முன்பு அடுத்து Page:

மோடியின் டிஜிட்டல் இந்தியாவும் தோல்வி அடைந்தது

ரொக்கப் பணத்திற்கான தேவை 7 சதவிகிதம் உயர்ந்துள்ளது ரிசர்வ் வங்கி தகவல் புதுடில்லி, மே 24- கடந்த 2016-ஆம் ஆண்டு, நவம்பர் 8-ஆம் தேதி இரவு திடீரென பழைய 500 மற்றும் 1000 ரூபாய் நோட்டுக்கள் செல்லாது என்று பிரதமர் மோடி அறிவித்தார். கறுப்புப் பணம், கள்ள நோட்டு ஒழிப்பு, தீவிரவாத நடவடிக்கையை தடுத்தல்; ரொக்கப் பரிவர்த்தனையை குறைத்து, டிஜிட்டல் பரிவர்த்தனை அதிகரித்தல் ஆகியவற்றுக்காகவே உயர்மதிப்பு கொண்ட ரூபாய் நோட்டுக்களை செல்லாது....... மேலும்

24 மே 2018 15:44:03

தரமான மருத்துவ வசதி கிடைக்கும் நாடுகளின் பட்டியல்:

இந்தியாவுக்கு 145ஆவது இடம் புதுடில்லி, மே 24 சர்வதேச அளவில் தரமான மருத்துவ வசதி கிடைக்கும் நாடுகளில் இந்தியாவுக்கு 145ஆவது இடம் கிடைத்தது. இந்தியாவை விட சீனா, இலங்கை, வங்கதேசம், பூடான் ஆகிய நாடுகள் முன்னணியில் உள்ளன. இதுகுறித்து 195 நாடுகளில் நடத்தப்பட்ட ஆய்வு முடிவில் தெரிவிக்கப்பட்டதாவது: மக்களுக்கு தரமான மருத்துவ சேவை அளிக்கும் நாடுகள் பட்டியலில், அய்ஸ்லாந்து, நார்வே, நெதர் லாந்து, லக்ஸர்ம்பர்க், பின்லாந்து, ஆஸ்திரேலியா ஆகிய நாடுகள் முன்னிலையில்....... மேலும்

24 மே 2018 15:44:03

பாஜக ஆட்சி நீடிப்பது ஜனநாயகத்திற்கு ஆபத்து!

பாஜக ஆட்சி நீடிப்பது ஜனநாயகத்திற்கு ஆபத்து!

பிரகாஷ் அம்பேத்கர் பேட்டி மும்பை, மே 23-- பாஜக ஆட்சி மத்தியில் நீடிப்பது, ஜனநாய கத்திற்கு நல்லதல்ல என்று டாக்டர் அம்பேத்கரின் பேர னும், பரிபா பகுஜன் மகாசங் அமைப்பின் தலைவருமான பிரகாஷ் அம்பேத்கர் கூறி யுள்ளார். மகாராஷ்ட்டிர மாநிலம் பந்தர்பூரில் செய்தியாளர்களுக்கு பிரகாஷ் அம்பேத்கர் செய்தியா ளர்களுக்குப் பேட்டி அளித்து உள்ளார். அதில் அவர் கூறியிருப்பதாவது: தாழ்த்தப்பட்ட மக்கள் முன்னேற்றத்தை பாரதிய ஜனதா, காங்கிரசு, தேசியவாத காங்கிரசு என பல கட்சிகளும் தடுத்து....... மேலும்

23 மே 2018 17:16:05

புதுவை முதல்வர் நாராயணசாமி எதிர்ப்பு

புதுவை முதல்வர் நாராயணசாமி எதிர்ப்பு

புதுச்சேரி, மே 23- அய்ஏஎஸ், அய்பிஎஸ் தேர்வில் புதிய நடைமுறையை ஏற்க முடியாது என்று புதுவை முதல்வர் வே. நாராயணசாமி எதிர்ப்புத் தெரிவித்தார். புதுச்சேரியில் செய்தியாளர் களுக்கு செவ்வாய்க்கிழமை அவர் அளித்த பேட்டி: குடி மைப் பணி தேர்வில் வெற்றி பெறுபவர்களின் மதிப்பெண் கள், தர நிலை, நேர்காணல் அடிப்படையில் அவர்களுக்கு அய்ஏஸ், அய்பிஎஸ், அய்எப் எஸ் பணியிடங்களை ஒதுக்கும் வழக்கம் தற்போது நடைமுறை யில் உள்ளது. இதற்குப் பதி லாக....... மேலும்

