முன்பு அடுத்து Page:

புதுக்கோட்டை அருகே ஆதி திராவிடர் காலனியாக இருந்த தெருவிற்கு தந்தை பெரியார் நகர் என்று உடனடியாக பெயர…

புதுக்கோட்டை அருகே ஆதி திராவிடர் காலனியாக இருந்த தெருவிற்கு  தந்தை பெரியார் நகர் என்று உடனடியாக பெயர் மாற்றம்

புதுக்கோட்டை, ஜன. 21 புதுக் கோட்டை மாவட்டம் வல்லத் திரா கோட்டை ஊராட்சிக்கு உட்பட்ட வாண்டாகோட்டையில் தங்களது குடியிருப்புப் பகுதிக்கு உள்ள பெயர் இழிவாக அழைக் கப்படுவதால் அதற்குப் பெயர் மாற்றம் செய்ய வேண்டும் என்ற கோரிக்கையை திமுக கிராம சபைக்கூட்டம் ஏற்று உடனடியாக பெயர் மாற்றம் செய்யப்பட்டது. புதுக்கோட்டை மாவட்டம் ஆலங்குடி சட்டமன்றத் தொகு தியில் திருவரங்குளம் ஒன்றி யத்துக்கு உட்பட்ட வல்லத்திரா கோட்டை ஊராட்சிக்கு உட் பட்டது வாண்டாகோட்டை....... மேலும்

21 ஜனவரி 2019 17:17:05

சென்னையில் கனிமொழி எம்.பி. உரை!

சென்னையில் கனிமொழி எம்.பி. உரை!

வாழ்நாளெல்லாம் நமக்காக உழைத்த தந்தை பெரியாருக்கு நாம் செய்யும் கைமாறாக மதச் சார்பற்ற அடையாளத்தைக் காத்திட அணிதிரள்வோம்! சென்னை, ஜன. 21- “மதச்சார்பற்ற அடையாளத்தைக் காப்பாற்ற, ஜனநாயகத்தைக் காப்பாற்ற பெரியார் வழியில் திரள வேண்டும்“ என கனிமொழி எம்.பி. குறிப்பிட்டார். தந்தை பெரியாரின் 45 ஆம் ஆண்டு நினைவு தினப் பொதுக்கூட்டம் டிசம்பர் 24 - ஆம் தேதி சைதாப்பேட்டையில் தென்சென்னை மாவட்ட திராவிடர் கழகத்தின் சார்பில் நடந்தது. இதில் திராவிடர்....... மேலும்

21 ஜனவரி 2019 17:07:05

எங்கள் கூட்டணியில் பாஜக இல்லை கூறுகிறார் தம்பிதுரை

எங்கள் கூட்டணியில் பாஜக இல்லை கூறுகிறார் தம்பிதுரை

சென்னை, ஜன. 21- கும்பகோணம் அருகே திருவிடைமருதூருக்கு வந்த அவர் ஞாயி றன்று செய்தியாளர்களிடம் தெரிவித்தது: பாஜகவுக்கும் அதிமுகவுக் கும் கூட்டு இல்லை. ஆதரிப்பது என்பதற்குக் கூட் டணி இருக்க வேண்டும். மத்திய அரசுக் கும், மாநில அரசுக்கும் நட்பு இருக்கிறது. நட்பு என்பது வேறு. அரசியல் உடன்பாடு என்பது வேறு. எங்கள் கூட்டணியில் பாஜக கிடையாது. அதற்கான கேள்வி எழாத நிலையில், அதைப் பற்றி எதற்காகப் பேச வேண்டும்.  நான்....... மேலும்

21 ஜனவரி 2019 16:46:04

ரபேல் போர் விமானப் பேரம் குறித்து நாடாளுமன்ற கூட்டுக்குழு விசாரணைக்கு உத்தரவிட வேண்டும்

