எழுத்துரு அளவு Larger Font Smaller Font

கொழும்பு, நவ. 8- ராஜபக்சே அரசுக்கு ஆதரவாக நம்பிக்கை கோரும் தீர்மானம் கொண்டுவரப்பட்டால் அதனை எதிர்க் கப்போவதாக தமிழ் தேசியக் கூட்டமைப்பு அறிவித்திருக்கிறது. அந்த முடிவு எடுக்கப் பட்டதன் பின்னணி, ராஜபக்சேவை ஆத ரிக்க முன்வைக்கப்பட்ட கோரிக்கைகள் ஆகியவை குறித்து கூட்டமைப்பின் தலை வர் இரா.சம்பந்தன் செய்தியாளர்களிடம் கூறியதாவது:

கேள்வி : ராஜபக்சே அரசுக்கு எதிராக நாடாளுமன்றத்தில் வாக்களிக்கப்போவ தாக தமிழ் தேசியக் கூட்டமைப்பு முடிவு செய்திருக்கிறது. இந்த முடிவின் பின்னணி என்ன?

பதில் : பிரதமரை நீக்க அதிகாரமில்லை. முதலில் இருந்தது; 19வது திருத்தச் சட்டத் திற்குப் பிறகுஅந்த அதிகாரமில்லை. பிரத மராக இருந்தவரை ஜனாதிபதி இப்படி நீக்கியது தவறு. பிரதமர் முறையாக நீக்கப் பட்டால்தான், வெற்றிடம் ஏற்பட்டு புதிய பிரதமரை நியமிக்கலாம். வெற்றிடம் ஏற் படாமல் புதிய பிரதமரை நியமித்திருக் கிறார். நாடாளுமன்றத்தை ஒத்தி வைத் திருக்கிறார். இடைக்காலத்தில் பலவித மான கெடுபிடிகள் நிலவுவதை நாங்கள் அறிகிறோம். பிரதமராக பதவியேற்பவர் நாடாளுமன்றத்தில் நம்பிக்கை பெற வேண்டியது அவசியம். ஆகவே இதனை நாங்கள் கவனமாக பரிசீலித்து, இந்த செயல்பாடுகளை நாங்கள் ஏற்க முடியாது என்று முடிவெடுத்தோம். பிரதமரை நீக்கி யது தவறு; புதிய பிரதமரை நியமித்தது தவறு என்பதை வைத்து, ராஜபக்சே அரசு மீது நம்பிக்கை இல்லா தீர்மானம் கொண்டு வந்தால், மேலே சொன்ன அடிப்படையில் செயல்படலாம் என்ற முடிவுக்கு வந்திருக் கிறோம்.

அதிபர் மைத்திரிபால சிறிசேன பிரதமரை நீக்கிய பிறகு, நீங்கள் அவரை சந்தித்துப் பேசினீர்கள். என்ன பேசினீர்கள்?

அந்த சந்திப்பின்போது அரசியல் தீர்வு உட்பட பல விஷயங்களைப் பற்றிப் பேசி னேன். இதைப் பற்றியும் பேசினேன். எங் கள் கருத்தைத் தெரிவித்தோம். அவ்வளவு தான்.

இதற்குப் பிறகு ராஜபக்சேவை அவரது இல்லத்தில் சந்தித்துப் பேசினீர்கள். அப் போது அவர் உங்களுடைய ஆதரவைக் கோரியதாகத் தெரிகிறது.

ஆம். அவர் எங்களுடைய ஆதரவைக் கோரினார். ஆதரவைத் தருவது கடினமாக இருக்கும் என்று சொன்னேன். நடந்தது தவறு என்பது எங்களுடைய கருத்து. இருந்தபோதும் அரசியல் தீர்வு தொடர்பாக உங்கள் நிலைப்பாட்டை நீங்கள் முன் வைப்பதாக இருந்தால், ஏனைய நாடாளு மன்ற உறுப்பினர்களுடன் பேசி நாங்கள் ஒரு முடிவுக்கு வரலாம் என்று சொன் னேன். அரசியல் தீர்வு தொடர்பாக ஒரு தீர்மானத் திட்டத்தை முன்வைக்க வேண் டும்; எவ்விதம் நடைமுறைப்படுத்துவீர்கள்; எந்த கால வரம்புக்குள் செயல்படுத்துவீர்கள் என்பதை எழுத்து மூலமாகத் தந்தால் ஆதரவு தருவது குறித்து பரிசீலிப்போம் எனக் கூறினேன். தான் மீண்டும் தொடர்பு கொள்வதாகச் சொன்னார். ஆனால் தொடர்பு கொள்ளவில்லை.

