எழுத்துரு அளவு Larger Font Smaller Font

 

கேள்வி: உயர்ந்த பிரார்த்தனை எது?

பதில்: “இறைவா! எனக்கு யாரிட மும் குற்றம் குறை பார்க்காத மன தைக் கொடு” - என்று அன்னை சாரதா தேவி கேட்ட பிரார்த்தனை தான். அடுத்தவர்களுடைய குறை களையே சதா பார்த்துக் கொண்டி ருந்தால் நம் மனசும் கெட்டுப் போய் விடும்.

ஊருக்குத்தான் உபதேசமா? இந்து மதக் கடவுள்களே மனிதனைக் கூறு போடுபவைதானே! பிர்மா நெற்றியில் பிறந்தவன் பிராமணன் என்றும், பிர்மா வின் தோளில் பிறந்தவன் சத்திரியன் என்றும், பிர்மாவின் இடுப்பில் பிறந்த வன் வைசியன் என்றும், காலில் பிறந்த வன் சூத்திரன் என்றும் எழுதி வைத் துள்ளனரே! மனுதர்மத்தைச் சுமப்ப வர்கள் வெட்கமில்லாமல் இது போன்ற பதில்களைக் கூறலாமா?

வைசியர்களும், சூத்திரர்களும், பெண்களும் பாவ யோனியில் பிறந்த வர்கள் என்று இந்து மதக் கடவுளான ‘பகவான் கிருஷ்ணனே’ சொன்னதாகக் கூறும் கீதையை இந்தியத் தேசிய நூலாக ஆக்க வேண்டும் என்று சொல்லு பவர்கள் - எந்த இறைவனிடம் பிரார்த் திக்கப் போகிறார்களாம்? பிறப்பிலேயே குற்றம் குறை பார்ப்பவர்கள் குற்றம் குறை பார்க்காத மனதைக் கொடு என்று இறைவனிடம் பிரார்த்தனை செய்வார் களாம்.

கசாப்புக் கடைக்காரன் ஜீவகாருண் யம் பேசுவதும், இராமலிங்க விலாஸ் மிலிட்டரி ஓட்டல்காரன் காய்கறிகளின் மகத்துவத்தைச் சிலாகிப்பதும் நல்ல தமாஷ்தான்!

கேள்வி: கோயில்களில் பணம் கொடுத்தால் கர்ப்பக் கிரஹகம் அருகில் வரை சென்று சாமி தரிசனம் செய்ய அனுமதிப்பது சரிதானா?

பதில்: “கோயில்களில் கட்டண தரிசனமே கூடாது என்கிறது ஹிந்து முன்னணி. இது ஒரு பக்கம் இருக் கட்டும். சன்னிதானம் அருகில் சென்று தரிசிப்பதால் மட்டும் கட வுளை நெருங்கிவிட முடியாது. நீங்கள் சாமிக்கு எவ்வளவு தூரத்தில் இருக்கிறீர்கள் என்பது முக்கியமல்ல. உங்கள் மனதில் பக்தி எப்படி இருக் கிறது என்பதுதான் முக்கியம்.”

கேட்பதற்கு நன்றாகத்தான் இருக் கிறது. கட்டண தரிசனமே கூடாது என் பதுதான் ஹிந்து முன்னணியின் கருத்து என்றால் கட்டணம் கூடாது என்பதற்காக எடுத்துக் கொண்ட நடவடிக்கை என்ன? முதலில் திருப்பதி ஏழுமலையான் கோயிலிலிருந்து போராட்டத்தைத் தொடங்க வேண்டியதுதானே. அல்லது திருப்பதி ஏழுமலையானே திருப்பதி தேவஸ்தானக்காரர்களுக்கு நல்ல புத்தியைக் கொடு - தரிசனத்துக்குக் கட்டணம் கூடாது என்று அவர்கள் முடிவுக்கு வர அருள் புரிக என்று கூறி யாகம், ஹோமம் நடத்தலாமே - செய்வீர்களா?

ஏழுமலையான் தன் கல்யாணத் துக்காக குபேரனிடம் கடன் வாங்கி யதை அடைப்பதற்காகத்தான் திருப்பதி ஏழுமலையான் கோயிலில் உண்டியல் வைக்கப்பட்டதாகக் கோயில் தல புராணம் கூறுகிறதே - அதை எங்கே வைத்துக் கொளுத்த?

சாமிக் கும்பிடுவதில் கூட இந்து மதத்தில் வேறு பாடுகள் உண்டே!

துவிஜதர்களுக்கு அதாவது இரு பிறப்பாளர்களான பார்ப்பனர்களுக்குத் தெய்வம் அக்கினியில், முனிவர்களுக் குத் தெய்வம் இருதயத்தில், புத்தி குறைந்தவர்களுக்குத் தெய்வம் சிலையில், சமப் பார்வையுள்ளவர் களுக்குத் தெய்வம் எங்கும்! (‘உத்தர கீதை’, பாரதத்தில் ஒரு பாகமான வேதாந்த நூலில்).

கேள்வி: ராணுவ அமைச்சராக நிர்மலா சீதாராமன் நியமிக்கப்பட்டி ருப்பது பற்றி?

பதில்: “தகுதி, நேர்மை என்ற ஒரே அடிப்படையில் பொறுப்பு வழங்கப் பட்டுள்ளது. பெண்களும் சாதனை படைப்பார்கள் என்று மோடி நம்புகிறார். மதுரை தான் இவருக்கு சொந்த ஊர். தமிழர் என்பதால் நமக்கு இரட்டிப்பு சந்தோஷம் தானே!”