ரபேல் போர் விமானப் பேரம் குறித்து நாடாளுமன்ற  கூட்டுக்குழு விசாரணைக்கு உத்தரவிட வேண்டும்

திமுக தலைவர்  மு.க.ஸ்டாலின் வேண்டுகோள் சென்னை, ஜன. 21- 'ரபேல் போர் விமானப் பேரம் குறித்து  உடனடியாக நாடா ளுமன்ற கூட்டுக்குழு விசாரணைக்கு, பிரதமர் நரேந்திரமோடி  உத்தரவிட வேண்டும்' என்று மு.க.ஸ்டாலின் வலி யுறுத்தியுள்ளார். திமுக தலைவர் மு.க. ஸ்டாலின் நேற்று (20.1.2019) வெளியிட்ட  அறிக்கை வருமாறு: ஒரு தகவலையும் வெளியே விடாமல் அனைத்து விபரங்களையும் பரம ரகசிய மாக வைத்துக் கொண்டு கேட்கப்படும் எந்தக் கேள்விக்கும் நேரடியாகப் பதிலே சொல்லாமல்  “ரபேல் விமான....... மேலும்

21 ஜனவரி 2019 16:32:04

தமிழக கபடி விளையாட்டு வீராங்கனைகள் தமிழர் தலைவருடன் சந்திப்பு

தமிழக கபடி விளையாட்டு வீராங்கனைகள் தமிழர் தலைவருடன் சந்திப்பு

பீகார் மாநிலம் பாட்னாவில் நடைபெறும் 44ஆம் தேசிய சப் ஜூனியர் கபடிப் போட்டியில் கலந்து கொள்ளச் செல்லும் தமிழ்நாட்டு விளையாட்டு வீராங்கனையர் தமிழர் தலைவரை நேரில் சந்தித்து வாழ்த்துப் பெற்றனர். தமிழக கபடி அணியின் பயிற்சியாளர் டாக்டர் எம். கோவிந்தராஜ் மற்றும் குழு மேலாளர் தேக்கம்பட்டி பி. சிவகுமார் உடன் வந்திருந்தனர். தேசிய கபடிப் போட்டியில் கலந்து கொள்ளச் செல்லும் வீராங்கனைகளின் விவரம்: தர்மபுரியிலிருந்து ஜி. நந்தகுமாரி, ஜி.நந்தினி, ஆர்........ மேலும்

21 ஜனவரி 2019 16:29:04

பொது கல்விக்கான ஒருங்கிணைப்புக் குழு கடும் கண்டனம்!

இந்திய அறிவியல் பேராயத்தில் அறிவியலுக்குப் புறம்பான ஆதாரமற்ற புராணக்கதையை பா.ஜ.க. பேராசிரியர்கள் பேசி வருவதா? சென்னை ஜன, 21- இந்திய அறிவியல் பேராயத்தில் அறிவியலுக்குப் புறம்பான, ஆதாரமற்ற புராணக்கதைகளை பா.ஜ.க. பேராசிரியர்கள் தொடர்ந்து பேசி வருவது ஏன் என்று பொதுக் கல்விக்கான ஒருங்கிணைப்புக் குழு கேள்விகேட்டு கடும் கண் டனம் தெரிவித்து உள்ளது. இது குறித்து பொதுக் கல் விக்கான ஒருங்கிணைப்புக் குழு (சென்னை)வினர் விடுத் துள்ள அறிக்கை வருமாறு:- இந்திய அறிவியல்....... மேலும்

21 ஜனவரி 2019 16:14:04

தமிழகம் முழுவதும் 4,603 நூலகங்களில் புதிய புத்தகங்கள் வாங்காமல் முடக்கம் போட்டித் தேர்வுகளில் பங்க…

தமிழகம் முழுவதும் 4,603 நூலகங்களில்  புதிய புத்தகங்கள் வாங்காமல் முடக்கம்  போட்டித் தேர்வுகளில் பங்கேற்போருக்கு சிக்கல்