23 மே 2018 17:01:05

அய்.ஏ.எஸ்., அய்.பி.எஸ். தேர்வில் புதிய நடைமுறையோ

அய்.ஏ.எஸ்., அய்.பி.எஸ். தேர்வில் புதிய நடைமுறையோ

ஆர்எஸ்எஸ் தேர்வு செய்பவர்களை அதிகாரிகளாக்க பிரதமர் முயற்சி: ராகுல் காந்தி சாடல் புதுடில்லி, மே 23- ஆர்எஸ்எஸ் அமைப்பு தேர்வு செய்யும் நபர் களை அய்ஏஎஸ், அய்பிஎஸ் அதிகாரிகளாக்க பிரதமர் நரேந் திர மோடி முயற்சித்து வருவ தாக காங்கிரஸ் தலைவர் ராகுல் காந்தி குற்றம்சாட்டியுள்ளார். குடிமைப் பணித் தேர்வில் வெற்றி பெற்றவர்களுக்கு பணி நிலை மற்றும் துறைகளை ஒதுக்கீடு செய்யும் நடைமுறை களில் மாற்றம் கொண்டுவர மத்திய அரசு திட்டமிட்டுள்ளது........ மேலும்

23 மே 2018 17:01:05

நாடாளுமன்ற மக்களவையில் பாஜக பலம் 272 ஆகக் குறைந்தது!

புதுடில்லி, மே 23- -நாடாளுமன்ற மக்களவையில், பாஜக உறுப்பி னர்களின் எண்ணிக்கை, 282-இல் இருந்து 272 ஆக குறைந் துள்ளது. இதன் மூலம் இன் னும் ஓரிடம் குறைந்தால் கூட அந்த கட்சி, தனிப்பெரும்பான் மையை இழக்கும் நிலை ஏற்பட்டுள்ளது. கடந்த 2014- ஆம் ஆண்டு நடைபெற்ற மக்களவைத் தேர் தலில் பாஜக மட்டும் 282 இடங்களில் வெற்றி பெற்றிருந் தது. ஆனால், இடைத் தேர்தல் களில் கிடைத்ததோல்வி மற் றும்....... மேலும்

23 மே 2018 17:01:05

பாஜக தலைவர் அமித்ஷாவுக்கு விவசாய அமைப்பினர் கருப்புக் கொடி

பாஜக தலைவர் அமித்ஷாவுக்கு விவசாய அமைப்பினர் கருப்புக் கொடி

கவுகாத்தி, மே23 அசாம் மாநிலத்துக்கு சென்ற பாஜக தேசிய தலைவர் அமித் ஷாவுக்கு கடும் எதிர்ப்பு ஏற்பட்டுள்ளது. அசாம் மாநில ஆளும் பாஜக அம்மாநிலத்தில் குடியுரிமை சட்டத்திருத்த மசோதாவை சட்டமாக்கு வதில் தீவிரம் காட்டி வருகிறது. இந்நிலையில் அதற்கு அம்மாநிலத்தில் கடுமையான எதிர்ப்பு ஏற்பட்டுள்ளது. பாஜக தேசிய தலைவர் அமித் ஷா அம்மாநிலத்துக்கு சென்ற போது கிரிஷக் முக்தி சங்க்ரம் சமிதி (கேஎம்எஸ்எஸ்) எனும் விவசாயிகள் அமைப்பின் சார்பில் கருப்புக்....... மேலும்

23 மே 2018 16:40:04

ஓட்டுநர் வேலைக்கு போட்டியிடும் எம்.பி.ஏ., எம்.டெக்., பட்டதாரிகள்!