அரசியல் தீர்வு என்றால், நீங்கள் என்ன கேட்டீர்கள் என்பதைச் சொல்ல முடியுமா?

நம்பிக்கையுடைய உறுதியான அதிகா ரப் பகிர்வு, பிராந்தியங்களின் அடிப்படை யில் அளிக்கப்படும் இந்த அதிகாரப் பகிர்வு மீளப் பெற முடியாததாக இருக்க வேண் டும். ஒரு பிராந்தியமோ, மாகாணமோ அந்த அதிகாரத்தை தன்னிச்சையாக பயன் படுத்தக்கூடியதாக இருக்க வேண்டும். மத்திய அரசு அதில் தலையிடக்கூடிய நிலை இருக்கக்கூடாது. மக்களின் அன் றாட தேவைகளை, மக்கள் தேர்வு செய்யும் பிரதிநிதிகளின் ஊடாக, ஒரு பிராந்திய அமைச்சரவையின் ஊடாக, பிராந்திய சபையின் ஊடாக செய்யப்பட வேண்டும் என்பதுதான் அந்தத் தீர்வுத் திட்டம்.

சமீபத்தில் ஜனாதிபதி பேசும்போது, வடக்கு - கிழக்கு இணைக்கப்பட மாட் டாது, பெடரல் ஆட்சி முறை இனி சாத்தியமில்லையென்றெல்லாம் கூறியிருக் கிறார்.

இது ஏற்புடையதல்ல. இது பேசித் தீர்க்க வேண்டிய விஷயம். அவர் சொன் னதை ஏற்கவில்லை. பார்க்கலாம்.

அய்க்கிய தேசியக் கட்சி உங்களிடம் ஆதரவைக் கோரியபோது, ராஜபக்சேவிடம் கேட்டதுபோல அவர்களிடம் வாக்குறுதி ஏதேனும் கேட்டீர்களா?

அய்க்கிய தேசியக் கட்சியைப் பொறுத்த வரை, நாடாளு மன்றத்தில் தற்போது ஒரு நடைமுறை நடைபெற்று வருகிறது. புதிய அரசியல் சாசனத்தை உருவாக்க, நாடாளு மன்றம் ஒரு அரசியல் சாசன சபையாக மாற்றப்பட்டு அதை விவாதித்துவந்தது. நடவடிக்கை குழு, உப குழுக்கள் நியமிக் கப்பட்டு அவர்கள் அறிக்கைகளை சமர்ப் பித்திருக்கிறார்கள். ஆகவே இது தொடர் பாக பல விஷயங்கள் நடைபெற்று வரு கின்றன. அய்க்கிய தேசியக் கட்சி அரசைப் பொறுத்தவரையில் ஒரு காரியம் நடந்து வருகிறது. அதைப் பற்றி எங்களுக்குத் தெரியும் என்பதால், புதிதாக எதையும் பேச வேண்டிய தேவை ஏற்படவில்லை.

ரணில் ஆதரவைக் கோரியபோது நீங் கள் என்ன சொன்னீர்கள்?

நாங்கள் நபர்கள் சார்ந்து முடிவெடுக்கப் போவதில்லை. எங்களைப் பொறுத்தவரை அரசியல் சாசனம் மீறப்பட்டுள்ளது. அதைக் கருத்தில்கொண்டுதான் முடிவெடுப்போம் என்று சொன்னேன்.

நாடாளுமன்றம் கூடுவது தள்ளிப் போகும் நிலையில், உறுப்பினர்கள் இடம் மாறுவது வேகமாக நடந்துவருகிறது. கூட்டமைப்பைச் சேர்ந்த ஒரு உறுப்பினரே ராஜபக்சேவுக்கு ஆதரவாக மாறியிருக் கிறார்....?

நாடாளுமன்ற உறுப்பினர்கள் இடம் மாறுவது உண்மை. கூட்டமைப்பின் உறுப் பினர் ஒருவர் இடம் மாறியிருக்கிறார். அப்படிச் செய்வாரென நாங்கள் நினைக்க வில்லை. அது மிகவும் கேவலமான செயல். ஆனால், அவரைப் பற்றிய சந்தேகங்கள் இருந்தன. அவர் மீது விரைவில் நடவ டிக்கை எடுத்து, நாடாளுமன்ற உறுப்பினர் பதவியை பறிக்க எடுக்க வேண்டிய நட வடிக்கையை எடுப்போம்.

தமிழில் கருத்துக்களை தெரிவிக்க -  


Security code
Refresh

Banner
Banner