எழுத்துரு அளவு Larger Font Smaller Font

பொன்னேரி, பிப். 3 "பெரியாருக்கு முன்னும் பின்னும் தமிழ்நாடு’’ என்ற தலைப்பில் கழக செயலவைத் தலைவர் சு. அறிவுக்கரசு சிறப்புரை ஆற்றினார்.

தந்தை பெரியாரின் 140 ஆம் பிறந்த நாளை யொட்டி பொன்னேரியிலுள்ள அரிஅரன் கடைவீதி யில் கடந்த 5.2.2019 அன்று பொதுக்கூட்டம் நடை பெற்றது. இக்கூட்டம் பொன்னேரி நகர, மீஞ்சூர் ஒன்றிய திராவிடர் கழகத்தின் சார்பில் மிக சிறப்பாக ஏற்பாடு செய்யப்பட்டிருந்தது. நிகழ்ச்சியில் கழக பொன்னேரி நகர செயலாளர் மு. சுதாகர் அனைவரை யும் வர வேற்றுப் பேசினார். கழக மீஞ்சூர் ஒன்றிய செயலாளர் கெ.முருகன் தலைமையேற்றுச் சிறப்பித் தார். இரா.விசயகுமார், சு.இராச சேகர், வ.ரவி, பாஸ் கரன், செ.உதயகுமார், மு.க.தமிழ்ச்செல்வன், வழக்கு ரைஞர் கே. மூர்த்தி ஆகியோர் முன்னிலை வகித்தனர்.

டிபன் பாக்சுக்கு தீட்டுக்

கழித்த பார்ப்பனர்கள்?

இறுதியில் சிறப்புரையாற்றிய செயலவைத் தலைவர் தனது உரையில், “1910 இல் அண்ணாமலைப் பல்கலைக்கழகத்தில் படித்து, பின்னாளில் துணை வேந்தராக வந்தவரான டி.எம்.நாராயணசாமிப் பிள் ளையாக இருந்தாலும் சரி, சுப்பிரமணிய நாடாராக இருந்தாலும் சரி, சோறு விற்கும் பார்ப்பான் கடையில் டிபன் பாக்சை வைத்து, அதன்மீது காசை வைத்து விட்டு சென்றுவிட வேண்டும். பிறகு அந்த சோற் றுக்கடைப் பார்ப்பான் டிபன் பாக்சின் மீது தண்ணீர் தெளித்து தீட்டுக் கழித்து விட்டு, அதில் சாப்பாடு வைத்து ¢அவரவர் பெயரைச் சொல்லி அழைப்பான். அதன் பிறகு அதை வாங்கிவந்து கூவம் நதிக்கரையிலே உட்கார்ந்து சாப்பிடவேண்டும். இதுதான் நமது அன்றைய நிலை. இந்த நிலையைப் போக்கத்தான் நடேசமுதலியார் 1914 இல் திராவிடர் விடுதியைத் தொடங் கினார். அதுமட்டுமா? திருச்சி காவேரி படித்துறையில் பார்ப்பனர்கள் மட்டும்தான் குளிக்க வேண்டும் என்று பார்ப்பனர்களின் தூண்டுதலால் பொன்னுசாமித்தேவர் கொடுத்த தீர்மானத்தின்படி, முனிசிபாலிட் டியில் அப்படி ஒரு பெயர்ப்பலகையே வைக்கப்பட்டது. இதுதான் நமது அன்றைய நிலை. 1916 இல் பார்ப்பனரல்லாதோர் கொள்கைப்பிரகடனம் வந்த துணிச்சலில் 1918 இல் அந்த பெயர்ப்பலகை உடைத் தெறியப்பட்டது.” என்றார்.

தொடர்ந்து பேசிய அவர், “பெரியா ருக்கு முன் மகாராஜராஜன் சுப்பிரமணியன் மகன் சூத்திரன் அறிவுக்கரசுதானே? பெரி யாருக்கு முன் மகாராஜராஜன் சுப்பிரமணி யன் மகன் பஞ்சமன் அறிவுக்கரசுதானே? என்று தன்னையே உதாரணமாக்கி அன்றைய நமது நிலையை பளிச்சென்று உணர்த்தினார். நீதிக்கட்சியைச் சேர்ந்த பனகல் அரசர்தானே அதை மாற்றினார். மந்திரியோனாலும் மாண்புமிகு சூத்திரன் தானே?" என்று கேள்வி மேல் கேள்விகள் கேட்டு, "இந்த வரலாறெல்லாம் இன்றைக்கிருக்கிற தமிழ்தேசியவாதி களுக்குத் தெரியுமா?’’ என்று கூடுதலாக ஒரு கேள்வி கேட்டுவிட்டு, “பெரியார் மட்டும் இல்லை யென்றால், பார்ப்பான் நமது நெற்றியிலேயே சூத்திரன் பஞ்சமன் என்று எழுதி யிருப்பானே?’’ என்று சனாதனத்தின் கொடூரத்தைச் சுட்டிக்காட்டினார். இந்தப் பெயரை நமக்குச் சூட்டக் காரணமாக இருந்தவன் ராஜராஜன் என்று கூடுதலாக ஒரு தகவலைச்சொன்னார். அது தொடர்பான தகவல்களையும் பகிர்ந்து கொண்டார். இப்படி பல்வேறு வரலாற்றுத் தகவல்களை சுவையாகப் பட்டியலிட்டு விட்டு, “அப்படியிருந்த நாம் இந்தளவுக்கு மாறி வந்திருக்கிறோம் என்றால், இந்த மாற்றங்களுக்கெல்லாம் காரணம் திராவிடர் இயக்கமும், தந்தை பெரியாரும்தான் என்று கூறி இன்று மத்திய மாநில அரசுகளால் வந்திருக்கும் ஆபத்தைச் சுட்டிக் காட்டி, பெரியாரின் வழியில் அப்படியே பின்தொடரும் திராவிடர்கழகத்தின் இன் றைய தலைவர் ஆசிரியர் வீரமணி  அவர் கள் சுட்டிக் காட்டுகிற பாதையில் அனை வரும் நடைபோட வேண்டும். அதுதான் நமது மீட்சிக்கு ஒரே வழி’’ என்று கூறி தனது உரையை நிறைவு செய்தார்.

