எழுத்துரு அளவு Larger Font Smaller Font

இயக்க நூல்களின் தொகுப்புகளை தமிழர் தலைவர் வெளியிட விடுதலை வாசகர் வட்ட தலைவர் சின்னராசு மற்றும் முக்கிய பிரமுகர்களும், தோழர்களும் பெற்றுக் கொண்டனர்.

தருமபுரி, மே 16- தருமபுரியில் அன்னை மணியம்மையாரின் 99ஆம் ஆண்டு பிறந்த நாளை முன்னிட்டு நூல் ஆய்வுரை மற்றும் நூல் வெளியீட்டு விழா 15.5.2018 செவ்வாய்க் கிழமை காலை 11 மணிக்கு தருமபுரி பெரியார் மன்றத்தில் நடைபெற்றது.

நிகழ்ச்சிக்கு மாவட்ட திராவிடர் கழக தலைவர் இ.மாதன் தலைமையேற்றார். விடுதலை வாசகர் வட்ட செயலாளர் மா.சுதா வரவேற்புரையாற்றினார். மாவட்ட செயலாளர் சி.காமராஜ், கே.சி.எழிலரசன் (மேனாள் தலைமை செயற்குழு உறுப்பினர்), மாநில பகுத்தறிவாளர் கழக தலைவர் மா.அழகிரிசாமி, கிருட்டிணகிரி மாவட்ட தலைவர் மு.துக்காராம், மாவட்ட செயலாளர் கோ.திரா விடமணி, மேனாள் தலைமை செயற்குழு உறுப்பினர் பழனி.புள்ளையண்ணன், மண்டலத் தலைவர் பெ.மதி மணியன், சேலம் மண்டலத் தலைவர் சிந்தாமணியூர் சுப்பிரமணியம், பொதுக்குழு உறுப்பினர்கள் இரா.வேட் ராயன், அ.தமிழ்ச்செல்வன், மாவட்ட ப.க. ஆசிரியரணி தலைவர் இரா.கிருட்டிணமூர்த்தி ஆகியோர் முன்னிலை வகித்தனர்.

திராவிடர் கழக அமைப்புச் செயலாளர் ஊமை.ஜெய ராமன் அறிமுகவுரையாற்றினார்.

நூல் ஆய்வுரை

நமது குறிக்கோள், நமது குறிக்கோள் (தொகுதி 2) தந்தைபெரியாரும் தாழ்த்தப்பட்டோரும், தந்தை பெரி யாரின் நேர்காணல், தந்தை பெரியார் பற்றிய சில புரட்டு களும் உண்மைகளும், பெண் ஏன் அடிமையானாள்?,Lovable Life (ஆங்கில நூல்) ஆகிய நூல்கள் பற்றி ஆய் வுரைகள் செய்யப்பட்டு நூல்கள் வெளியிடப்பட்டன.

ஆய்வுரை வழங்கியோர்

முதுநிலை அஞ்சல் கண்காணிப்பாளர் ஆர்.கே.கண் ணன் நமது குறிகோள் என்னும் நூலினைப் பற்றியும், நமது குறிக்கோள் (தொகுப்பு 2), ம.தி.மு.க. தலைமை செயற்குழு உறுப்பினரும் வழக்குரைஞருமான டி.கே.தேவ ராசன், தந்தை பெரியாரும் தாழ்த்தப்பட்டோரும் என்ற தலைப்பில் மாநில ப.க. துணைத் தலைவர் அண்ணா.சரவணன், தந்தை பெரியாரின் முக்கிய நேர்காணல்கள் பற்றி கல்வி தாளாளர் சிந்தை மு.இராசேந்திரன், தந்தை பெரியார் பற்றிய புரட்டுகளும் சில உண்மைத் தகவல் களும் பற்றி மாவட்ட ப.க. தலைவர் கதிர்.செந்தில் பெண் ஏன் அடிமையானாள் என்னும் தலைப்பில் மாவட்ட மகளிரணி தலைவர் அ.சங்கீதா, வேலூர் மாவட்ட மகளிர் பாசறை தலைவர் ந.தேன்மொழி ஆகியோர் நூல் ஆய்வுரையாற்றினர்.

