எழுத்துரு அளவு Larger Font Smaller Font

இன்று (10.3.2017) - கழகத் தலைவராக இருந்து - அய்யா மறைவிற்குப் பின் நம்மை வழி நடத்திய புரட்சித் தாய் அன்னை

ஈ.வெ.ரா.மணியம்மையார் அவர்களின் 98 ஆம் ஆண்டு பிறந்த நாள்.

அகழ்வாரைத் தாங்கும் நிலம்போல தன்னை இகழ்வாரையும் ஏற்று அன்பு காட்டி, பண்பு உணர்த்தி, தொண்டால் உயர்ந்த எம்.அன்னை யின் எதிர்நீச்சல் வெற்றிக்கு இணைதான் வேறு உண்டோ?

தனது வாழ்வை - இளமையை - வளமையை - தனித்ததோர் அடையாளத்தைக்கூட இழந்து - கொள்கை லட்சிய வெறியை மட்டும் இறுதிவரை இழக்காத எம் அருமை அன்னைக்கு ஈடு இணை எவரே உண்டு?

‘தனக்கென வாழாப் பிறர்க்குரியார்கள்’ என்பதற்கு தன்னிகரற்ற எடுத்துக்காட்டு அல் லவோ எம் தனிப்பெரும் தாய்!

அவரின் சொத்துகள் தனது உற்றாருக்கல்ல; உறவுகளுக்கு அல்ல. ஊர்நலம், உலக நலம் ஓம்புவதற்கே என்று தனி அறக்கட்டளை அமைத்து பல்கலைக் கழகங்களாகப் பரிமளிக்கச் செய்த தம் தூய தொண்டறத்தில் செம்மாந்து உயர்ந்து வரலாற்றில் கலங்கரை வெளிச்சமாகி, கழகத்திற்கு மட்டுமல்ல, உலகத்திற்கே காலத்தை வென்று நின்றுள்ள எம் அன்னையின் பிறந்த நாள், எமக்கு சூடு ஏற்றும் சூளுரை நாள்.

அவரின் பிறந்த நாள் வெற்று ஆரவாரத் திருநாள் அல்ல - வெற்றியுடன் மகளிர் உரிமை மீட்கும் மனுதர்ம எரிப்பு நாள்.

“இராவண லீலா’’வை நடத்தி இந்தியாவை உலுக்கிய எங்கள் அன்னைக்கு இதுவே சரியான கொள்கை மரியாதையாகும்!

அன்னையார் புகழ் அகிலமெங்கும் பரவட்டும்!

அவர் விரும்பிய புரட்சி உலகம் பூக்கட்டும்!!

வாழ்க பெரியார்! வாழ்க அன்னையார்!

 

கி.வீரமணி
தலைவர்,        திராவிடர் கழகம்.


10.3.2017
சென்னை



.
 

இப்பிரிவில் அண்மைச் செய்திகள்:
இப்பிரிவில் முந்தையச் செய்திகள்:

தமிழில் கருத்துக்களை தெரிவிக்க -  


Security code
Refresh

Banner
Banner