எழுத்துரு அளவு Larger Font Smaller Font

தமிழகத்தில் பிப்ரவரி மாதத்திற்குப் பிறகு குடிநீர் தட்டுப்பாடு அபாயம்!

சென்னை, ஜன. 8- தமிழகத்தில் உள்ள 15 முக்கிய நீர்தேக்கங்களில் ஒட்டு மொத்த மாக 13 சதவீத நீர் இருப்பு மட்டுமே மிச்சம் உள்ளது.  இதனால் பிப்ரவரி மாதத்திற்கு பிறகு மாநிலத்தின் பெரும்பாலான பகுதி களில் குடிநீர்தட்டுப்பாடு ஏற்படும் அபாயம் ஏற்பட்டுள்ளது.

கடந்த 140 ஆண்டுகளில் இல்லாத அளவுக்கு கடந்த ஆண்டு பருவமழை பொய்த்துப் போனது. தமிழகத்தில் 62 சதவீத மழைப்பொழிவு பற்றாக்குறை ஏற்பட்டது. மாநிலத்தின் பல முக்கிய நீர் தேக்கங்களில் நீர் இருப்பு வெகுவாகக் குறைந்து விட் டது.

இதனால் அடுத்த ஒரு மாதத்தில் குடிநீர் தட்டுப் பாடுஅபாயம் ஏற்படவாய்ப்புள்ளது. தற்போதுள்ள சூழலில் தமிழகத்தில் அதிகபட்சமாக 10 முதல் 100 நாட்களுக்கு மட்டுமே குடிநீர் தேவையை பூர்த்தி செய்ய முடியும் என்று கூறப்படுகிறது. தமிழகத்தில் உள்ள மாநகராட்சி, நகராட்சி, பஞ் சாயத்துக்கு உட்பட்ட 46,438 நீர்நிலைகளில் குடிநீர் சப்ளை 83 சதவீதம் குறைக்கப் பட்டுள்ளது.

அடுத்த சில வாரங்களில் குடிநீர் வழங்கும் அளவு மேலும் குறைக்கப்படும் என்று கூறப்படுகிறது. வைகை, பாபநாசம் மற்றும் மணிமுத்தாறு நீர்நிலைகள் தான் பருவமழைக் குறைவால் வெகுவாக பாதிக்கப்பட்டுள்ளன.

இந்த நீர்தேக்கங்கள் தேனி, திண்டுக்கல், மதுரை, சிவகங்கை, ராமநாதபுரம் உள்ளிட்ட பகுதிகளுக்கு குடிநீர் வழங்குகின்றன. தற்போது இங்கு 4 சதவீத நீர் இருப்பு மட்டுமே மிச்சமுள்ளது.

இதைக் கொண்டு அடுத்த 10 நாட்களுக்கு மட்டுமே குடிநீர் தேவையை பூர்த்தி செய்ய முடியும். தாமிரபரணி ஆற்றை நம்பியுள்ள இரு நீர் தேக்கங்கள் மூலம் அடுத்த 40 நாட்களுக்கு மட்டுமே குடிநீர் வழங்க முடியும். சிறு வாணி மூலம் கோவைக்கு ஒரு மாதத்திற்கு மட்டுமே குடிநீர் கிடைக்க வாய்ப்புள்ளது. சாத்தனூர் அணை மூலம் திருவண்ணாமலை, விழுப்புரம் மாவட்டங்களுக்கு அடுத்த  இரு வாரங்களுக்கு மட்டுமே தண்ணீர் கிடைக்கும்.

வட கிழக்கு பருவமழை பற்றாக்குறை யால்திருநெல்வேலி,தூத்துக்குடி மாவட்டங் கள் (63 சத வீத பற்றாக்குறை) வெகுவாக பாதிக்கப்பட்டுள்ளன. குறிப்பாக டெல்டா மாவட்டங்களில் கடுமையான குடிநீர் தட்டுப்பாடு அபாயம் ஏற்பட்டுள்ளது. சேலம், ஈரோடு, நாமக்கல், கரூர், திருச்சி, அரியலூர், நாகப்பட்டினம், தஞ்சாவூர், திருவாரூர், மற்றும் கடலூர் உள்ளிட்ட மாவட்டங்களுக்கு குடிநீர் வழங்கும் மேட்டுர் அணையில் 11 சதவீதமே நீர்இருப்பு மூலம் தினமும் 10 கோடியே 50 லட்சம் லிட்டர் குடிநீர் வழங்கப்பட்டு வருவது குறிப்பிடத்தக்கது.

அதே சமயம், தமிழகத்தில் குடிநீர் தட்டுப்பாட்டை சமாளிக்க ரூ. 172 கோடி செலவில் மாற்று ஏற்பாடுகள் செய்யப் பட்டு வருவதாக குடிநீர் வடிகால்வாரியம் கூறி யுள்ளது. 528 பஞ்சாயத்து டவுன் பகுதிகளில் பிப்ரவரி மாதம் வரை குடிநீர் தட்டுப்பாடு ஏற்பட வாய்ப்பில்லை. எனினும் நிலத்தடி நீர்மட்டம் குறைந்ததால் கன்னியாகுமரியை ஒட்டியுள்ள 350 பஞ்சாயத்து டவுன் பகுதி களில் குடிநீர் தட்டுப்பாடு ஏற்பட வாய்ப் புள்ளது.

மேலும் பொதுமக்கள் குடிநீர் மற்றும் நிலத்தடிநீரை சிக்கனமாக பயன்படுத்த வேண்டும் என்றும் அதிகாரிகள் கோரிக்கை விடுத்துள்ளனர்.



.
 

இப்பிரிவில் அண்மைச் செய்திகள்:
இப்பிரிவில் முந்தையச் செய்திகள்:

தமிழில் கருத்துக்களை தெரிவிக்க -  


Security code
Refresh

Banner
Banner