கடந்த மூன்றரை வருடத்திற்குள் 16 கருணை மனுக்கள் மீது தீர்வு

எழுத்துரு அளவு

வியாழன், 10 மே 2012 11:33

புதுடில்லி, மே 10- நாடாளுமன்றத்தில் நேற்று கேள்வி நேரத்தின்போது, தூக்குத் தண்டனை பெற்ற கைதிகளின் சார்பில் குடியரசுத் தலைவருக்கு அனுப்பப்பட்ட கருணை மனுக்கள் மீதான நிலவரம் குறித்து எதிர்க்கட்சி உறுப்பினர்கள் கேள்வி எழுப்பினர்.

அதற்கு பதில் அளித்து மத்திய உள்துறை அமைச்சர் ப.சிதம்பரம் கூறியதாவது:-

`கடந்த மூன்றை வருடத்திற்குள், குடியரசுத் தலைவர் பிரதீபா பாட்டீல் 16 கருணை மனுக்கள் மீதான விவகாரத்தை தீர்த்து வைத்தார். இதற்குமுன் இதுபோன்று அதிக அளவு கருணை மனுக்கள் மீதான விவகாரங்கள் தீர்த்து வைக்கப்பட்டதில்லை.

இந்தியாவைப் பொருத்தமட்டில், மிகவும் அரிதிலும் அரிதாகவே மரண தண்டனைகள் வழங்கப்படுகின்றன.

மரண தண்டனை வழங்குவது குறித்து அரசு மறு ஆய்வு செய்யும் எண்ணம் தற்போது இல்லை. எனினும், இது குறித்து தக்க சமயத்தில் மத்திய அரசு மறு ஆய்வு செய்யும்.

மரணதண்டனை பெற்றவர் எவராக இருந்தாலும், 14 வருட தண்டனை காலத்தை முடித்து, பின்னர்தான் அவர்கள் தங்களை விடுதலை செய்யக்கோரும் மனுவை தாக்கல் செய்ய தகுதியுள்ளவர்களாகக் கருத வேண்டும் என்று உச்சநீதிமன்றம்  தீர்ப்பு வழங்கியுள்ளது.'

இவ்வாறு அவர் தெரிவித்தார்.

---

.