எழுத்துரு அளவு Larger Font Smaller Font

ரயில்வே பிளாட்பாரங்களில்
ஏ.டி.எம் மய்யங்கள்

டில்லி, ஜன.9 ரயில்வே பிளாட் பாரங்களில் ஏ.டி.எம். இயந்திரங் களை நிறுவி கூடுதல் வருவாய் திரட்ட மத்திய அரசு முடிவு செய் துள்ளது. முக்கிய ரயில்வே நிலை யங்களில் உள்ள பிரதான பிளாட் பாரங்களில் ஏ.டி.எம்.கள் நிறுவப் படும். முதற்கட்டமாக 2000 ஏ.டி. எம்.கள் நிறுவ அனுமதி அளிக்கப் படும் என ரயில்வே அமைச்சர் சுரேஷ் பிரபு தெரிவித்துள்ளார்.

நிதி நெருக்கடியில் சிக்கி தவிக்கும் ரயில்வே பயணிகள், சரக்கு கட்டணம் தவிர இதர வழிகளிலும் வருவாயை திரட்ட  முடிவு செய்துள்ளது. இதன் ஒரு அம்சமாக  ரயில்வே பிளாட்பாரங்களில் ஏ.டி.எம்.களை நிறுவ முடிவு செய்யப் பட்டுள்ளது.  இதேபோன்று ரயில் வண்டிகளில் கூடுதல் விளம்பரங்களை அனுமதிக்கவும் முடிவு செய்யப்பட்டுள்ளது.

ரயில்வேயில் கட்டணம் தவிர்த்து இதர வருமானம் 5 சதவீதம் என்ற அளவில் மட்டுமே உள்ளது. இதை அதிகரிக் கும் வகையில் நடவடிக்கை எடுக்க முடிவு செய்யப்பட்டுள்ளது.

ரயில் டிக்கெட் பெற புதிய செயலி

சென்னை, ஜன.9 ரயில் டிக்கெட்களை விரைவாக பெறுதல் உட்பட 5 வகையான வசதிகளை பெற புதிய செய லியை இந்திய ரயில்வே உணவு மற்றும் சுற்றுலா கழகம் (அய்ஆர்சிடிசி) விரைவில் தொடங்கவுள்ளது.

இது தொடர்பாக அய்ஆர்சிடிசி உயர் அதிகாரிகள் கூறிய தாவது: ரயில் பயணிகளுக்கு செல்போன் மூலம் பல்வேறு வசதிகள் எளிமையாக கிடைக்கும் வகையில் ரயில்வே துறை திட்டங்களை செயல்படுத்தி வருகிறது. அய்ஆர்சிடிசி இணைய தளத்தில் உள்ள பல்வேறு வசதிகளை செல்போன் செயலி மூலமும் பெறும் வகையில் ‘அய்ஆர்சிடிசி ரயில் கனெக்ட்’ என்ற பெயரில் புதிய செயலி அறிமுகமாகிறது.

இதன் மூலம் ரயில் டிக்கெட்டை வேகமாக முன்பதிவு செய்ய முடியும், டிக்கெட்டை ரத்து செய்யவும் முடியும், உணவு ஆர்டர் செய்வது, கால்டாக்சி, ரயில் நிலையங்களில் ஓய்வு அறைகள் முன்பதிவு, ஓட்டல் அறை முன்பதிவு, போர்ட்டர் சேவை கோருவது, உள்ளிட்ட ஒருங்கிணைந்த வசதிகளைக் கொண்ட புதிய செல்போன் செயலியை உரு வாக்கும் பணிகள் முடிவடைந்துள்ளன. விரைவில் இந்த புதிய செயலி மக்களின் பயன்பாட்டுக்கு வரும். இவ்வாறு அவர்கள் கூறினர்.