பா.ஜ.க. ஆளும் குஜராத்தில் அவலம் அகமதாபாத், மே 23 -இந்தியாவின் முன்மாதிரி மாநிலம் என்றால், அது குஜராத் மாநிலம்தான் என்று ஊடகங்கள் மூலம் பாஜக-வினர் ஒரு பிம்பத்தை கட்ட மைத்தனர். வறுமைஇல்லை; வேலையில்லாத் திண் டாட்டம் என்றால் என்ன வென்றே குஜராத்தில் இருப் பவர்களுக்குத் தெரியாது; அங்கு பாலாறும் தேனாறும் ஓடுவதாக கதைகளைக் கட்டி விட்டார்கள். குஜராத்தின் பல்வேறு பகுதிகளுக்கு நேர டியாக சென்று வந்தவர்களோ, அங்கு அப்படி ஒரு பிர....... மேலும்

23 மே 2018 16:40:04

கருநாடக தேர்தலுக்கு ரூ.6,500 கோடி செலவிட்டுள்ளது பாஜக

அனந்த் சர்மா பேட்டி புதுடில்லி, மே 23 "கர்நாடக சட்டப் பேரவைத் தேர்தலுக்காக ரூ.6,500 கோடியை பாஜக செலவிட்டுள்ளது' என்று காங்கிரஸ் கட்சியின் மூத்த தலைவர் அனந்த் சர்மா தெரிவித்துள்ளார். இதுகுறித்து டில்லியில் அவர் செய்தியாளர்களிடம் திங்கள்கிழமை கூறியதாவது: உலகிலேயே மிகப்பெரும் பணக்கார அரசியல் கட்சியாக பாஜக உள்ளது. கருநாடகத் தேர்தலில் சுமார் ரூ.6,500 கோடியை பாஜக செலவிட்டுள்ளது. இந்த பணம் எங்கு இருந்து வந்தது என்பது குறித்து பாஜக விளக்கம் அளிக்க வேண்டும்........ மேலும்

23 மே 2018 16:39:04

பாஜக ஆளும் குஜராத்தில் தாழ்த்தப்பட்ட தொழிலாளி அடித்துக்கொலை!

உடலை வாங்க மறுத்து உறவினர்கள் போராட்டம் அகமதாபாத், மே 22 குஜராத் மாநிலம் ராஜ்கோட் பகுதியில் உள்ள தொழிற் சாலையில், தாழ்த் தப்பட்ட தொழிலாளி ஒருவரை, தூணில் கட்டி வைத்து மிகக் கொடூரமான முறையில் அடித்தே கொன்ற சம்பவம் நடந்துள்ளது. குஜராத் மாநிலம் ராஜ் கோட்டைச் சேர்ந்த தொழிலாளி முகேஷ் சாவ்ஜி வானியா (40). இவர் அங்குள்ள ஷாபார்- வேராவல் பகுதியில் உள்ள தொழிற் சாலையில் பணி யாற்றி வந்தார்.ஞாயிற்றுக்கிழமை தொழிற்....... மேலும்

22 மே 2018 17:31:05

நீட் தேர்வு: டில்லி ஏகாதிபத்தியத்தின் ஒடுக்குமுறை ஆயுதம் -பேராசிரியர்.மு.நாகநாதன்

எழுத்துரு அளவு Larger Font Smaller Font

அதிகாரக்குவிப்பு, ஆணவம், குழப்பங்கள் ஒரு சேர இருப்பதுதான் இன்றைய பாஜக ஒன்றிய அரசு.

500,1000, உயர்மதிப்பு ரூபாய் தாள்கள் செல்லுபடியாகாது என்ற அறிவிப்பை தொடர்ந்து, ஏழை எளிய, நடுத்தர மக்கள் அன்றாட வாழ்வில் பட்ட துயர்களை எளிதாக மறந்து விட முடியுமா?

எந்த நாட்டிலாவது வங்கிகளின் வாயில்களில், சாலைகளில் நீண்ட வரிசையில் மக்கள் நின்று 100 கணக்கில் மக்கள் மடிந்த கொடுமையைக் கண்டதுண்டா?

சரக்கு சேவை வரி அறிமுகப்படுத்தப் பட்டபோது உரிய கலந்துரையாடல் களை,மாநில முதல்வர்களிடம், வணிகர் களிடம், வரி வல்லுநர்களிடம் நடத்திய துண்டா? இதன் காரணமாக பொருளாதாரமே நொறுங்கி வருவதை அறிந்த பிறகும் பிரதமரும் ஒன்றிய அரசும்  கவலைப்பட்டு நல்ல தீர்வுகளை எட்டாமல் இருப்பது எவ்வளவு கொடுமை!