Lovable Life நூல் வெளியீடு

மாடர்ன் ரேசனலிஸ்ட் வாசகர் வட்டத்தின் சார்பில் நூல் வெளியீட்டு விழா மாவட்ட தலைவர் க.சின்னராஜ் தலைமையில் நடைபெற்றது. திருப்பத்தூர் மாவட்ட தலைவர் ஆர்.பழனி வரவேற்புரையாற்றினார். மாவட்ட செயலாளர் டாக்டர் செந்தில்குமார் வரவேற்று பேசினார். நிகழ்ச்சியை திராவிடர் கழக மாநில மகளிரணி மற்றும் மகளிர் பாசறை அமைப்பாளர் தகடூர்தமிழ்செல்வி ஒருங்கிணைத்து நடத்தினார். முன்னாள் நாடாளுமன்ற உறுப்பினர் மருத்துவர் இரா.செந்தில் அவர்களும், திருப்பத்தூர் மாவட்ட திராவிடர் கழக தலைவர் அகிலா எழிலரசன் அவர்களும் நூல் ஆய்வுரை செய்து கருத்துரையாற்றினார்.

இறுதியாக திராவிடர் கழகத் தலைவர் ஆசிரியர் கி.வீரமணி அவர்கள் நூல்களை வெளியிட்டு சிறப்புரை யாற்றினார். நிகழ்ச்சியின் முன்னதாக தந்தை பெரியார் சிலைக்கு தோழர்கள் மாலை அணிவித்தனர். தந்தை பெரியார், அன்னை மணியம்மையார் படத்திற்கு தமிழர் தலைவர் ஆசிரியர் கி.வீரமணி அவர்கள் மலர்கள் தூவி மரியாதை செலுத்தினார்.

நூல்களை பெற்றுக் கொண்டவர்கள்

தமிழர் தலைவர் எழுதிய Lovable Life நூல் வெளியீடு

விடுதலை வாசகர் வட்ட தலைவர் கே.ஆர்.சின்னராஜ், தருமபுரி மாவட்ட தி.மு.க. செயலாளரும் சட்டமன்ற உறுப்பினருமான தடங்கம் பெ.சுப்பிரமணி, வி.சி.க. மாநில அமைப்பு செயலாளர் கி.கோவேந்தன், காங்கிரஸ் கட்சியின் மாவட்ட தலைவர் கோவி.சிற்றரசு, அரூர் ப.க. ஒன்றிய தலைவர் ச.இராஜேந்திரன், மருத்துவா செந்தில் (தி.மு.க.), வருவான் வடிவேலன் கல்லூரி மேலாளர் வினோத் வெற்றிவேல், தி.மு.க. மருத்துவரணி டாக்டர் பிரபு ராஜசேகரன், டாக்டர் முனிராஜ், ச.துரை சாமி, கவிதா, சென்றாயன், உள்ளிட்ட பலர் நூல்களை பெற்றுக் கொண்டனர்.

தமிழர் தலைவர் சிறப்புரை

நூலை வெளியிட்டு தமிழர் தலைவர் சிறப்புரை: இயக்கத்தின் பிரச்சாரத்தின் ஒரு பகுதி புத்தக விற்பனை யாகும். அந்த காலக்கட்டத்திலேயே அறிவு புரட்சி ஏற்பட தந்தை பெரியார் அவர்கள் குடிஅரசு பதிப்பகத்தை ஏற்படுத்தினார். அதன் வழியாக பல நூல்களை வெளி யிட்டார். 90 ஆண்டு வயதுள்ள பதிப்பகம் குடிஅரசு பதிப்பகமாகும். 500 புத்தகங்கள் மொழிபெயர்த்து வெளியிடப்பட்டுள்ளன. தந்தை பெரியார் அவர்களால் பெண் ஏன் அடிமையானாள் என்ற புத்தகம் எழுதப்பட்டு வெளியிடப்பட்டது. அது அன்றைக்கு தமிழ்மொழியில் மட்டுமே வெளியிடப்பட்டிருந்தது. ஆனால் இன்று அப்புத்தகம் 15 மொழிகளில் மொழிபெயர்க்கப்பட்டு வெளியிடப்பட்டுள்ளது.

