எழுத்துரு அளவு Larger Font Smaller Font

டோக்கியோ, அக்.10 ரோகிங்யா சிறுபான் மையினர் விவ காரத்தை மியான்மா அரசு கையாளும் முறையில் வெளிப் படைத்தன்மை அதிகரிக்கப்படும் என்று அந்த நாட்டு அரசின் தலைவர் ஆங் சான் சூகி உறுதியளித்துள்ளார்.

இதுகுறித்து ஜப்பான் தலைநகர் டோக்கியோவில் அவர் கூறியதாவது: ராக்கைன் மாகாணத்தில் அமைதியை ஏற்படுத்துவதில் நாங்கள் பல சவால்களை எதிர்கொண்டுள்ளோம். அந்தப் பகுதியில் நடைபெறுவனவற்றை நாங்கள் எங்கள் நண்பர்களிட மிருந்து நாங்கள் மறைக்கவில்லை. நண்பர்களிடம் வெளிப் படையாகவே இருக்க விரும்புகிறோம் என்றார் அவர்.

பவுத்த மதத்தினரை பெரும்பான்மையாகக் கொண்ட மியான்மரில், லட்சக்கணக்கான ரோகிங்யா முஸ்லிம் இன மக்கள் சிறுபான்மையினராக வசித்து வருகின்றனர். இந்தச் சூழலில், ரோகிங்யா விடுதலைப் படையினர் கடந்த ஆண்டு நடத்திய பயங்கரவாதத் தாக்குதலைத் தொடர்ந்து, கடந்த ஆண்டு ஆகஸ்ட் மாதம் 25-ஆம் தேதி ராக்கைன் மாகாணத்தில் ராணுவம் தனது தாக்குதல் நடவடிக்கையைத் தொடங்கியது.

பயங்கரவாதச் செயல்களில் ஈடுபடுவோருக்கு எதிராக மட்டுமே அந்தத் தாக்குதல் நடத்தப்பட்டதாக மியான்மா ராணுவம் தெரிவித்தாலும், அது கனக் கச்சிதமான இன அழிப்பு நடவடிக்கை என்று அய்.நா. கண்டனம் தெரிவித்தது.

பொருளாதாரத்துக்கான நோபல் பரிசு

2 அமெரிக்கர் தேர்வு

ஸ்டாக்ஹோம், அக்.10 பொருளாதாரத்துக்கான நோபல் பரிசு, வில்லியம் நார்தாஸ் மற்றும் பால் ரோமர் ஆகிய இரு அமெரிக்கர் களுக்கு கிடைத்தது.

இந்த ஆண்டு (2018) பொருளாதாரத்துக்கான நோபல் பரிசு அமெரிக்காவைச் சேர்ந்த வில்லியம் நார்தாஸ் (வயது 77), பால் ரோமர் (62) ஆகிய இரு பொருளாதார நிபுணர்களுக்கு வழங்கப்பட்டு உள்ளது. இவர்களில் வில்லியம் நார்தாஸ் யேல் பல்கலைக்கழகத்தில் பேராசிரியராக பணியாற்றி வருகிறார். பால் ரோமர் முன்பு உலக வங்கியில் தலைமை பொருளாதார நிபுணராக பதவி வகித்தவர். தற்போது நியூயார்க் பல்கலைக்கழகத்தின் ஸ்டெர்ன் வர்த்தக கல்லூரியில் பணியாற்றி வருகிறார்.

நீண்டகால அடிப்படையிலான பொருளாதார வளர்ச்சிக்கு உதவும் வகையில், பருவநிலை மாற்றம் பொருளாதாரத்தில் ஏற்படுத்தும் தொடர் பாதிப்புகள் மற்றும் அதன் விளைவுகள் குறித்து மேற்கொண்ட ஆய்வுக்காக இவர்கள் இருவருக்கும் கூட்டாக நோபல் பரிசு வழங்கப்படுவதாக நோபல் பரிசு குழு அறிவித்து உள்ளது. எனவே பரிசுத்தொகையான ரூ.7 கோடியை வில்லியம் நார்தாசும், பால் ரோமரும் பகிர்ந்து கொள்வார்கள்.

தமிழில் கருத்துக்களை தெரிவிக்க -  


Security code
Refresh

Banner
Banner