வேலூர், ஜன. 21- தமிழகம் முழுவதும் 4,603 நூலகங்களில் புதிய புத்தகங்கள் வாங்காமல் முடக்கப்பட்டுள்ளதால் போட்டித் தேர்வுக்கு பயிற்சி பெறுவதில் சிக்கல் ஏற்பட்டுள்ளதாக புகார் எழுந்துள்ளது. தமிழகம் முழுவதும் 32 மாவட்டங்களிலும் 4 ஆயிரத்து 603 பொது நூலகங்கள் இயங்கி வருகின்றன. இதில் ஆயிரத்து 753 நூலகங்கள் சொந்தக் கட்டடங்களிலும், 2 ஆயிரத்து 516 நூலகங்கள் வாடகையில்லா கட்டடங்களிலும் இயங்கி வருகின்றன. 320 நூலகங்கள் வாடகைக் கட்டடங்களிலும், அதோடு 14 நடமாடும்....... மேலும்

21 ஜனவரி 2019 16:11:04

ஜாக்டோ ஜியோ போராட்டம் பேச்சுவார்த்தை மூலம் அரசு தீர்வுகாண வேண்டும் அரசு ஊழியர், ஆசிரியர்கள் கூட்டம…

சென்னை, ஜன. 21- ஜாக்டோ ஜியோ அமைப்பின் போராட் டத்துக்கு தமிழக அரசு பேச்சு வார்த்தை மூலம் தீர்வு காண வேண்டும் என தமிழ்நாடு அரசு ஊழியர்கள், ஆசிரியர்கள் நல கூட்டமைப்பு வலியுறுத்தி யுள்ளது. இது தொடர்பாக அந்த கூட்டமைப்பின் நிறுவனர் அருணன் ஞாயிற்றுக்கிழமை வெளியிட்டுள்ள அறிக்கையில் கூறியிருப்பதாவது:   கடந்த 1.1.2004 முதல் பழைய ஓய் வூதியத்தை ரத்து செய்து புதிய பங்களிப்பு ஊதியத்தை மத்திய அரசுகொண்டுவந்தது. இத னால் அரசு....... மேலும்

21 ஜனவரி 2019 15:42:03

எரிபொருள் சிக்கனம் குறித்து மாணவிகள் பங்கேற்ற விழிப்புணர்வு பேரணி

எரிபொருள் சிக்கனம் குறித்து மாணவிகள் பங்கேற்ற விழிப்புணர்வு பேரணி

சென்னை - மணலியில் நேற்று (20.1.2019) சென்னை பெட்ரோலியம் கார்ப்பரேஷன் நிறுவனம் சார்பில் எரிபொருள் சிக்கனம் குறித்து விழிப்புணர்வு சைக்கிள் பேரணி நடைபெற்றது. இப்பேரணியில் 1,500க்கும் மேற்பட்ட மாணவ-மாணவிகள், இளைஞர்கள் பங்கேற்றனர். சி.பி.சி.எல்.இன் மேலாண் இயக்குநர் எஸ்.என்.பாண்டே இதை தொடங்கி வைத்து பேரணியில்  பங்கேற்றார். மேலும்

21 ஜனவரி 2019 15:41:03

இலங்கை அரசால் விடுவிக்கப்பட்ட 9 விசைப்படகுகள் ராமேசுவரம் வந்தன

இலங்கை அரசால் விடுவிக்கப்பட்ட  9 விசைப்படகுகள் ராமேசுவரம் வந்தன

ராமேசுவரம், ஜன. 21- இலங்கை அரசால் விடுவிக்கப்பட்ட 9 விசைப்படகுகள் நேற்று மாலை ராமேசுவரம் வந்த டைந்தன. இலங்கை கடற் படையால் 2016 முதல் 2018 வரை கைப்பற்றப்பட்ட, தமி ழக மீனவர்களின் 167 விசைப் படகுகள் கடந்தாண்டு விடு விக்கப்பட்டன. இலங்கை காங்கேசன்துறை, கிராஞ்சி,  தலைமன்னார், ஊர்க்காவல்துறை கடற்படை முகாம் கடற்கரை பகுதியில் நிறுத்தப்பட்டிருக்கும் இப் படகுகளில் 47 படகுகள் மட் டுமே நல்ல நிலையில் உள் ளன. மற்ற....... மேலும்

