எழுத்துரு அளவு Larger Font Smaller Font

தமிழர்களைப் பொறுக்கி என்று திமிராகப் பேசிய
சு.சாமிக்கு அமெரிக்காவில் கடும் எதிர்ப்பு
தலைதெறிக்க ஓடினார் சு.சாமி

சியாட்டல் (யு.எஸ்), ஜன.28 தமிழர்களை பொறுக்கி என்று விமரிசித்த பா.ஜ.க சுப்ரமணிய சாமி, தமிழர்களின் எதிர்ப் பைக் கண்டு பின்வாயில் வழியாக அரங்கத்திற்குள் ஓடினார்.

இந்தியப் பாரம்பரியமும் கலாச் சாரமும் என்ற தலைப்பில் பேசுவதற் காக சுப்ரமணியசாமி சியாட்டலுக்கு  வருகை தந்திருந்தார். தகவல் அறிந்த சியாட்டல் வாழ் தமிழர்கள் திரளாக திரண்டு அவருக்கு எதிர்ப்பு தெரிவிக்க குவிந்தனர்.

அரங்கம் அமைந்துள்ள சமாமிஸ் நகர தென் கிழக்கு சாலையிலும், அரங்க வாசலிலும் பதாகைகளுடன் முழக்கமிட்டவாறே நின்று கொண்டி ருந்தனர். இன்னும் சிலர் பார்வை யாளர்கள் போல் அரங்கத்திற்குள் சென்று விட்டனர். அங்கும் வெவ்வேறு வாசல்களில் மறியல் செய்யத் தயாராக இருந்தனர்.

வெளியே தமிழர்களின் போராட்ட முழக்கங்களைப் பார்த்த விழாக் குழுவினர், சுப்ரமணியசாமியை ஒரு பழைய காரில் யாருக்கும் தெரியாத வகையில் அழைத்து வந்தனர். ஆனா லும் அதைக் கவனித்து விட்ட தமிழர் கள் எல்லோருக்கும் புரியும் வகையில் ஆங்கிலத்தில் முழக்கமிட்டனர்.

நாங்கள் தமிழர்கள்.. நாகரிகம் மிக்கவர்கள்
தமிழினம் தொன்மையானது
தமிழர் நாகரிகம் மேன்மையானது
நாகரிகம் தெரியாத பொறுக்கி சுப்ரமணிய சாமியே திரும்பிப் போ

நாகரீகம் தெரியாதவர் இந்தியப் பாரம்பரியம் பற்றிப் பேசுவதா போன்ற முழக்கங்களை ஆங்கிலத்தில் உரக்கக் கூவிய படி முன்னேறினார்கள். நிலை மையை உணர்ந்த காவல் துறையினர், போராட்டக்காரர்களிடம் வந்து என்னவென்று கேட்டார்கள்.

தமிழினத்தை தரக்குறைவாக பேசியவருக்கு எதிர்ப்பு தெரிவிக்க வந்துள்ளோம் என்றவுடன், அமைதி யாக போராடுங்கள் என்று கூறி பாது காப்பு ஏற்பாடுகளைச் செய்தனர். அமெரிக்காவில் தமிழர்களின் எதிர்ப்பை சற்றும் எதிர்ப்பார்க்காத சு. சாமி பதற்றமடைந்து விட்டார். அரங்க வாசலிலும் தமிழர்கள் குழுமியிருந்த தைப் பார்த்த விழாக்கமிட்டியினர் அவரைப் பின்வாசல் வழியாக அரங்கத் திற்கு அழைத்துச் சென்றனர்.

சு.சாமி பேசுவதற்கு முன் அமைதி யாக அரங்கத்திற்குள் இருந்த தமி ழர்கள், அவர் பேச ஆரம்பித்ததும் கைத்தட்டி ஆரவாரம் செய்து கவனத் தை திருப்பி னார்கள். அதைப் பார்த்த சு.சாமி, பேச்சை நிறுத்தி சத்தம் வந்த திசையைப் திரும்பிப் பார்த்தார்.

உடனே, அனைவரும் நாங்கள் தமிழர்கள், தமிழர்களை இழிவாக பேசியதைக் கண்டித்து வெளி நடப்பு செய்கிறோம், தமிழர்கள் வாழ்க, தமிழ் வாழ்க என்று முழக்கமிட்டனர்.

வெளியே வந்த தமிழர்கள், நிகழ்ச்சி முடியும் வரையிலும் காத்திருந்தனர். தமிழர்கள் போய்விட்டனர் என்று நம்பி வந்த சு.சாமி மீண்டும் தமிழர் களைப் பார்த்து அதிர்ச்சி அடைந்து விட்டார்.

அங்கிருந்து ஒரு தமிழ்ப் பெண் மிகவும் ஆவேசத்துடன், தமிழர்களை எப்படி பொறுக்கி என்ற சொல்லலாம். எங்கள் தமிழக இளைஞர்களின் கண்ணியத்தையும் கட்டுப்பாட்டையும் பார்த்தீர்களா? என் அண்ணன் தம்பிகளை பொறுக்கி என்று பேச உங்களுக்கு யார் உரிமை தந்தார்கள். நாகரிகமாக பேசத் தெரியாத நீங்களா இந்தியக் கலாச்சாரம் பற்றி பேசு கிறீர்கள், என்று ஆங்கிலத்தில் உரத்த குரலில் முழங்கினார். நிலைமை கட்டுக்கடங்காமல் போய்விடுமோ என்று பதறிய விழாக்குழுவினர் சு.சாமியை விரைவாக அழைத்துச் சென்று விட்டனர்.

வெப்பநிலை (மைனஸ் 2 டிகிரி செல்சியஸ்) குறைவாகவும் கடும் குளிராக இருந்த போதிலும் குழந்தை களுடன் குடும்பமாக நூற்றுக்கும் மேற்பட்டவர்கள் திரண்டு விட்டனர். இரவு 7 மணி முதல் 10 மணி வரை யிலும் அங்கேயே இருந்து, சு.சாமி திரும்பிப் போகும் வரையிலும் போராட்டம் நடத்தியுள்ளனர்.

கைக் குழந்தை ஒருவர் தமிழன் டா என்ற பதாகையுடனும், அடுத்தவன் பொண்டாட்டிக்கு தாலி கட்டின வனுக்கு ஹார்வர்ட் ஒரு கேடா போன்ற பதாகைகளையும் கையில் வைத்திருந்தனர்.

மேலும் ஆங்கில வாசங்களுடனும் பல பதாகைகளை ஏந்தி வந்திருந்தனர். சியாட்டல் தமிழர்களின் இந்த திடீர்ப் போராட்டம் அங்கே பெரும் பர பரப்பை ஏற்படுத்தியுள்ளது.



.
 

இப்பிரிவில் அண்மைச் செய்திகள்:
இப்பிரிவில் முந்தையச் செய்திகள்:

தமிழில் கருத்துக்களை தெரிவிக்க -  


Security code
Refresh

Banner
Banner