அம்பேத்கர் அவர்களால் எழுதப்பட்ட புத்தகத்தை பெரியார் கேட்டு வாங்கி முதன் முதலில் ஜாதி ஒழிய வேண்டும் ஏன்? என்ற புத்தகத்தை வெளியிட்டார். ஜாதியின் மூலத்தை தகர்க்க பாடுபட்டவர்கள் என்று சொன்னால் தந்தை பெரியார் டாக்டர் அம்பேத்கர் அவர்களுமேயாவார்கள். ஜாதியை ஒழிக்காமல் தீண் டாமை ஒழியாது, இந்து மத தேக்கத்தால் மட்டுமே. ஜாதி வளர்ந்துள்ளது. மனிதர்களில் கீழ் மேல் என்ற பிறவி பேதம் கூடாது. இன்றைக்குக் கூட இந்தியாவை மனுதர்மம்தான் ஆண்டுக் கொண்டிருக்கிறது. மற்ற நாடுகளில் உள்ளது பொருளாதார பேதம் ஆனால் இந்தி யாவில் உள்ளது. வர்ணாஸ்ரம ஜாதி பேதம். இன்றைக் குக்கூட பார்ப்பனியம் வெற்றி பெற்று வருவதாக சொன்னார்கள். ஆனால் அவர்களின் திறமையால் வெற்றி பெற்றவர்கள் அல்ல சூழ்ச்சியின் காரணமாகவே வெற்றி பெற்றுள்ளனர் என்பது வரலாறு.

தமிழ் பேசியவனெல்லாம் தமிழனாகி விடமுடியாது. நம்மை தனிமைப்படுத்துவது ஆரியம் - நம்மை ஒன்று படுத்துவது திராவிடம். நமக்கு அறம் - பார்ப்பனர்களுக்கு தருமம், திராவிடருக்கு மனிதநேயம் - ஆரியருக்கு மனு தர்மம் என்றுள்ளது. சிறப்பாக நடைபெற்றுள்ள இந் நிகழ்ச்சிக்கு எனது பாராட்டை தெரிவிக்கின்றேன் என்று குறிப்பிட்டார்.

கலந்து கொண்டோர்

தருமபுரியில் நடைபெற்ற புத்தக ஆய்வுரை மற்றும் புத்தக வெளியீட்டு விழாவிற்கு திருப்பத்தூர், மத்தூர், ஊற்றங்கரை, ஓசூர், கிருட்டிணகிரி, சேலம், அரூர் போன்ற பகுதிகளிலிருந்து கழக நிர்வாகிகள், கிருட்டிணகிரி மாவட்ட செயலாளர் திராவிடமணி, இணை செயலாளர் வனவேந்தன், மண்டல செயலாளர் கரு.பாலன், பெ.கோவிந்தராஜ், வீ.சிவாஜி, காமலாபுரம் கு.சரவணன், கே.மணி, க.கதிர், ஓசூர் அ.செல்வம், ச.துரைசாமி, சி.பகத்சிங், மு.சிசுபாலன், மா.முனியப்பன், த.மணிவேல், கவிதா காமராஜ், சோபியா செந்தில், திருப்பத்தூர் இளங்கோ, மு.பரமசிவம், பீம.தமிழ் பிரபாகரன், அரசம்பட்டி அறிவரசன், கிருட்டிணகிரி மாவட்ட செயலாளர் திராவிடமணி, எல்லை தனராஜ், தே.சத்தியராஜ், ஜான்சிராணி மா.செல்லதுரை, மு.சக்கரை, மா.சென்றாயன், ந.சிவபாதம், கே.ஆர்.குமார், வழக்குரைஞர் சோழவேந்தன், மு.பிரபா கரன், மு.மனோகரன், திருப்பத்தூர் சி.தமிழ்ச்செல்வன், வி.பி.சிங், கோகிலா மற்றும் தி.மு.க., விடுதலை சிறுத் தைகள் கட்சியினர், மதிமுக, கம்யூனிஸ்ட் கட்சியினர் பங்குபெற்றனர்.

தமிழர் தலைவர் வருகையையொட்டி தருமபுரி நகரில் 15 இடங்களில் சுவரெழுத்து எழுதப்பட்டது. சுவரொட்டிகள் ஒட்டப்பட்டு கழக கொடிகளும் தோர ணங்களும் கட்டப்பட்டு விழாக் கோலமாக காணப் பட்டது.

 

ஆர்.கே.கண்ணன், டி.கே.தேவராசன், அண்ணா.சரவணன், அ.சங்கீதா, ந.தேன்மொழி, கதிர்.செந்தில், மு.இராசேந்திரன் ஆகியோர் நூல்களைப் பற்றி ஆய்வுரை வழங்கினார்கள்..

தமிழில் கருத்துக்களை தெரிவிக்க -  


Security code
Refresh

Banner
Banner