சென்னையில் 2ஆவது கட்டமாக
3 புதிய வழித்தடங்களில் மெட்ரோ ரயில் சேவை

சென்னை, ஜன.9 சென்னையில் அடுத்த கட்டமாக 3 புதிய வழித்தடங்களில் 114 கி.மீ. தூரத்துக்கு மெட்ரோ ரயில்கள் இயக்கப்படவுள்ளன. இதற்காக மாதவரத்தில் 2 லட்சம் சதுர மீட்டரில் பிரம்மாண்டமான பணிமனை அமைகிறது.

சென்னையில் தற்போது இரு வழித்தடங்களில் மெட்ரோ ரயில் பணிகள் நடைபெற்று வருகின்றன. விமானநிலையம் சின்னமலை, பரங்கிமலை கோயம்பேடு வரையில் மெட்ரோ ரயில்கள் தற்போது இயக்கப்பட்டு வருகின்றன. இதுவரை சுமார் 70 சதவீத பணிகள் முடிக்கப்பட்டுள்ளன. இந்த ஆண்டு இறுதிக்குள் அனைத்து பணிகளையும் முடிக்க மெட்ரோ ரயில்வே நிறுவனம் முடிவு செய்துள்ளது.

இந்நிலையில், 2ஆ-வது கட்டமாக 3 புதிய வழித்தடங்களில் மெட்ரோ ரயில்களை இயக்குவது தொடர்பாக பல்வேறு கட்ட ஆய்வுகள் நடத்தி முடிக்கப்பட்டுள்ளன.

இது தொடர்பாக மெட்ரோ ரயில்வே அதிகாரிகள் கூறியதாவது:

சென்னை மெட்ரோ ரயில் திட்டத்தின் 2ஆ-வது கட்ட திட்டம் மாதவரம் - சிறுசேரி (மயிலாப்பூர் லஸ் வழியாக), மாதவரம் - சோழிங்கநல்லூர் (கோயம்பேடு, பெரும்பாக்கம் வழியாக), நெற்குன்றம் - வி.இல்லம் என மொத்தம் 114 கி.மீ. தூரத்துக்கு 3 புதிய வழித்தடங்களில் மெட்ரோ ரயில்களை இயக்க பல்வேறு கட்ட ஆய்வுகள் நடத்தி முடிக்கப்பட்டுள்ளன.

மெட்ரோ ரயில் நிலையங்கள், சுரங்க வழிப்பாதைகள், உயர் மட்ட ரயில் பாதைகள் அமைப்ப தற்கான இடங்களை தேர்வு செய்து, வரைபடங்களையும் தயாரித் துள்ளோம். சுரங்கப் பாதைகளை விட, உயர்மட்ட பாதையில்தான் அதிக தூரம் மெட்ரோ ரயில்களை இயக்க திட்டமிட்டுள்ளோம். மொத்தம் ரூ.45 ஆயிரம் கோடி முதலீடு தேவைப்படும். வரும் மார்ச் மாதத்துக்குள் மாநில, மத்திய அரசின் ஒப்புதலைப் பெற திட்டமிட்டுள்ளோம்.

மெட்ரோ ரயில்களை பராமரிக்க தற்போது கோயம்பேட்டில் இருக்கும் பணிமனையைப் போல் மாதவரத்திலும் 2 லட்சம் சதுர மீட்டரில் பிரம்மாண்ட பணிமனையை அமைக்க முடிவு செய்துள்ளோம். இங்கு 42 மெட்ரோ ரயில்களை நிறுத்தி பராமரிக்கும் வசதி உருவாக்கப்படும். பணிமனையை கண்காணிக்கும் கட்டுப்பாட்டு அறைகள், 10-க்கும் மேற்பட்ட நடைமேடைகள் அமையும். தென்சென்னை பகுதியில் மேலும், ஒரு பணிமனை அமைக்க இடம் தேர்வு செய்யும் பணிகளும் நடைபெற்று வருகின்றன.
இவ்வாறு அவர்கள் கூறினர்.



.
 

இப்பிரிவில் அண்மைச் செய்திகள்:
இப்பிரிவில் முந்தையச் செய்திகள்:

தமிழில் கருத்துக்களை தெரிவிக்க -  


Security code
Refresh

Banner
Banner