எழுத்துரு அளவு Larger Font Smaller Font

புவனேசுவரம், ஜன. 11 -ஒடிசாவில் உள் ளாட்சி தேர்தல் நடத்தை விதிகளை மீறி நாளிதழ்களில் பிரதமரின் விளம்பரங்கள் வெளியிடப்படுவதாக மாநில தேர்தல் ஆணையத்திடம் பிஜு ஜனதா தளம் முறையிட்டுள்ளது.

இது தொடர்பாக கட்சியின்  துணைத் தலைவர் எஸ்.என்.பத்ரோ தலைமையி லான குழு, அப்புகார் மனுவை ஆணை யத்திடம் திங்கள்கிழமை அளித்தது.

மனு விவரம் வருமாறு:-

கடந்த டிசம்பர் 27- ஆம் தேதி முதல் உள்ளாட்சித் தேர்தல்  நடத்தை விதிகள் மாநிலம் முழுதும் அமலில் இருக்கின்றன.விவசாயிகள், சுய உதவிக் குழுக்களுக்குச் சலுகைகளை அறிவித்தும் புதியதிட்டம்தொடங்குவதுகுறித்தும், பிரதமரின்படத்துடன்ஒடியாமொழி நாளிதழ்களில் மத்திய அரசு விளம்பரங் களை தருகிறது. இது நடத்தை விதிகளை அப்பட்டமாக மீறிய செயலாகும்.இந்த விவகாரத்தில் தலையிட்டு இதுபோன்ற விளம்பரங்கள் வடிவிலான தேர்தல் பிரச் சாரத்தைத் தடுத்து நிறுத்துமாறு மத்திய அரசுக்கு தேர்தல் ஆணையம் உத்தரவிட வேண்டும். விதி மீறல்களுக்கு கடும்  நடவடிக்கை எடுக்கப்பட வேண்டும் என்று அந்த மனுவில் கூறப்பட்டுள்ளது.

எனினும், மேற்கண்ட புகாரை பாஜக மறுத்துள்ளது. பிரதமர் அறிவித்திருக்கும் சலுகைகளும், புதிய திட்டங்களும் ஒடிசாவுக்கு மட்டுமல்ல. நாடு முழுவதுக்கும்தான். எனவே, நாளி தழ்களில் விளம்பரத்தை பிரசுரிப்பது என்பது விதிமுறைகளை மீறிய செயல் எனக் கூற முடியாது என்று மாநில பாஜக தலைவர் கே.வி.சிங்தேவ் கூறினார்.

இந்த நிலையில் மாநிலத்தில் ஊராட்சித் தேர்தல் நடைபெறவிருப் பதைக் கருத்தில் கொண்டு மத்திய அரசின் சலுகைகள், திட்டங்கள் குறித்த விளம்பரங்களை ஒடிசா நாளிதழ்கள், உள்ளூர் தொலைக்காட்சிகளில் வெளியிடுவதற்கு தேர்தல் ஆணையம் தடை விதித்துள்ளது.

மேலும் மாநில அரசின் திட்டங்கள், சாதனைகளை சுட்டிக்காட்டும் துண்டுப் பிரசுரங்கள், விளக்கக் குறிப்புப் புத்தகங் களையும் நியாயவிலை அட்டைக் கடை களில் விநியோகம் செய்வதை தடை செய்யுமாறு மாவட்ட ஆட்சியர்களுக்கு ஆணையம் உத்தரவிட்டிருக்கிறது. அதோடு குழந்தைகள் நல மேம்பாட்டு அலுவலர்களை தேர்தல் பிரச்சாரத்தில் ஈடுபடுத்தக் கூடாது என்றும், நடத்தை விதிகள் அமலுக்கு வந்த நாளுக்கு முன்பாக முன்தேதியிட்டு எந்த வளர்ச்சிப் பணிக்கும் உத்தரவு தரக்கூடாது என்றும் தேர்தல் ஆணையம் கண்டிப்புடன் தெரிவித்துள்ளது.



.
 

இப்பிரிவில் முந்தையச் செய்திகள்:

தமிழில் கருத்துக்களை தெரிவிக்க -  


Security code
Refresh

Banner
Banner