`ஊழல் வழக்குகளுக்கு முன்னுரிமை அளித்து விசாரிக்க உச்சநீதிமன்ற தலைமை நீதிபதி கடிதம்

எழுத்துரு அளவு

0 Comments

புதுடில்லி, டிச.14- ஊழல் வழக்கு விசாரணைகளுக்கு முன்னுரிமை அளித்து விரைவாக விசாரித்து தீர்ப் பளிக்க வேண்டும் என்று மாவட்ட நீதிமன்றம் மற்றும் மாநில உயர்நீதி மன்ற நீதிபதிகளுக்கு உச்சநீதிமன்றம் தலைமை நீதிபதி எஸ்.எச்.கபாடியா கடிதம் எழுதியுள்ளார்.

நாடு முழுவதும் ஏராளமான ஊழல் வழக்குகள் குவிந்துள்ளன. இந்த நிலையில், கீழ் நீதிமன்றங்கள் முதல் உயர்நீதிமன்றங்கள் மற்றும் உச்சநீதிமன்றத்தில் பதிவு செய்யப் பட்டுள்ள ஊழல் வழக்குகளை விரை வாக விசாரித்து தீர்ப்பளிக்குமாறு உயர்நீதிமன்ற தலைமை நீதிபதிகள் மற்றும் மாவட்ட நீதிமன்றங்களுக்கு உச்ச நீதிமன்ற தலைமை நீதிபதி எஸ். எச்.கபாடியா கடிதம் எழுதியுள்ளார்.

இந்த தகவலை உச்சநீதிமன்ற செயலாளர் ஜெனரல் ஏ.அய்.எஸ். சீமா நேற்று தெரிவித்தார்.

உயர்நீதிமன்றத் தலைமை நீதிபதி களுக்கு எழுதியுள்ள கடிதங்களில், `ஊழல் தடுப்பு சட்டம் 1988இன் கீழ் பதிவு செய்யப்பட்டுள்ள அனைத்து வழக்குகளையும் முன்னுரிமை அடிப் படையில் விசாரணைக்கு எடுத்துக் கொள்ள வேண்டும். அந்த வழக்கு களை விரைவான முறையில் விசா ரித்து தீர்ப்பளிப்பதை உறுதி செய்ய வேண்டும்' என எஸ்.எச்.கபாடியா கேட்டுக் கொண்டுள்ளார்.

இது போல, உச்சநீதிமன்ற பதிவா ளருக்கும் அவர் கடிதம் அனுப்பி இருக்கிறார். அதில், ஊழல் வழக்கு களை விசாரணைக்கு பட்டியலிடு வதில் அதிகபட்ச முன்னுரிமை அளிக்க வேண்டும்' என வலியுறுத்தியுள்ளார்.

---

.