நீட் தேர்வு மாநிலங்களின் உரிமையை பறித்து, சமூகநீதியை புறந்தள்ளும் போக்கினை எந்த கூட்டாட்சி நாட்டிலாவது காணமுடியுமா? புதுடில்லியின்" உண்மையான, நிரந்தர அதிகாரிகள்"- காங்கிரசு ஆட்சியின் போதும், இன்றைய பாஜக ஆட்சியின் போதும்,  ஒரே கொள்கையைதான் கடை பிடித்தார்கள்.

யார் அந்த உண்மையான ஆட்சியா ளர்கள் என்பதை மறைந்த முன்னாள் குடியரசுத் தலைவர் கே.ஆர்.நாராயணனின் வாழ்க்கை வரலாற்றைப் பார்த்தாலே அறிந்து கொள்ளமுடியும். ஏழைக் குடும்பத்தில் பல உடன்பிறப்பு களோடு பிறந்தவர்.பள்ளி செல்வதற்குப் பல கிலோ மீட்டர்கள் நடந்து சென்றவர்.

இத்தகைய பின்னணியோடு படித்து, இறுதி பள்ளித்தேர்வில் மாவட்டத்திலேயே முதல் மதிப்பெண் பெற்றார்.

திருவாங்கூர் சமஸ்தானம் நடத்திய கல்லூரியில் அரசியல் பாடப்பிரிவில் முதுநிலைப் பட்டம் பெற்றவர்.

மாநிலத்திலேயே அதிக மதிப்பெண்கள் பெற்று தங்க மெடல் பெற்றார். சமஸ்தானம் நடத்திய கல்லூரியில் ஒரு விதியிருந்தது.

அவ்விதியின்படி, கல்லூரியில் முதல் வகுப்பில் தேர்ச்சி பெற்று தங்க மெடல் பெறும் மாணவர்க்கு அக்கல்லூரியிலேயே ஆசி ரியர் பதவி வழங்கப்படும்.

அப்போது சமஸ்தானத்தின் ஆலோச கராக சர்.சி.பி.ராமசாமி அய்யர் பணியாற்றி வந்தார்.

திரு.கே.ஆர்.நாராயணன் தனது தகுதியைக் காட்டி கல்லூரியில் விரிவுரை யாளர் பதவிக்கு விண்ணப்பம் செய்தார். நேரில் கே.ஆர்.நாரயணனை அழைத்த சர்.சி.பி. ராமசாமி அய்யர், நீ தலித் என்பதால் ஆசிரியர் பதவி வழங்க முடியாது என்று அவமதித்தார். எழுத்தர் பதவியில் சேர்ந்து விடு என்றார்.

மனம் தளராத கே.ஆர்.நாராயணன் அன்றைய இந்து நாளிதழில் ஆக்ஸ் போர்டு பல் கலைக்கழகமும், டாட்டா கல்வி அறக் கட்டளை நிறுவனமும் இணைந்து கொடுத்த விளம்பரத்தைப் பார்த்தார். ஊர்ப்புறத்திலிருந்து நாள்தோறும் 7கிலோமீட்டர் நடந்துதான் கல்லூரி படிப்பையும் தொடர்ந்தார்.அப்போது எதிர் வீட்டுக்காரர் ஆங்கில நாளிதழான இந்து ஏட்டினை வாங்கிவரச் சொல்வார்.

நகரில் மட்டும் இந்து நாளிதழ் விற்கப் படும்.  கல்லூரியிலிருந்து திரும்பி வரும் போது இந்து ஏட்டினைப் படித்து தனது அறிவையும், ஆங்கில மொழிப் புலமை யையும் வளர்த்துக் கொண்டார்.

ஆக்ஸ்போர்டு பல்கலைக்கழகத்தில் மேற்படிப்பிற்கான மனுவை தன் கையால் எழுதினார்.

அஞ்சல் செலவிற்கு மட்டுமே பணம் வைத்திருந்தார்.மனுசெய்வதற்கு அஞ்சல் அலுவலகத்தில் கசக்கி தூக்கி எறிந்த ஒரு தாளை எடுத்துதான் பயன்படுத்தினார்.

மும்பாயில் நடைபெற்ற நேர்முக தேர்வில், டாட்டா.

