்டு இருப்பதை கருத்தில் கொண்டு, தமிழ்நாடு முழுவதும் வறுமைக் கோட்டிற்குக் கீழ் உள்ள அனைத்து குடும்பங் களுக்கும், குறிப்பாக விவசாயத் தொழிலாளர்கள், நகர்ப்புற ஏழைகள், பட்டாசுத் தொழிலாளர்கள், மீன்பிடி தொழி லாளர்கள், விசைத்தறி தொழிலாளர்கள், கைத்தறி தொழி லாளர்கள், கட்டுமானத் தொழிலாளர்கள், சலவைத் தொழிலாளர்கள், மரம் ஏறும் தொழிலாளர்கள், உப்பளத் தொழிலாளர்கள், காலணி மற்றும் தோல் பொருட்கள் தயாரிக்கும் தொழிலாளர்கள், துப்புரவுத் தொழிலாளர்கள், மண்பாண்டத் தொழிலாளர்கள், கைவினைஞர்கள் மற்றும் பல்வேறு தொழில்களில் ஈடுபட்டுக் கொண்டிருக்கின்ற ஏழைத் தொழிலாளர் குடும்பங்களுக்கு இந்த ஆண்டு தமிழ்நாடு அரசின் சிறப்பு நிதியுதவியாக தலா 2,000 ரூபாய் வழங்கப்படும் என்பதை அறிவிப்பதில் மகிழ்ச்சி அடைகிறேன்.

இதனால், கிராமப்புறத்தில் வாழும் சுமார் 35 லட்சம் ஏழைக் குடும்பங்களும், நகர்ப்புறத்தில் வாழும் சுமார் 25 லட்சம் ஏழைக் குடும்பங்களும், ஆக மொத்தம் வறுமைக் கோட்டிற்குக்கீழ் வாழும் சுமார் 60 லட்சம் ஏழைக் குடும்பங்கள் தலா 2,000 ரூபாய் சிறப்பு நிதி உதவியைப் பெறுவர்.

இதற்கென 1,200 கோடி ரூபாய் 2018-2019 துணை மானியக் கோரிக்கையில் நிதி ஒதுக்கீடு செய்யப்படும் என்பதை மகிழ்ச்சியுடன் இப்பேரவைக்கு தெரிவித்துக் கொள்கிறேன்.

இவ்வாறு முதல்- அமைச்சர் எடப்பாடி பழனிசாமி கூறி உள்ளார்.

தமிழில் கருத்துக்களை தெரிவிக்க -  


Security code
Refresh

Banner
Banner