21 ஜனவரி 2019 15:40:03

எழுத்துரு அளவு Larger Font Smaller Font

சென்னை, ஜூன் 14 நாட்டில் கருத்துரிமைக்கும், மதச்சார்பின்மைக்கும் ஏற்படுத்தும் அச்சுறுத்தலை கவிப்பேரரசு வைரமுத்து எடுத்துக் கூறினார்.

தமிழாற்றுப்படை வரிசையில் 17ஆம் ஆளுமையாக ஜெயகாந்தன் குறித்த கட்டுரையைக் கவிஞர் வைரமுத்து நேற்று அரங்கேற்றினார். விழாவுக்கு எழுத்தாளர் சிவசங்கரி தலைமை தாங்கினார். எழுத் தாளர்களும் பொதுமக்களும் பெரும் திரளாகக் கலந்துகொண்டனர். விழாவில் கவிஞர் ஆற்றிய முன்னுரை இது :

சிறுகதை என்ற கலைவடிவத்தை அமெரிக்காவின் எட்கர் ஆலன்போ வடிவமைத்தார். பிராண்டர் மேத்யூஸ் அதன் ஓரஞ்சாரங்களை ஒழுங்கு செய்தார். அந்த அமெரிக்க  அய்ரோப்பிய இலக்கிய வடிவத்தை அழகு செய்து தமிழுக்குப் பெரிதும் கொண்டு வந்தவர் புதுமைப் பித்தன். தமிழர்க்குப் பெரிதும் கொண்டு சேர்த்தவர் ஜெயகாந்தன்.

மத்திய தர வர்க்கத்தின் மொழி அலங்காரமாய் இருந்த சிறுகதையை அடித் தட்டு மக்களின் வேர்வை  இரத்தம்  கண் ணீர் என்ற பிசுக்கோடு சிறுகதை செய்தவர் ஜெயகாந்தன். ஓர் எழுத்தாளனுக்குரிய கட்டற்ற சுதந்திரத்தை அவர் பெற்றிருந்தார். அவர் வாழ்ந்த சமூகம் அவரது எழுத்தையும் சுகித்துக்கொண்டது; அவரையும் சகித்துக் கொண்டது. மனித குலத்தின் முற்போக்குச் சிந்தனைகளுக்கு முட்டுக்கட்டைபோடும் முரண்பட்ட மரபுகளையும் உழைக்கும் மக்களுக்கு எதிரான சட்டங்களையும் தர்மங்களையும் உடைத்தெறிவதற்கான உக்கிரத்தை அவர் எழுத்து கொண்டிருந்தது. அந்தக் கருத்து வெளிப்பாட்டுக்கான உரிமை களைக் காலம் அவருக்குத் தந்தி ருந்தது. இந்தியச் சமூகத்தில் இப்போது அந்தச் சுதந்திரம் இருக்கிறதா என்பதை சர்வதேச சமூகம், தன் கண்களை நெற்றிக்கு உயர்த்தி கவனித்துக்கொண்டிருக்கிறது.