அப்படியா சங்கதி? ஆர்.எஸ்.எஸ். தலைவர் மோகன் பாகவத்தின் சம்மதத் துடன்தான் நிர்மலா அம்மையார் பாதுகாப்புத் துறைக்கு அமர்த்தப்பட் டாரா என்பதில் சந்தேகம் இருக்கிறது.

“பெண்கள் என்றால் வீட்டு வேலை யைக் கவனித்துக் கொள்ள வேண்டும். அதுவும் ஆண்களுக்கு நிகராகப் படித் தாலோ, சம்பாதித்தாலோ, ஆணுக்குக் கட்டுப்பட மாட்டார்கள். அத்தகைய பெண்களை டைவர்ஸ் செய்துவிட வேண்டும்” என்று சொன்னவர் ஆர்.எஸ்.எஸ். தலைவராயிற்றே!

‘விஜயபாரதத்தின்’ (29.9.2017) கேள்விகளுக்கு...

கேள்வி: பரதனாரே... சக்தி வாய்ந்த ராம மந்திரம் எது?

பதில்: “ராம மந்திரம் எல்லாமே சக்தி வாய்ந்தது தான். “ஸ்ரீராமராம ராமேதி ராமே ராமே மனோரமே ஸகஸ்ர ராம் ததிகம்பய ராம ராம வரானனே” விஷ்ணுவை ஸஹஸ்ர நாம பாராயணம் செய்தால் என்ன பலன் கிடைக்குமோ அது இந்த மந் திரத்தைச் சொன்னாலே கிடைக்கும்!”

அப்படியா... பாபர் மசூதியை ஏன் வேலை மெனக்கெட்டு இடிப்பானேன்? வாஜ்பேயி, அத்வானி, முரளி மனோகர் ஜோஷி, உமாபாரதி போன்றவர்கள் குற்றவாளிப் பட்டியலில் இடம் பெறுவா னேன்?

ராமநாமத்தை ஜெபித்தால் போதாதா பாபர் மசூதி இருந்த இடத்தில் ராமன் கோயில் எழும்பி விடுமே!

கேள்வி: தெய்வம் நின்று கொல் லும் என்பது ஏன்?

பதில்: “மனிதன் செய்யும் தவறுக ளுக்கு கடவுள் அப்போதைக்கப் போதே தண்டனை கொடுக்க ஆரம் பித்தால் உலகில் ஒரு மனிதனும் இருக்க மாட்டான்.”

கொலை வழக்கில் ஜெகத் குருக்கள் ஜெயிலுக்குச் சென்றார்களே, அது யார் கொடுத்த தண்டனையாம்?

கேள்வி: தமிழகத்தில் நவோதயா பள்ளி துவங்க எதிர்ப்பு ஏன்?

பதில்: “ஹிந்தி நுழைந்து விடும் என்று பூச்சாண்டி காட்டுகிறார்கள். நவோதயா பள்ளியில் கல்வி, உறை விடம் எல்லாமே இலவசம். ஏழை எளிய மக்களுக்கு ஒரு வரப்பிரசா தம். இவ்வளவுக்குப் பிறகும் எதிர்ப் பவர்கள் தேச விரோதிகளே.”

அப்படியா சங்கதி; ஹிந்தி நுழைந்து விடும் என்பது உண்மைதானே - இதனைப் பூச்சாண்டிக் காட்டுகிறார்கள் என்று சொல்லுவது பித்தலாட்டம்தானே.

நவோதயா பள்ளிகளில் பிற்படுத் தப்பட்ட மக்களுக்கு இடஒதுக்கீடு கிடையாது என்பதும் உண்மை தானே. இவற்றையெல்லாம் மறைத்து எழுதுவது மக்கள் விரோதம் தானே.

கேள்வி: வேலூர் சிஎம்சி மருத்து வக் கல்லூரி ‘நீட்’ தேர்வுக்கு எதிர்ப்பு தெரிவித்திருப்பது பற்றி?

பதில்: “எந்த முறை இருந்தாலும் அங்கு மலையாள கிறிஸ்தவர்களுக்கே பெரும்பான்மையான இடங்கள்... இது பற்றியெல்லாம் சீமான் வாயே திறக் கலியே? எப்படி திறப்பார்? அவரும் ஒரு கிறிஸ்தவர்தானே...!”

பத்தரை மாற்றுத் தேசியவாதிகள் என்று தங்கள் முதுகில் தம்பட்டம் கட்டி அடித்துக் கொள்பவர்களுக்கு ஏன் இந்தக் ‘குறுகிய’ பார்வை? (இப்படித்தான் மற்றவர்களைப் பார்த்துக் கூறுவார்கள் விஜய பாரதத்துக்காரர்கள்).

சீமான்கள் ஒரு வகையில் ‘ரத்தப் பரிசோதனை’ செய்து பார்க்கிறார்கள் - ஆர்.எஸ்.எஸ்.காரர்களோ ரத்தத்தில் மத ‘குரூப்’பைத் தேடுகிறார்கள். பார்ப்பனர் களைத் தமிழர்கள் என்று மெச்சும் ‘சீமான்’ வகையறாக்களுக்கு இதுவும் ‘தேவை’தான்.

 

- மின்சாரம்

 



.
 

இப்பிரிவில் அண்மைச் செய்திகள்:
இப்பிரிவில் முந்தையச் செய்திகள்:

தமிழில் கருத்துக்களை தெரிவிக்க -  


Security code
Refresh

Banner
Banner