முன்னதாக “தமிழ்தேசியத்திற்கு எதி ரானவரா தந்தை பெரியார்?’’ என்ற தலைப்பில் மாநில மாண வர் கழக மகளிரணி இணைச் செயலாளர் பா.மணி யம்மை உரையாற்றினார். மாநில அமைப்புச் செயலா ளர் வி.பன்னீர் செல்வம் அவர்கள் இந்நிகழ்வை தொடக்கி வைத்து உரையாற்றினார். அவரைத் தொடர்ந்து கழக சோழவரம் ஒன்றியத் தலைவர் சக்ரவர்த்தி, வடசென்னை மாவட்டம் கண்ணதாசன் நகர் பகுதித்தலைவர் ஜீவா, புழல் ஒன் றியச் செயலா ளர் ஜனாதிபதி, பொன்னேரி மாவட்ட திராவிட மகளிரணி பாசறைச் செயலாளர் செல்வி, புழல் மாவட்டத் தலைவர் த.ஆனந்தன்  ஆகியோர் உரை யாற்றினர்.

கலந்துகொண்டு சிறப்பித்தவர்கள்!

நிகழ்ச்சியில் க.ச.க.இரணியன், மு.இராணி, க.எழில், இரா. இரமேசு, க. கார்த்திகேயன், ச.நதியா, அறிவுமாணன், தெய்வசிகாமணி, சு.மல்லிகார்ஜூ னன், மு.பாபு, மா.இளையராணி, மு.ராமு, சு. துர்கா, அருணகிரி, இரா.சோமு, க.சுகன்ராஜ், வடகரை செகத் விசயகுமார், ந.கசேந்திரன், ஜெகந்நாதன் ஆகியோரும், கிளைக்கழக அமைப்பாளர்களான ரா.வினோத், மதி வாணன், ஏ,முரளி, கோபி ஆனந்தராஜ், சு.பாலாஜி, கோடீஸ்வரன், இரணியன், இராஜேசு ஆகியோரும், மாணவர் கழகத் தோழர்களான இரா. தேன்மொழி, ரா.வேணி, ச.கோமதி, மு. மாரியம்மாள், நீ.ஞான சேகர், ச.கோமதி, சு.சாந்தி, மு.பொன்னரசி, சி.தமி ழேந்தி, இரா.முருகேசுவரி, து.ஆகாஷ், ர.அரிஅரன், கா.சுபலட்சுமி, த.லட்சுமி ஆகியோரும், இளை ஞரணித் தோழர்களான கோபி, கவியரசு ஆகி யோரும், பெரியார் பிஞ்சுகளான மு.இரா.பவதாரணி, ம.பாவேந்தர், வே.இரா.எழில்மாறன், சு.க. இனிய வன், த.அன்புச்செல்வன், வி.செ.வெண்பா, ச.கோ.பகுத்தறிவு, ச.கோ. நக்கீ ரன், ந.யாழினி, த.மலர்விழி ஆகியோரும், ஆவடி மாவட்ட அமைப்பாளர் உடு மலை வடிவேல், பெரியார் வலைக்காட்சி சுதன், செந்துறை இரா.இராசேந்திரன், தாம்பரம் மாவட்டத் தோழர் மோகன்ராஜ், தி.மு. க.மாவட்டத் துணைச் செயலாளர் கதிர வன், முன்னாள் நகரச் செயலாளர் நக்கீரன், தி.மு.க. வெல்டன் வாசகர் மற்றும் ஏராள மான உள்ளூர் மக்கள் கலந்துகொண்டு கூட்டத்தை சிறப்பித்தனர்.  இறுதியில் கழக பொன்னேரி மாவட்ட நகரத் தலைவர் வே.அருள் நன்றி கூறி நிகழ்வை நிறைவு செய்தார்.

தமிழில் கருத்துக்களை தெரிவிக்க -  


Security code
Refresh

Banner
Banner