பொதுத்துறை வங்கிகளுக்கு ரூ.15,500 கோடி பிரணாப் முகர்ஜி அறிவிப்பு

எழுத்துரு அளவு

சனி, 14 ஏப்ரல் 2012 15:39

0 Comments

புதுடெல்லி, ஏப்.14- நிதி நிலைமையை மேம்படுத்த பொதுத்துறை வங்கிகளுக்கு நடப்பு நிதி ஆண்டில் ரூ.15,500 கோடி வழங்கப்படும் என்று பிரணாப் முகர்ஜி கூறியுள் ளார்.

டெல்லியில், பஞ்சாப் நேஷனல் வங்கியின் 118-வது ஆண்டு விழாவில் மத்திய நிதி அமைச்சர் பிரணாப் முகர்ஜி கலந்து கொண்டார். அங்கு அவர் பேசியதாவது:-

இந்திய வங்கிகள் எத்தகைய பிரச் சினைகள் மற்றும் நெருக்கடிகளுக்கு மத்தியில் பணியாற்றி வருகின்றன என்பது எனக்குத் தெரியும். அதனால் தான், பொதுத்துறை வங்கிகளுக்கு உதவ முயன்று வருகிறோம். அந்த வங்கிகளின் மூலதனத் தை பெருக்க கடந்த 2 ஆண்டுகளில் ரூ.32 ஆயிரம் கோடி அளித்துள்ளேன்.

பொதுத்துறை வங்கிகளின் மூலதனத்தை அதிகரிக்க நடப்பு நிதி ஆண்டிலும் ரூ.15 ஆயிரத்து 500 கோடி அளிக்கப் போகிறேன். ஏனென்றால், பொதுத்துறை வங்கி களுக்கு போதிய மூலதனம் இருந்தால் தான், அவை மற்ற வங்கிகளுடன் போட்டியிட முடியும்.

பொதுத்துறை வங்கிகளுக்கு கடந்த 2010-2011-ஆம் நிதி ஆண்டில் ரூ.20 ஆயிரத்து 157 கோடியும், 2011-2012-ஆம் நிதி ஆண்டில், ரூ.12 ஆயிரம் கோடி யும் அளித்தோம். - இவ்வாறு பிரணாப் முகர்ஜி கூறினார்.

---

.