எழுத்துரு அளவு Larger Font Smaller Font

திருச்சி, ஜன.12 திருச்சி பெரியார் மருந்தியல் கல்லூரியில் பெரியார் மன்றம் மற்றும் திராவிட மாணவர் கழகத்தின் சார்பாக 10.01.2019 அன்று காலை 11.00 மணியளவில் தமிழர் திருநாளாம் பொங்கல் விழா குறித்த சிறப்புக் கருத் தரங்கம் கல்லூரி அரங்கத்தில் நடை பெற்றது.

இந்நிகழ்ச்சிக்கு பெரியார் மன்றத்தின் செயலர் பேராசிரியர் கே.ஏ.எஸ். முகமது சபீஃக்  வரவேற்புரையாற்றினார்.

பெரியார் மருந்தியல் கல்லூரியின் முதல்வர் முனைவர் இரா.செந்தாமரை அவர்கள்  பொங்கல் விழா நிகழ்ச்சிக்கு தலைமை வகித்து உரையாற்றினார். அவர் தமது உரையில்:

வியர்வை துளிகளை மண்ணில் சிந்தி மகிழ்ச்சியை அறுவடை செய்யக்கூடிய திருநாள்தான் தைத்திருநாள் என்றும் பண்டிகைகளையும், விழாக்களையும் பெரிதும் எதிர்த்த அறிவுலக ஆசான் தந்தை பெரியார் அவர்களால் இனம் காட்டப்பட்ட ஒரே விழா, ஒப்பற்ற விழா பொங்கல் விழா என்றும் உரையாற்றினார்.

மேலும் ஜாதி, மத பேதம் கடந்து சமத்துவத்தை எடுத்துரைக்கும் பொங்கல் விழாவை மட்டும்தான் அய்யா அவர்கள் தமிழன் விழாவாக  அறிவித்தார்கள். உயர்ந்தவன், தாழ்ந்தவன், ஏழை, பணக் காரன் என்ற பாகுபாடு இல்லாமல்

தமிழர்கள் அனைவரும் ஒற்றுமையாக, ஒரே விதமாக கொண்டாடக்கூடியது பொங்கல் விழா என்றும் உரையாற்றினார்.

தற்பொழுது இந்தியாவில் பள்ளி, கல்லூரி மாணவர்கள் மத்தியில் நடை பெற்ற அறிவியல் கருத்தரங்கில் இதிகாச, புராண கதைகள் அறிவியலின் அடிப்படை என்று சுட்டிக்காட்டியிருப்பது கல்வியா ளர்களின் மத்தியிலும், பகுத்தறிவாளர் களின் மத்தியிலும் பெரும் கவலையை ஏற்படுத்தி யிருப்பதாகவும் இவற்றை யெல்லாம் எதிர்த்து குரல்கொடுத்து அறிவியல் உண் மைகளை சமுதாயத்திற்கு எடுத்துரைப்பதில் நம் நிறுவனத்தலைவர் தமிழர் தலைவர் ஆசிரியர் அவர்களுடன் இணைந்து செயல்பட்டு பகுத்தறிவான சமுதாயம் உருவாக பாடுபட வேண்டும் என்றும் கேட்டுக்கொண்டு அனைவருக்கும் தமிழ்ப் புத்தாண்டு பொங்கல்  நல்வாழ்த்துக் களை தெரிவித்துக் கொண்டார்.

முனைவர் க.அன்பழகன்

இந்நிகழ்ச்சியின் சிறப்பு விருந்தினர் மக்கள் பல்கலைக்கழகமாம் பெரியார் மணியம்மை நிகர்நிலைப் பல்கலைக் கழகத்தின் பெரியார் சிந்தனை உயராய்வு மய்யத்தின் இயக்குநர் முனைவர் க. அன் பழகன் அவர்கள் தை முதல் நாள் தமிழர் திருநாள் என்ற தலைப்பில் சிறப்புரை யாற்றினார். அவர் தமது உரையில்:

தமிழர்களின் புகழை பறைசாற்றும்  பொங்கல் விழாவினை மிகச்சிறப்பாக ஏற்பாடு செய்திருக்கும் பெரியார் மருந் தியல் கல்லூரியின் நிகழ்ச்சியில் பங்கேற் பதில் பெருமகிழ்ச்சியடைவதாக உரை யாற்றினார்.

உழைப்பை முன்னிறுத்தி திராவிட இனத்தின் பெருமைகளை எடுத்துரைக்கும் பொங்கல் பண்டிகை உலகம் முழுவதிலும் உள்ள தமிழின மக்களால் கொண் டாடப்பட்டு வருகிறது என்றும் சமத்து வத்தை நிலைநாட்டும் தைத்திருநாளை மாணவ சமுதாயம் ஒன்றிணைந்து கொண் டாட வேண்டும் என்றும் உரையாற்றினார்.

மேலும் உழுபவர்களின் பின்னால் தான் இவ்வுலகம் செல்கிறது. அவர் களுடைய மேன்மையையும், உழைப் பையும் போற்றும் விதமாக உள்ள பண்டி கைதான் பொங்கல் பண்டிகை என்றும் மற்ற பண்டிகைகள் அனைத்தும் ஜாதி, மத, மூடநம்பிக்கைகளை விதைக்கக் கூடியது என்றும் உரையாற்றினார். உலகத் தலைவர் தந்தை பெரியார் அவர்கள் தமிழனுக்கென ஒரு இனம், மொழி, நாடு உள்ளது போன்று தமிழர்களுக்கென்ற ஒரு விழா பொங்கல் விழா என்பதனை தெளிவாக தமிழின மக்களுக்கு எடுத்து ரைத்தார்.

மாணவ சமுதாயம் மற்ற செயல் பாடுகளில் காட்டக்கூடிய அக்கறை களையும், எழுச்சிகளையும், தமிழ் இனம் மற்றும் மொழி சார்ந்த உணர்வுகளில் காட்ட வேண்டும் என்றும் எடுத்துரைத்து ஆரியர்கள் காட்டிய அறிவுக்கு ஒவ்வாத அறுபது ஆண்டுகள் குறித்த ஆபாசங் களையும் தீபாவளி, ஆயுத பூஜை குறித்த புரட்டுக்களையும் மாணவர்களுக்கு சிறப் பாக எடுத்துரைத்தார்.

இவ்விழாவிற்கு பெரியார் மருந்தியல் கல்லூரியின் பேராசிரியர் முனைவர்  அ.மு. இஸ்மாயில், துணை முதல்வர் முனைவர் கோ. கிருஷ்ணமூர்த்தி, திராவிட மாணவர் கழக துணைத் தலைவர் ச. குண சேகரன், செயலாளர் எம். வெங்கடேஷ் குமார் ஆகியோர் முன்னிலை வகித்தனர்.  பெரியார் மருந்தியல் கல்லூரியின் திராவிட மாணவர் கழகத்தலைவர் எம். பிரிய தர்ஷினி நிகழ்ச்சியினை தொகுத்து வழங் கினார்.

சாமி கைவல்யம் முதியோர் இல்ல பெரியார் பெருந்தொண்டர்கள், பெரியார் மருந்தியல் கல்லூரியின் பேராசிரியர்கள் மற்றும் மாணவர்கள் கலந்துகொண்டு சிறப் பித்த இந்நிகழ்ச்சிக்கு திராவிட மாணவர் கழக அமைப்பாளர் சு. பாரதி நன்றியுரையாற்ற விழா இனிதே நடந்தேறியது.

 

 

 

தமிழில் கருத்துக்களை தெரிவிக்க -  


Security code
Refresh

Banner
Banner