நன்னன் அண்ணல் நினைவுப் பரிசளிப்பு விழாவில் ஜாதி மறுப்புத் திருமணம் செய்து கொண்டவர்களுக்குப் பரிசு

எழுத்துரு அளவு

செவ்வாய், 31 ஜூலை 2012 14:39

சென்னை, ஜூலை 31- நன்னன் குடி நடத்தும் நன்னன் அண்ணல் நினை வுப்பரிசளிப்பு விழாவில் ஜாதி மறுப் புத் திருமணம் செய்து கொண்ட அய்ந்து இணையர்களுக்குப் பரிசு வழங்கிச் சிறப்புச் செய்யப்பட்டது.

சென்னை அடையாறு முத்தமிழ்ப் பேரவை  கட்டடத்தில் அமைந்துள்ள, திருவாவடுதுறை டி.என்.இராசரத் தினம் கலையரங்கத்தில் நன்னன் குடி சார்பில்  நன்னன் அண்ணல் நினை வுப் பரிசளிப்பு விழா-9 நேற்று மாலை (30.7.2012) சிறப்பாக நடைபெற்றது.

நிகழ்ச்சியில் திருக்குறள் மூலமும் உரையும் இவர்தாம் பெரியார்-3ஆம் பகுதியாக சுயமரியாதை என்ற தலைப் பிலும் ஏகம் பதிப்பகம் சார்பில் இரண்டு நூல்களும், வனிதா பதிப்பகம் சார்பில், தமிழியல் தொல் எழுத்துஞ் சொல் லும் தொடருடன் என்ற நூலும்,  தொல். பேராசிரியர் உரைத்திறன் என்ற நூலும்,  சும்மா இருக்க முடிய வில்லை என்ற நூலுடன் மொத்தம் அய்ந்து நூல்கள் வெளியிடப்பட்டன.

அய்ந்து நூல்களையும் முனைவர் மருதநாயகம் வெளியிட, கல்வியாளர் லியோமுத்து பெற்றுக் கொண்டார். முன்னதாக பேராசிரியரும், பெரியார் பேருரையாளரும், புலவருமான மா.நன்னன் அவர்கள் அனைவரையும் வரவேற்று உரையாற்றினார்.

பேராசிரியர் மா.நன்னன் அவர் களுக்கு 90ஆம் அகவை தொடங்கிய தையொட்டி அவருக்கு சிறப்பு செய் யப்பட்டது. தமிழர் தலைவரும், திராவிடர் கழகத் தலைவருமான கி.வீரமணி அவர்கள் சார்பாக, திராவிடர் கழகப் பொதுச்செயலாளர் கவிஞர் கலி.பூங்குன்றன் அவர்கள் மா.நன்னன் அவர்களுக்கு பயனாடை அணிவித்து சிறப்புச் செய்தார்.

தொடர்ந்து தமிழைத் தமிழாக் குவோம் என்ற தலைப்பில் பள்ளி மாணவர்களுக்கிடையே நடைபெற்ற தேர்வுப்போட்டியில் வெற்றி பெற்றவர்களுக்கு பரிசளித்து சிறப்புச் செய்யப்பட்டது. பிறகு, ஜாதி மறுப்புத் திருமணம் செய்து கொண்ட, திராவிடர் கழகத் தோழர்களான பூவிருந்தவல்லி பகுதியைச் சேர்ந்த உடுமலை வடிவேல்- கி.மணிமேகலை, சென்னை வேப்பம்பட்டு பகுதியைச் சேர்ந்த பன்னீர்செல்வம்- கலைச் செல்வி, சென்னை திருவொற்றியூர்ப் பகுதியைச் சேர்ந்த இளங்கோ-இந் திரா,  மயிலாடுதுறையைச் சேர்ந்த அறி வுடைநம்பி - துர்கா,  திருச்சியைச் சேர்ந்த அஞ்சுகம்- சந்துரு ஆகிய அய்ந்து இணையர்களுக்கு தலா ரூபாய் 10,000 வழங்கி சிறப்புச் செய்யப்பட்டது.

நிகழ்ச்சியின் அடுத்த பகுதியாக புலவர் பா.வீரமணி, கவிஞர் ஆண் டாள் பிரியதர்ஷினி, கவிக்கோ ஞானச் செல்வன், முன்னாள் தலைமை ஆசிரி யரும், எழுத்தாளருமான மஞ்சை வசந் தன், நாடாளுமன்ற உறுப்பினர் திருச்சி சிவா, முனைவர் மருதநாயகம் ஆகி யோர் நூல்களை திறனாய்வு செய்து உரையாற்றினர்.

இறுதியாக அனைவருக்கும் இரவு உணவு ஏற்பாடு செய்யப்பட்டிருந்தது. நிகழ்ச்சியில் கவிக்கொண்டல் மா.செங் குட்டுவன், சென்னை  மேனாள் மேயர் சா.கணேசன் மற்றும் பலர் கலந்து கொண்டு சிறப்பித்தனர்.

தமிழர் தலைவர் கி.வீரமணி வாழ்த்துச் செய்தி அனுப்பியிருந்தார்.

---

.