"சிறந்த கல்வித் தகுதியையும், திறமை யையும் பெற்ற நீங்கள் கசங்கிய தாளில் மனு செய்யலாமா?என்று கேட்டார்.புதிய தாள் வாங்குவதற்குக் கூட என்னிடம் பணம் இல்லை என்றார் கே.ஆர்.என்.

தேர்ந்தெடுக்கப்பட்டால்,கடும் குளிரை தாங்கக் கூடிய ஆடைகள் இல்லை என்றும் கூறினார். டாட்டா முழுப் பொறுப்பையும் ஏற்றார். இங்கிலாந்தில் புகழ்பெற்ற பேராசிரியர் ஹெரால்டு லாஸ்கியிடம் அரசியல் பாடங் களைக் கற்றார் கே.ஆர்.என்.லாஸ்கி யால் சிறந்த மாணவர் என்று பாராட்டப்பட்டார்.

நேரு இங்கிலாந்தில் மாணவராகயிருக் கும் போது பல முறை லாஸ்கியை சந்திப்பதில் பேரார்வம் காட்டியவர்.

மேற்படிப்பை முடித்து இங்கிலாந்தி லிருந்து இந்தியா திரும்பிய நேரத்தில் கே.ஆர்.நாரா யணனை நேரடியாக இந்திய ஆட்சிப் பணியில் அமர்த்துமாறு பேராசிரியர் ஹெரால்டு லாஸ்கி பிரதமர் நேருவிற்கு கைப்பட பரிந்துரை மடல் எழுதினார்.

இம்மடலுடன் பிரதமர் அலுவலகத் திற்கு சென்று கே.ஆர்.நாராயணனை அங்கிருந்த "நந்திகள்" நேருவைப் பார்க்க அனுமதிக்க வில்லை.

லாஸ்கியின் மடலை சிறிது நேரத்திற்கு பிறகு பார்த்த பிரதமர் நேரு பதறிப் போனார்.

கே.ஆர்.நாரயணனை தேடிச்சென்று பின்பு நேருவிடம் உயர் அதிகாரிகள் அழைத்துச் சென்றனர். ஆட்சிப் பணி பதவியில் சேர்ந்த கே.ஆர்.நாராயணன் குடியரசுத்தலைவராக உயர்ந்தார்.

கே.ஆர்.என்.ஒன்றிய அரசில் சிறிது காலம் திட்ட அமைச்சராக பணியாற்றிய போது அவர் பெற்ற பட்டறிவை சுமித் சக்கரவர்த்தி என்ற  ஏட்டாளரிடம் பதிவு செய்ததை  ளிறீஷீஷீளீ 2005- ழிஷீஸ்மீனீதீமீக்ஷீ 21-ஏடு வெளியிட்டது.

"சாதாரண மக்கள் அனைவருக்கும் கல்வி அளித்துவிட்டால், அவர்கள் அரசிடம் எவ்வாறு நடந்து கொள்ளவார்கள் என்ற ஒரு அச்சம் இருப்பதாக தன்னிடம் திட்டத்தை உருவாக்குபவர்கள் ஒரு சந்தேகத்தை தெரிவித் தார்கள்". என்று கேட்டார்.ஆர்.என்.

இப்போது புரிகிறதா டில்லி ஏகாதி பத்திய உயர் ஜாதியினர் நீதித்துறையில் இருந்தாலும், நிர்வாகத்துறையில் இருந்தாலும் அனிதாக் களை மருத்துவ துறையில் அனுமதிப்பார்களா?

புதுடில்லியில் அதிகாரங்கள் குவிக் கப்பட்டால் ஏழை எளியோர் அடிமை களாகத்தான் இருப்பார்கள்.  கல்வியை மாநிலப் பட்டியலுக்கு மாற்று! மாநிலங்களுக்கு முழுசுயாட்சியை வழங்கு!! இவை வெற்று முழக்கங்களாக அமை யாமல் இருப்பதற்கு அரசியல் களத்தில் தளத்தில் தொடர் மக்கள் போராட்டங்கள் நடத்துவதே  நிரந்தர தீர்வாகும்.

தமிழில் கருத்துக்களை தெரிவிக்க -  


Security code
Refresh

Banner
Banner