போராட்டமே வாழ்க்கை

பேச்சு  எழுத்து  செயல் என்ற போ ராட்ட வடிவங்களால்தான் இந்தச் சமூகம் சமநிலை பெறுகிறது. ஒரு பூந்தோட்டமா வாழ்க்கை? இல்லை போராட்டமே வாழ்க்கை என்று மனிதன் படத்தில் ஏற்கெனவே எழுதியிருக்கிறேன். சதுரமான முட்டைபோடும் பறவை ஏதும் இல்லை. சமநிலையை அடைந்துவிட்ட சமூகம் ஏதுமில்லை. அந்தச் சமநிலையை அடை வதற்கான போராட்டம்தான் மனிதர்களின் வற்றாத வரலாறு. கருத்துரிமை வெல்லப் படுவதும், கருத்துரிமை கோருகிறவன் கொல்லப்படுவதும் நல்ல சமூகத்தின் அடையாளங்கள் அல்ல.

கருத்துரிமைப் போராளிகளான பன் சாரே, தபோல்கர், கல்புர்கி, கவுரி லங்கேஷ் போன்றோர் கொல்லப்பட்டிருப் பதும், மலையாள எழுத்தாளர் பஷீர் தமிழ் எழுத்தாளர் பெருமாள்முருகன் போன் றோர் ஒடுக்கப்பட்டிருப்பதும் ஏற்றுக் கொள்ளத் தக்கவை அல்ல. சமய நம்பிக்கை, பேச்சுச் சுதந்திரம், ஊடகச் சுதந்திரம், அமைதியான மக்கள் போராட் டம் ஆகியவற்றுக்கு எதிராகச் சட்டம் இயற்றவே முடியாது என்பதுதான் அமெரிக்காவின் அரசமைப்பு. குடிசார் மற்றும் அரசியல் உரிமைக்கான அனைத் துலக உடன்படிக்கையும் இதையே உறு திப்படுத்துகிறது. முற்போக்கு இல்லாத தேசத்திற்கு முன்னங்கால்கள் இல்லை.

பூமி உருண்டை - - தன்னைத்தானே சுற்று வருகிறது என்பதை கண்டறிந்தவர் கலிலியோ. ஆனால் அந்த உண்மையைச் சொல்லும் கருத்துரிமை மறுக்கப்பட்ட கலீலியோ, இறக்கும்வரை வீட்டுச் சிறை யில் இருக்குமாறு தண்டிக்கப் பட்டார். ஆனால் மறுக்கப்பட்ட அந்தக் கருத்து வெளிப்பட்ட பிறகுதான் மனித குலம் வானத்தை நோக்கிப் பாய ஆரம்பித்தது.

சகிப்புத்தன்மை?

இன்று சகிப்புத்தன்மை குறைந்திருப் பதை நினைத்தால் நெஞ்சில் இரத்தம் கட்டுகிறது.

பெரியார் இன்றிருந்தால் எத் தனைமுறை சுடப்பட்டிருப்பார்? ராஜாராம் மோகன்ராய் இன்றிருந்தால் தூக்குக் கயிறு அவர் கழுத்தை எத்தனை முறை இறுக்கி இருக்கும்? ராமானுஜர் இன்றிருந்தால் எத்தனை அமைப்புகள் அவரை ஏற்றுக் கொண்டிருக்கும்?ஜெயகாந்தன் இன்றிருந் தால் எத்தனை முறை குண்டர் தடுப்புச் சட்டத்தில் கைது செய்து புழல் சிறையில் அடைக்கப்பட்டிருப்பார்? பன்முகத் தன்மைதான் இந்தியாவின் வலிமை; கருத்துச் சுதந்திரம் தான் அதன் பெருமை. அரசியலை படைப்புகள் தடுக்கலாம்; ஆனால் படைப்புகளை அரசியல் தடுக்கக் கூடாது.

ஜெயகாந்தன், இலக்கியம் - சமூகம் இரண்டையும் முன்னெடுத்துச் சென்ற முன்னோடிப் படைப்பாளி. செவ்வாய்க் கிழமையைத் தாண்டாமல் புதன்கிழமை இல்லை. ஜெயகாந்தனைத் தாண்டாமல் சிறுகதைகள் இல்லை என்றார்.

தமிழில் கருத்துக்களை தெரிவிக்க -  


Security code
Refresh

Banner
Banner